أتوقع أريح حل لي الطلاق.. انتو اشرايكم؟

[دكتواره]

لا تكككين الا طلاق صدقيني بيتعذب الجنين لا اصبرري

 

[* ليــــدي *]

بصراحه ياقو اعصابج ماشاءالله ..
يعني انا لو يقولي البسي مايوه وطبي بالبحر احتمال اكيد اني راح احذف عليه اقرب شي عندي عشان يعرف شلون بتكلم ..


استخيري والله يعينج

 

[..rum rum..]

انتي نفس قصتي بالضبط مع فرق بسيط ريلي كان الععععن
و تبين الصج احسن حل الطلاق بس حق حالتج صعبه بينكم ياااهل
غلطتي نفس غلطتي سكت ما خليت احد يوقف ويهه و اطلعله اعذار و ما اطلع صورته بالشينه لو شنو بس لي متى ! ٨ اشهر متحمله بس الحمدالله ما دخل علي و حتى لو دخل الحمدالله مو حامل هني اقولج احسن حل الطلاق لان ذيل الجلب طول عمره عوووووي
بس انتي حامل فكري بالياهل اللي بينكم شنو ذنبه ! ترضين باجر الياهل يتغربل مره عند امه و مره عند ابوه و ما ياخذ حقه مثل باقي اليهال
لازم تسوين ستوووووب و تحطين حدود حق تصرفاته مو من باجر لا من الحييييين لازم يتهيا هذا باجر بيصير بو شلون بيتصرف و لا تعلمينه تصرفين عليه والله اكبر غللللط بتاكلينها بعدين اصا انتي بديتي تاكلينها صار اتكالي مثل طليقي يبي كل شي جاهز و اهوا مرتاح و انا اللي اشقى قطي عليه كل شي و لا تساعدينه حتى لو يحتاج علميه يدبر ادري بتقولين شلون ما اساعد ريلي انا اقولج كلها فتره يتعدل بعدين ساعديه اذا احتااااج بس عشان لا يرد يتعلم اخذي نصيحتي انا مجربه و توه مر اسبوع على طلاقي و هالاسبوع استلم ورقتي بس ما انصحج تطلقين حاولي تعدلينه غصب مو طيب بعد

والله كلامكم شجعني اني اخذ موقف بنات و احسم الموضوع
ان شاء الله راح أحسمها هاليومين

مشكوره عالنصيحهom-3azo-83z

 

[..rum rum..]

مشكووورين كلكم بناات..
شجعتوني اني اتحرك و ارد عليه لأني صج أحس اني بنفجررر
اليوم لازم أتخذ موقفي و اليوم أو باجر بحاول أحسم الموضوع
و راح أبلغكم شنو صار معاي

 

[om-3azo-83z]

بشرينا شيصير معاج بس لا تكلمينه بعصبيه لا كلميه بهدوء و جديه كللللش لا تعصبين ولا تضعفين

 

[solitude]

الله يفرح قلبج وييسر امورج
البنات كفو قالو اللي كنت بقوله

 

[انونا]

مشكووورين كلكم بناات..
شجعتوني اني اتحرك و ارد عليه لأني صج أحس اني بنفجررر
اليوم لازم أتخذ موقفي و اليوم أو باجر بحاول أحسم الموضوع
و راح أبلغكم شنو صار معاي

لا حبيبتي تلحلحي الحين يا امي
قوليله خلاص ستوب شناطره
خل يتعدل قبل لا تولدين مو علشانج علشان ولدج
خليه يتحمل مسؤليه لو حتن تاخذين اجازه من دون راتب وتقوليله استقلت لان تعبت
خليه يشيل البيت ولا تصرفين امية فلس عليه علشان يتعود
خل يعطيج مصرف لان من حقج
خل يعرف الي لج وعليج ويصير ريال خل اهلج وامه تدري عن سوالفه
خليه اهو يروح الجمعيه وايب اغراض لو حتن ما كان فيه شي بالبيت
واذا قلتي كلمه او خذيتي خطوه لا تتراجعين فيها
ادري اول فتره راح يصير صعب ومشاكل لان ما تعود لكن مع الممارسه وقفتج معاه واسلوب الحزم ان شاء الله بينفع معاه
والله يوفقج حبيبتي بس الصراحه قلبي حرقتني عليج

