"آمبي شفتهآ بآلآفنيوز بدون مكيآج ولآبسه آي شي".. شسآلفه؟؟

[pinkoosha]

يا قلبي هالنوع من البنات يكشخون حق الشباب والترقيمات والتحرش ،،، عبالج بيكشخون حق المجمع مثلا؟؟!!!!!!

انا لي بغيت اروح السوق لااااازم البس سبورت وفلات لاني بقايس وبجرب بدلات وبجرب المكياج
ولي بغيت اروح السينما البس شي معقول بسيط وانيق بنفس الوقت
ولي بغيت اروح اتعشى بمطعم اكشخ والبس كعب لانه راح اكون بس قاعده
ولي رحت الزوارات اكشخ

بس ويييييين الي يسمعون هالحجي،،، مخلين نفسهم فرجه حق الشباب "لحم رخيص" شكل بس ماكو مضمون ،، تلقينها لابسه وكاشخه ومخها فاضي

 

[سّرآبْ]

مثآل: آنآ كنت رآيحه 360 ولآبسه بلوزه وبنطرون ومكيآج وآكسسوآرآت خفيفه وشفت وحده آعرفهآ و وصلني حجي من هآلبنت ثآني يوم آنهآ قآيله: "تصدقون مآتعرف تكشخ وآلمجمع حزتهآ كآن زحمه وكله شبآب وآهيآ ومو حآطه مكيآج ولآبسه جوتي ريآضه بعد.."

شنو تقول ماتكشخ المجمع كله شباب
صار كل شي عشان الشباب مره قاعدين يقولون انه في بنات لما تتحجب ماتهتم بشعرها يعني تصبغه وتقصه يعني محد يشوف هوو بتكشخين لنفسج ولا للشباب

انزين كعب وجذي عادي ممكن اتقبل في بنات يحبون يلبسونه تحس حالها انثى طبعا يعني ع حسب العمر مو تلاقي وحده ياهل بمتوسط وكعب

ترا البساطه حلوه كشخوا بس بالمعقول ممو كل شي اوووفر ، في ناس لو ترووح عرس ماتكشخ كثر ما اهيا كاشخه بالمجمع
المهم اهم شي الثقه بالنفس ، واذا بنكشخ بنكشخ لنفسنا مو لحد

 

[om.aboodi]

والله انا من قمت ماهتم ريحة راسي عباة وجوتي رياضه ادور اللي يرحني بصراحه اذا بتسوق عشا يمكن بس بدون مبالغه وهلاقه شرايج مرة طالعه من الصبح وتذكرت شغله بالصالحيه لابسه انا قميص بنطلون وجوتي رياضه ودشيت ولاهمني وانا اللي شاريه الدنيا واللي كاشخين حتي جيس دلاق موشاريه ماعليج من احد كل واحد عارفه نفسه يعني بيشوفونج بالمناسبات وبيعرفون انتي شنو وكشختج شنو

 

[سندس 90]

مممم انا ببالي ماتلبس وتكشخ الا عشان هالشباب
وانا مايهموني عباية وسييييعه ونقاب
ولو ماكنت متنقبه جان لبست نفسج وربي ولا يهمني
ولا تحرين عمررج فديتج

 

[*مطبخ الذواقة*]

والله حبيبتي دام تمشين صح محد له شي عندج ....لبسي الشي اللي تشوفينه مناسب حق المكان اللي بتروحين له اما بالنسبة للي تلبس لبس سهرة وهي في السوق فهذي الله يهديها

 

[متحديه ومتاكده]

ياحلووووو البساطه وبسسسس ..

وياشين الي تهلق بنفسها >> كل شي بويها كل الكبت والاكسسوارات لابستها والكعب بالياله تمشي فيه
~~> اي شي الصراحه هلاقه وعبالها كشخه ومحد قدها 

اكره اروح السوق من الارقوزات الي فيه يسدون النفس 

ويسلمووو ع الموضوع وصح السانج ع كل كلمه 

 

[عسى الله يهديني]

الجمعيه يكشخون لهاا

 

[بولندية]

هههههههههه
لما قريت عنوان الموضوع توقعت عن هيا شعيبي لان ذاك اليوم شايفتها بالافنيوز و مو حاطة ميك اب ولا لبسها مادري شلون صاير


انا مو مع اللي تكششششششششششخ و كشختها اووووفر حق مجمع لا عندي اهم شي يكون شكلها مرتب

 

[ŦSЩД3УФИУ]

والله كلآامــج درر

و ي ليـت كل البنآت يفهمون هالشي
يعطيــج العآافيـــــةة


+


لــككِِ

​

 

[احلا مجنونه]

ما يتكلم ويعلق الا الي فيه نقص

شوفي السعوديات لبسهم اسود بأسود بس مششششاء الله لبسهم بالبيت والمناسبات يجنن وذوق وماركات

لكل مقام مقال << هيك شي

المهم والللللللللله العظيم مرات اشوف وحده كاشخه حيل حيل اقول بقلبي لو عندها استقبال او عزيمه شنو راح تلبس !!
اذا نفس اللبس راح تصير هيلقيه لان لبس السوق والعزايم غير


عموما انا مزاجيه لبسي يعبر عن مزاجي
وانا ايام ما كنت اجهز لعرسي كنت اروح السوق بعباه ساااده وفلات وكروس لان رايحه لغرض اما لو سينما او عشا و غدا البس اذرب شوي :$

 

[Om_3bo0od]

ايه والله انا معاج بهالموضوع

ولي دخلتي الافنيوز اتحسين انج بقاعه عرس .. انزين لييش كل هذا

ميك اب اوووووووووووفر .. ولبس مادري شنو ..؟؟

كل مكان وله لبسه .. <<

والله اناا تعجبني البنت اللي ايكوون لبسها بالمجمع نااعم .. احس انه اذرب

من هالدفااشه اللي يلبسوونها ..

