آخر اخبار التربيه في الصحف الكويتيه

[bnt_7waa]

رد: التربية تبي أولياء الأمور يساندونها عشان يتخذون قرار تأجيل الدوامات..يلى شدوا حيل

تأجيل بس عيالكم راح يضيعون بالمناهج والمدرسات راح ينظغطون اذا ماحذفو شي لهم بالمناهج

المفروض تكون فيه حمله تطعيميه او اي شي مثل جذي مو تأجيل[/QU




الدراسه لاحقين عليها وكل شي يتعوض بس اهم شي صحتهم وبعدين الوباء قاعد ينتشر ومافي مدارس فمابالج لو طفل واحد مصاب ممكن يعدي 500 طفل بيوم واحد الله يستر يااااارب

اي اكيد بس حتى لو التأجيل راح يكون فتره بسيطه

لازم يسيطرون على المرض بعلاج وحل

 

[um fawaz]

رد: التربية تبي أولياء الأمور يساندونها عشان يتخذون قرار تأجيل الدوامات..يلى شدوا حيل

مع التاجيل

يعطيج العافيه ابله

 

[mooomooo]

رد: التربية تبي أولياء الأمور يساندونها عشان يتخذون قرار تأجيل الدوامات..يلى شدوا حيل

انا ولدي اللي بالروضه مغيبته من غير قراراتهم ليما يتطعم بس المشكله بهالابتدائي

انا ناويه البسهم كمامات بس شدعوه ماراح يشيلونهم

بصراحه حيل خايفه عليهم

الله يحفظهم ويحرسهم ويحميهم

 

[مســـــافره]

رد: التربية تبي أولياء الأمور يساندونها عشان يتخذون قرار تأجيل الدوامات..يلى شدوا حيل

انشاءالله تتأجل الدوامات ليما يوصل اللقاح ويطعمون الطلبه والمعلمات
بس لازم نبتعد عن الاماكن المزدحمه بعد مو بس المدارس ونقلل طلعاتنا والله يكفينا شر المرض

 

[MoonDiamond]

رد: التربية تبي أولياء الأمور يساندونها عشان يتخذون قرار تأجيل الدوامات..يلى شدوا حيل

كل شي يتعوض الا الصحه يا جماعه..
والمعارضيين هم: الوزيره ووكلاء وزراء التربيه وبعض الموجهين الحديد وبعض النظار اللي ما عندهم عيال يدرسون

 

[تنهيد]

رد: إذا أجلوا الدراسة ..نداوم السبت الراحة الجمعة فقط ...شوفوا الخبر

أمانه يعني بس الطلبه يصير فيهم هالشي وحنا المدرسات قرانديزر ما يصيبنا شي هم حنا بشر
شنو هذا اففففففففففففف كله ولا دوامنا برمضان غاثني

 

[بطاطا]

رد: إذا أجلوا الدراسة ..نداوم السبت الراحة الجمعة فقط ...شوفوا الخبر

ناخذ يوم عطلة احسن من ان يمتد الدوام لشهر 7 و 8 بهالحر و بهالرطوووبة عشان نعوض العطلة

 

[أبلة كويتية]

أدري دوختكم بنقل أخبار تأجيل الدوام ..بس بسرعة دشوا واقروا هالخبر

الخبر من جريدة الرأي العام


وكشف مصدر تربوي مطلع لـ «الراي» ان وزارة التربية ابلغت وزارة الصحة «بشكل سري» ((حلووووة بشكل سري سمعتوا بشكل سري:O_SHH_: مو تقولون لأي أحد إنزين سري سري سري ومكتوب بالجريدة خوووش سري لا تنسون سررررري:dddds: )) انها تستطيع تأجيل العام الدراسي في مدارس التعليم العام والخاص والنوعي الى نوفمبر او ديسمبر من العام الحالي وبدء العام الدراسي مع مطلع العام الجديد 2010، في حال تصاعدت ازمة انفلونزا الخنازير.((عندهم شك ..ليما ألحين مو مصدقين إنه المرض يتصاعد :23_asmilies-com: ))
واكد المصدر ان وزارة التربية ومن خلال خطتها ستقوم بتعويض الطلبة ما يفوتهم من المنهج من خلال استغلال عطلة الصيف (( يعني ما كو عطلة طويلة نفس كل سنة لازم نعطل مع الطلبة العطلة من حقنا :lkmnkl) اضافة الى اعتماد يوم السبت من كل اسبوع دواما رسميا للطلبة، مشيرة الى ان العطلة وراحة الطلبة ستكون يوم الجمعة فقط الى حين انتهاء المنهج وفق الجدول الزمني.(( يا سلاااااام ..إذا جذي نبي أوفر تااايم :eh_s(14): هذا حق من حقوقنا :eh_s(14): ))وقال المصدر ان وزارة الصحة ستقوم بتوفير المستلزمات الطبية كافة في المدارس في حال الإبقاء على موعد الدوام على حاله،
مؤكدا انه في حال التقصير في استعدادات «الصحة» ستكون هناك مشكلة كبيرة لان الجميع متأهب في حال اكتشاف حالات مصابة مع بداية الدوام المدرسي.((أها ااا..مجهزين الرباط قبل الفلعة ..كل وزارة وقت الصج تقط غلطها على الثاني ..الكل يبي يخلي نفسه من المسؤولية:eh_s(1): ..منتو قدها ..أجلو الدوامات وحفظوا ماي ويهكم أحسن قبل لا يطيح الفاس بالراس :eh_s(14): ))
واشار المصدر إلى ان عملية التأجيل في مدارس التعليم العام لن تخل او تؤثر بالعملية التعليمية بشكل كبير، خصوصا وان اهل الميدان واولياء الامور ينتابهم قلق كبير من بدء العام الدراسي.(( مدام تدرون إنها ما تأثر ليش ما تأجلوووون ؟؟؟؟ :gr4uu)وتوقع المصدر ان تكون حالات الغياب وعدم اكتمال النصاب بين الطلبة في اول يوم دراسي واردة، محذرا من الاشاعات التي ستطلق».((أكيد في غياب .وغياب كبير بعد ..أجلوا بكرامتكم ولا يجبرونكم بالغياب :lololoe: ))