 

[cute cat q8 ack]

هذا ريال ما عنده احساس شنو يبيج منظر جدام الناس انا من رايي الطلاق طبعا احسن حل انتي توج عالبر واذا ياهل واحد ولا انج تيبين كوكش يهال وانته على ذمته
يبيج تلبسين بكيني وتقطيت حجابج وييين الغيره باجر شلون بيربي بنته ولا بنته على اشياء غلط
وبعدين اذا متعود تصرفين على روحج وعليه وقاعد بالبيت مع احترامي هذا مو ريال المفروض معاشج لج واهوه اللي يصرف عليج
وقولي حق اهلج كل اللي صاير بينكم لاتخشين عنهم شي هذيل عزوتج ماراح يرضونلج هالبهدله
والطلاق لا تقولين نظره الناس وكلامهم خليهم آخر اهتمامج اهم ما عليج راحتج وراحه بالج ودامج ببدايه الطريج باجر ما تدرين ربي يرزقج باللي احسن منه

 

[ضــمــاد]

1: غلطتي لما صرفتي عليه
2: بقوامه لرجل .. ومن واجبات الزوج النفقه + المسكن + المعامله الحسنه
أنتي اللي تنازلتي لاشعوريا ً عن حقوقج .. الزوج في بداية الحياة يكون مثل العجينه ممكن يقاوم ممكن يحاول يغيرج ممكن يجيس نبضج
وان شافج بديتي تتنازلين يعجبه الوضع ويرتاح ويعتمد عليج .. وباجر مع العمر .. لو قلتي له ابي فلوس راح يستنكر طلبج

3: غلطتي لما سمحتي له يمد ايده عليج .. الزوجه تصبر على ( سلوك زوجها )
لانهم مختلفين بما انه كل واحد من بيئه مختلفه وتربيه مختلفه
لكــن ( الأخلاق ) ماتسكة عليها .. لما أخلاقه تكون مو شي .. المفروض ماتسكتين ..


4: الحل .. أنج تشرحين الوضع لشخص من اهلج تثقين بعقله .. ( أبوج مثلا ) وتقولين لأبوج ..

يكلمه ويحسسه انه وراج اهل شارينج و همهم راحتج .. ولازم يرجع يشوف له وظيفه .. شنو حضرته متزوج عشان تصرفين عليه

وبالمقابل أنتي رفعي ايدج .. لاتدفعين من جيبج صبري .. صبري صبري .. والخدامه خليه اهو يدفع معاشها ..

وأبيج ترسلين لي عالخاص لانه مشاركاتي قليله وماقدر ارسلج .. بقولج شي

 

[..rum rum..]

أول شي مشكوررين بنات على تفاعلكم معاي

آنا وايد أفكر بالطلاق والله و مرات أقول لا نطري اشوي
وبعدين أحس الطلاق مو شي يخوف .. ياما ناس تطلقو وربو عيالهم أحسن تربيه
و ماكان ناقصهم شي , مادري بس هذي وجهة نظري

عالعموم آنا بشوف ابوي شنو يقول و شنو يقرر عقب ما يعرف الموضوع و يتفاهم معاه
لأنه ابوي وايد يفكر بعقله عكسنا انا وامي دايما تغلبنا العاطفه
و ان شاء الله خيرر :eh_s(13):

 

[..rum rum..]

1:



وأبيج ترسلين لي عالخاص لانه مشاركاتي قليله وماقدر ارسلج .. بقولج شي

سوري ضماده بس انا بعد ما أقدر أرسل رساله بالخاص مشاركاتي شويه

 

[كويتية خجولة]

لاتداومين لانج حامل وتعبانه وقعدي بالبيت وجيبيلج خدامه والله يهديه لج وحاولي تقولين لاهلج عن سوالفه وانشالله يتغيرر.

