آكتبيـلنا قصـة ولادتـج هني ~شـآركينا بتجربتـج ~لرفـع معنويـات الحامل ^_~

[أم معاذ الكندري]

الحمدلله ع السلامه شبوصه
وان شاءالله تبشر ينا بالحمال الثاني

 

[yoyo"s mam]

ألف مبرووك حق كل وحده ولدت
والفال لنا انشالله ونكتبلكم قصص ولادتنا حنا البكريات
اب
اب
اب

 

[**miss 3sola**]

حمدلله على سلامة كل وحده والله يسهل عليناااا يااااارب​

 

[om attami]

حمدالله ع سلامة الي ولدوا
ومبروگ ماياكم ويتربى بعزكم
بالنسبه للمواضيع المكرره يتم دمج المواضيع
ولم يتم تجاهل اي عضوه ولا الاهتمام بعضوه معينه
كلنا خوات ومابينا زعل
وياليت من العضوات قراءة القوانين
واي استفسار انا حاظر

​

حبيبتي انشالله ما بينكم زعل

بعيد الشر عنا كلناااااا

عفيا لا تزعلون لا انتي ولا روح:eh_s(17)::eh_s(17):

ويعطيكم العافيه

الموضوع حدددده مفيد خاصه حقنا البچريات :eh_s(7):

 

[أبكاني ذنبي]

رووح الحمدلله على سلامتج



ورفع

 

[ملاك ^ الحب]

اقولكم قصه ولادتي من اربع سنين في بجري


من دخلت الثامن وانا فيني طلق تعبت من العوار وكل ماييني عوار اروح اركض المستشفى يحطون لي تخطيط يقولون في طلق بس مو طلق ولاده ردي البيت

واروح حق الدكتور اقوله عفيه ولدني تعبت خلاص يقولي تشوفين الباب اقوله اي يقولي طلعي بره وسكري الباب وراج هههههههههه

يقولي ولاده ماراح اولدج الحين خلاص لاني بالثامن


لمن دشيت التاسع عديت اسبوعين وعوار ذبحني روحت الظهر المستشفى جان يقولي الدكتور ولاده قيصريه قمت ابجي خايفه من العمليه

قلت له مابي قالي ماراح تقدرين طبيعي لان راس البيبي مو نازل بالحوض مع ان كانت بنتي مفتره مو راسها مو نازل بالحوض


قالي خلاص راح احط لج طلق صناعي يمكن تولدين طبيعي قلت له اوكي

ودخلت العصر الساعه 4،30 ودقيت على امي وياو امي وخواتي ثنتين وظلو عندي نامو بالمستشفى

وحطولي ثلاث تحاميل طلق صناعي كل ست ساعات وحده ولمن بلش الطلق عدل والعوار يذبح كان تقريبا الساعه 7 الصبح يوم ثاني

جان يقولي الدكتور خلاص ما اغامر فيج اكثر من جذيه عمليه على طول لان نبض البيبي قام يقل قلت له اوكي


ورحت العمليات ونص ساعه بالضبط خلصت والحمد الله يبت بنوته مثل القمر

ولمن شفتها والله راح العوار والتعب كله

والحمد الله اسبوع واحد بس وماقمت احس بعوار الخياط



والحين انا حامل وانشاء الله اذا ولدت راح اكتب قصتي

 

[بنت الثانوية]

الحمدالله على سلامتج ,,

 

[ريماا]

ريماااا الله يسهل ولاتج يارب وتكتبين لنا قصة ولادج اليايه وتكون اسهل من اللي قبلها

مشكوووووورة الله يسهلها ان شالله علي وعلي الحوامل

 

[روح الأحزان]

الحمد لله على سلامتج حبيبتي ملاك ننطر قصة ولادتج

 

[yoyo"s mam]

ملاك الحب
ريما
ماقصرتوا بعد عمري
والله يكمللك حمالكم عل خير ملووكه وريما

 

[barosha]