وهذا الرابط للتأكيد

http://www.alraimedia.com/Alrai/Article.aspx?id=152524



:yaaaaaarb:

الله يحفظنا ويحفظ الجميع :q8:

:yaaaaaarb:

 

[droo5]

رد: أدري دوختكم بنقل أخبار تأجيل الدوام ..بس بسرعة دشوا واقروا هالخبر

لوووووووووووووووول
الله يستر علينا

 

[com-teacher]

رد: أدري دوختكم بنقل أخبار تأجيل الدوام ..بس بسرعة دشوا واقروا هالخبر

الله يستر والله قاعده احاتي واااااااااااايد
مو ناقصين بلااااوي

 

[Glamour]

رد: التربية تبي أولياء الأمور يساندونها عشان يتخذون قرار تأجيل الدوامات..يلى شدوا حيل

انا بقول شغله اللي سمعته انه التأجيل للطلبه فقط ؟؟ بس شنو فايدة تأجيل الدوام اذا ما يحوش الهيئة التعليمية والادارية يعني نقعد نداوم كل يوم فوق الشهر او يمكن اكثر بدون طلبه !!!! مو حل هذا كلش !!!!!!

صج الصحه ما تنتعوض بس اذا تأجل دوام الطلبه

ومن وجهة نظري انا :0bee2e8d89:

بتنكرفون عدل عاد الناظره متفرغه ماكو طلبه بس المدرسات اقبالها يعني بتقول سنعو المختبرات بالنسبه للحاسوب والعلوم صبغوهم غيروا غيروا غيروا وعلوم الاسره والفنيه والدراسات العملية كل شوي بتقول بعد ماكو طلبه ما عندكم شغل سوا جذي وسوا جذي .... عاد احنا يالاداره بتقابلنا 24 ساعه بدون توقف وبتمسك لنا على الوحده طبعا اهو مو شي جديد بس لو في طلبه نقدر ننحاش للاشراف والمقصف وغيره ههههههههههههههههه :dddds:

واذا دامو عقب التأجيل بننضغط كلنا بالنسبه للمناهج والامتحانات والدرجات كل شي بيتغير بننعفس فووووق تحت والله صدقووني _03BA:


ترى هذا راي الشخصي

 

[فركيلز]

رد: أدري دوختكم بنقل أخبار تأجيل الدوام ..بس بسرعة دشوا واقروا هالخبر

معقولة يسووونها؟؟؟

بس جذي بيصير ضغط على الطلبة والمدرسين

ما ادري

الله يكتب اللي فيه الخير للجميع

وشكرا على نقل الخبر

 

[mooomooo]

رد: أدري دوختكم بنقل أخبار تأجيل الدوام ..بس بسرعة دشوا واقروا هالخبر

نفس الخبر توني قاريته بالوطن

والله مو عارفين شسوون

ان شاء الله تأجل بس ليما يتطعمون عيالنا وميخالف عقبها يداومون اخم شي صحتهم

واشلون الدوام ماراح يأثر بالعكس راح يزيدون

وطلعه السوق والا اي مكان مو نفس المدارس يومين ومجابل هالطلبه داخل الصف لمده 7 اكثر من 5 ساعات

والمشكله بالفرصه والتجمعات والله يستر

ومشكووووووووووورة حبيبتي على اخر الاخبار

ابلة كويتية كونا كويتيات هههههههه

يعطيج العافيه

 

