أعفيني {رواية واقعية مشوقة ..~

[BNT KWT]

ناطريين البارت حبيبتي

يعطيج العافيه

 

[rayona]

:s142:iL9ra7a iL8e9a
3jbtniii wayed .. Oo hal a7mad o5ohom gahrniiiiiiii ma y7s b5watah omah e6e7 jedama yhdhom oo y6la3 .. allah y3enhom el bnat wallah ..
Mshkora 7abibtii 3La iL8e9a iL7elwa oo 3La iLpartat iLrw3aa .. na6reen el yay

 

[الجود اصلي]

رد : أعفيني {رواية واقعية مشوقة ..~

عسى ماشر وينج ناطرينج......
:bbbiu:
:bbbiu:
:bbbiu:
​

 

[عروقي بالماي]

الصرحه القصه روعه ونااااااااااااااااااااااااااااااااااااااااطرين تكملينها :tek:


ويعطيج العافيه حبيبتي

 

[Zozαĺiиaђ]

Waiting

 

[بدمي لكويــت]

رد : أعفيني {رواية واقعية مشوقة ..~

رووعه البارتات الي حاطتهم ووووو

نـــاطرينج عسى ماشر وينج طولتي ..!

 

[شريفة خانوم]

مو صج للحين انا حبيت حبيب العمر اكثر
اما هذي غير غير غير كملي متابعتج لا تتأخرين

 

[برضيـكـ!!]

يعطييج العافيه حبيبتي

القصه مبين عليها واايد حلوه وتشووق

بليييز لا تطوليين علينا

ناطرينج

 

[cαяless шнispeя]

للحظة سرحت فيه يوم يفز قلبه علي
ونسيت حتى انه الوالدة بالمستشفى !
يا ترى بتعلق فيه ويقطني نفس
ما تركني بوفواز ؟!
التلفون يرن وما لمحت منو سويت نفسي نايمة
وردة تصرخ : شويييييييييييش قومي شوفي منو داق
بقلبي اقول : منو يعني شدعوة بوفواز

وردة : قومي اهووووووووووو بوفواز
داق شكله درا عن امنا
شيوم : شنو يعني بوفواز خيرر يا طير
عطيني الموبايل وروحي نامي
وردة : والله مو يايني النوم قلبي
معورني على امي !
لميتها وبجينا وبوفواز للمرة الالف يدق وانا طناااااااااااااااش
امل : ردي عليه لا يموت علينا هالشيبة

شيماء : خيولي زين عندي اللي يسواه
وردة : شيوم ضبطتي الشرطي @@
امل : امبيه شنو هالاسلوب السوقي شنو
ضبطتي

لا تنسين انه شيوم اختج العودة

شيوم : انتو خليتو فيها عودة طسو مناك بنام
وردة : اباطكووووووووووو بنام عندج ولهت على امي
شيوم : ماتبين اعطيج ممية
وردة : لا ماحب اشرب حليب بقر نفسج
تهاوشنا بالمخاد وتطايرت وعفسنا الغرفة
شيوم : ايصج استحي على ويهج ملابسج بكل صوب
وردة : منو بيدش عندنا با حظي
اقول بقلبي ماتدرين خخخخخخخخخخ
شيوم : قومو نامو شفيكم تخزوني انتو الثنتين
مابي ارد عليه شنو شوية اللي سواه فيني !
وردة : ياج مسج لا يكون اهو
كاتبلي مسج ( ردي لا اكسر باب بيتكم
عليج انتي لي انا بروحي )
حطيت راسي ونمت !
على شنو واثق اني برد
بلا ارف بلا نيلة ههههههه
ناقصني هالشايب بعد
صار الصبح البيت فاضي اسمع
الخدامة ماما بابا يبي انتي
شيوم : انا ميتة جم مرة قلتلج اني لما انام امووووووووت
اف اف طار النوم
طلعت اغسل ويهي واروح حق امي المستشفى
لقيت الاخ قاعد بالصالة !
شكلي غلط بجامة شورت وشعري منفوش

