السلام عليكم
وصباحكم ورد
شلونكم بنات والحمدلله على السلامة للمتكمكمات الجدد
وعد ان شاء الله شلونج اليوم , ترى يقولون الحركة تفرز هرمون يسمونه هرمون السعادة,
حاولي تمشين , انا اذا سويتها ان شاء الله باشترك بنادي
واسبح بحمام السباحة , احس ان الماي يريح الاعصاب , مافكرتي تجربين السباحة؟
اميرة بكلمتي , شلونج ان شاء الله طيبة؟
سولفي لي , اكيد بينج وبين نفسج تفكرين وتقارنين قبل والحين ,
ما حسيتي انج من الداخل شعورج الداخلي اقصد تغير !؟
يعني ما حسيتي انج تغيرتي بشخصيتج وطبعج ؟
انا حيل يهمني اعرف التغيرات الداخلية لما بعد التكميم ,
لاني قريت عن ناس جتهم حالات اكتئاب وشخصياتهم كانت هادية واصبحت عصبية
وماهم مرتاحين نفسيا على الرغم من الانجاج الشبة مستحيل اللي صار لهم في نزول وزنهم
انا اميرة نفس كتلتج وطولج
سولفي لي, انا مترددة,
بروح بعد يومين لعيادة الدكتور محمد براك الهيفي , يمدحه دكتوري اللي ولدت عنده
هو مسوي عنده بعد , كان اول انسان اعرف منه عن العملية
ومن نفسه وبدون مقدمات كتب ورقة فيها اسم الدكتور وقال " اضرار السمنة مؤكدة, واكثر من اضرار التكميم
ومن ذاك اليوم وانا ابحث عن التكميم ولقيتكم ربي يحفظكم ويرزقكم
وهالكلام اقوله للجميع
ياليت تقولون لي عن التغيرات اللي صارت لكم داخليا !
النوم اختلف وياكم؟ والا بس اول شهرين مثلا؟
بعد ست شهور وسنة واكثر ترجع نومتكم لحالتها الطبيعية؟
تستغرقون بالنوم؟ او بمعنى اصح تنامون نفس ما كنتوا تنامون قبل العملية؟
لان الجزء من المعدة المزاله فيه هرمون والمعروف بهرمون الجوع
هو مسئول عن الرغبات للانسان , اكل وشرب ونوم , واعتقد حتى الرغبة بالجنس الاخر
انا بحث كثير وهالشي مخليني اتردد اكثر
امانة يا خواتي فكروا عدل قبل لا تجاوبوني على تساؤلي
مأرقني كثير
ان شاء الله انه يكون مجرد وهم , وان جسم الانسان قادر على انه يتكيف بالوضع الجديد
مثل ماهو قادر يعيش بنصف كبد مثلا والا كلية وحدة والا حتى بقلب صناعي
انا بطبعي حساسة جدا وشاعرية
اخاف ان نقص هرمون الجوع اللي مرتبط بالمخ يأثر علي وعلى نفسيتي
واتغير وبعدها ما اعرفني !
اتوقع انكم فاهمين اللي اقصده
الغريب ان امي موافقة اني اسويها !؟
مع اني توقعتها تخاف علي وتتردد اكثر مني ؟ مع انها ماتعرف عن العملية غير انها تضعف وبس
وشافت وسمعت عن حالات سووها, تقول اشكثر مسوينها لو فيها شي ما يسونها بكثره
علموني يا خواتي
هل تساؤلاتي اوهام ومبالغ فيها , او فيها من الواقع ؟ انتوا جربتوا ياليت تصدقوني القول مثل ما يقولون
نشالله اسبوع تخلص :eh_s(7):