خوش موضوع حبيبتي وتسلم ايدج
انا بكتبلكم قصت ولادتي فبنتي

المهم انا من الشهر الثامن يالي طلق وقفوه كنت كل يومين طبيب
المهم يوم دشيت شهري اوله كنه حاجزين خيران هههههه
عاد العموم قالي انه مرح اولد لاني بجر فعادي المهم
كنا حاجزين اسبوع الله يسلمكم اول يوم اقول حق امي يماه في شي ادعم
تقولي عادي ثاني يوم هم نزل عادي المهم ثاني يوم قمت من النوم قتلها نزل قالت عادي
المهم كان العموم طاب بالبحر ومشوقه بدش بس بمسك نفسي قلت اخر يوم ادش عشان لا سمح الله لا ايلي طلق
بس الفضول ذبحني رحت قعدت عاليال وحاطه يمي صينيه وقص رقي واوزع على الي يسبحون كانت نساتي رقي
ههههههه رايحه الخيران معاي 7 رقيات قتلهم كاليوم رقيه هههههه
المهم نسيت اقولكم 2 -7 راجعت الطبيبه كان يوم الاحد قبل لا اروح الخيران قالتلي لا تو الناس عليج وقالتلي وزن البيبي كبير
لا تخربطين
المهم طلعت من البحر سبحت ونمت قمت اساعه 9 بليل هم في شي ادعم قلت ماني قايله حق امي هذا عادي ونزلت تحت ولعب وجذي وكان الجو حده عجيب بس اول ما قمت من النوم بطني شاده الي ما اقدر شي يحوشها حتن حاشها الباب بطوف لمسها قمت ابجي اليهال ايونلي بلموني لا لا ما اقدر المهم صار بليل لعبت تنس ريشه خخخخخخ ريلي زفني زف ويلحقني يبي ياخذه بس مابي ابي العب لعبت اشوي المهم الفير صعدنا انام نمت قعدت من النوم على دنابك وصراخ اله بقعدوني لانه اليوم الي قبله انا دشيت كل شاليه وصرخ قوموا وقوموا هههه اليوم بردونها لي المهم قمت وله تكرمون احس جنه بلت على روحي واروح الحمام اقول حق ريلي ماي الياهل نقز دشيت الحمام ماكو شي وله اقوله لا مادري شنو هذا وله يقولي قولي بلت على روحي لا ترقعين عاد انا من الفشله اشفيك عمري ما سويت جذي وابرر يت بقوم من الفرنجي مشيت خطوتين جان ينصب الماااااااي مني
انا قمت اصرخ اناديه اهوه من الوهقه الريايل كلهم تحت ناده الخدماه وركض ايون خواتي وامي ولبسوني ركبت السياره وبنطلع من الخييران وامي تقول حق ريلي صايرلها يومين وكنت اقولها لا عادي وله شي اخاف بتولد وريلي يروح عند البوابه المصري يبي اوراق وريلي يصرخ يقوله افتح يقوله ما يصحش يا افندم وامي تقوله ولاده وانا ابجي وريلي يصرخ انصدم فتحت هذا والي يمه مبققين عيونهم طلعنا على طول رحت بيتنا اسبحت رحت الطبيب دشيت مافيني طلق بس الماي فحصتني 3 سانتي دخلوني غرفه الولاده وقعدت حطولي الكمام وهلوست الكمام ما كنت احس بشي بس كنت اسوي غلطه انصح الكل يحط باله كنت اجفس اريولي الثنتين على بعض وكنت اخنق الياهل بدون ما احس وكانوا يفحصوني هالحجي 5-7 المهم يت الدكتوره اساعه 10 فحصت قالت 7 سانتي يعني عالساعه 3 الفير تولد
وللعلم انا عندهم من 12 الظهر
المهم عقب ما طلعت دشت يدتي واختي يدتي اول تولد وتعرف جي تلف البيبي وتنزله وجي سوالف اول يت حطت ايدها على بطني ودزت وزفت اختي قالت رفعي اريولها رح تذبح الياهل جذي وقالت رفعي اريولها لي فوق وانا ارفع اريولها الثانيه وتقولي صكري حلجج ودزي لي تحت انا عبالي خلاص ماكو دكتوره واهي بتولدني هلوسه الكمام واسمعها تقول والله تذبح اليبي رفعي اريولها وتقولي صكري حلجج ودزي وله اتيه السستر لا لا لا مدام ما يصير ممنوع ويدتي ازفها تقولها انا اولد اول انا اعرف طلعي بره انتي وانا واسوي وله ايون السسترات وطلعون يدتي وبقت اختي انا اهني بده يفج البنج وقمت اقول حق اختي بيطلع الياهل بيطلع اختي تقولهم نادوا الدكتوره اتقول السستر توه فاحصتها 7 سانتي اقولها والله بيطلع وسستر مسكت ايد اختي اقولها فهمي بتطلع اختي قالت حق السستر نادي الدكتوره بكلمها اول ما يت الدكتوره قالت ميخالف فحصي وفحصت ما مده وله اصرخ ولاده واطلعون الاجهزه بسرعه بسرعه ويتيمعون الدكاتره وسسترات وبعدين تقولي سوي بش انا مو عارفه اسوي اشوي وله تقعد تصرخ نبض البيبي وسوي بش بسرعه وطقني على ريلي عبالها انا نايمه انا يايه بسوي بش يعني واقوم وارفس الحديده بويه اللدكتوره وانشلع الدرب وايدي قامت اطشر دم وعلى طول مسكوني كل سستر مكان وسحبوا بنتي اول ما طلعت ما كانت تتنفس على طول ودوها ما عطوني اياها وله بجت وانا كنت اقولهم بشوفها بشوفها وشفتهم لوييه وصراخ وطحت نمت ولدت 11 ونص 5-7
حطوا بنتي بشيشه يوم لانه كانت ما تتنفس ونبضها كان رايح
1 دكتورتي نزهت
2 مستشفى السلام
3 سستراتهم يهبلون
4 تقيمي للمستشفى 100% من جميع النواحي
ادعوليييي هسنه هم ولادتي شهر 7 وهم بالخيران بس ادش شهري 2 -7 خيرانه 5-7 لي 15-7 ادعولي اولد يا 16 17 18
واقولكم قصتي وعسى ما طولت عليكم ترى ولادتي الي قتلكم قصتها 5-7-2011