[Um_3boud]

رد: أدري دوختكم بنقل أخبار تأجيل الدوام ..بس بسرعة دشوا واقروا هالخبر

الله يعينه على القرارات الي قاعد تطلع
انصدق شنو ولا شنو

 

[أبلة كويتية]

رد: التربية تبي أولياء الأمور يساندونها عشان يتخذون قرار تأجيل الدوامات..يلى شدوا حيل

والله ما يندرى عنهم

آنا دخت من أخبارهم بالجريدة ودوختكم معاي

بس عندي إحساس كبير إنهم متوهقين حدهم وراح أجلون للطلبة

وإحنا لنا الله ..ونعم بالله

شاكرة لكم مروركم وتفاعلكم

 

[أبلة كويتية]

رد: أدري دوختكم بنقل أخبار تأجيل الدوام ..بس بسرعة دشوا واقروا هالخبر

حياكم الله نورتوا الموضوع

بس شكلهم بيأجلون أكيد ..تدرون مستحين لأنهم مو قد تصريحاتهم ..بس قاعدين يمهدون الطريج نحو التأجيل

وشكله وااااضح من الخبر كل وزارة بتقط اللوم على الثاني ..كلهم متوهقين

 

[حساويه كشخه]

رد: أدري دوختكم بنقل أخبار تأجيل الدوام ..بس بسرعة دشوا واقروا هالخبر

شنوووووووووووو

اقول حلمانين ان نداوم السبت

وياخذون من عطلة الصيف

ندوااااام مثل الاوادم ابرك لاااا تاجيل ولا هم يحزنون<<طالبه تحاتي الدوامات لوووووووووووول

صج كنت متحمسه حق التـأجيل..بس من سمعت دوام السبت وياخذون من عطلة الصيف

فـ انا بعاارض

لااااااااا والف لااا:eh_s(14):

 

[Um_3boud]

رد: إذا أجلوا الدراسة ..نداوم السبت الراحة الجمعة فقط ...شوفوا الخبر

كل يوم خبر والله
الله يعينه احنا قاعدين على اعصابنا موعارفين شنو راح يتفقون عليه
ومشكوره على الخبر

 

[maraiem]

رد: أدري دوختكم بنقل أخبار تأجيل الدوام ..بس بسرعة دشوا واقروا هالخبر

'طيب للحين احنا ماعرفنا .. اذا فعلا تم تاجيل العام الدراسي لي شهر 12 .. مثلا ... هذا معناته اكيد ان الطلبه ما يداومون.. لكن المعلمين والاداريين يدامون؟؟؟ اعتقد نفس الضرر ممكن يقع علينا خاصة مع وجود حالات اصابه ضمن البالغين .. ولا تنسوون اللي يااين من اجازاتهم والوافدين .. بس تهقون يسوونها ؟؟ يخلونا احنا بعد نعطل؟؟ انا شخصيا اتصور التأجيل بس للطلبه .. احنا راح نداوم .. وما راح يخلونا نقعد بس جذي .. راح يطلعون لنا شغل من تحت الارض .. يا يجبرونا نسوي ورش عمل او ندوات .. او دراسات .. او شي جذي ... ومافي اجر للايام الاضافيه اللي راح نداومها تالي مع الطلبه ( حمدوا ربكم اجلنا العام الدراسي ) وبهالحال راح ينتهي العام الدراسي شهر 8 السنه اليايه ان شالله .. يعني مع دخلة رمضان .. ونداوم بعد العيد اول شهر 9 وتوته توته .. خلصت الحدوته
شرايكم ؟؟

 

[أبلة كويتية]

رد: إذا أجلوا الدراسة ..نداوم السبت الراحة الجمعة فقط ...شوفوا الخبر

نداوم السبت وهم ياخذون من العطلة الصيفية .هذي آخر الأخبار

شاكرة لكم مروركم ..بس فعلا دوخونا بتناقضهم إللي فاق الحدود

بنأجل ماراح نأجل بنأجل ماراح نأجل بنأجل ماراح نأجل بنأجل ماراح نأجل بنأجل ماراح نأجل بنأجل ماراح نأجل
بنأجل ماراح نأجل بنأجل ماراح نأجل بنأجل ماراح نأجل بنأجل ماراح نأجل بنأجل ماراح نأجل بنأجل ماراح نأجل
بنأجل ماراح نأجل بنأجل ماراح نأجل بنأجل ماراح نأجل بنأجل ماراح نأجل بنأجل ماراح نأجل بنأجل ماراح نأجل
بنأجل ماراح نأجل بنأجل ماراح نأجل بنأجل ماراح نأجل بنأجل ماراح نأجل بنأجل ماراح نأجل بنأجل ماراح نأجل