©«-.¸¸.-»© ¶ *رابطة المتكممات* ¶© «-.¸¸.-»© الجزء الثالث

[غلاتي الكويت]

الله يسلمج ام عبووودي

انا سويت اللي من السر بس لمن طلعت لقيت لزقه فوق عاليسار شوي كبير وو دار مدار السرر

شوفي اللي يريحج سويه مايفرق الا بالشكل

استخيري حبيبتي

 

[om-3abodey]

والله انا محتارة لان قالي الي ب4 ثقوب بعدين شكلهم مو حلو يظل مكانهم
بس الي بثقب واحد مايبين
كان يبي يسويها لي يوم الثلاثا هذه قلت له لا الدكتور ماشاءاالله شغلك حار انطر عندي عرس حماي يوم السبت وللحين ما استخرت ولا قلت حق امي هههههههههه

 

[om-3abodey]

فجورة انتي منو سواها لج
وسولفي لنا عن العمليه اذا لج خلق ههههههه
جم كلفتج وشلون اخذتي قرار العمليه والاهم شلون اقنعتي الاهل فيها انا الحين زوجي رضى بس امي وابوي

 

[غلاتي الكويت]

ام عبوودي عيل اذا هامج الشكل سوي الفتحه الوحده عشان ماتحاتيين

خلصي العرس وروحي سويها اذا معزززمه لا تتاخيرين عشان ماتحاتين وتخافين

انا تميت افكر سنه وتوني مسويتها الخميس اللي فات بس صج بهالسنه ذبحني التفكير والمحاتاه ونفسيتي تعبت

نصيحتي استخيري وتوكل علي الله

بس جم وزنج وطولج ؟

 

[غلاتي الكويت]

فجورة انتي منو سواها لج
وسولفي لنا عن العمليه اذا لج خلق ههههههه
جم كلفتج وشلون اخذتي قرار العمليه والاهم شلون اقنعتي الاهل فيها انا الحين زوجي رضى بس امي وابوي

انا سويتها عند الشرهان بالسلام

كلفتني 2800

طبعا سنه كامله وانا احن واخر شي رضووو جان اخاف ههههههه تميت افكرر وترددت حيل بعذين استخرت وسويتها الحمدالله

 

[om-3abodey]

الحمدلله على سلامتج والله يحفظج بس دايما رقي نفسج
انا وزني 92
وطولي 165 بس الي يشوفني يقول اضعف لان الطول والوزن متوزع

بسالج عن الدكتور شلونه تحسينه زين فاهم عقب العملية ايي يطمن عليج ولا من الدكاترة الي يخلص شغله ويمشي ؟

 

[غلاتي الكويت]

لا والله حييل فاهم بشغله وواثق من نفسه وشغله بعد انصحج فييه الصراحه

مر علي ثاني يوم وثالث يوم

وطرش علي كذا دكتور بعد

مايخلونج يمرون عليج لاتحاتين *

 

[om-3abodey]

فجورة وانتي جم وزنج
الي ممضايقه من وزني حيل خصوصا الفخوذ والي مشجعني عالعملية اني متزوجة يعني الحين مافي واحد يبي مرته متينه يبيها تلبس وتكشخ حقه الحين البنات برة شوفي لبسهم وكشختهم يعني مو معقولة برة بيشوف الزين والجسم ويرد بيته يلاقي درام حتى بالبس الخاص مو اي نقدر نلبس ذاك اليوم رحت سنتر بوينت مسوي تنزيلات في جم قميص اعجبوني ماقدرت اخذهم قلت اطلع الكرشة ولا الفخوذ
وحتى المتن ياثر على اللون بين الفخوذ

الله يقدرني واسوي العملية من غير مشاكل ويحفظني حق اعيالي وزوجي

 

[غلاتي الكويت]

ام عبووودي صاجه المتن ماينطاااق

انا وزني١١٤ مسويتها عشاان نفسي وصحتتي اول شي

ثاني شي ابي احمل مو قادرره من المتن لانه ماثر علي الهرمونات والمبايض

الله يضعفنا بصحه وعافيه ولايخسر تعبنا يارب

 

[om-3abodey]

امين يارب تضعففين وتحملين ويفرحج ربي بشوفت ضناج

 

[نبض الغلآ]

قووه,,بناات شلوونكم,,

انا اليوم موعدي عند الدكتور سالم الشمري منظاار,,ووالدكتور خالد كلمني يقول الثلاثاء لي هو باجر انشاء الله العمليه,,

