"آمبي شفتهآ بآلآفنيوز بدون مكيآج ولآبسه آي شي".. شسآلفه؟؟

[~ مطنـووخــہ]

لاحول ولاقوة الا بالله

يازيني وانا ببرقعي وعبايتي على راسي ^_^

الله يسترنا فوق الارض وتحت الارض ويوم العرض

 

[دلوعه هانم]

ههههههههههههههههه امبيييييييه وايد اشوف هالاشكال والمصيبه اللي منشره اهي داء البحلقه

ياساتر من النظرات والخز

 

[مليكة على أريكة]

شوفوا حبيباتي الكلام للجميع وأولهم أنا

السوق مو مكان لإظهار الكشخه اذاا الناس تقيس الذوق بالمظهر
في السوق فهذا أبد مو ذوق
البنوته الذويقة تعرف وين تكشخ وتعرف وين يكون اللبس حلو
مين الأهم كلام الناس أو نفسك؟
لازم يكون لبسي مرضي لله أولاً
❤
قال الرسول صلي الله عليه وسلم*: ( من ابتغى رضا الناس بسخط الله سخط الله عليه
وأسخط عليه الناس ومن ابتغى رضا الله بسخط الناس رضي الله عنه وأرضى عنه الناس )


نفسك هي اللي راح تتحاسب وتشهد جوارحك.
لاتفتنين سواء لبس او رائحة عطر او غنج
الله يقول في حق القواعد من النساء {غير متبرجات بزينة} [النور 60]. فإذا كان هذا في حق اللاتي لا يرجون نكاحاً –لكبر سنهن- فهو أولى بالتحريم على اللواتي يردن النكاح (أي ‏اللاتي لم يبلغن سن اليأس). والتبرج هو أن تخرج المرأة زينتها ومحاسنها أمام الرجال. وقيل أنه في هذا الموضع هو التبختر والتكسر.‏​

 

[نورة حسام]

حبيبتي اللي قلتيه صح
انا اطلع مكياج واكسسورات وبنطلون وقميص وكعب يعني احسن من غيري في بنات فستان قصير سهره ورايحة فيه الافنيوز اشدعوه

 

[مليكة على أريكة]

ياقلبي أنتِ أحسن من غيرج
بس لايغرونج كثرة الهالكات قارني نفسج بأمور الخير باللي أعلى منج
العمر مرة وحدة

بس تذكري الآية
( يَمُنُّونَ عَلَيْكَ أَنْ أَسْلَمُوا قُلْ لا تَمُنُّوا عَلَيَّ إِسْلامَكُمْ بَلِ اللَّهُ يَمُنُّ عَلَيْكُمْ أَنْ هَدَاكُمْ لِلإيمَانِ إِنْ كُنْتُمْ صَادِقِينَ )

يَمُنُّ هؤلاء الأعراب عليك -أيها النبي- بإسلامهم ومتابعتهم ونصرتهم لك, قل لهم: لا تَمُنُّوا عليَّ
دخولكم في الإسلام ; فإنَّ نفع ذلك إنما يعود عليكم, ولله المنة عليكم فيه أنْ وفقكم للإيمان به وبرسوله,
إن كنتم صادقين في إيمانكم.

 

[نهاية الورد]

والله ياكثر ماصارت معي بس طنااااااااش
والمصيبة هي يكون شكلها ام الهلاقة بس تحب تتميلح قدام اللي معها مسوية خفيفة دم
وغير اللي يكون معها زووجها تعطيك نظرات تقال ماكله حلال ابوها !!
الله يهديهم بس ..

 

[امـ خــزامـى]

موضوع جدا راقي

سواء تكشفين او متحجبه او متبرقعه الستر زيييييييييييييييييييييييييين
وطبعا الدين امرنا بالستر وعدم لفت النظر تدرون ليش عشان مايقولون هذي فلانه بنت فلان
ويشوفون مفاتنها وياذونها بالمناظر والكلام

حبيباتي اللي تلبس طرحه ومطلعه الغره كلها هذي صدددددددددددددددددددددددق اللي تقهرني

وانا مع امورا انا وياها بنفس الفتره كنا بلندن وجابتها بسم الله عليها كانها طالعه من الحمام وناسيه الفوطه على راسها
وشدعوى حددددي وش وضعك نوريني يرحم ام جابتك انت متحجبه ولا مسويه تنكري ولا صدق ناسيه الفوطه

