؛؛ اسئل العضو إلي بعدك سؤال جاد و نقاشي ؛؛

[costa chic]

بالنسبه للمناهج صايره وااايد صعبه على سبيل المثال ثالثه ابتدائي يدرسون عن الديناصورات و الهضم و هالاشياء ما درسناها الا بالمتوسط و تعمقنا فيها بالثنوي و المتوسط يدرسون الي يدرسونه للثنوي و الي بالثنوي يدرسونه الي يدرسونه الي بالجامعه


شنو رده فعلج اذا وحده مثلا تنقد على شي سويتيه او ما يعجبها و تسوي روحها كلش و بعدين تقلدج؟؟

 

[كويتية اكيد]

شي يقهر بس يضحك بس راح اقطها بويهها اقولها ماشاء الله امس مابقى شي ماقلتيه عني واللحين سبحان الله شلون رضيتي

برايج شنو اكثر شي يفقد الريال رجولته يعني بمعنى اخر شنو الشي اللي لي شفتي الريال سواه شكلا وفعلا تقولين عنه مافيه رجولة للاسف

 

[تعويذه الحب]

اذا كان الريال مقصر على بيته من الناحيه الماديه مو لانه ما عنده لاء لانه متكل على زوجته بكل شي بصراحه الريال اللي جذي واللي قاط كل مسؤوليه البيت على مرته هذا بنظري مو ريال

لو يرد فيج الزمن 10 سنين ورى شنو الشي اللي راح تغيرينه

 

[tolay]

يمكن اشد حيلي بدراستي اكثر



شرايج بظهور بنت كويتيه بستار اكاديمي ؟؟؟؟؟

 

[فيلجـ كول ـاويه]

بصرااااااحه كلشش موشي مادري ليش موحلو احس تخرب سمعت الكوييت

والله مادري شنو اسأل

لو يعطونج مليوون ولا رفيجتج منو تختاريين؟؟ لوووول (والله شيرت السؤال لاني مادري شسأل)

 

[G!RLooNa]

فيلجاويه قاريه العنوان عدل قالو سؤال جاد و نقاشي


مع او ضد الزواج المبكر للبنت؟؟

 

[كويتية اكيد]

اممم كل جنسية لها عيوب بس احنا اكثر شي انييب سيلانيات والحمدالله احسن بالنسبة لي

برايج ليش المجتمع لي غلط الصبي والبنت يقولون ان الصبي لما غلط كان طيش وينسون غلطته ويحملون البنت الغلطة مع ان الاسلام عنده البنت والولد متساوين بالغلط والذنب ؟

 

[بنت شيخ]

سبب العادات والتقاليد


ليش المجتمع متناقض

الحين يقولون البنت المطلقه عادي هذا نصيبها ومن هالكلام

بسهذا كلام والفعل لا يطبق ؟؟؟ لييش ؟؟

 

[بروره 777]

اي والله على قولتج كلمة هذا نصيبها اول ماتتطلق يقولونها بس بعديييين تتغير الافعال والسبب كلام الناس اللي بس تراقب التحركااات للبنت وما عندهم الا الكلام الفاضي والاهل ما يلامووون لان الناس ما تخلي احد بحاله
طبعاااااااا هذييي وجهة نظري اشوفها فبعض الناس موووو الكللللللللللللللل

سؤالي
لييييش لما البنت تتزوج شخص تقريبا حجر ويغير كل شي فيها بس فمصلحتها ومن باب الغيييره والدييين وتوافقه ليششش الكل يحسسها انه ما عندها شخصيييه واهو متحكم فييييها؟؟

 

[دلوعة أبوهآ]

اممممممم .. مو كل الناس تعتبر التغيير راح يكون ضعف وتحكم من الزوج ..,
بس فيه بعض التصرفات تثبت ان اللي يصير منه راح يكون تحكم ..

يعني مو كل مايقول شي سواء كان بمصلحتها أو لا هي تسمع كلامه وتسويه
يعني بنفس الوقت هي لها شخصيتها المستقله وتعرف تفكر ..,

وتسوي اللي يرضي ربها ومصلحتها ..,


. . .

