"آمبي شفتهآ بآلآفنيوز بدون مكيآج ولآبسه آي شي".. شسآلفه؟؟

[Bnt-USA]

اي والله انا اعرف وحده جذي مستحيل تطلع بدون لا تكشخ
لو جمعية لازم تكشششششششششششخ


انا بالنسبة لي عادي
اهم شي يكون لبسي ذرب
والمكياج ما اروح كلش مو حاطه ولا شي @@

لا يعني ناعم مكياج البيت على قولتهم

 

[Anfal dy]

صح صاجه هالظاهره منتشره للاسف ! و اكرهها !
بالنسبه للبنت الي تحجت يوم كنتي رايحه السوق هاذي مرررررض !
متى بيتعلمون ربعنا ؟
اوكي تعلموا من هالغرب و الاجانب الفاشن و الكشخه و التزهلق
ما تعلموا تواضعهم ؟ بساطتهم ؟
ترا حتى المشاهير الي ماخذينهم قدوه باللبس و الموضه يروحون السوق بتريننق و كاب و نظاره كبر ويهها و ما تحط نقطت ميكب
دايما تشوف هالكيم الي يانين عليها ماسكه بنكبيري و الويه فااضي و اصفر لا و تبتسم حق الباباراتزي !
و تفس الشي باريس هليتون الي فلوسها ترس الدنيا و كشخه و عارضه ازياء و جميله تطلع بتريننق و جوتي رياضه !!!
ادري الي بتقرا ردي بتقول هاذي عليميه ما اتعرف بالموضه ولا هم يحزنون !
لا انا اكشخ و اموووووت بالكشخه و البس كعوب و احط ميكب
بنفس الوقت اييني وقت اطلع من النادي بتريننق و توني سابحه يعني ويهي ما فيه ولا قطره ميكب
و لا اروح جيان الي ب 360 و اتشوق بثقه !


و مرات اكون مريييضه و تعبانه او مالي خلق البس عباه او جينز و تيشيرت و عااااادي



اما البنت الي بمطار هيثرو ! وييييع صج مرض و لا قويه عين توها حاشه و يايه بويه عريض تسولف ! صج لوعه



لووووول شكلي خذيت راحتي بالرد يعطيج العافيه و مشكووووووره عالموضوع و سامحوني بس هاذي وجهه نظري

 

[بلبله سعوديه]

والله كلامج حلو بالنسبه لي شخصياااا كنت اكشخ للسوق قبل 20 سنه والحين وصل عمري 47 سنه فلات وعبايه على طولي حدها حدها ونقابي وملفعي وجنطه خفيفه علشان كتوفي ماعاد تتحمل الثقل او شولدرز ولاكحله ولاهم يحزنون والحمدلله يعني بناخذ زما وزم غيرها الحمدلله تزوجت وعندي بنات وقاعده اعود بناتي على اللبس المحتشم والشرعي والله ظهري ماعاد يتحمل الكعب العالي والكشخه كلها فقط للزوارات وللدوام وللزوج وللحموله والاهل والصديقات ولنفسي في بيتي مملكتي والله يهدي بنات المسلمين ومثل ماهداني

 

[بسه سعوديه]

السلام
لفت نظري موضوعك وقبل كل شي عشان لحد ينط بوجهي انا نصي كويتي عشان ماتقب هوشه واموووت بالكويت واهلها
واشتاااااق لها خصوصا بعد الزواج مو مثل اول اجيها
بس انا اللي الاحظه صدق بهرجه احس مالها داعي سبيشاللي للشوبنق وقط الكلام صدق اذكر كنت داخله محل بالافنيوز الا عيني عينك بنوتات حشوا بوحده وصوتهم مسموع شدعوه عيب والله صدق اللي حشوا فيها كانت مهلللقه بس التصرف من الجهتين كان غللللط
ولاحظت شي ثاني احنا عندنا الخز كثيييير خصوصا لو سعوديين شافوا بعض برا السعوديه احسهم مثل الهنود يقولون سعودي سعودي هههههههههه ترا انا منهم ههههههههه بس بسرعه نصد بصراحه
بس الخز عند "الكويتيااااااات " اوووووووووووووووووفر بحياتي ماشفت احد يخز مثلهم طبعا مع قط الكلاااام مع اني مش لابسه شي لافت يعني بعبايتي ونقابي العاديين بس الخز ماشاءالله موووووو طبيعي لك وللرجال اللي معك ولبيبياتك و لشغالتك شدعووووه

 

[شقآوه أنثى]

سكــــــب قووووي
حريه شخصيه .. مثل ما اهم يتبرجون جنهم رايحين عرسسس انت لج الحريه تكونين بسيطه وتلبسين اللي يريحج
دآمج وآثقه بنفسج وانج موفيج شي غلط عطيهم الحى سكب مع ابتسامه عريضه فديتج

الكلاب تنبح والقافله تسير <<< حشآكم

 