 

[تذكر خافقي رمحك]

بفهم شلون رضيتي تعيشين مع رجال من البدايه متزوجج عشان لبسج لج وتكونين برستيج فقط لاغير
انتي مو تقولين عيشة اهلج حلوه
تطلقي وردي لهلج وربي ولدج بسلام واذا جاج نصيب ثاني توكلي علي الله
اما انج تتحملين وتكودين بهالعيال باجر عيالج بيلومونج ليش ابوهم عوج ومايشرفهم
حرام تستمرين معاه وحياتج بهم وغم
حبي نفسج ودوري مصلحتج وراحتج
انا ضد ان البنت تنفصل اذا كانو اهلها ناس مايشجعون بس انتي مدحتي باهلج
زوجج ماراح يتعدل لو تجيبين له درزن عيال

بفهم شلون مدحوه لبوج وفيه كل هالعيوب

:rerrerek:
وأشين شي بالريال ان ماعنده غارية
باجر اذا يبتي بنت شبيهبب فيها

 

[شباصـه فرنسيــه]

استخيري ررب العالمييييين
مع اني اقول لو تتطلقييييين ابركك لكك بكرهه تجيبين عيلةة وتتبهدلييييين
لان الرجال اللي مو كفوو خل يولي ..
وموفقةة ي رب

 

[حورية الكويت]

حبيبتي انا ماني شايفة فيه ذرة خير

وين هالريال الي مدحوه !!!

والله بيت اهلج احسن الف مرة من هالعيشة !! و مع ريال اناني

شكلج ما كلمتيه قبل الزواج .... المفروض الوحدة تعرف الشخص في فترة الخطوبة قبل الزواج جان وايد اشياء عرفتيها و قدرتي تقررين

الله يوفقج حبيبتي

و خل البنات الي ميتين على الزواج يشوفون شنو الي ايي من الزواج !!

 

[((البرنسيسا))]

حبيبتي الله يعينج ويسهل أمورج يارب

أنا أقول الطلاق أحسن حل إذا هو جذي وماعنده أخلاق

باجر شلون بيربي جيل واعي ومحترم

أصلا بيكون له تأثير سيء على الطفل مستقبلا لأن الطفل

بيلاقي قدوته جذي فشلون بيطلع أكيد أردى وألعن

في النهاية القرار قرارج فكري بعقلج والله يوفقج

 

[بدوردا الأموره]

قطيعه شنو هذا اللي يعينج على مابلاج

 

[frozntouch]

استغفرالله ياربي اسمحيلي اختي بس هذا ريلج ديوث مافي غيره
غريبه بصراحه قدرتي تتحملينه طول هالفتره
واذ على الياهل علا الاقل يعيش في بيئه محترمه تعلمه وتربيه ع الصح والغلط
هذا ولدج اذا عاش مع ريلج لي كبر بيصير مثل ريلج واكثر بعد
وقفي وقفه صارمه على ريلج لا تخلينه علا كيفه خلاص هذا حجي الدكتوره انتي تعبانه وارتاحي
عجبه ماعجبه بالطقاق هذا مو مراعي حالج ابدا و داخل بقوه من البدايه
تكلمي معاه وفهميه كل اللي تبينه باحترام وباصرار وخلج قويه واذا ماعجبه وماتغير حاله عندج اهل سندج يوقفونه عند حده
وهم اهلج لازم يكلمون اهله يشوفون صرفه مع ولدهم
الحين هذا سوال خوات ريلج شنوعيتهم ؟ اهلهم مخلينهم سيبه مثل ما ريلج يبيج تصيرين وتتخلين عن مبادئج؟ ولا راضي عليج انتي تكونين بهالصوره وخواته لا ؟؟

 

[ترف بابا]

ادعي ربج - واهلج لااااازم يتدخلون

 

[بيلسسان]

وين قاعدين تلبسين بكيني
.!!!.
هذا مع احترامي له
"ديـــــــــــــــــــــــــــــــــــــوث"
يرضا ربعه يشوفون معالم جسمج
ويرضا تلبسين بكيني .!!



ابوج لازم يعرف
اخوانج لازم يعرفون