©«-.¸¸.-»© ¶ *رابطة المتكممات* ¶© «-.¸¸.-»© الجزء الثالث

[krkosha]

بنات منو فيكم جرحها كان ينزف أول أسبوع ؟ هالشي عادي ؟

 

[krkosha]

أتمنى تردون بسرعه

 

[سـما]

أتمنى تردون بسرعه

ما سويت العملية ,
بس بشكل عام , على حسب نوع النزف !
قليل ؟ يا دوب لون وكم نقطة ؟ عادي

اما اذا كم بقعة واكثر .. لازم تراجعين دكتورج وضروري جدا

 

[بتبوتااا]

كركوشه ؟

نزيف بالجرح ؟؟

 

[masoo 511]

السلام عليكم انا مسويه العملية من 4اشهر بالبدايه تندمت بس اول اسبوع اما الحين لا الحمدالله اكل الاكل العادي بس شوي اما النزول الحين شوي بطيئ انا وصلت 78مع ان وزني كان 97موراضي ينزل يمكن لاني اكل حلو واخربط علشان جذي واقف وزني من شهرين ومشكلتي مع الشعر وايد قام يطيح اذاعندكم اسم فيتامين للشعر ارجوكم قولوالي وشاكرة لكم لان اناشعري من ااساس خفيف والحين كلش بصلع بعرف متى يوقف التساقط

 

[الريم30]

امس كليت سلطه ولي الحين احس شي ولقف ابمعدتيً مادريً شسويً لايعهً جبدي حدي

 

[الجوريات]

بنات تنصحوني اسويها او لا انا صراحه خايفه اسويها وتندم قبل كنت متلهف عليها والحين لما صارت ضروفي اوكي واقنعت زوجي فيها خفت انتوا اشرايكم مع العلم ان وزني كبير حييييل موشويه وووزني ماثر علي بالحمال اشرايكم وخايفه بعد من الترهلات

 

[love^angel]

بنات صارلي يومين احس بشي واقف براس المعده بس مو طول الوقت شنو هذا؟ مع اني المفروض ابلش مهروس بس خفت لما حسيت بهالشعور مادري شنو اهوه وشنو سببه تكفون الي مجربين قولولي شنو هذا وليش يصير جذي والله خايفه اكل

 

[white flower]

السلام عليكم جميعا
بغيت أستفسر عن شغلة إذا كانت صح أو خطأ ...؟؟؟
ممكن يصير نزيف من عملية التكميم من بعد السنة من إجراءها ..؟؟ سامحوني مابي أخرعكم بس صارلي مسويتها فوق السنة والحمد لله كل شي تمام بس سمعت الخبر وقمت أحاتي .. الله يحفظ الجميع ​

 

[الجوريات]

بنات تكفون تنصحوني اسويها او لا زوجي قاعد يقنعني وانا خايفه قبل انا اكلمه موراضي انا خايفه

 

[white flower]

حبيبتي أهم شي الإستخارة وتوكلي على الله

 

[برونزيه شقرا]

السلام عليكم بنااات

بغيت اسال العمليه بالثقووب المختزله - اللي فتحه بالسره و وحده فوق على يسار المعده - جم يسوونها ؟

بناات آنه واايد قريت عن التكميم و دورت كل بحث لقيته قريته

و في شي انتو موياايبين طااريه كلش >>> تر مو قاريه الا اول جم صفحه

البروووووووووووووووتييييييييييييييييييييييين

وايد وايد مهم بنااااات

حق الشعر و التئام الجرووح و الطاقه

لازم عالاقل تاخذوون 80 جرام بروتين باليوم سواء بشكل بودر و لا شرااب او من الاكل >>> هذا على الاقل

و هذا قريته بالمواقع الاجنبيه و وبحث حق بروفسور joseph e. Chebli md facs >>> الاسم مسويتله كوبي و بيست ... وايد معقد خخخ

و راح تلقوون البحث بمنتدى الدكتوور سلطان التمياط و الاعضاء مترجمينه

بس حبيت افيدكم لان لقييت الاجانب وايد مشددين عليه و كل دكاترتهم موصينهم عليه :eh_s(7):