بوفواز : شيماء

شييما : خير شيايبك من صباح الله
<< من داخلي مشتهية المه حيييييييييييييييل
بوفواز : وحشتيني مافيه بوسة
لعزوزج ولا حتى سلام من بعيد
شيماء : شفيه محمد عبده
الله يعافيك خواتي نايمين وامي بالمستشفى
بعد اذنك محد موجود !
بوفواز :لا خواتج ولا الخدامة توني
قلتلها تروح الجمعية !
شيماء زين شمقعدك اطلع لا ايي اخوي
ما تسوى علي بليز
بوفواز : احبج وابيج لي بروحي
شيوم : ههههههه ضحكتني
حضني بقوة وصرخ علي : هشششششششششش
مابي اي صوت
بوفواز : سمعيني عدل لا يكون في بالج اني
ما شفت الجلب اللي دخلتي معاه امس !
واذا كان هذا جوج يعني بتاع كله عطيني
انا بعد ابي كل شي فيج لي!!
كان ابشع من اي صورة ممكن اوصفها
سلب مني الستر سلب مني شرفي !!
صرخت قاومت طقيته توسلته يتركني !!
بس ما قدرت فجأءة خارت قواي !
واخذ اللي يبيه !
وما تركني الا لما سمع صوت الخدامة
يايبة الاغراض !
شلون صار ثعلب في يوم وليلة !
بعد ما كان يحتويني بكل حنان !!

​

 

[cαяless шнispeя]

كان كابوس فظيع !
اربع اسابيع بجي وهواش مع خواتي وكل من يكلمني اصرخ فيه
امي ما ادري عنها
ما حركني من سريري الا رجعتها للبيت !!!
أسوم : قومي شيوم تكفين شفيج كا امي
ردت البيت بسبتج !
يا حلوها امي تحاتيني ما تدري انه بنتها
انتهت في لحظة حقد من انسان حقير
دشت الدار تلمني وتبجي ياترى حست باللي صار ؟
امي : شيوم شفيج يمه ليش ما تمرين امج
شكلي كبرت وشيلتكم المسؤولية مبجر
شيوم : لا يما ما اطلع من يزاج والله بس !!
امي : بس شنو شيوم تحجي فيج شي يما
وايد قلبت السالفة بمخي اقولها والا !!
شيوم : بعدين يما
نطرتها تدش دارها
صليت وبجيت وطلبت ربي يهون عليها الصدمة !
ريولي اسحبها غصب على غرفة امي
دخلت الدار وبوها احلى ابتسامة امل !
ممم شجعتني اتكلم
شيوم : يما
امي : عيون امج يالبطة شفيج يابنيتي
شيوم << ابجي : يما انا ...
امي : لا تخرعيني عليج
الله يستر شكلها للحين تعبانة
قلتلها السالفة طقتني بيدها التعبانة المنهكة
تطقني وتلمني مو عارفة شنو تسوي ماما فديتها
ورحت ابجي بعد ما بست ريولها
تسامحني على اللي صار !
ما تكلمت خواتي ما درو اني علمتها
لأنهم اساسا ما يدرون باللي صار
ما نمت انطر الصبح يصير عشان اقعد امي
ونفكر بحل للمشكلة اللي انا فيها
اسوي نفسي نايمة اتهرب من عيون وردة وامول
الساعة خمس الفير العادة نقعد امي تصلي !
وردة : بنات امي مو راضية تقعد اخليها
ترتاح يمكن تعبانة من المستشفى
ركضت امل تجيك على امي
امل : يماااااااااااااااااااااااااااااااااااااااااااااا
صراخ وبجي !
وماتت الغالية من قهرها علي !
ماتت الحنونة بسبة الجلب واللي سواه فيني !
ماتت ودفنت معاها سري !
رحمة الله عيج يما !​

 

[cαяless шнispeя]

مرت 5 سنوات على آلامي !

مرت 5 سنوات واخوي ما حتى لمحته من عقب عينج يا يمه !!

كنت انا سبب وفاة أمي يعني خلاص بتلاحقني لعنة غضب الأم !!