تحسين لازم اللي تتزوج تسافر وتروح شهر العسل .!!
ولا عادي مو لازم تسافر وعادي تقعد في بيتها وديرتهـا ..!!


يعني صحيح ان اللي ماتروح شهر العسل بأول زواجها ماكأنها تزوجت ولا استانست وضيعت عليها احلى الايام
ولا عادي .!!!​

 

[شــــــــــــــوقــــه]

والله اهو مو ضيعت احلى ايام

لان تقدر تعيش ايام حلوه في ديرتها

بس حلو لان تحس روحها عروس اهي وياه بروحهم لا اهله ولا اهلها



مع او ضد دخول المرأه المجلس ؟

 

[الـــدفـــشـــة]

مع دخول المراة للمجلس


....


سؤال داايما يحيررني

( تتزوجين واحد تحبينه ومايحبج ولا تتزوجين واحد يحبج وماتحبينه )

 

[جــ(الحزن)ــود]

اممممممممممم هلا الدفشه بجاوب علا سوالج من منظور شخصيتي <<< :dddds:<<< بتفلسف
المهم امممم تبين الصج افضل اني اتزوج واحد احبني وانا عادي ماحبه لانه بحببني بطبعه اكيد << حدي رومنسيه واحب الرجل الرمنسي بس الحمدالله علا كل حال متزوجه واحبني واحبه سيم سيم :ggdw:
سؤال هل تثقين وتفضلين انج تقولين مشاكلج لرجل او امرأه ؟؟ وليش!

 

[مخدوشة الوريد]

للمرأهـ طبعاً الان تتفهم مشاكل المرأهـ نفسهـا ومن طبع المرأهـ عاطفيه تتفاعل مع المشكله ام الريال دمه ذقيل ومايحس



سؤالي :: هل انتي مع اضد عمليات التجميل واذا مع ليش واذا ضد ليش ؟! > هذا الي طلع معـاهـااا

 

[درة أهل الطولات]

مع للي تحتاج اذا في عيب خلقي

ضد للي ما تعاني من شي


سؤالي :::::::::::


هل توافقين تتزوجين ريال بغض النظر عن ماضيه؟

 

[كويتية اكيد]

اممم بصراحة لا بس يمكن اوافق لي شفت انه تغير واذا احبه ويحبني وغير من ماضيه راح اوافق

سؤالي ممكن تتبرعين باي عضو من اعضائج او اي شي بجسمج لشخص مع انج راح تتالمين وتتعب صحتج بس هالشخص راح يعيش مرتاح

 

[*عيون مغليها*]

سؤالج صار معاي بالصج

تقدم لي واحد بالنسبه للماضي اسود جدا ( طبعا قصدي خرابيط بنات وسفر اشياء اكبر ما اتوقع ) وعرفت بحكم انه يصير لي وادري بسوالفه قبل لا يصير خطبه ( طولتها بس عشان اشبع فضولي الي بتسأل شلون دريتي )

ما وافقت والكل لامني لما درا اني رفضت لهسبب عذرهم هذا ماااضي
ليش انا ما وفقت ؟
حسيت عمري ماراح احترمه ولا اصدقه لان انا طبعي جذي اشيل بقلبي وما اعرف انسى

سؤالي :

متى تنزل دموعج ؟؟ الله يبعد عنج الدموع

 

[دلوعة أبوهآ]

والله هالفتره صايره دموعي تنزل ع أقل شي ..
مادري الحساسيه زادت فيني ولا شسالفتها معاي .!!

يعني لما أكون متضايقه أو معصبه أو زعلانه أو طفشانه أو مريضه << كله تبكي

امممم

شرايكم بزواج الأقارب .!!
هل هو أفضل ولا اللي مايعرفون بعض أفضل !!​

 

[المـــــها]

عادي ما في فرق ،، الأهم إن الأخلاق و الأهل من الطرفين ،،


ســـــــــــــؤالي


هل تعتقدين إن الحجاب حرية شخصية ؟ و لماذا ؟

 

[* ليــــدي *]

طبعا حريه شخصيه لان الانسان يتعاقب من ربه مو من البشر
واذا تحجبت غصب اكيد راح تقطه من وراهم وتكون منافقه ..

سؤالي .. ودج ينحل المجلس ؟؟ والسبب ؟؟