بناات صاابني ارق موقاادره انام اخااف يصير لي شي

بناات انا مراح يكون معاي احد بكون بروحي بعرف لحين مستشفى السلام وينه فيه,,؟؟
ثااني شي السيف وينه فيه؟؟
ثالث شي,,شنوالمطلوب يعني طوول ما انا بالمستشفى بكون نايمه ع ضهري,,
شنواللبس المريح للنومه بالمستشفى؟؟
بناااااااات ادعوولي,,مااجااني نووم وذبحني التفكيرر

ادعو ان الله يحفظ عيالي

 

[Q8 New Style]

حبيبتي نيو ستايل ماتقصرين بس جم المده الي يثبت فيها انه صارله اسبوع ثابت وشنو اسم الفيتامينات الي عطاج الدكتور حبيبتي

قالي لين تكملين الشهر من العمليه راح يثبت وزنج ومن تبدتدين تاكلين الاكل الطبيعي را ينزل وزنج بالشهر من 5-6 كيلوات طبعا هذا معدل النزول الطبيعي بالنسبه حق وزني يمكن انتي نزولج راح يصير اكثر مني لانه وزنج اكثر وبالنسبه حق الفيتاميتات ليلحين ماصرفتهم لانه ابتدي اخذهم لما ابلش اكل طبيعي مو الحين وموعارفه اقرا الوصفه الخط هيروغريفي هههههههههه

 

[Q8 New Style]

السلام
الحمدلله على سلامة فجورة والله يطمنا على سما وتينا
q8 حبيبتي ماقصرتي
اليوم كنت مارة صوب الشعب الساعه 7 ونص جان اقول خل امر الدكتور مريت اول ما بطلت باب السيارة ريلي ترجف بس من اذكركم اتشجع
وقلت يالله توكلت عليك ورحت قالت لي جدامي مادري شكثر بس تقريبا انا قبل الاخيرة دخلت اةو الاخيرة لاني رايحه متاخر ويسكر الساعه 9 حتى كانو في شباب اثنين يبون الدكتور قبلي
اول مادخلت اخذ وزني وطولي وقالي بشوف بطنج
صار الحوار بيني وبينه وقالي شوفي العمليه في الي ب2600 وفي الي ب2800 الي ب2600 يسويها 4 فتحات وهذه تبقى اثار الفتحات فيها والي ب2800 من السر فتحه وحدة ماتبين انج مسوية عمليه وحتى عقب ما تضعفين وتشدين ما يبقى اثر العملية التكميم
وعطاني ورقه اسوي التحاليل من لقافتي على طول نزلت تحت سويتهم ب60 هههههههههههه ريلي يقولي مينونة سويتيهم انتي استخيري اول

فا انا حابه اخذ رايكم اي وحدة اسوي الي 4 فتحات او فتحه بالسرة

انا سويت الي بالسر ه احسن لج بس راح هم يسويلج فتحه وحده على جنب صغيره انا صارلي 20 يوم من سويتها الي على جنب جنها نفره ما تبين ولي بالسره قاعده تالتئم بس ما تحسين بعوار واحط عليها ميبو كل يوم انا انصحج بالسره احسن انا سويتها عند د احمد شرهان ب2800 والتحاليل بالحكومه ماكلفتني شي

 

[Q8 New Style]

ماتشوف شر بنتج اتصدقين اليوم الصبح بنتي اقعدت تقول احس لوعه ودايخه بطيح مافي توازن وحرارتها اشوييييييي مرتفعه بس راحت المدرسه تقول عندها دروس مهمه استودعتها الله وقلت اذا تعبتي روحي للسسترولي الحين والاه تعبانه وقبلها كان اخوها عندي ادويه عطيتها وكاني قاعده ادرسها وانه اتألم بعد يومين اخلص مرحله السواءل الكثيفه ورحت المغرب كليت تونه ثلاث قفشات وبغيت اموت بنفس الوقت مادري اشصار عوار او مادري شنو او جنه معدتي تبي تنفجر عاد خفت انه انفجر صج ورحت ارجع سيده والله ارجع وابجي واعيالي كانو توهم ياييت من دار القرآن وزوجي اختره من الخرعه قام ايصرخ ومادري شنو والله حسبالي بموت قلت خلاص الدبابيس انفجرو خلاص امبي والله شعور غريب مع ان والله ماكثرت انه اصلا من الصبح مو ماكله شي وحدي يوعانه يعني بطني كانت فاضيه والله قاعده اكتب حف بنتي موضوع عن الحج واتلوا من الالم بخلص كتابه وبمشي بشقتي اشوي
حبيبتي لاتحاتين ترا الحين موسم وتغيير جو كل اليهال نزله معويه
وبالنسبه للغازات دقي علا الدكتور يقولج اسم دوا للغازات عاد راحت مني الغازات من اول الايام ليش جذي ايصير معاج طمنيني عليج حبيبتي

