أتوقع أريح حل لي الطلاق.. انتو اشرايكم؟

[سكوتي بذوقي]

لاحول ولا قوة إلا بالله

ماعنده غيره يعني انتي دره مصونه في بيت أهلك

خذك وانتي بعزك وكرامتك يقول لك افصخي الحيا مايخاف من الله

بعدين يوم طلبك فلوس المفروض مارضيتي تصرفين على نفسك انتي بس

مدام هو بخيل وليش طلع من الشغل المره هي اللي تصرف على رجال عشنا وشفنا

الطلاق لاتفكرين فيه لأنك حامل فكري في ولدك او بنتك حرام الطفل ماله أي ذنب

الله يهديه ويصلح حاله يارب ويسخره لك

 

[أنشودة المطر]

الله يعينج حبيبتي بس أي طلاق وبينكم طفل ماله ذنب؟؟
مابقول كان لازم تتريثين قبل لاتحملين منه خلاص اللي صار صار وربج كاتبه
مالج الا تدعين له بالهداية ليل ونهار وان الله يصلحه ويسخره لج
وحاولي تتغاضين عن عيوبه الصغيرة لا تقعدين تركزين على كل شي بتتعبين جذي
أهم شي تتصلح الأمور الكبيرة اللي تصعّب العيشة معاه مثل انعدام غيرته و بخله معاج

الله يصلح الحال

 

[أم علي المندوبة]

الله يصلح ما بينكم و يهديه غصب عليه و يكتب لج كل خير

 

[اينااس]

شلى جاابرك على هالعيشه رووحى بيت اهلك وربي و لدك بطر يقه الى تحبينه

 

[جلكسيه اس 3]

انا بقولج تطللقي
لانه لو كان العكس جان طلقج بدقيقه وحده
بس مادري اول كلمي اهلج عشان يعرفون الوضع
مو كاافي متحمله اشهور و الاخ قاعد بالبيت لا شغله و لا مشغله حتى ابسط الامور
مو مساعدج فيها اذا اقلاص ماي ما يقدر اييبلج صراحه هذا العيشه معاه راح تقهرج

 

[السيده ام حسين]

حببتي انتي الحين ديري بالك على نفسك لانك حامل ترى مايصلح علشان الجنين لازم تكون نفسيتك مرتاحه لايتاثر الجنين حاليا روحي بيت اهلك الى زين يسهل عليك حملك يمكن بعدين يتغير لما تولدي بالسلامه ويشوف الطفل يحن ليكي ويتغير الى الافضل والله يكون بعونك

 

[Sparkle]

المشكله أنكم مو متطابقين أهوه فري وأنتي لا

بس حاولي تغيرينه وشكله دلوووع ومتعود على أهله يصرفون عليه ما فيه مسؤوليه ,,,


لازم تتدخلين أحد من أهلج بالموضوع وان شاء الله تنحل

 

[من يشابه ديرتي]

الله يعينـــــج أكثر شي يغـث الزوج الي ماعنده غاريه على زوجتـه .. هذا حرام اسمه رجال

 

[*آسوومه*]

الزواج مشاركه و تضحيه و مب على كيفه ما يجيب لج خدامه
انتي مره حامل و تعبانه
و بعدين بالذمه واحد ما يغار على مرته و يبي يكشخ فيها جدام ربعه و يبيها تقط الحجاب و تلبس مايوه
و ما يبيها تصون نفسها و يحرضها ع المنكر و على عصيان الله
و قبل ما تصون نفسها هي عرضه !!! يعني الحبيب عادي يستعرض بعرضه ؟؟؟؟؟
مو ريال و الله يلعن كل ريال تفكيره مثل هالتفكير الوصخ
و الرسول صلى الله عليه و سلم قايل " لا طاعه لمخلوق في معصيه خالق " !
و الحبيب يبي يكشخ فيها هي سياره ولا مرتك عمى بعينك !!!!
صج مــآآتوا الريايل ..
كلــمي آمج و آبوج لانهم اخبر و عندهم حكمه ..
و فالاخير الي الله بيكتبه خيره ..
الله يوفقج و يحفظج يا رب ..

 

[..rum rum..]

الحين هذا سوال خوات ريلج شنوعيتهم ؟ اهلهم مخلينهم سيبه مثل ما ريلج يبيج تصيرين وتتخلين عن مبادئج؟ ولا راضي عليج انتي تكونين بهالصوره وخواته لا ؟؟

والله يا frozntouch خواته وامه و اهله كلهم والنعم فيهم .. وخوش ناس وماشفت منهم الا كل خير .. تقريبا اهما اللي مصبريني عليه

 

[..rum rum..]

بدوردا الأموره , ترف بابا , ليـــلك , سكوتي بذوقي , أنشودة المطر , أم علي المندوبة , اينااس , سكرتير مستقبليه , السيده ام حسين , Sparkle , زهر الجنان , من يشابه ديرتي , *آسوومه* و كل البنات

مشكورين على ردودكم .. وكل شي قلتوه قاعده آخذه بعين الاعتبار
أحس كلامكم وايد صحاني

 

[طموح دائم]

يارب يفرج همج ويصلحه لج

 

[شيام]

عليج بالاستخاره و باذن الله الله بيكتب لج الخير في كل خطوه تخطينها و في شي ساعدني واايد في حياتي و جربته اكثر من مره اللي هو الاستغفار الله يصبرج ياحبيبتي ...