[رتو الكيوت]

جنكم تبالغووون ؟

انا ملفع وعبايه وماحط مكياج والبس نظاره طبيه بعد وماشفت الي تقولونه الحمدالللللله

اي صح اشوف عالم كاشخه بس ماتطنز علي :/

شباب يتحرشون ملاغتهم اي

 

[بعثرهم وجودي]

والله كاشخه ولا مو كاشخه بالاخير كاشفه وهذا حـــــــــــــــــــــــــرام الحجاب الي يستر البنت لاتقولوم مانحط ميك اب ولا نكشخ حبيبتي بالنهايه انتي كشفتي ةجهك وجسمك للغريب لغير المحرم ,, حرام يابنات والله حرام متى بتفهمون ولا العذر الوحيد مانتحجب الا اذا كنا مقتنعين فيه .. ياماما الحجاب واجب غصب عن الكل

 

[غرشوبه]

يعني شنو اهميه خزهم او حشهم
ردي عليها لا تمررينها عليها لانهم استقووا واذا لقوا مثل طبعج تبلعين غلطهم عليج اوقفي عندهم نعم في شي ولا معجبه يا هوله
اذا ما ردت عليج قولي ويعه بنات اخر زمن
صج عيش رجب ترى العجب
المفروض اهم يستحوون عاى ويههم وين رايحين مهولات بعمرهم المفروض الناس يخزونهم ويقولون وين رايحين هذولا حفله تنكريه !

خلج واثقه وواجهي هالنوعيه التعبانه

تصدقين نبهتيني على هالنوعيه انا اشوف بنات يطالعوني ولما اطالعم يسوون نفسهم ما يطالعوني فما اكبرها الحين بأطالعهم اربع اربع

 

[منيرة@]

صراحه مدري كيف تطلعون الشارع وانتم كذاا

اذا انتي كاشفه وجهك حرااام كيف اجل وانتي كاششخه وريحت عطرككك معبيه المكان

 

[A.E]

الله يهديهم

 

[جمانـا]

معاج خيتي بكل كلمه قلتيهاااا
وبعدين وش له العذاااااب كعب ولويه وتسريحه وعطور وزري !
لكل مقام مقال مثل مايقولون
يعني خاطري أعرف شلون يقدرون يآخذون راحتهم بالتسوق إذا الكعب وش كبره والميك اب مالي الويه وتفتن الشبااب
بشكلها المبالغ فيه ..
وحتى العبايه ماعاد صارت عباية حزام وكرستال والوان وضيقه .. !!
الله يستر علينااا فوق الأرض وتحت الأرض ويوم العرض
ويهدي بناتنا وبنات المسلمين
((نصيحتي كل وحده تراقب ربهااا وماعليها من أي احد ))
-
-
الله يعطيج العافيه على طرح الموضوع

 

[ٱستۆطنت خٱفقهْ]

^^


مثل ما قالت اللي قبلي

اراقب ربي بلبسي وبكل شب

انا عباة ونقاب والحمددللہ عمرھ ما شفت تصرفات جذي الا ماندر
وما اعطيهم اهميہ

لان بيجي اليوم اللي تتحسف وودها ترد للدنيا عشان تطيع ربهاٱ وتتحجب وتحتشم


يعطيج العافيه يالغاليه


عسا ربي يهدينا للي يرضيه :$

 

[! Harrods !]

.


.



ي ريتهـآ توقف ع الـمجمعآت و آلمطآر ،
تيـج ب آلجآمعةة أوفر ميك أب ( حمرـــآ حمرةة ) :/
و الكعب و آلكشخة ع سنقل عشرةة

هني الي تقولييين هيلقيةة لآن لآ آلمكآن ولآ آلوقت ينآسب حمرآ حمرة !
خآصة بآلخآلدية نطق درب يعني أوك حتى أنـآ ألبس كعب و مرآت أكشخ بس كشخة خفيفه
أكسسوار نآعم .. خآتــم مو مضيعةة صآلة الأفرآح

و آلطآمه آلكبرى أحنـآ نطقهآ مشي من آلهندسة لي العلوم
ومن العلوم لي آلهندسة .. ففي بنـآت لآعت جبدهم مسآكين

آلكعب يكسر الظهر .. و آلفلآت مع القآر ريلج تقولين لهآ " باي باي "
صآرو يلبسون جوتي ريآضة أو [ تومز ] مع عبآية

تيييج هذيج أم العرس أمبيييه شوفيهآ عبآية و تومز !
خو أنتي ششكو كلن حر نفسة !
أشوفج بس أنتي أيآم الانتخابات تهلقين مآ قلتي شي !!

حتى العبي صرآحةة شي لآ يطآق .. و خآصه هبت عبي الدآنتيل و التريكو الي تيج من الركب مبطله و تحتهآ ليقنز !!!!
هني جآمعة الكوييييت مو بيت أديده !