ترا عادي تحسين بالم لما تاكلين انا صار فيني جذي لما اكل الحلوم بس امسك نفسي ما ارجع ولا توسوسين ماراح ينفجر بطنج ولا شي انا سالت الدكتور عن هالشغله قالي شي طبيعي وشوي شوي راح يتعود معدتج لانه بقالج جم يوم وبدشين على الاكل الطبيعي فلازم تهيئين المعده لاستقبال الاكل

 

[Q8 New Style]

السلام عليكم

انا الحمدالله سويييت العملييييه بعد تفكيير سنه كامله وتردد الحمدالله علي كل حااال

سويتها الخميس الصبح وطلعت يوم السبت


تعبت طبعااا اول يومين بس الثالث احسن الحمدالله بس لي الحين ماقدر امشي عدل والطبيب يحن علي امشي كلش مالي خلق


بنات عطووني افكااار حق المرحله الاولي

ماحب لاعصير التفاح ولا العنب

شربت توت بس مابي اعيده

وشربي باليوم كله مايتعدا بطل ماي صحه صغير وموقادره ازييد

اللي عندها افكار حق المرحله الاولي اتقولي


ومشكووورين كل اللي سألو عننني بعد عمرري

اختي عندج كل انواع الجاي والنسكافيه تقدرين تشربينهم واهم شي شوربه ماي الدياي على الاقل مرتين باليوم وحطي معاها البهارات والملح ترا لذيذه انا هالشوربه كنت اشربها بالغدا والعشا وباجي الوقت اشكل بين العصاير والشاي الاخضر او الميراميه او اي جاي اعشاب تحبينه

 

[love^angel]

الحمدلله عالسلامه فجوره اخيرا سويتيها
بالمسبه للعصير مو لازم تفاح و عنب عندج اي عصير شفاف
انا كنت اشرب توت و رمان و كرز و كوكتيل كي دي دي لنه شفاف و الحمدلله نزلت ١٠ كيلو اول شهر بس حاولي توخرين عن الجاي والقهوه لا تشربين الحين

 

[Q8 New Style]

الحمدلله عالسلامه فجوره اخيرا سويتيها
بالمسبه للعصير مو لازم تفاح و عنب عندج اي عصير شفاف
انا كنت اشرب توت و رمان و كرز و كوكتيل كي دي دي لنه شفاف و الحمدلله نزلت ١٠ كيلو اول شهر بس حاولي توخرين عن الجاي والقهوه لا تشربين الحين

ىنا قالي عادي الدكتور اشرب شاي وقهوه ونسكافيه

 

[love^angel]

اي في دكاتره يقولون عادي بس معروف الكافيين يحبس الماي بالجسم
انا دكتوري يسمح فيه عقب شهر بمقدار كوب واحد باليوم بس انا اتجنبه لنه فيني فقر دم و الكافيين مو زين يسحب الحديد ما يخلي الجسم يمتصه عدل

بنات عقب شهر شنو تاكلون و تشربون و شكثر؟؟ مابي امشي على نظام رجيم و جدول ولا جان التزمت من قبل وما سويت عمليه*

 

[Q8 New Style]

اي في دكاتره يقولون عادي بس معروف الكافيين يحبس الماي بالجسم
انا دكتوري يسمح فيه عقب شهر بمقدار كوب واحد باليوم بس انا اتجنبه لنه فيني فقر دم و الكافيين مو زين يسحب الحديد ما يخلي الجسم يمتصه عدل

بنات عقب شهر شنو تاكلون و تشربون و شكثر؟؟ مابي امشي على نظام رجيم و جدول ولا جان التزمت من قبل وما سويت عمليه*

لازم تتبعين نظام علشان تنزلين وما تخربطين

انا الدكتور عطاني نظام امشي عليه عقب الشهر

بي ليلحين ما بلشت فيه لأنه ماصار لي شهر

والنظام يكون 5 وجبات باليوم

الريوق توست منزوع الأطراف مع جبن

والساعه 10 حبتين بسكوت

والغدا ما اذكر بس شي خفيف

والعصر حبه فاكهه

والعشا روب

يضيق الخلق النظام

 

[love^angel]

اي هذا قصدي النظام يضيق الخلق و يذكرني بايام معاناتي مع دكاترة التغذيه عيل انا ليش مسويه عمليه اذا بمشي على رجيم
رفيجتي تقولي طاف اهيه مسويتها قبل ٧ شهور تقول عقب الشهر كنت اكل اي شي واصلا اكلنا كله ٣ لقمات و ظليت انزل وكاهي باقيلها ٥ كيلو عالمثالي