امول وردة تزوجوا مابقا الا انا في البيت
اضطرينا نبيعه عشان نفتك من قضايا اخوي بالمحكمة
اسومة مع زوجها بامريكا يدرس وولدها معاها
وردة تزوجت واستقرت ما نشوفها الا وين ووين
امولة ملجت ودخلت بدون عرس بسبة سنوية امي
دورت لي شقة على قدي واستقريت فيها
قررت التحق بالدراسة برا يمكن اختفي عن عيون الناس
لأن خواتي يخافون على رياييلهم كل شوي معايرينهم فيني
اليوم يوم وداعي لخواتي بالكويت متوجهة الى القاهرة
وردة : شيوم ديري بالج على عمرج لا احد يقص عليج
شيوم : يلا مناك شقالولج جم عمري هههههههه
امل : كبرنا يا بنات << تبجي
وردة : ولين انتي لي متى هالشاعرية ههههههه
لمينا بعض وبجينا كان موقف حلو وصعب
من باجر ببلش حياة يديدة بروحي راح اختبر شيماء الحقيقية بالغربة !
اسوم دقت تودعني بغربتها : لا اله الا الله
شيماء : محمد رسول الله
اسوم : بؤلك ايه يا بت عاوزة اجيكي الجامعة هههههههه
شيماء : يا معودة تكفين ابي اشوفج والله ولهت عليج
اسوم : شيماء ديري بالج على عمج ما اوصيج يالغالية الحين ما بقا لنا الا اسامينا

شيوم : راجعة محامية العايلة قولي امين
اسوم : الله يبلغج مرادج حبيبتي
امل : عطيني ااحاجيها
شيوم : فصل يالقبسة هههههههه
وردة : يلا بنات اختارو مطعم نبي نتعشى العشاء الاخير
شيوم : اسم الله علي يا ساتر شنو بموت @@
امول : شيماء امنتج الله لا تسمحين لنفسج تمر دقيقة من التردد في بالج !
اول ما تحسين انج مو قادرة تكملين مناك ردي بلا دراسة بلا هم
وردة : يا حظي هذا بدال ما تشجعينها

مشاكسات خواتي لول

انتهى اليوم بدمعة وصلاة وحلم !
دمعة على فراق خواتي وعلى حزني على فراق
امي في هاللحظة اللي ممكن تغير من حياتي الكثير

!
وصلاة توسل الى الله ان يغفر لي ما قدمت في حق امي !
وحلم في خيالي ان اخلص دراستي واخذ شهادتي ​

 

[cαяless шнispeя]

في ارض الكنانة !!
وصلت ودموعي بعيني
كنت اتمنى اني على الأقل اكمل دراستي مع امي !

ماعليه شيوم هذي اولى خطوات النجاح لازم
تعتمدين على نفسج << كانت هذي روحي تشجعني
ماعاد لي احد سوى روحي !
بوفواز صفحة قذرة طويتها
الشرطي حبوب مغازلجي شطور ^^
الله يوفقه بحياته كان خوش ولد
يا ترى منو بلقى بحياتي !
هل قلبي بيدق بهالغربة !
ودعت همومي وكاني بديت اولى مراحل التفوق !
انا مصرة اني اتفوق ومصرة اني اخذ حقي
وحق خواتي من اخوي الظالم
بيعنا كل شي وكل وحدة ماتمتلك اكثر من ذكرياتها !
ودعت ديرتي ودعت قبر امي وابوي واحلى خوات ودعتهم
كنت اتوقعها سهلة واني اقدر ادبر اموري !
لكن الظاهر لا !!
ممم طيب منو بيدليني سكن الطالبات

شيماء : اخوي لو سمحت
... : اهلا يا فندم اامريني حضرتك
شيماء : اخوي انا كويتية ومتغربة ياية ادرس عندكم

وابي اعرف بس وين فيه السكن
... : شوفي انا انسان طول عمري بحلم اشتغل في الكويت
وانا ححطك في عنيا انا والمدام والولاد
شيماء : لا اخوي انا مابي سكن بس دلني