صرآحةةة البنآت مصخوهـآ أوفر أوفر أوفر


و تشكآرو ي قلبي ع الموضوع

 

[al-musk]

فاهمين السوق غلط ويعرضون نفسهم بأرخص الطرق يعني بسوق ناس أشكال وألوان شلون يهون عالبنت تروحله جنها رايحه استقبال ولا حفلة ؟!!!!!!!!!!!

أنا أحب الكشخه وأحب أكون أنيقة بس فعلا روحة السوق يبيلها شي بسيط وعملي ومريح .. فالواحد يحاول يكون متوازن حسب طلعته بس الطبيعي ان احترم نفسي وماعلق على احد ..

 

[وردة الدوحه]

الحمدلله احنا نلبس عبي

يعني عباه محترمه مع شوية كحل وقلوس

واكسسوارات هرمز وفان كليف باليد أو كارتييه

مع ساعه رولكس وشنطة اف سان لوران كوبي ون

تطلعين اكشخ وحده بالمجمع !! ( هنا الدوحه )

 

[Huda alotaibi]

قله ذوق + قله وعي هالاشكال مكانهم بالمجمعات متناسين
ان ابغض الاماكن عند الله الاسواق لما تكثر فيها الفتن والشياطين

 

[غصون ق]

معاج حق

 

[يــــارا♥]

للاسف هالمجتمع صار يحاسب الناس على هالاشياء السطحية
والله حتى لو متكشخة ومتعدله بتلقين الف وحده متكلمه عن لبسج وتخزج
محد عاجبه الثاني وكل وحده تبي لبسها يكون احلى لبس وشكلها يكون احلى من الباقي
ليش؟ عشاااااان يلفتون انظار الشباب
مو يقصون عليج يقولون لااا عشاني اناااا
ليش؟ انتي بالبيت تقعدين حاطه full makeup ومرتزه بلبس ضيج وملفت ؟ لااا ما ظن
كله عشان ال shooooooow


وشي ثاني
لييييييييييييييييييييش البنات دايما يخزون بعض ومادين البوز شبرين
شسويتلج انااا
يعني صج تحسين بالحقد والكره من ناحيتهم وانتي اصلا ما تعرفينهم
هذي اصولنا؟ هذا ديننا؟
نسوا ان الابتسامة صدقة؟
والله قليييييييييل لما اجوف وحدة تبتسم او تضحك كله معصبين
يعني عالاقل مجاملة وحتى الكلمة الطيبة ماتسمعينها لا في بعد اذنج ولا لو سمحتي ولا اسفه ولا مشكورة ولا شي
انا ماحسيت بهالشي الا لما عشت بالغربة وجفت معالمة الاجانب لبعض
شي محزن الصراحة
​

 

[!amorra!]

الحمدلله احنا نلبس عبي

يعني عباه محترمه مع شوية كحل وقلوس

واكسسوارات هرمز وفان كليف باليد أو كارتييه

مع ساعه رولكس وشنطة اف سان لوران كوبي ون

تطلعين اكشخ وحده بالمجمع !! ( هنا الدوحه )

انا رحت الدوحه ماشفت كل هذا

شفت البنات لبسهم اسود باسود مثل السعوديات محتشمات وااايد مالمحت الا وحده مطلعه ويها وماشفت سفور الا من الجنسيات الثانيه

حتى هني بلندن اغلب القطريات اللي اييون يكونون محتشمين حيل عبي وملافع

 

[!amorra!]

هذيل مريضات

ماتشوفين ارتفعت نسبة العنوسه عندنا لان الشباب كشوا من البنات وهلاقتهم

بس على فكره مو بس هني

انا حاليا بلندن وبالصيف شوفي هلاقة الخليجيات من صباح الله خير ترتر وبنطلون زري وبلاوي

لا وتييج لونها برتقالي تقول جزر والحواجب سووووووووووود والكحل اسود والحمرا حمره والملابس اخضر باصفر والا احمر بذهبي وماكو ذووق والله اشكالهم قرف بقرف

ولا يخزون ويقطون حجي على بعض ويتهاوشوون والله انه الشباب هناك ينطرون هوشات البنات

تخيلوا يمرون يم بعض ويقولون طالعيها ووع جنطتها مو ماركه واهيا اللي قاعد تتطنز تقول سيلانيه!!

بعد غير المسخره والضحك والترقص والله شفت كذا وحده ترقص بالشارع والمصيبه ينقالهم خليجياااات!!!

والا الحجاب اليديد جنها طالعه من الشور وناسيه فوطتها فووق راسها!!

والا الربطه تقول فلاحه بوسنيه!!

طبعا اللي يسافرون حق لندن وباريس عارفين شنو اقصد

والله انه بنات النعمه والشيخات والاميرات اتيي لبسها حده سمبل والوانه هاديه تمرين يمها ريحتها نظافه والله يمشون بأدب وقمة النعومه

اما الهيلقيات تسمعين صراخهم من اخر الشارع !!