~¤ô¦ô¤~ دوانية رشيقات المستقبل ~¤ô¦ô¤~الجزء الثاني

[just-me]

تدرين عاد زيون امس لهمت 2 نايت بانادول و الله احس سببوا لي ارق

و مانمت بروحه بطني متروس

امس العشا اعيز و اقول خيالي و لذيذ و ذقت كل شي بمعنى كل شي

واليوم معدتي طايحة فيني سب من الصبح و غصب دعست فيها الريوق

 

[just-me]

بجرب الجايات شورانا .. اليوم خامس و ماكو شي

والله حتى زوزو يتها ثاني يوم العيد و هم تقول لي يما ماكو شي شالسالفة

تهقون القمر له دور ؟؟؟

 

[just-me]

شربت عصير اناناس كي دي دي

باااااااارد يسرسح

 

[زيـنـه]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

جسوت.. عوافي العشا ..و الحلو لا تعشمتي بشي و صار على هواج .
و على القمر .. من يدري .؟ اتهقين ؟ ؟

 

[just-me]

والله زيون احس شحمي بدى يصير يابس و عرد

يبي لي مشي بس احاتي تزيد على الحساسية و المعاطس حر و برد والسنترال اذا شغلتيه بارد

واذا قصرتي عليه صار رطب حالتنا حالة يعني لا بالصيف نمشي و لا بالصفري ولا بالشتا الربيعي

 

[زيـنـه]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

جسوت .. كلامج اعذار واهيه لا مبرر لها !
اللي بقلبه الصلاة ما يخليها .
و سلامتج و تعيشين
لوووووول

 

[just-me]

لا والله مو اعذار بس باذن بامشي و انا لها

بازرط لي حبة انتي هيستامين و الله خير حافظ

 

[زيـنـه]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

جسوت .. ما تشوفين شر.. انا ساعات اقول ودي اشتري جهاز مشي .. بس وين باحطه اولا !
ثانيا اخاف من تعبث اليهال فيه !!
ثالثا و الاهم اخاف ما التزم فيه .

 

[ZajiL]

سالخير ياحلوين

انا مع السفره زدت كيلوين ونص ههههههههههههههه تخيلوا الابداع
بس ان شاء الله ارد انزلهم

 

[زيـنـه]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

زاجل .. الحمدلله على السلامه .. انا زايده تقريبا 3 و نص و تعالا و بص !
وين كانت الوجهه ؟

 

[ZajiL]

زيون اكو غيرها

بحبك يالبناين

رحنه خطف جم يوم وردينه روحه مو على البال بس يات بوقتها لاني كنت خلاص وصلت حدي وابي تغير

 

[زيـنـه]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

زاجل .. عليج بالف عافيه .. كيفا لبنيين ؟
انبسطتوا ؟
كان في عجئه سيييااااح ؟
و الجو منيح ؟

 

[ZajiL]

والله العجئه كانت بيروت بتعرفي عيد وهيك والجو شوب كتير
بس على الجبل كان الجو بارد وكتير حلو

 

[ZajiL]

يالله زيون مطره استأذن اختي ياتلي اشوفج لاحقا

 

[زيـنـه]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

زاجل ,,
ايا جبل رحتي ؟ بحمدون و الا برمانا ؟
و الجبل وصلتني اخبار انوو برد و اتغير الجو ..اولك بالصيف كانت تبورد شوي المسا .
ان شاء الله تكوني انبسطتي .. و ما تعتلي هم اللي زدتيه .. ياللي بيجي .. بدو يروووح .

و اذنج معاج

 

[المتميزة دائما]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

السلام عليييييهم

اشلونكم حبايب قلبي رجعت من الروضة سبحت وصليت قلت اطل عليكم ولهانه مشتاقة اقوى شي

جسوت ياعمري اشلونج اعنيد هلا والله وينج هالغيبة ؟ ونورت الدوانية بأهلها الرواديد الاوائل

اشريكم بنات نسمي حملتنا اليديدة

ريجيييم ورياضة اقوى شي نبي نشووف رشاقة احلى شي

 

[بطة رشيقة]

قوووه بنات شلووونكم شخباركم ...

بوسه كبيره على خد كل وحده مداومه الموظفات والابلات ويعطيكم العافيه وقواكم الله :tek:

انا الحمدلله كملت الاسبوع هذا اجازه والود ودى انى اتقاعد وما اروح الدوام صايره ما احبه بس اخ لو اقدر :eh_s(1):

بنات شلونكم شخباركم ...