شعررك كله طالع والجنز يصيح يقول تكفين بس بشم هوا

جدجد ابي اعرف قوليلي نوريني ؟؟؟

اما مكياج السهره واحنا الساعه 9 الصباح ولا بعد ببريمارك مختبين وميتين حر
هذولا البنات حايسين ام الساعه ومخربطين النظام الكوني وتفاوت الليل والنهار

وبالنسبه للي يستغربون ليش مو كاشخه وتجلس تستهزء فيك
انا ماصارتليي بس شفت علامات تعجب بس مو من البنات لا من الشباب ههههههههههه
دخلت الهارودز انا وزوجي وكنت بس ماسكارا فقط لاغير ولا بعد من فجر الله حاطتها يمكن 7
ورايحه انا بالليل الساعه 8 تقريبا
اشوفهم متعجبييييييين ليش ماكشختيي مثل البنات
بكل امانه السعوديات والكويتيات بعيد الاضحى بدعوووووووووووووووووا
وانا اطلع من الهارودز الا يدخلون بنتين جمالل طبيعي يمكن ماسكارا والعبايه الككشششششخه الواسعه
والنعومه باختصار بنااااااااااااات عز ومن صغرهم ولو احلف انهم كانوا اكشخ البنات واغناهم بهالمكان لاني شفت سياراتهم
اخر موديل ولوحه السياره ابو ظبي ونعم والله
واقولها وانا سعوديه لاحد يجي يهاجمني

واللي علقت على القطريه صحيح تنصحينها بالستر وعدم التبرج بس اسلوبك للاسف ماينفع اللله يهديك
ترى هي قصدها انه اللي متبرجه بالنسبه لنا انا كذا فهمتها
وانا بعد مثلها لو بعلق على السعوديات بالسوق
بس الفرق بين القطريه والسعوديه
انه احنا عندنا هيئه ونظام حكمنا يمنع السفور
لكن القطريين حكومتهم ماتمنع ومع ذلك ماشاءالله عليهم ادب واحترام

بالرياض عندنا سنتريا مول والمملكه وبانوراما يووووووه حدث ولا حرج صحيح عبايه
بس مفتوحه ولابسة ليقن والشعر كله طالع ياكيرلي او فرقه وطبعا لون الشعر بني
وطبعا الميك اب نظام مووووووووووووحد كلهم برونز وروج عنابي واكيد وشي طبيعي الرموش <<سارقه مكنسة جيرانهم مع مكنسة بيتهم وركبتهم رموش لعيونها

وربي انهبلت اقول معقوله احوليت ولا اتوهم كلهم يتشابهون

الله يستر علينا وعليهم ويحفظنا

اعذروني حبيباتي

 

[ام عائشه وعمر]

والله ما في احلا من الستر

عباية والشيله الملفوفه عدل

مو الشعر كله برا كأنها ما تدري


الف الف الف شكر

يااا حبي

 

[خاله كندا]

انا متحجبه ... اذا رحت السوق مع زوجي البس عباة رزه والبس كعب والبس ساعه كشخه ...
اما اذا رحت مع اهلي ...مو مبهذله بس يحسبوني امهم خخخخخ البس فلات وشنطه عاديه ...
بتكلم عن المناسبات ...انا احب السمبل ودايم اختلف مع خواتي بذا الشئ انا ماحب الزحمه حتى الاكسسوار ما اكثر منه ولبسي احيان يحتاج اكسسوار يمقن بس البس حلق وساعه او سلسال وساعه ....
​

 

[نور ح.]

بعصض الناس الله يهداهم تقلد فقط للتقليد بدون التفكير بالمظهر العام للأسف...

 

[Beyoncee]

عزيزاتي هنالك مثل صيني يقول

العقول الصغيرة تناقش الاشخاص،
والعقول المتوسطة تناقش الاشياء،
والعقول الكبيرة تناقش المبادئ.


البنات اللي بالمجمعات طايحين تخزز وحش بغيرهم وتعليقات مالها داعي

هم اشخاص ذوي عقول صغيرة.. حبيبتي شيوخة اذا بتسمعين البنات وكلامهم

كل ما طلعتي ماراح تخلصين نصيحة عيشي حياتج لبسي اللي تبينه بس طبعا

اللي فيه مراعاة للذوق العام لان صدقيني مثل هالبنات فارغين والبنت نفسها مو

مرتاحة مع نفسها لانها تجامل الناس وتجامل نفسها باسم الموضة.. *

كلام جميل