.... : بؤلك ايه يا بنتي كلنا حزنا على الكويت
بعد الوحش صدام ما غزاها

دحنا كنا في الجيش التحالف
شيماء : وليـــــــــــن

اخوي لو سمحت ماله داعي قصة حياتك ابي احد كويتي هني

الظاهر سمعني ورد علي شاب ظريف ملامحه اسمر
وخشمه مو حلو بس اكيد انه كويتي
مادري ليش احساسي انه كويتي : سمي
شيماء : سم الله عدوك يارب اخوي ابي سكن
طالبات
جامعة عين شمس انا كويتية مبتعثة للدراسة
........ : اسمي احمد من البحرين اقدر افيدج خلي عنج
الاغراض يوصلها لج الدريول السيارة
شيماء : اخوي ما اقدر خو ماعرفك ما يصير اروح معاك

مو كل من حاجاني بروح وياه

احمد : اختي انا دبلوماسي ولي وضعي بهالديرة
يعني ليش اغامر بمكانتي
واخطفج ضحكتيني والله

<< استحيت صج على شنو يا حسرة بيخطفني

شيماء : زين اخوي لو توصلني بكون شاكرتلك
احمد : اي خو ماقلنا لا انتي هدي الهاند باغ
مجلبتن فيها عطي الدريول اغراضج
شيماء : اخوي لا تؤاخذني انا حدي خايفة لأن الوضع غريب علي
ركبنا السيارة وصلنا جريب السكن قرق على مخي وايد بالطريج

وقفت السيارة ونزلت ونزلي اغراضي الدريول على قولتهم
وشكرته
احمد : شيماء اي شي تبينه بمصر انا مقيم
حاليا هني هذا رقمي وان ضاع والا احتجتي تشوفيني
ضروري انا بالسفارة متواجد على الاغلب
بالسفارة لا تترددين وتيين
وديري بالج احد يكسر خاطرج مني انتي
محتاجة مصروفج لا تصرفين عليهم
اهني وين ما تمشين بيمدون ايدهم ان عطيتي
واحد ماخلصتي منهم !!
شيوم : اوكي احمد شكرا لك

مد ايده سلم علي
كان وايد راقي بالتعامل يمكن لأنه رجل دبلوماسي
وخايف على اسمه !!
يمكن

وصلت السكن وخذيت وضعي على اساس اني
برتاح وانزل اتعرف على البنات المغرب

​

 

[cαяless шнispeя]

طلعت غرفتي
شيماء : السلام عليكم
بنتين ماعرفهم : هلا والله تو مانورت مصر ^^
ابتسمت : فديتكم والله شكرا هذا نوركم اسمي شيماء
......... : انا مريم سنة اولى اداب عين شمس
شيماء : هلا فيج مريم
مريم : وجارتج بالسرير
شيماء : الله يعينج على شخيري هههههههه
مريم : لا عادي اخذي فراشج ونامي برا من الحين لول
<< انصدمت شنو هالميانة بس ضحكت وجاملتها ^^
..... : انا سهام نفسج مادري شسوي جان ايي عند
مريم جارة بيت خالي قبل جم سنة ^^
شيماء : هلا فيج والله وين قبلوج
سهام : احم احم حقوق ^^
شيماء : حلفي يعني باجر ماراح اعاني بروحي
سهام : @@ انتي بعد @@ حلفي شكلج بتعانين
بس مو بروحج لول
شيماء : تكفون حدي بنام بعدين عفية لا زم اشوفكم
ابي نسولف ونحدد مصيرنا ههه
مريم : مممم من الحين بنختلف شيومة ^^
شيلي جنطتج عن سريري :/
شيماء : هههه عادي وين سريري حبيبتي
مريم : الثاني اللي عليه جنطتي هههههههههههه
لا تزعلين الحين بشيلها
شيماء : اي والله حدي تعبانة فديتج ما تقصرين بروح
ارتب اغراضي بالحمام واخذ شور وانام
مريم : اخذي راحتج حبيبتي احنا سهاري اليوم
شيماء : عن اذنكم
دق تلفون سهام << تبجي : هلا يما ان شاء الله يما
لا تحاتين اي

