؛؛ اسئل العضو إلي بعدك سؤال جاد و نقاشي ؛؛

[G!RLooNa]

اي ينحل و ينشال من عرجه لانه بصراحه محد كفو

مع انه البنت تطلع ويا رفيجاتها ,, ؟؟ ولا اهلها واهلها فقط لا غير !

 

[أشبـاهـ المطـر]

الأفضل مع أهلها ...

شلون تختارين اصدقائج ؟

 

[french`coffee]

الاصدقاء اختارهم من خلال عشرتي معاهم .. صديقتي اهم شي يكون طبعها قريب من طبعي .. احب الهدوء والعفوية وما احب المزاجييين والانفعاليين واللي يتعاملون بصراخ ونفسية مع الناس .. اذا غلبت مميزاتها على عيوبها ممكن اختارها كصديقة واذا العكس احاول اكسبها وارفع من معنوياتها وان ما فاد معاها هديتها ..

سؤالي ... شرايج بفكرة استقبالات الولادة والعرس والحج و الخ وشنو اللي تأيدينه وان كنتي رافضة الفكرة لماذا ؟ شخباري لماذا

 

[ღاصول الجمالღ]

والله اجواء حلوه وااايد ... وانا اؤيد هذه الفكره..

سوالي للي بعدي.. اخر دوله سافرتي لها وشنو الصعوبات الي واجهتج؟؟؟

 

[وهج الحب]

السلام:
اخر دولة عيد الاضحى وكانت الكويت ...والصعوبات انا متعلمة لازم مرة مرتين اجي الكويت بس هذه المرة تأخرت شوي يعني من عيد الفطر العام الماضي ..وحسيت فيها الناس تغيروا شوي وخاصة البنات من بعد التواضع اللي كنت احبه فيهم شفت هالمرة انهم يشوفون الناس بغرور وتكبر ونقزات ..وهذا الامر جديد اشوفة فيهم ..(( هو مش صعوبة بس امر ضايقني ان اشوفه في مكان احبه ..وهذا الامر شفته بعدة اماكن يعني من فنادق لموولات )):0bee2e8d89:
لو طلب منك تعيشي بدولة غير دولتك اي دولة تختارين ولماذا ؟؟؟لازم تختارين دولة !!![/B]

 

[french`coffee]

سؤال صعب وهج ... مم ممكن امريكا العيشة سهلة والناس بسيطة ودائما تبتسم .. بس راح اتطقني الغلقه واموت من البجي أبي الكويت

سؤالي .. بأي منطقة بالكويت ودج تسكنين وليش ؟

 

[ღاصول الجمالღ]

شوفي حياتي french`coffee انا بالاساس عايشه بره الديره مقيمه بالدنمارك..
اذا رديت حق الديره ودي اسكن بالسالميه لان خوالي كلهم واغلب رفيجاتي عايشين بالسالميه ..

سوالي انا للي بعدي..وين كنتي اليوم ؟

 

[كويتية اكيد]

كنت بالمدرسة امتحن :0bee2e8d89:

عندج اهون تتعرضين للخيانة او انج تنجرحين من اعز شخص او ان اصدق شخص تعرفينه يجذب عليج

 

[راحيل العبدلي]

..

ثالث واحد تجذب علي ولا انها تجرحي لاني أبتعد عن الي يجرحني و احقد عليه .. و لا انها بعد تخوني بامور أبغضها ..
.

أكتشفتي بالصدفه ان أختج ( بعيد الشر ) لها علاقه بشاب غريب شنو بتكون ردة فعلج ؟!! و اختج من النوع العنيد ..
أتهاوشينها و تسترين عليها و لا تمدين إيدج عليها و لا تقولين لأحد من الاهل يقدر عليها ..
.

 

[سعودية!!!]

اتكلم معهاااا فيه وابين لها حدودها بالعلاااقة ومقدار الستر ستري عليها ومتى ماتعدت هالحدود راااح يطلع.:.:.:...


هممم



اذا كانت هويتكـ صفحة بيضاااا كيف راح ترسمينها!!!"ديانتكـ معتقداتكـ معيشتكــ حددي لي الهوية اللي راح تكونين عليهاا

 

[دلع العتبان]

راح اكون اكثر جدية


ماراح اعطي احد مجال بمصالحي

ديانتي مسلمة بعد شكو اغيرها بس ترى هذا الي فهمتة من سؤالج سوري

 

[blue ocean]

يعطيج العافيه اختي عالموضوع

رفيجه قديمه لج .. شفتيها بمكان عام وفرحتي بشوفتها واهي تتصدد ؟ شتسوين ؟

 

[درة أهل الطولات]

اطنشهاااااااااااا

لو مرت اخوج موزينة وشفتي عليها شي تعلمينه؟

 

[LoloBlueStyle]

امممممممم
لما اتاكد بشكل قاطع اقوله ....
اللي وراي
شنو غداكم اليوووم .<<<<<حدي يوعااانه ههههههههه

 

[شقاوه صمت]

هههههههههههههههههه اذا حدج يوعااونه بقول وراح تجوعين زيااده من

ماك دوونالز >>جوعتج زياده لوووووووولز

اللي شنو شدج في منتدى كويتيات ؟؟؟

 

[دلوعة أبوهآ]

والله مآدري
كنت اتصفح في قوقل وشفت المنتدى
واصلاً ماسجلت فيه الا لأني كنت باسأل اسأله في قسم السفر ..,




هل فيه صداقه بين البنت والشااب .!!​

 

[عادي من قلبي أشيلك]

لا مافي

شلون تعاملين مع حمولتج (حماتج -مرة حماج)...؟؟
وهل تايدين اذا كان حماج قاعد بالصاله مع خالتج انج تقعدين معاهم عادي ولاتستحين << اذا كنتي بدويه..؟؟

 

[سعودية!!!]

8
8
8





نو.:.:.:...




هممم


مخططاتكــ 2010 ؟؟؟

 

[كويتية اكيد]

مااكرر اخطائي وابدي الرجيم واطلع مواهبي واعيش حياتي عدل و اشد حيلي بالدراسة

منو اصعب تربيته البنت ولا الولد بنظرج وليش

 

[G!RLooNa]

مادري الاثنين كل واحد له صعوباته

تايدين المره اللي تكمل دراستها عقب ما تزوجت و عيلت و عيالها كبرو بالمدارس يعني

انا اأيد و بشده و بفرافو عليها اللي تسويها