جسوووت قواج الله على الدوام وضحكتينى على سالفه اللى يايين ولابسين لبس العيد انا امس جذى بجليز شفت وحده لابسه بدله زرى وشانتووون وتبرق وملفع شوارفسكى وفل ميك اب وة وة شدعوا بس عاد هذه بمطعم بس اللى بالدوام شماله بعد ..؟ الحمدلله انى البس عباتى بالدوام واغسل ويهى واروح يمكن فى ناس يقولون تخلف بس مدام معاى مليون ريال وريلى مو راضى اتمكيج بالدوام خلاص شماله عناد ولويه فانا اقول الف الحمدلله انى ما اتلطخ واروح الدوام .. والله يعينج على الدوره انتى وزوزو وصاجه تبط الجبد انا بعد ملاحضتها ان خففيفه الاشهر اللى فاتت بس ما ادرى ليش ..؟

ميزوووو حبيبتى مشكوووره مشكووووره وايد على هالكلمات الطيبه وعلى هالحجى الحلو والله يعلم انج شجعتينى وريحتينى على روضه الحكومه انا ما ادرى من حجى الناس حطيت عليها اكس بس ان شالله ةلدى بستفيد والله يعينا وقواكم الله والله يعينكم ياهال بالدوام صعب انكم تسيطرون عليهم وقواكم الله وربى ياجركم وعلى الحمام تكرمين ولدى الحمدلله متعلم تقريبا

90% والله يعينا ويقدرنا مشكوووره مره ثانيه يا بعد شبدى ...

عنيد يا هلا وغلا وكل عام وانتى بخير ويا بنت تعالى طلى عادى يعنى حتى لو انتى مخربطه بالرجيم احنا تهمنا شوفتج ونعرف اخبااارج لالالا مو قبلو مره ثانيه لا تقطعين هالكثر والا ياويلج هاهاى وعلى الرجيم ان شالله اليوم 14-9-2010 بيكون يوم يديد ونقله يديده من الدمار الى الرجيم ومن السمنه الى الرشاااقه واللى راح خل نقطه ورا ظهرنا وان شالله انا بعد حاطه لى وقت لى عيد الاضحى وان شالله اكون واصله الوزن اللى يرضينى ...

زيون اذا انتى حزينه انا احزن منج لا ن الانهيار اللى انا فيه ما اعتقد احد منكم وصله بس ان شالله عائدون الى المجد عائدون ولازم نشيل روحنا من الطبقه البلعيه ونصير من الطبقه الالمعيه ونصير رشيقات ...

منمن حبيبتى اكيد لاهيه اليوم وحاااايسه الله يعطيج العافيه وقواج الله ..

زجول عوافى عوافى السفره السريعه وربى يوفقج وتنزلين اللى زدتيه ..

وعلى البلعه اللى امس علبو بنختمها واى واى انا بعد بدعت جسوووت ماخليت شى ماكلته احس جنى مخمه امشى واكل اخر شى قوزو زفنى يقول بس بس شفيج :tomato2: ابيه فشله ... بس ان شالله يارب نفسنا لا تهف على اكل ولا على غيره .. الله يعينا ان شالله ..

ان شالله الصيام بخليه لما اخلص من الدوره والله كريم ..

الغدا بيكون اليوم همبرجر مشوى مع سلطه ولبن

( يعنى شااااده الحيل ) خخخخخخخخخ

موفقين موفقين ويارب نشوووفكم ضعفانين .. شعار الشهر اليديد :ggdw:​

 

[زيـنـه]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

ابله ميزو .. يعطيج الصحه و العافيه .. و نبي نشتغل على روحنا بسكات بدون شعارات .. لان كل ما تكلمنا قلت همتنا !
عموما ان شاء الله بادين الجد .

بطبط .. زين سويتي هالاجازه .
انا باذن الله الاسبوع الياي اجازتي اذا ما تعصلقت !
و الحاله وحده باكل الاكو و الماكو .. و الاهم هم انا قوزو لاحط تغير الحاله و مستغرب .
بس الله يكون بالعون .. و هذا درس ان مهما صار لابد نحافظ على اعمارنا .. مو الظروف و لا النفسيه اهم اللي يبدعون فينا .

مفكره فطوري يكون تبوله و شيش طاووق من كبابجي .
يبيلي مشوار جمعيه و مااااالي خلقه ما ادري متى بروح !!

