آخر اخبار التربيه في الصحف الكويتيه

[ساندريلا]

رد: إذا أجلوا الدراسة ..نداوم السبت الراحة الجمعة فقط ...شوفوا الخبر

مالنا حل الا الاضراب:|(

 

[:: Diva ::]

رد: إذا أجلوا الدراسة ..نداوم السبت الراحة الجمعة فقط ...شوفوا الخبر

من صجهم ؟!
لي متى يعني اذا اسبوعين
بيغيبون جم سبت بيداومون ؟!

 

[#أصيلة#]

رد: إذا أجلوا الدراسة ..نداوم السبت الراحة الجمعة فقط ...شوفوا الخبر

صدمتوووووووووووني ........... شنو نداوم السبت ... يا نداوم مع الطلبة يا نقعد معاهم .... شنو هالسالفة . ولا يأجلون الدراسة شهر ويزيدون شهر بالعطلة الصيفية يعني نعطل شهر 7 مادري ليش مايفكرون

 

[ام طلال]

رد: إذا أجلوا الدراسة ..نداوم السبت الراحة الجمعة فقط ...شوفوا الخبر

يعني نداوم السبت نخم المدرسه ولاشنسوي بالضبط؟؟؟؟؟؟؟؟؟؟؟؟؟؟؟؟؟؟؟

 

[كولوراديه]

رد: إذا أجلوا الدراسة ..نداوم السبت الراحة الجمعة فقط ...شوفوا الخبر

خيولون زيييييين

 

[shai5at al3arab]

رد: إذا أجلوا الدراسة ..نداوم السبت الراحة الجمعة فقط ...شوفوا الخبر

للحين ما صار ولا قرروا شي

انتي نطري عليهم شوي .. لما ايي الخبر الأكيد ..

لانه كل يوم قاعدين نسمع شي ..

خليه لما يصير حزتها يبين .

 

[يا ليل مطولك]

رد: إذا أجلوا الدراسة ..نداوم السبت الراحة الجمعة فقط ...شوفوا الخبر


انا مع الاخت اصيـــل يأجلون ادراسه لين تستقر الاوضاع شوي ويجيبون لقاحات ونتطعم احنا والطلبه وتالي يأخرون العطله شهر

ما عليه

بعد احنا مانرضى ناخذ معاش ببلاش

مشكووووره اختي عالنقل..

والله يحفظنا يارب

 

[قوطي نيدو]

رد: إذا أجلوا الدراسة ..نداوم السبت الراحة الجمعة فقط ...شوفوا الخبر

يا فرحه ما تمت

 

[يمة يادلبي]

رد: إذا أجلوا الدراسة ..نداوم السبت الراحة الجمعة فقط ...شوفوا الخبر

يارب يأجلووووووووووووون ومستعدين انداوم السبت واليمعة بعد لو يبون

 

[ريانا]

رد: إذا أجلوا الدراسة ..نداوم السبت الراحة الجمعة فقط ...شوفوا الخبر

مشكوره عالخبر

الله يكتب الي فيه الخير للشعب والوطن

 

[مســـــافره]

رد: إذا أجلوا الدراسة ..نداوم السبت الراحة الجمعة فقط ...شوفوا الخبر

اذا باجلون ويخلونا نداوم بالعطله اوكي بس شرط ياجلون دوامنا معاهم موووووووووووووو معقوله نداوم من شهر 9 لاشغل ولا مشغله لا والصيف كله نعوض غياب الطلبه

مافي عدل كلللللللللللش

 

[ريانا]

رد: مصادر تربوية اذا كان هناك تأجيل فسيكون للطلبة فقط ..والله قهرررر ..وإحنا لنا الله

احنا المشكله عندنا في بعض المدرسات الله يهديهم بس اذا صارت كحه بالبلد يبون عطله يوم بين عطلتين عطله اخر الدوام نبي عطله اول الدوام هم لازم عطله شنو هذا؟؟؟؟؟؟؟؟؟؟؟؟؟؟؟؟؟؟؟؟ والي تقول ان الموظفات قاعدين علمكاتب شنو الدوله ماعندها طبيبات احتكاكهم مع المرضى ماكو مراجعين من جميع الجنسيات ماكو ممرضات والموظفات الي بالبنك مايحتكون مع الناس ياجماعه ليش التذمر الي ماله معنى يعني شهرين وشوي وهم مومكتفين شنو المطلوب ينزلنا راتب واحنا فالبيت...والي تقول عيالي الله يعافيج اخاف يعني الموظفات مايابو عيال ولا بس احنا الي عندنا عيال يعني واخاف اذا عطلو ماتودونهم الالعاب وجمعات ومطاعم ولا كل هذا ماكو اختلاط...حدث العاقل بما يعقل
انا مع تاجيل الطلبه للوقايه وضد تاجيل دوامنا المعلمات والله الحافظ

 

[^ حـلـــــوى و رهـــــش ^]

رد: إذا أجلوا الدراسة ..نداوم السبت الراحة الجمعة فقط ...شوفوا الخبر





لا تعليق
لان صايريـن قراراتهـم تخبطيـه حدهـا ..