 

[بنت الثانوية]

زين ليش طلعوا يدتج .. ما شاء الله عليها احسها فاهمه اكثر من الدكاتره ,

ولادتج اكشن .. الله يسهلج ولادتج يا رب ,, وعلى كل الحوامل ان شاء الله ,,

 

[barosha]

ايييي مشالله عليها اهي الي ساعدتني
ولحقت عالبيبي
حمدالله يارب

 

[~Rou7~]

barosha ههههههههههه جدتج شي تضحك
ياحليلها الحمدلله ع سلامتج وان شاءالله تولدين بالوقت الي تبين

 

[barosha]

هههههههه الله يسمع منج يارب

 

[اول غلا]

السلام عليكم

بنات انا قاعده اشوف الموضوع صارلي ساعه وناويه اكتب قصه ولادتي بس بطني قام يعورني
وانا هذا ثالث اسبوع لي بالتاسع تكفون ادعولي اذ ولاده الله يسهل علي وانشاء الله ارد اكتبلكم
مادري فيني طلوق ولا تأثرت من الي قريته *

 

[بنت الثانوية]

خخخخخ .. الله يسهل عليج ان شاء الله ,, ودامج شاكه روحي اكلي تمر ,, واقري سورة مريم والانشقاق والزلزله

وحاولي تسجدين واذا قدرتي تبجين ابجي قولي اللهم لا سهله الا ما جعلته سهلا وانت اذا شئت تجعل الحزن سهلا ..

وقولي الاسماء الحسنى الي حافظتها ..وقولي انت قلت وقولك الحق ادعوني استجب لكم ..وانا ادعوك يا إلهي يا سيدي ومولاي وصلي على النبي .. وحاولي تندمجين بالدعاء ,,

واذا صج فيج ولاده قوليلي اذا ما قدرتي تقرين سورة مريم انا اقراها عنج والله يسهل ولادتج ان شاء الله ,,

 

[barosha]

ههههههه من الخرعه يمكن نطري ان تم العوار روحي الطبيب

 

[اول غلا]

والله بنات مادري
بنت الثانويه مشكوره حياتي جزاج الله خير واذ على البجي انا شغاله على طول
الحين زوجي نام وقال اذ زاد العوار قعديني وانا مادري من الخوف ولاصج طلوق

 

[شوكلآته]

الله يسهل علينا كلنا يا رب ومشكورييين يا بنات على القصص انا من دخلت الثامن وانا كل يوم احس بولد هههههه شكلي مستعجله
اول غلا الله يسسسهل عليييج يارب ويقومج بالسلامممه انتي والبيبي اقري الادعيه واستغفري طول الطريق وما تشوفين شرر ان شالله