 

[mn.mn]

السلااااااااااااااام عليكم

شلونكم وشخباركم ؟

واي اليوم صج حسيت أن المخدة غااااااالية وحسيت بمعاناتكم برمضان

من عقب النوم والشخري لي الظهر قعدة من ال 6 ونص

الحمد الله على الصحة والعافية وان شاء الله يومين وأتأقلم على الدوام والحمد الله نومتي نوعا ما تعدلت

وان شاء الله لي داوموا الياهال بحاول قبل ال 12 أكون نايمة عشان اشبع نوم عدل والله يسهل الأمور

طبعا اليوم حووووووسة ولوية وماشية وأسلم وأبوس طبعا ماكو شغل لان غرفتنا تلوع الجبد وتمينا طول الوقت بالإدارة

وما تريقت بس طلعت من المدرسة حسيت راسي بينفجر مريت ماك شريت لي قهوة وغداي 2 توست وشوية مرقة عدس

بس أتغدى بروح أنااااااااااام والعصر ان شاء الله بروح أخلص اغراض المدرسة

وعلى طاري المشي انا أن شاء الله بلتزم فيه بس يداومون الياهال وتستقر أوضاعهم وتتعدل نومتهم

زهبت شغلي ودخلت الجهاز بداري عشان آخذ راحتي بليل لي ناموا اشوف لي مسلسل وأمشي

بس ما بدهاش لعبنا لعب صج اليوم قالولي ضعفانة بس هالشي ما ونسني لاني ادري اني مو ضعفانة ولا شي

بس الحمد الله اني على الاقل ما سمعت كلمة متنانة وان شاء الله بحاول امسك روحي كثر ما أقدر والدين مادري متى بصومه

أحس بالدوام صعب وايد يمكن أنطر شوي على ما يبرد الجو ويصير الأذان أبجر والحمد الله 4 أيام مقدور عليهم

زجول الحمد الله على السلامة وميزو أنا أبلة حاسوب ابتدائي

برنامج العبد يبدي من اليوم ؟

وبعد شالأخبار ؟

وأشوفكم ان شاء الله بليل

 

[المتميزة دائما]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

​

ابله ميزو .. يعطيج الصحه و العافيه .. و نبي نشتغل على روحنا بسكات بدون شعارات .. لان كل ما تكلمنا قلت همتنا !
عموما ان شاء الله بادين الجد .

بطبط .. زين سويتي هالاجازه .
انا باذن الله الاسبوع الياي اجازتي اذا ما تعصلقت !
و الحاله وحده باكل الاكو و الماكو .. و الاهم هم انا قوزو لاحط تغير الحاله و مستغرب .
بس الله يكون بالعون .. و هذا درس ان مهما صار لابد نحافظ على اعمارنا .. مو الظروف و لا النفسيه اهم اللي يبدعون فينا .

مفكره فطوري يكون تبوله و شيش طاووق من كبابجي .
يبيلي مشوار جمعيه و مااااالي خلقه ما ادري متى بروح !!

هلا هلا زينة اشلونج ياقلبي .. اي على رايج اهم شي الواحد يضعف ويقضب روحه بسكات المهم يتحرك الميزان .. ويعطيج العافية حبيبتي

انا من امس مبلشة تخفيف اليوم قمت الصبح شربت قلاصين ماي -شربت شاي اخضر + اكلت 2 توست مع قيمر المراعي + واكت قطعة صغيرة حلو + وسويت لي شاي حليب حق الدوام وشديت الرحال للروضة وبعدين قمت اشرب من الجاي حليب كل ما احس بيووع والابلات طلبوا من المطعم بس انا لأ لأني تريقت الحمد الله والضحاوي اكلت قطعة صغينونة كاكاو اسود غامج لذيذ مع عصير اناناس كي دي دي ورجعت البيت شربت 2 قلاص ماي + جاي اخضر+ سلطة فيها ليمون وملح ودبس الرمان + واكلت 3 قطع كبة دياي مشويه بالفرن وبحاول امشي اليوم 40 دقيقة والعشا يمكن يكون بس عصير اناناس
ودمتم سالميييين:33_1185028183:

بطبوطة حبيبتي : ان شاء الله انكون عند حسن ظنج .. تدرين حبيبتي الابلات مو كلهم نفس الشي فيهم الزين وفيهم الزوين وحتى الادارات والناظرات والوكيلات نفس الشي .. ربي يسخر لج روضة تكون متكاملة شعلة نشاط وفيها اوادم تشتغل بضميير علشان ما تتحسفين ولا يضيق خلقج يالغالية والله يسخر حق كاااارز ابلات يهتمون فيه ويراعونه ويعلمونه صح .. وموفقة

وبالعلم ترتقي الامم .. والاطفال هم رجال الغد

وعاشت لنا الكويت ... وعاشوا اهلها:q8: