©«-.¸¸.-»© ¶ *رابطة المتكممات* ¶© «-.¸¸.-»© الجزء الثالث

[ام عيالي]

امبله حبه المعده اخذها الصبح اهي مالها شغل بالعوار اهي اتغلف وتحمي المعده علشان ما يصير تسريب
بس انه العوار اييني بس اذا كليت مو علا طول اتألم بي اذا كليت الله لايراويج عوار يذبح

 

[love^angel]

امبيه مشتهيه اشرب فانتا احمر واي ببجي ليش سويت عمليه

 

[azouni]

الللللللللله احبه انا بعد ابيييييييييييييييييي مادري متى يسير نشرب

 

[ام عيالي]

بنات الي ما كملو الشهر لما تاكلون اتدوخون نفسي لما اكل بنفس الوقت ادوخ واحس بنام وصار فيني هبوط ليش عادي ولا شنو

 

[love^angel]

صارلي يومين نفسيتي تعبانه و كله اقول حق ريلي و امي كله منكم ليش خليتوني اسوي عمليه ليش شجعتوني وما قلتو لا تسوين
لما اكل نتفه و انغث و اتييني اللوعه او العوار او الهوا الي يوقف بمعدتي وبلعومي و يضايقني ولما اشتهي شي وما اقدر اشربه اموت قهر و اقول ليش سويت عمليه والله شي متعب و ساعات اقول انا وزني مو لهالدرجه جان قلت حق الدكتور يقص نص معدتي مو هالكثر
والله اليوم كليت قفشة تبوله وكليتها على جم لقمه صغار يعني مو القفشه كلها و حسيتها وقفت بمعدتي و لوعه و عوار شي بايخ وما كليت شي غيرها طول اليوم
للحين كااعرف قياس معدتي واحس مشتهيه وايد شغلات لا تقولون طول عمرنا ناكل شنو استفدنا.. احس الي تقول جذي تقص على عمرها.. هاذي غريزه بالانسان انه يحب الاكل خاصة اذا كان حلو مو نفس اكل الرجيم الماصخ استغفر الله.. عشان جذي انا ماراح اخلي شي بخاطري و الوزن نازل نازل بس خل تروح هاللوعه والعوار الي يبطون الجبد والله احس الياهل بو سنه ياكل اكثر مني
ليمتى جذي؟ متى نقدر ناكل مثل العالم؟ ما نبي ناكل مثل قبل اوكي بس عالاقل مثل الناس الطبيعيه لنه صج الوضع يزهق و يتعب

انا مااحبط الي بيسوونها او توهم مسوينها بالعكس الضعف حلو هذا وانا توني مكمله شهر بس لازم تعرفون انكم راح تمرون بهالمرحله و تقولون ليش سويناها مثل كل الي سووها قبلكم قالو نفس الشي بعدين صار الوضع عادي
بس حبيت افضفض شويه بدال ما اطلع الحره بريلي المسكين الي كل يوم اقوله ليش شجعتني كله منك

 

[برونزيه شقرا]

ضحكتيني انا نفسج اذا عصبت احط الحره بريلي عالخفيف
والله صاجه في كلامج بس هم ياربي زهقنا من الكتل اللي تلوع الجبد
عموما بشروني متى أقدر أشرب آرسي باااااااااااااااااااارد
حدي مشتهيته كل ماأمر يمه أخززززه ​

 

[love^angel]

هههه برونزيه والله حالتنا حاله انا شاريتلي شاني و فريز و كادي يعني بشربهم قبل العمليه و ما مداني وكاهم جدامي كل يوم اطل عليهم بالثلاجه واقول متى اشربكم متى

 

[غلاتي الكويت]

بناااات تعوووذوو من ابليييس شهالحجي انتو توكم ماصاركم مده من سويتوهاااا


لاتحسسون اللي حولكم انهم السبب انكم سويتوها وتكرهوون رياييلكم فيكم


كل واحد مسؤول عن قراراته

بعدين انتوو يمعتو هالشحوم واللحوم ب20 سنه ويمكن اكثرر وتبونها ماتتعبون لمن تنزلوونهم خل نكون واقعيينة


لازم تعب بالبدايه ان شالله بعد 3 او 4 شهووور تتحسنون وكل يوم احسن من اللي قبله


تفاااائلوو وخلوو الرشاقه هدفكم


سالي اي وحده مسويتها من سنه واكثرر محد متحسسف

بس اول الاشهر صعبه ولازم نتحمل


صج انه الواحد يشتهي اكلات معينه بس شنسوي هذي ضريبه المتن واحنا اللي سوينا بعمرنا جذي مو رياييلنا ولا اهلنا عشان انلوووومهم


شدوو حيييلكم ياارب وفالكم الرشاقه والصحه

 

[برونزيه شقرا]

فجوره عين العقل كله والله
اي اي ضبطينا عالسنع
بس جاوبتيننا متى نشرب ميرندا وآرسي ​