انا حبيبتي سويتها عند الدكتور احمد الشرهان بـ 2800 غير فتح الملف بعيادته الخارجيه وفتح ملف بالسلام والتحاليل
واي سؤال انا حاضر

 

[برونزيه شقرا]

هاي كويتيات متكممات
شنو اكل بعد الشهر من العمليه ؟

 

[masoo 511]

بنات تكفون تنصحوني اسويها او لا زوجي قاعد يقنعني وانا خايفه قبل انا اكلمه موراضي انا خايفه

لا تخافين استخيري انا سويتها والحمدالله من 4شهور بالبداية اول اسبوعين تحسفت لان تعب ومااقدراكل الاعصاير بس الحين عادي آكل بس الكمية اقل وراح تستانسين لما وزنج ينزل والله يوفقج

 

[masoo 511]

هاي كويتيات متكممات
شنو اكل بعد الشهر من العمليه ؟

خبيرة التغذية تقولج بس عندج الجريش شوي اوهريس وبطاط المهروس وشوي رز مهروس مع شوي روب او خياروروب خالي الدسم

 

[بتبوتااا]

راجعي الدكتور وشوفي شنو يعطيج نظام ؟

في ناس تخربط عادي تاكل بس قفشتين ولا ثلاث

مرت اخوي مسويتها بعد واايد ضعفت لها خمس شهور الحين تاكل خمس قفشات عيش مع لحم

 

[masoo 511]

انا شعري وايديطيح ابي فيتامينات زينة مجربينها للشعر وما تأذي المعدة اللي مستعمله منكم تقولي جزاكم الله خير

 

[مذهلة 78]

مذهله .. مبروك حبيبتي .. وان شاءالله صحتج تتحسن ​

​

الله يبارك فيج حبيبتي والحمدلله امس كنت بعرس من اهلنا ولما دشيت البوفيه حطيت سطلة كول سلو وقفشتين قوزي وعليهم مرقه بامياا و حبتين ورق عنب مع البطاط والحمدلله كليت صحني صج معدتي قامت تعورني بس تناسيت الموضوع ورديت حق الصالنا وبديت اردح لين نزل الاكل كله


وصارلي جم يوم بس اطلع من النادي امر ماكدونالدز واخذ جرين سالد مع صلصة الخل الايت حق العشان وعقب بنص ساعه اشرب عصير برتقال فرش

بس المصيبه بشعري بدى يحت بشكل مو طبيعي ياريت اللي تعرف حق الشعر انبولات او علاج تقولي

 

[azouni]

السلام عليكم انا صارلي 3 اسابيع و الدكتور قالي ابدي مهروس و بديت بس اكل بشكل مو طبيعي صج اني اكل شوي بس اول الايام كنت اكل بطاط مهروس و جريش و هريس و شوبات و بعدين قمت اكل حليب و بسكوت و توست و شوربه بس كله مذوبته و اكل حليب و كورن فليكس و تشريبه و كل هذا من كيفي بس اكل شوي و الحمدالله ما صار فيني شي و كل شي خفيف بدون ملح ولا سكر ولا دهن و كله توست و بسكوت و التشريبه كله مال رجيم اسمر عادي تهقون ولا لا؟ و الحمدالله ما احس شي بمعدتي يعورني الحمدالله

 

[love^angel]

مذهله حبيبتي والله فرحت لج الحمدلله قمتي تقدرين تاكلين ماشالله ربي يتمم عليج و تصيرين احسن و احسن ان شالله
بنات انا صارلي اسبوعين والحين ببلش مهروس شنو اكل؟ لنه نظام التغذيه الي عطوني ياه ما عجبني صراحه واذا صار موعدي عند سماح بقولها نصه اكل ما احبه .. انزين لازم دكتورة نغذيه عشان تضعف ولا عادي انا اكل اشياء خفيفه؟ الي ما يراجعون تغذيه شلون وضعكم تضعفون بسرعه ولا لأ؟
عادي الوزن يوقف بعد اسبوعين؟ مادري احس جنه وزني وقف ولا عشان الاكل زاد وصار حليب و روب وشغلات اثقل؟