 

[رشــــة مطــــر]

لاحول ولاقوة الا بالله زوجًك للاىسف طلع ديًـًـوث بمعنى الكلمةٍ
انتي خبري أهلة واهلك اذا ماااتعدل ولاتطلقني منه ابرك لك والله
هذا ماعنده من صفات الرجولةَ ولاذره الله لايبتلينــآآآآآ
شلون يقوولك اطلعي عادي والبسي قداام اهلي وربعي ملابس ضيقة وغير محتششمه وقطي الحجـًآب
لإلإلإلإلإلإلإلإلإلإلإلإلإلإلإلإلإلإلإلإلإلإلإلإلإلإلإلإلإلإلإلإلإلإلإلإلإلإلإلإلإلإلإلإلإلإلإلإلإلإلإلإلإ وضعـًك مٌـٌزري شوفي لك حل تخلصي من هالبلـوة
وبعدين هالناآآس العمياء اللي تممممدح فيه على شنو بالله لادين لارجوله لا اخلاق لاعمل ولاشيء جالس بالبيت وانتي تداومين بالنيابه عنهٍ مدري شقول والله ماودي احطممممممك ياقلبي بس بإمكانك تخلينه يتعععدل او تطلقين منه وربي بيعووضك بغيرهٍ
الله يكؤؤؤؤن بعٍـٍـٍـونكُ
ودمتيُ بُـُـُـودٍ !!!

 

[روانتي 12]

سلام عليكم . .

لا طلاق مو حل . . لانج حامل لو مو حامل كان ممكن نقول ممكن . . شذنب الياهل . . !

قعدي مع ريلج وتفاهمي وياه . . واذا مانفع . . دخلي أهلج بسسـآلفه . . أحسن ماتزود للأسوء . .

 

[ام سعود ديكسون]

اللي اوله شرط آخره نور

يوم كان يبي وحدة فري ليش خطب وحدة متحجبة
انتي الحين عودتيه ع التنازل حاولي تتغيرين و تغيرينه بالتدريج
مو فجأة لان صار متعود ع الوضع نفس المدمن
توقعي يثور يصير عنده انسحاب
يعصب يعترض

عاد انتي و شطارتج
لي قال بكيني قوليله محط طقك علي ايدك قالك أخذ متحجبة
انت اللي تبي وحدة سنعة تربي اعيالك ع الالتزام والا البنات المتحررات ترس الديرة
بس هااا ردي بثقة و دلع مو بعصبية

قال لج فلوس و مصرف
قوليله اي عذر او صرفيه أخذ من امك او أختك
احرجيه من غير مرادد و حجي و طوالة
داشة جمعية عشان الولادة صارفة مبلغ ع الدكتورة بالخاص
مراجعة حمل و الدكتورة دفعتني المهم تسحبي من الصرف شوي شوي

المثل اللبناني يقول لو كان بدي إياك عريسي ما صرفت الك من كيسي
لول شرايج فيني >>> الا اخليج تبتسمين و انتي مهمومة

والطلاق مو حل
اول حاولي و اخر العلاج الكي
خلي ايامج صلاة ليل و قراية قران
والله بصير بالعباد عينه ما تنام

 

[Le chat]

بفهم الي تقول الطلاق مو حل واليهال بيتبهذل الياهل يتربى عند ابو ديوث اهو الحل برايكم!! اذا الطلاق بهالحاله مو حل متى الوحده تتطلق وليش الشرع حلله .. ياقلبي استخيري وكلمي اهلج والله يهديه ويكتب الي في الخير ويااااااارب يطلع الي ببطنج صبي احسن حق الي بوضعج الله ييسر امورج ويعطيج على قد نيتج ويعوضج عن كل يوم نمتي فيه مهمومه بايام تفرحين فيها من قلبج *

 

[نورالدنيا***]

الياهل ماعلية بيكبر وبيفهم بالعكس بيت اهلج بتدلل وماينقصة شي

انتي اللي بتاكلينها اذا جابلتي هالريل والله يمكن يحب وحده فري او وحده من برا الكويت واهلة غاصبينة عليج تاكدي لان نفس سالفتج صارت مع رفيجتي طلع يحب وحده من 5 سنوات وابوه اغصبة يتزوج

لاتظلمين نفسج وتعيشين مع انسان ماعنده احساس بخيل وديوث وما يحس فيج تعبانه و اناني بظل طول عمره جذيه وماعنده ذوق بالكلام

صدقيني فكري بنفسج ودوري سعادتج الانسان جم مرة بعيش بهالدنيا هذا بموتج حزن وقهرر صلي استخارة واتخذي قرار والله ينور بصيرتج

 

[زوجة عزيز]

فديتج والله ماتستاهلين كل هالتعب والعذاب وللاسف ريلج موعارف قيمتج جوهره والله حسبي الله ونعم الوكيل شوفي حل غير الطلاق واذا مافاد وكلي امرج لله وطلبي الطلاق بس حاولي معاه بالاول ولازم ماترضين انه يطلع من شغله لو شيصير اهو المسؤول الاول والاخير وانتي في ذمته والياهل اللي ياي بعد الله يهونها عليج ويقومج بالسلامه حبيبتي

 

[حبيبي مالكني]

حبيبتي الطلاق اهو اخر الحلول
قولي حق هلج بلي يسويه فيه ريلج يمكن يتعدل وينصلح حاله