يما اكو بنت جيران بيت خالي علي عرفتيها
يما اي اي مريم ما غيرها
<< تأشر حق مريم واهي مستانسة انه امها تطمنت عليها
مريم : دقيتي على اهلج شيماء ؟
<< بقلبي اقول على منو ياحسرة :/
شيماء : اي حبيبتي كلمتهم بالمطار اول ماوصلت
وطمنتهم بس ممم صديقتي ماطمنتها علي :/
شوي عقب ما اقعد راح ادق عليهم يلا قبل
لا يروح اليوم يا دوب بنام شوي ^^
خذيت شور وكنت اسمعهم يضحكون
حسيت بجو الفة ووناسة لأنهم كبري بس هم تضايقت لأني
ما تعودت غير خواتي يشاركوني اغراضي :/
لبست ونمت عقب مااعتذرو عن الازعاج ونزلو يكملون سوالفهم تحت​

 

[cαяless шнispeя]

قعدت من النوم على ريحة زقاير وعلى صوت بنية تبجي !!
ياربي شنو هالأرف

شيماء : بنات شامة ريحة زقاير عفية بلغو المسؤولة عن السكن

مريم : لا واللي يعافيج عن الفضايح انا اللي ادخن
شيماء : زين انا ما اتحمل ريحتها حبيبتي بسرعة صدري يتنغ :/
مريم : وي سوري مو قصدي والله لا يكون قعدتي والسبة الزقاير ؟
شيماء : صراحة اي
مريم : ممم تبين تكملين نومتج روحي الحين اقوم
ابخر الغرفة واسفة مرة ثانية بس بليز لا تعلمين احد
شيماء : اوكي

مريم : تبين موبايل تحاجين امج ؟
شيماء : لا شكرا
مريم : حرام خو الا حلوة اللبن هذي مايمر يوم كامل
الا واسمع صوتها يا قو قلبج شلون تقدرين ؟
شيماء : مريم امي متوفية
مريم : انا لو انجعم مو ابرك

ام سوري والله
شيماء : لا حبيبتي عادي
مريم : عيل هاج حاجي ابوج وفضفضيله ماتتخيلين
الابو بالذات شلون قاعد يفكر فيج :/
شيماء : مريم انا يتيمة ام واب

مريم : امبيه ياقلبي انتي << لمتني وبجت !!
شيماء : لكن ما راح اردج بالحنونة وبدق من تلفونج ^^
مريم : اقول مو تطولين وتصدقين عمرج

شيوم : امبيه انتي فصلة

خذيت زاوية ونزلت اهي تيبلي عصير برتقال وتستأذن من
المسؤولة انه نطلع نتمشى بالساحة المخصصة لسكن الطالبات
انا واهي شوية قبل فترة النوم !
دقيت رقمه : الو سلام عليكم
احمد : هلا شيماء شلونج زين والله دقيتي كنت افكر فيج

شيماء : زين ذكرتني ماشاء الله
أحمد : ياترى مرتاحة ؟
لا حشه :/ ويني وين الراحة اكو وحدة بعيدة عن ديرتها ترتاح
احمد : حضن الام غير ادري يالغالية قاصرج شي ؟
شيماء : احمد انا يتيمة أم عموما
بس كنت ابي اتطمن عليك واطمنك لأن
ما عندي احد مني الا انت وكم من وحدة تعرفت عليها
احمد : اييييييييه عليج تهبلين شيوم تغطي عدل
مني برد مو نفسكم لا ^^
شيماء : اي حاضر
احمد : قولي يالشيخة قاصرج شي؟
شيماء : احمد والله مستحية منك
احمد : قولي احنا ربع لا