 

[Patcholli]

معاج حق ..

بالنسبه لي كل مناسبه وكل مكان له ستايل معين مو معقوله بكشخ حق الدوام ولا حق الجمعيه ولا حق مستوصف ..
وهم معاج حق اذا بروح اتسوق عالسريع البس اللي يريحني اهم شي ما اكون مبهذله مو لازم اكون كاشخه ..!
ليش انا داشه سوق ولا داشه صالة عرس ؟؟
في ناس حسبالهم الكشخه اني ابرق من فوق لي تحت زري وستراس وسواروفيسكي لوول والماسات
مايدرون ان البساطه ساعات تطلع الوحده رزه اكثر
اصلا لاحظي بنات العز واللي شايفين خير دايما لبسهم بسسسسسسسسسسسسسيييييييييييييييييييييييييييييييييييييييط
بلوزه ساده وسكارف ويكونون الاثنين بالشي الفلاني بس ناعم وبسيط وبدون بهرجه لازم على قولتج اذا الكشخه ماناسبت المكان بيكون هلاقه

 

[newchlin]

وي من صجج

انا اطلع وين ما ابي باللبس الي انا مقتنعه فيه

وانا من النوع الي ما احط مكياج الا بالعرس

بلا كشخه بلا خرابيط اصلا الناس اشكالهم مشفح من كثر ما يتزهلقون بكل مكان

لبسي الي يريحج وطلعي وين ما تبين مالج شغل باحد حبيبتي

 

[بدرانيه 17]

عــدل كلامـج الي قـاعدين نشـوفه مو كشخـه تعتـبر هـلآقه
حــلآت البنــت بنعومتهــاا مو دفــاشه خوو كلـه سوق و بتـردين البيـت مو اكثـر من ساعتين
شسـألفه واللـه ملابـس لا هي من دينــا ولا من عـاداتنـا وتقـاليدنــا
حتــي بالحفـلآت مــا نسـوي جــذي هذا مو تطـور هـذا تـدمـر

 

[dantella]

الغريب ان لي سافرنا دول اوربيه ودشينا مولاتههم الي كلها ماركات مانشوف الناس خابه عمرها مثل الي عندنا ياحلوهم وياحلو بساطهم مومتشنجين

 

[الأنسة ناعمة MA]

انا أشوفه في أنواع نوع عادي في نوع بسيط ونوع مهتم ونوع مبالغ
بس اغلب طلعاتي الظهر والعصاري فأشوف الاغلبيه بسيط ألى عادي
والحمدالله انا مو من النوع امشي واطالع خلق الله شنو حاطه ولا شنو لابسه ولا شلون طالعات فيني الحمدالله بنات الكويت حتى الكاشخات اوفر ماقد سمعت وحدة علقت سواء علي او على خواتي أو رفيجاتي

 

[@عسايل@]

يازين العبايه والملفع
بس بعضهم كلشي كشخه عرس مو سووق ويعني شنو الافنيوز يضعطووون بعض البنات واالله

 

[zqertya]

اي والله صدقتي وانا معاج بهالموضوع صج بنات اللي بالمجمعات قاموا يهولون باللبس ترتر ومادي شنو ومليون اكسسوار لابسه وسلاسل وخااطه عينها يعني حده اوفر والله ساعات احس اني غريبه بالمكان خخخخخ اقول ياربي اهما غلط ولا انا بس انا عندي قناعه الحمدالله يعني مو اي شي ينزل موضه لازم البسه مثل موضه الدبابيس اللي بكل شي ركبوهاااا صاروا يخرعون انا البس كل شي ماعندي هذا موضه ولا مو موضه اشتري كل شي يديدوالبسه وطبعي ناعمه بلبسي وبالاكسسوارات البس خاتم ولا خاتمين وساعه وسلسله ناعمه وبس اهما على بالهم اذا بالغوا باللبس يعني عيال جاخ بس اصلن عيال الفلوس دايم لبسهم ناعم وبسيط

مو بس بالكويت شوفيهم بره باوروبا هههههههههههههههه بعد يزيدون تهول

 

[دلوعه غناتي]

ههههههههههه دامج ساتره نفسج ومحترمه عمرج والمكان إلي انتي فيه ومرتاحه من نفسج طااااااااااااااف كلامهم قطي بحر يبا

 

[زين الوصايا]

عادي هههههه مره داشة محل عبي
ولا وحده تخزني خز موطبيعي جنه بايقه حلالها ولا بايقة ريلها
حتى امي الله يخليها جكت تقول لي انتي تعرفينها
لا والحين اي بنت تمشي مع ريلها توهم متزوجين يخزونهم خز
والله على التربيه حلاتها البنت تنزل عينها وتستحي ...!


تقبلي مروري