 

[@ الرسامة @]

رد: إذا أجلوا الدراسة ..نداوم السبت الراحة الجمعة فقط ...شوفوا الخبر

ماعندهم سالفة

نداوم السبت



هههههههههههههههههههههههههههههه
اي هين

 

[moony77]

رد: إذا أجلوا الدراسة ..نداوم السبت الراحة الجمعة فقط ...شوفوا الخبر

مو عارفين شيسوون

 

[&أمواج&]

رد: مصادر تربوية اذا كان هناك تأجيل فسيكون للطلبة فقط ..والله قهرررر ..وإحنا لنا الله

الله يســــــــــتر


:0bee2e8d89::0bee2e8d89::0bee2e8d89::0bee2e8d89:

 

[sweet fashion]

رد: مصادر تربوية اذا كان هناك تأجيل فسيكون للطلبة فقط ..والله قهرررر ..وإحنا لنا الله

اسمحولي يابنات اشارك معاكم للعلم انا مو مدرسه انا موظفة باحدى الوزارة
بالنسبه لموضوعكم يابنات ياحلوين اهم شي عندنا هو الاطفال لازم مايداومون لان ماعندهم مناعه والحوامل وكبار السن
انتوا ليش ماتبون تداومون شنو اللي مخليكم تتحلطمون حللو معاشاتكم انتو اكثر ناس ياخذون عطل بالسنه ورواتبكم جيده وفوق كل هذا ماتبون تداومون ترا مافي الا كل خير -في غيركم مثل موظفين المطار ماقالوا مانبي نداوم خايفين من المرض وفي ادارات بالمطار ماقالوا مانبي نداوم خايفين اللي قاسمه الله بيصير اشدعوه كل هالخوف واذا انتو ماتبون تداومون عيل بعد باقي الوزارات مايبون والوزراء والكويت توقف -اسمحولي تفكيركم تفكير يهال هذي وظيفتكم ماتبونها عيل استقيلوا لاتحتجون والله وزارة التربيه مو ملحقه ومومقصره -وطريقة كلامكم مثل اليهال اللي مايبون المدرسه مايصير جذي

 

[النمله الخارقه]

رد: إذا أجلوا الدراسة ..نداوم السبت الراحة الجمعة فقط ...شوفوا الخبر

اخاف صج بس انداوم يوم السبت شنو هذي الوزاره لا يرحمون ولا يبون رحمة الله تنزل كلها اسبوعين بخلونا انداوم السبت
يا مال الضعفه بس عمرهم ما اخذوا قرار صائب
حسبي الله ونعم الوكيل فيهم

انا باخذ اجازه ولا ابي اداوم وخل وحه ثانيه تاخذ جدولي ماكوشغل
اوريهم

 

[أبلة كويتية]

رد: إذا أجلوا الدراسة ..نداوم السبت الراحة الجمعة فقط ...شوفوا الخبر

والله ما يدرون شيسوون

بسوون روحهم سوبرمان بس مو قادرين

شوفوا آخر خبر من جريدة الوطن

أمانة إقروا وشوفوا التخبط

توهق البطل ههههههههاااااي

الخبر وااايد قرقة بنقلكم الزبدة اووكي ... وإللي حابة تقراه كامل حاطة لكم الرابط بالنهاية


وقد ابلغت مصادر «الوطن» ان وزارة الصحة طلبت من وزيرة التربية د.موضي الحمود التقدم بطلب رسمي الى مجلس الوزراء لتأجيل العام الدراسي لمرحلة رياض الاطفال الى شهر ديسمبر المقبل.

وقالت المصادر ان الوزيرة الحمود ستعرض هذا المقترح على مجلس الوزراء في جلسته المقبلة.

كشفت مصادر مطلعة ان قرارا سيصدر في غضون اليومين المقبلين بتأجيل الدراسة في مدارس التربية لمدة شهرين اذا ثبت من التقارير ارتفاعا في معدل الاصابة بالمرض كما فعلت دول اخرى وستجري وزارة التربية استفتاء بين اولياء الامور بشأن تأجيل الدراسة حتى يكون القرار مدعوما من اولياء الامور بعد رفض البعض التأجيل.

وهذا الرابط للتأكيد
http://www.alwatan.com.kw/Default.aspx?tabid=204&article_id=531853

 

[maraiem]

رد: إذا أجلوا الدراسة ..نداوم السبت الراحة الجمعة فقط ...شوفوا الخبر

لا حول ولا قوة الا بالله ... الله يستر ويحفظ ديرتنا وعيالنا واهلنا من كل شر