أتوقع أريح حل لي الطلاق.. انتو اشرايكم؟

[منال $]

الله يعينك يارب
زي ما حكوا الصبايا لازم وضروري تحكي مع اهلك واهلة
يعني ما عمري شفت رجال ما بيغار عامرتة - قبل كم يوم وحدة بالمنتدى كاتبة اتها بدها تطلق عشان زوجها بدو يلبسها عباية
لا وبيقلك البسي مايوة ( لا طاعة لمخلوق في معصية الخالق)

وانتي كمان استخيري ربك
والله يكتبلك الخير يارب

 

[-Bello-]

حاولي تغيرينه وصيري ذكيه الطلاق مو الحل ..

 

[!! شوق !!]

مادري ليش المره ترفض الطلاق عشان لاتصير مطلقه او عندها بيبي ..

هالولد اللي انتي خايفه عليه .. بيعيش فبيت مافيه احترام
مافيه ابو كفو
فيه مشاكل
فيه ام تكرف ليل نهار لدرجه ممكن تقصر بحقه

شالفايده تاجلين وهذا مهو متعدل .. لانكون سلبييين لو فيه يتغير جان تغير من اول ماحملتي الا قام يزيد

تصبرين لين تنامين على حره ويصير فيج شي ؟؟

دام اهلج زينين بيقومون بولدج ويعوضونه عن اميه ابوو ..

فكري بعقلج مو قلبج .. كافي استنزاف لصحتج وفلوسج وراحتج

 

[دنيا جديدة]

سمعي هالقصة
http://www.abdelmohsen.com/play-990.html


اربع خطوات تسوينها تنفرج كربتج بأذن الله
http://www.youtube.com/watch?v=usQYi0nqIxY
افزعي لهذة
http://www.youtube.com/watch?v=kNWdYU2Fc34
من لزم الا ستغفار جعل الله لة مع كل ضيق مخرج ورزقة من حيث لاتحتسب
ومن صل ع الرسول فرج الله همة وهذا الدليل
http://ar.islamway.net/lesson/62973?ref=search
الله يكون بعونج
لا تقولين لااهلج يعايرونج فية واخذي قرارج بروحج بعد الا ستعانة بالله وسبحانة يسمع دبيب النمله

 

[ام سعود ديكسون]

دنيا جديدة >>> الله يجعل نصيحتج في ميزان حسناتج

و بنات أسهل ما علي أقولها تتطلق
الكلمة لي انقالت أسهل من الفعل
بس أنا ما اشجعها مو من السلبية
لا حشاااا

حبايبي الشرع حلل الطلاق
لكنه ابغض الحلال و يهتز له عرش الرحمن

و الزواج يبيله صبر
نفس ما قالت أختي بنت المطر
من نطلع من بيت أبونا الوضع يتغير

اشوف وايد عضوات ينصحون بمواضيع ثانية بالطلاق
بس بقول شي انتوا بنهاية اليوم تردون بيوتكم نايمين عند اهلكم او رياييلكم
و هالفقيرة بتحوس ما تدري بأجر يمسكها من الايد اللي تعورها النفقة او الحضانة
و بين محامي و بين خوال بيربون هالبنت او هالولد
وبين إسالة الياهل وهمومه لي كبر

ع الاقل لي جربت كل الحلول
بتحط راسها ع المخدة مرتاحة
و بتقول أنا لجات لكل الحلول لكن ربي قدر و كتب
سواء استمرت او انفصلت
و ع الاقل لي كبر الياهل عندها ردود منطقية لكل تساؤلاته
سواء عاش بين ام و ابو او بين جد وخوال

أتمني اكون اتقيت ربي في بيتج أختي وانا أنصح
و اعتبرتج وحدة من اهلي مو مجرد بنت في المنتدي

 

[ام سعود ديكسون]

دنيا جديدة >>> الله يجعل نصيحتج في ميزان حسناتج

و بنات أسهل ما علي أقولها تتطلق
الكلمة لي انقالت أسهل من الفعل
بس أنا ما اشجعها مو من السلبية
لا حشاااا

حبايبي الشرع حلل الطلاق
لكنه ابغض الحلال و يهتز له عرش الرحمن

و الزواج يبيله صبر
نفس ما قالت أختي بنت المطر
من نطلع من بيت أبونا الوضع يتغير

اشوف وايد عضوات ينصحون بمواضيع ثانية بالطلاق
بس بقول شي انتوا بنهاية اليوم تردون بيوتكم نايمين عند اهلكم او رياييلكم
و هالفقيرة بتحوس ما تدري بأجر يمسكها من الايد اللي تعورها النفقة او الحضانة
و بين محامي و بين خوال بيربون هالبنت او هالولد
وبين إسالة الياهل وهمومه لي كبر

ع الاقل لي جربت كل الحلول
بتحط راسها ع المخدة مرتاحة
و بتقول أنا لجات لكل الحلول لكن ربي قدر و كتب
سواء استمرت او انفصلت
و ع الاقل لي كبر الياهل عندها ردود منطقية لكل تساؤلاته
سواء عاش بين ام و ابو او بين جد وخوال

أتمني اكون اتقيت ربي في بيتج أختي وانا أنصح
و اعتبرتج وحدة من اهلي مو مجرد بنت في المنتدي

 

[((البرنسيسا))]

زوجها ماعنده أخلاق وهي تقول كلمته ومافاد

هذا غير الأغراض والواقي إلي طلعته من أغراضه

وتبونها تعيش معاه لا جد حرام بيجرمون بالياهل

لأنه ماراح يلاقي البيئة المناسبة له

الطلاق موسهل بس هو أحسن شي في هالحالة

 

[((البرنسيسا))]

عموما القرار بالأول والأخر بيدها وهذي حياتها وهي أعلم فيها

الله يوفقها ويسر أمورها ويفرج عنها

 

[^^فديت الكويت^^]

لا حبيبتي انا من رايي لاتتطلقين
ولا تنسين ان بينكم ياهل يعني حرام الياهل شنو ذنبة

الله يفرج عنج كل همج انشاالله
والله يهدي ريلج

 

[bride2011]

شوفي انا مطلقه بس مايد انج تتطلقين
حاولي مره ومرتين واكثري استغفار ودعاء

 

[Senora]

استخيري ربج .... ومثل ما قلتي بتنطرين عليه فتره ... حاولي تكلمين امج شوفي شنو رايها .... الله يهديه بس

 

[مطيرية متواضعة]

اذا يغار حييل قلتوا ذبحني بغيرتة واذا افري تكلمتوا شنو يعجبكم هههههههههههههه

 

[..rum rum..]

يعطيكم العافيه بنات مشكوررين وايد وايد كلام بعضكم وايد ساعدني
ومشكوررين كل اللي دعولي و مشكوره ام سعود ديكسون على روحج الحلوه
الله يوفقكم بحياتهم ويفرجها عليكم وين ما كنتو

آنا كلمته بموضوع الانفصال و قلت كل اللي مو عاجبني
و اهوا ابدا استعداده على انه بيغير كل شي
وبعطيه فرصه هالمره وان شاء الله خير

مشكوررين مره ثانيه

 

[تفاءل بالغد]

عزيزتي دخلي اهلك في موضوعك وعطيه فرصه لا تستعجلي بالطلاق والله يغير حالك للاحسن