 

[الريم30]

لف حبيبتي حقريً العوار ونسدحي بفراشجً راح يروح وتعودينً انا اكل إس شي بس قليل كلش وام عيالي لامانودخ بس علي طول انسدحيً او قعديً او تمشي شوفيً اللي يريحجً

 

[love^angel]

فجوره تذكريني بنفسي اول ايام العمليه كنت اقول الله العمليه سهالات ووناسه وكل شي تمام بعدين كع الايام لما طلع العوار و اللوعه والحرمان يتغير الوضع والنفسيه
عادي الكل مر بهالحاله مره فوق ومره تحت مره نستانس ومره نتحسف واكيد كل الي قبلنا صار فيهم جذي

 

[shawaqah]

هههههه انا بعد مرات اقول انا ليش

سويتها كنت اكل كلشي الحين ما اقدر اكل شي

بس اتعوذ من ابليس واقول جبي تحملي عشان تضعفين

واسكت والله​

 

[غلاتي الكويت]

بروونزييه مادري اناىصاارلي ٥ ايام من سويتها


لوووف ميخالف رفعي معنوياتج قولي مافيني شي لازم اضعف لازم اتحمل وولاتلوعون جبد رياييلكم بهالسالفه ترا بيزهقووون

انا من باجر بحاول امشي الصبح يا بالافنيوو او المهلب عشان تزييد نسبه نزوولي ان شالله بما اني باول الفتره

 

[shawaqah]

قووه,,بناات شلوونكم,,

انا اليوم موعدي عند الدكتور سالم الشمري منظاار,,ووالدكتور خالد كلمني يقول الثلاثاء لي هو باجر انشاء الله العمليه,,

بناات صاابني ارق موقاادره انام اخااف يصير لي شي

بناات انا مراح يكون معاي احد بكون بروحي بعرف لحين مستشفى السلام وينه فيه,,؟؟
ثااني شي السيف وينه فيه؟؟
ثالث شي,,شنوالمطلوب يعني طوول ما انا بالمستشفى بكون نايمه ع ضهري,,
شنواللبس المريح للنومه بالمستشفى؟؟
بناااااااات ادعوولي,,مااجااني نووم وذبحني التفكيرر

ادعو ان الله يحفظ عيالي

حبيبتي الله يقومج بالسلامة بس نصيحة اخت لا تروحين بروحج
وسويها بالسيف احسن السسترات احسن وافهم وتعامل ارقى من السلام
لبسى كلشي وسيع نفانيف البيت القصيرة ولا الطويلة كيفج انا كنت البس
نفانيف البيت القصيرة

تقدرين تنامين على جنب انا كنت انام على جنب طول الوقت ماعدا وقت
اللي يحطون على ريولي جهاز المساج عشان يحركونها

وبعد نصيحة اخيرة اول ما تطلعين من العمليات ويفج البنج قومي
امشي امشي لا تقعدين امشي دوسي على نفسج المشي بيخفف الم
الغازات ويطلعها

والله يقومج بالسلامة يارب وطمنينا​

 

[shawaqah]

بروونزييه مادري اناىصاارلي ٥ ايام من سويتها


لوووف ميخالف رفعي معنوياتج قولي مافيني شي لازم اضعف لازم اتحمل وولاتلوعون جبد رياييلكم بهالسالفه ترا بيزهقووون

انا من باجر بحاول امشي الصبح يا بالافنيوو او المهلب عشان تزييد نسبه نزوولي ان شالله بما اني باول الفتره

حتى انا مفكرة باجر امشي بالافنيوز ان شاء الله

لان صج لازم نمشي​

 

[om-3abodey]

بنات حدكم حبطوني هههه احسكم متحسفين عالعمليه بالصراحه مو من زين جسمي عالشان لو اسويها اتحسف

 

[shawaqah]

بنات حدكم حبطوني هههه احسكم متحسفين عالعمليه بالصراحه مو من زين جسمي عالشان لو اسويها اتحسف

طبعا لا تترددين

مالج شغل بتحلطمنا ترى لما نوقف على الميزان

ونشوف الوزن كل ماله ينزل تلقينا ساكتين وفرحانين

بنطير من الوناسة والملابس وسعت انا ملابسي وسعت لدرجة

كل يوم ودي المهم​

 

[غلاتي الكويت]

ام عيالي ماااعليييج مننا تونا ببدايه المشوواااار شوفي اللي صارلهم فتره مستانسين


شواقه شكثر صارلح من سويتيها

 

[shawaqah]

انا سويتها 19-9

الحمدلله بس فرق علي لان جسمي كله ماي

فنزل الماي بسرعه ​

 

[غلاتي الكويت]

ماشالله تبارك الرحمن شوااقه

بنات المرحله الثاله اقدر اكل بييض؟ اشتهيته خخخ