انه كل ما اقول للدكتور شي يقول عادي وعادي وهاذا عشان المعده مو متعوده ومادري شنو والله الصراحه ياليتني ماسويتها والله لاعت جبدي الوزن ثابت واذا كليت شي متتتتت من العوار والله قاعده اتعذب لاني من الوزن ولاني من الاكل الي كرهته انه بظل علا السواءل احسن ولا ابي اكل والله انه قاعده اكتب وابجي والله مختنقه واللع بروح السوق اشتري لعيالي اغراض ماقدر من الدوخه ابي اقعد اسولف مع زوجي واضحك ماقدر احس مكتأبه اعيالي مووووتهم من الطق احس اني متنرفزه ياااارب ساعدني وخلك معاي لاتقولون انتي تشاؤميه انه تعبانه منضايقه انه مختنقه يارب ساعدني ياليتني ما قلت ابي عمليه كل شي غلط كل شي حواليني معتفس حالي اعتفس احس بيأس واذا صار المغرب اتييني ضيجه ازياده واتعب اكره نفسي ياااااااااااارب مالي غيرك
حبيبتي ام عيالي
تعوذي من ابليس
واقري على نفسج المعوذات واية الكرسي
ورددي دائما :
يا حي يا قيوم برحمتك استغيت
اصلح لي شأني كله ولا تكلني لنفسي طرفة عين
هالدعاء عظيم
وثقي بعظمة الله وقدرته ورحمته التي وسعت كل شي
وقولي حسبي الله ونعم الوكيل , سبع مرات الصبح والمغرب
, وانتي تحسين وتستشعرين بمعناها
انج وكلتي امرج لله وهو رب العالمين سبحانه
وبعدين فيه اشياء غلط انتي تسوينها وهي اللي متعبتج
مثلا .. لازم تاكلين حبيتين نكسيوم اللي تغلف المعدة اذا كانت قوتها 20 ,
وحده قبل الاكل الصبح بنص ساعة بس لازم تذوبينها
ووحده قبل العشا بنص ساعة
وثانيا , انتي بمرحلة المهروس
شلون تاكلين بيض؟ اومليت على قولتج؟
تعاندين معدتج يعني ؟ ترى المسئلة مو بالعناد ؟
انتي فكري فيها بعقلج ,
ان المعدة مقصوصة ومخيطه ثلاث اربعاها غرز وخياط
اضافة لذلك انها صغيره , يعني مسكينه ماتقدر تشتغل عدل
تدري شكبرها الحين؟
شفتي كف ايديج؟ من غير الاصابع؟
ترى تقريبا كبرها الحين ولكن اضعف منها بعد !
هي في فترة التآم للجروح , اللي هي فتره السوائل اسبوعين
وبعدين تكون في فترة اللي توها تشتغل على الخفيف فـ تاكلين المهروس
عشان ما تتعبينها اسبوعين,
وبعدها باسبوعين تاكلين الاكل اللين
يعني من تدخلين الشهر تاكلين اكل لين مثل اكل البيبي ابو ست شهور
مو الحين وانتي في مرحلة المهروس , تاكلين بيض !
تعبتيها !
واكل شي تاكلين لقمة صغيره حيل وتهرسينها وتبلعينها على مراحل
مو مرحلة وحده
ولما تقولين اكل قفشتين واتعب ترى مايصير تاكلينهم بنفس الوقت
لكن على مراحل يعني بينهم دقايق مثلا مو ورا بعض تصدمين المعدة
انا اتوقع ان هالاشياء البسيطة اذا تلافيتيها بتكونين احسن
وباذن الله تصير احسن بس اهم شي خلي ايمانج بالله قوي
واطلبي منه الرحمة والصحة والعافية على طول
وما تشوفين الشر يالغالية
