آكتبيـلنا قصـة ولادتـج هني ~شـآركينا بتجربتـج ~لرفـع معنويـات الحامل ^_~

[barosha]

واي بنات ابي اولد ارتاح تعبت ههههه واي صج تعب

 

[شوكلآته]

واي بنات ابي اولد ارتاح تعبت ههههه واي صج تعب

انا همم مثلج بس مالنا الا الصبرر ونحتسيب الاجرر انا كل ما قلت متى اولد زفتني امي تقووول احتسبي الاجرر ههههههههه زيين شنسوي تعبنا الله يسسهل علينا مالنا الا رب العالميين

 

[بنت الثانوية]

ههههه انا لي حين مادشيت السابع من جم يوم اقول حق ريلي شرايك ..اول ما ادش السابع اولد قيصري هههه ,, بس تعبت تعبت ,,

بطني وانا لي حين مو داشه السابع صار جني يوم كنت بالتاسع وفوق هذا على طول تييني رقعه حتى وانا قاعده مو متحركه من مكاني

 

[شوكلآته]

سلامتج ما تشووفيين شررر يمكن هالرقعه عششان ضخ الدم يزيد انتي شربي ماي مقري وخليج منسدحه واذا قعدتي من النوم لا تقعدين بسررعهه

 

[بنت الثانوية]

الشر ما اييج حبيبتي

عاد انا كلش ما اشرب ماي .. اشرب عصاير وايد بس ما حب الماي بس اذا باكل حبوب اشرب رشفه وحده ,,

بس ان شاء الله بلتزم

 

[انا مميزه]

وناسه القصص فيها المرعب وفيها الحلو ربي يهونها
ودي اكتب قصة ولادتي بس كلهم قديمات اخر وحده قبل اربع سنين

المهم بقولكم اللي ٢٠٠٨ كانو معطيني موعد ١٤/٤ وطوفت موعدي وماكنت احس باي شي عادي طبعا كنت اروح لصباح اسوي تخطيط لبيبي يوم وترك
والصبح الساعه ١٠ حسيت بمغص مره وحده مغصني وراح وااي استانست قلت اشوا فيني ولاده ابيه يرد موراضي جان اقول حق ريلي ترا جاني مغص قال يلا
علا طوول مااصدق قلت له لا بنطر شوي راح الحين مو حاسه بشي قال لا انتي ولاده يلا ناخذ اليهال اوديهم بيت اهلج بسرعه والله يابنات انا ازهب اغراضي واضحك اهو استعيل وانا مااشيه وترا كنت عليميه هذيج الايام المهم زهبت اغراضي واغراض عياليوشلنا قشنا وطول هالوقت ماكان فيني شي عاادي ورحنا بيت اهلي وبعدها رحت لمستشفى الهادي دشينا قلت لهم ولاده وقعدي نطري تحت ونطري الدكتوره عندها حاله ويييع وييع لوعو جبدي قلت انا لو صج فيني مغص جذيه ينطروني ودخلت علا الدكتوره جان تفحص قالت ٣ سانتي ولاده بس البيبي مو نازل بالحوض انا هني قلت يعني شنو مو نازل بالحوض ماكنت اعرف الدكتوره عادي عندها مانطرت علي ولا قالت روحي البيت واذا حسيتي بشي ردي قالت يلا روحي فوق انا هني ابي احس بمغص ماكو كل شي راح من الخرعه
وترا الدكتوره كانت عبير وييع حدها بارده وحتا ماكانت تريح كلش وبعدها عطوني الحقنه الحمام بصوب والغرفه بصوب اكبر غلط هالشي يعني المفروض الحمام بالغرفه وبدلت وانسدحت علا السرير ماكو طلق ومن انسدحت خذيت الكمام قلت بنام ههههههه امبيه والله كنت مو صاحيه علا طوول سحبت الكمام وجان اشوف السستر تحط شي بالدرب واقولها شنو هذا قالت طلق صناعي سبحان الله بنات انا كنت اقرا عنه وخايفه منه وسبحان الله خذيته الله لايوريكم من عطتني الطلق يمااا يماااا عذااب عذااب كنت اصييح من الالم وارفس اقووول ابي ابرة ظهر وكنت اسوي بووش والسستر تقول لا ماما لاتسوين بووش نطري مت مت من الطلق يذبح وحتا كمامهم مو شي انا دخلوني الولاده الساعه ١٢ ونص وكانت السستر تسكر ريولي وتلفني يمين اووف عذااب وبعدها ماطولت من حر الطلق ولدت الساعه ٢ ونص واخيرا طلع من طلع طبعا انا مادري شالدنيا ماما يبتي ولد وقعدت والا السستر كانت قاعده تنظف
والحمدلله علا كل حاال بس مستشفى الهادي مو شي حتا غرفه الولاده مالتهم مفتوحه وعلا الممر يعني مو صاده والله يسهل علي وعليكم الولاده ويقومنا بالسلامه

 

[om attami]

الله يسهل علي وعالجميع امبييييييه خفت من الولاده

الحين وخفت عيل حزتها شبيصير :eh_s(2):

 

[أم معاذ الكندري]

الحمدلله ع سلامتكم بنات
والله يتمم عليكم وعلي والله يهون عليكم وعلي
عجيبه قصصكم اهم شي الخيران لوووووول وناسه أكشن
لا يوقف لايوقف

 

[روح الأحزان]

ههههههه قصصكم حلوه وتونس
الله يسهل علي وعلى كل حااامل يارب

 

[barosha]

ههههههه. هالمره بعد بس عفيه مابي بالخيران عقب

 

[أم معاذ الكندري]

لووووووول
الله يسهل عليج ياقلبي

 

[yoyo"s mam]

يللا بنات
نبي قصص اكثر
شجعونا
لايوقف على قوله ام معاذ

 

[بنت الثانوية]

--عاد الهادي يمدحون بكمامهم معقوله ما أثر فيج ؟؟

المهم الحمدالله على سلامتج والله يسهل عليج وعلينا هالولاده ..

 

[أبكاني ذنبي]

هههههه حلوووه ولاده الخيران اندمجت



الفال لنا بولاده طبيعيه سهله ميسره ياارب

 

[~Rou7~]

اكيد تغير الهادي من هذاك الوقت الحين حيل يمدحونه

مساءالخير شلونكم بنان

مبرووك ماجاكم الي كتبو قصصهم الحين عيالكم رجاجيل اكيد الله يخليهم

 

[بنت الثانوية]

لا انا سامعه فيه بفترة اول ما تزوجت كانت والده فيه اخت ريلي من اربع سنين بالضبط

 

[أم معاذ الكندري]

مادري الهادي ماحبه احس انه سوق مومستشفي

 

[~Rou7~]

مافي قصص

 

[بنت الثانوية]

ماكو الا تنطروني اولد

 

[~Rou7~]

هههههههههه بنت الثانويه
الله كريم ويسهل عليج

وعلي بعد