شيماء : اكيد ربع زين ممكن اشوفك اذا سمحلي الامر ابي
اروح السوق ومادري شلون
اطلع من هني عشان قاصرني
شوية اغراض صراحة مايبت كل شي معاي :/
احمد : قاصرج فلوس الحين امرج اعطيج ؟
شيماء : لا خو مو فلوس بس قاصرني احد
اعرفه على الاقل
مابي امشي بهالديرة وانا ما عرف احد على الافل احس بالآمان
مريم : مكالمات يا حظي :/
شيماء : زين احمد اذا وصلت السكن دق علي
احمد : يعني امرج الحين ؟
شيماء : مادري:/
احمد : اي خو فهميني يا بنية وين احطلج فلوس وين اشوفج
صكيت الخط :/ استحيت من مريم وايد خزتني وتسمعت وايد :/
مريم : هااااااااا منو احمد @@
مداج توج واصلة مداج تعرفتي هههههههههههه
شيماء : ها @@ لا حبيبتي هذا ولد خالتي يدرس مني :/
مريم : سوري شيوم انتي ما تعرفتي علي
عدل جان مازعلتي كل كلمة والثانية
شيوم : لا عادي مو زعلانة الموهم ابي اطلع عادي
مريم : اي عادي بس لازم ما نتأخر عن العشر
لأن هذي شروط السكن :/
شيوم : زين يلا سي يو
مريم : وين يالخبلة @ً@
شيوم : عفوا !!

مريم : اف شيوم بليز خلج كول مو كل كلمة تزعلين
شيوم : لا مو متعودة والله بس مو مشكلة
قولي ليش ما اطلع ؟
مريم : لا تعلمينهم انج طالعة مع واحد !! مو حلوة بحقج :/
شيوم : امبيه شفيج بروح اشوف ولد خالتي وارد
مريم : حتى لو !
شيوم : زين ممكن تلفونج اعتذر منه !
الخدامة بالممر شيماء << ومعاها جرس !!
مريم : جيكي البقرة شتبي
شيماء : مريم لا تقولين عنها بقرة خو ادمية
ومرة عودة بعد حرام عليج
مريم : زين انا بقرة يلا بروح عند رفيجاتي حدج كئيبة انتي

الخدامة : تعالي يا ماما عاوزاكي المشرفة تحت
شيماء : حاضر يما

الخدامة : ربنا يخليلك مامتك
<< كانت هذي المرة المليون من ادش مصر اذكرج يا يما !!
الف رحمة ونور تنزل عليج يا يما

​

 

[cαяless шнispeя]

ادري طولت عليكم بس المنتدى غصب يبطل معاي


ولهت عليكم وشكرا على الردود توقعاتكم وآرااءكم تهمني

 

[rayona]

امبييييييييه حقييييييييييييير بو فوووواز قهرني ليش يسوي فيها جذي حسبي يالله عليه .. :rgewrg:

كسرت خاطري شيوووم:eh_s(2): .. بس انشاءالله تحقق حلمها و ترد حق خواتها محاميه ..

مشكورة حبيبتي على البارتات الروووووووعه ناطرين الياي ..

 

[الجود اصلي]

رد : أعفيني {رواية واقعية مشوقة ..~

ولهنااااااااااااااااااااااا عليج
ويعطيج ع البارتات وانشاءالله ناطرين.......... ​

 

[البارونه*_^رونه]

:23_asmilies-com:وآآآآآآآآآآآآآآآآآي حقيرر بو فواااااز ليش يسووووووووي جذي مليق حقيررر وربي


كسررت خااطري شيوووم يااارب الله يصبرهاا ويقووويهاا وينصررهاا على قووم الظالمين ياارب

ويردهاا ان شاءالله محااميه


ويعطيييييييج العاافيه ياارب

نااطرينج

 

[بدمي لكويــت]

رد : أعفيني {رواية واقعية مشوقة ..~

يــا غيب ليـه ماتسأل عن احبابك الي يحبونك>>>>احم المهم


نووورتييي نووريتي وينج يامعوده مانشوفج ولاشي ولهناا عليج بس تؤبريني على البارتااات الروووعه الي كاتبتهم وحدهم اكشن و امااا بو فواااز حسبي الله عليه يا عل حوبة شيماء ماتعداه قطيعه عينه قويه حلايا الشيب>>ملوع جبدي

المهم حبيبتي مشكوره و يعطيج العافيه ناطرينج تبخينا ببارت يديد

 

[MeeMeeYoo_2]

رد: رد : أعفيني {رواية واقعية مشوقة ..~

بو فوااز مو من صجك ;s


يعطيج العااافيه