ههه و الله ذكرتوني بموقف صار أمس.
أمس طالعه آنا مع زوجي رايحين مطعم عالبحر, آنا كنت ما ألبس عبايه بس قبل جم شهر رحت و لبست عباية راس.
المهم, آمس خلصنا أكلنا و احنا طالعين و الا يقول لي زوجي هاذي قاعده تخزج جنج مو عاجبتها "وحده يم الباب" ههه جان أقول حق زوجي عادي يمكن مو عاجبها شكلي
و أهلي يعلقون علي يقولون لي ليش لابسه عباية راس ما عندج سالفه, جان لبستي جتف.
بس آنا مو مقتنعه بالجتف أبي عباية راس.
و مع إن محد عاجبته طريقتي بس لكل مقام مقال, و آنا مو رايحه أستعرض عند خلق الله أو عشان يقولون هاذي كشخه. آنا بالطلعه أو بالدوام خطة الكحل ما أحطها, و إذا كنت حاطه و بطلع أغسل كل شي عدل قبل لا أطلع ما أخلي و لا خط.
ببيتي ما أخلي شي ما ألبسه و أنواع المكياج. بس بالطلعه مو ملزومه أرضي الناس و أظهر بمظهر يسرهم اهم.
