؛؛ اسئل العضو إلي بعدك سؤال جاد و نقاشي ؛؛

[شاكليته]

ايه تكمل تعليمها ,, يعجبني الطوح على الكبر ,, تكون في اوجها


ليش اخترتي ادشين منتدى كويتيات .. مع ان .. وايد فيه ارور ؟؟ تعارف ولا سوالف مني ومناك وشي ثاني ؟

 

[tolay]

وايد يمدحونه ويتكلمون عنه ودخلته صدفه وعجبني



نفس السؤال

 

[Pepsi Cola]

انا مشتركه بجميع منتديات كويتيات على اختلاف اساميها وكل ما يطلع منتدى جديد بشترك فيه باذن الله مسانده لبنات ديرتي

من مدارس الحياة اي مدرسة انتي استاذة فيها؟

 

[جـروح]

انا استاذه في الصبر يااامااا شفناااا

شنو شي سويتيه واستفدتي منه حيـــــــــــل بالحيااه ؟

 

[RmRom]

امممم أشياء وايد

بس أهم شي : تعلمت التصميم وأتقنته .. وأستفدت منه تجارياً

شنو أهدافج على مدى 5 سنين ؟

 

[دلوعة أبوهآ]

هدفي إني أوصل للي أبيه في أقرب وقت ..
وان وصلت له !! اكون وصلت لكل اللي ابيه ,,


منو أهم شخص بحياتك ..؟ وماتقدرين تستغنين عنه​

 

[::كسرة عود::]

اكيد امي وابوي الله يحفظهم؛؛؛

شنو تسوين آذآ مثلآ شريتي شي عآجبج ويكوووون جديييد بآلمووضه يعني وتجيج وحده تقول هذآ شآريته فلآنه قبل سنـــه؛؛<<بآلعربي يعني تحبّـــــــــط وهو فعلآ جديد !!!

 

[$$ صعبة الوصوف $$]

اقولهــآ أردهـ موووضـــه

نقطة تحول بحياتج ؟

 

[دلوعة أبوهآ]

والله مادري ..
اشياء كثير صارت لي
بس مادري اذا اقدر اعتبرهم نقاط تحول ولا لا ..,



شنو طموحك في الحياه !​

 

[لمعة الماسه]

اني اتوظف الوظيفه اللي تريحني واكون مستانسه فيها

وودي اكمل ماجستير .........


شنو الشغله اللي تسوينها دايم وماتعتقدين انج راح تقطعينها طوول حياتج ؟؟

 

[(كويتيه عسل)]

الصلاة ويارب تتم علي وتثبتني اللهم آمين:yaaaaaarb:

شنهي امانيج لعام 2010 ؟

 

[دلوعة أبوهآ]

أتمنى إن ربي يوفقني في دراستي
ويكبر حظي ويحقق لي كل اللي أتمناه ..,


تؤمنين بالمساواه بين الشاب والبنت .! وليش !!​

 

[بنت شيخ]

اؤمن في بعض الحالات ولكن ليس في كل شي


هل ناويه اذا ترزوجتي او انج انتي متزوجه تطلعين بيت بروحج ولييييش ؟؟؟

 

[مس فيراري]

ودي اطلع ببيت بروحي على الاقل تكون لي خصوصيتي و اعزم ربعي و صديقاتي

تأيدين اسقاط القروض ؟؟؟؟

انا ما أأيد كلللشششششششششششش

 

[كويتية اكيد]

والله انا ماافهم بسوالف القروض << عالم ثاني لوول بس اايد اسقاط الفوائد << ينقالي فاهمة اللحين

شنو اكثر مشكلة اجتماعية وسياسية ورياضية واقتصادية منتشرة بالكويت << ماخليت شي صح لووول

 

[Loutes]

والله مو كويتيه ما اقدر احكم




ايش الطبع اللي تحسين لو اكتسبتيه صارت شخصيتك افضل بكثير

 

[دنيا رديه]

اتمنى اكون متسلطه عشاااان كلمتي تنسمع




ســـــــــــــــــؤال / وش رايكم بالشخص اللي يفرض رأيه على الآخرين ولا يحب يسمع كلام احد ولايتناقش معاه ..؟!

 

[(كويتيه عسل)]

الثقه بالنفسبه بزياده
شنهي احلى صدفه في حياتج؟

 

[{ عبره وهلت }]

.،


مرت علي صدف واجد ـ وصدف حلوووه ،،
بس خلاص ماله داعي الحين اذكرها بحياتي ..



.~

س | موقف محرج بمعنى الكلمه ؟




؛

 

[$$ صعبة الوصوف $$]

قلت لرفيجتي سالفه وقلت لها لاتقولين جدام احد عشان لا تزعل اللي قالت لي
وخارتها طبعا رفيجتي جدام اللي قالت لي السالفه
من كثر الأحراج طلعت من المكان :$

مثله ؟