~¤ô¦ô¤~ دوانية رشيقات المستقبل ~¤ô¦ô¤~الجزء الثاني

[عنيّد]

صباااااح الخيييييير


عييييدكم مبااااارك < توالنااااس :eh_s(13):
مي سوري مي سوري بس صج مالي فيس اشارك وانا لايصتها



اشلونكم شخباركم شمسويييييين


بحاول اقرا الي طافني وارجع :eh_s(3):

بس اهم شي العبد مسوي برنامج ع الراي ، مسكين لاحقنا لبيوتنا

 

[just-me]

صباح الخييييييييييييييييييييييييييير

شلونكم بنات .. شلونكم أبلات .. أبلة من من و أبلة ميزو

شلون أول يوم

انا انصدمت ان البنات اهني بالدوام مبين انهم لابسين لبس العيد و فل ميك اب

انا الصراحة لبسي العادي و كحلة وماسكرا و قلوس

باذن الله اليوم ريجيم اصلا مو عشان بضعف الا من الضيم و الضلايم

اللي بلعته أمس امبي راسي افتر من الاكل مابقى عيوش و باستات و سلطات و ربيان و شاوراما

امبي بدعت علبو اخر يوم اغتثيت تالي صار وقت الحلو امبي من ال 10 ليمن ال 12 و انا اكل

تالي طول الليل ماني قادرة انام من الثقل و العطش استتغفر الله ليش هالشفاحة مادري

عموما يبت معاي Lunch Box مالي فيه توسته و لبنة بينار لايت و خيار و خس و دهوه

وناوية باذن الله امشي لي نص ساعة ؟؟؟وينكم يالله عاد طلوا نبي اكشن نبي Target يديد نبي حماس

ومن الحين بطوه ياويلج اذا قلتي خربطت و تريقت ولزموا علي بنات الدوام خلاص عاد مابقى شي على 2010

وتخلص ... عفية بنات حتى انا اللي تخربط بالريجيم لا تقول عشان مايخترب الحماس و نشك منو بتصمد و يصير

فيه تنافس شرايكم ..؟؟ يالله ناطرتكم

 

[just-me]

هلا عنيد .... الشمس من وين طالعة اليوم ؟؟؟؟

والعبد هذا ورانا ورانا شفت صورته بالراي بس ماقريت الخبر

عموما مخصوم عليج 3 كيلوات مو محسوبين لج اذا ضعفتي لوووووووول

بنات ماشاء الله اعرف وحدة كانت باول الاميات امس وصلتني مسج انها تبارك الرحمن صارت اضعف مني

تسوي ريجيم العبد + كوين مساج + تمشي ساعة لا الاه الا الله تبارك الرحمن

الله يهنيها و يمم عليها والفال لنا صج اذا الوحده حطت في بالها شي تسويه

أمس خالتي اخت امي تقول لي طلعت لج خديدات >>>> يعني ماتبي تضيق خلقي و تقول لي سمنانه

والله امس قعدت ساعة الا ربع افصخ والبس كل شي مو حلو علي

خلاص ابي اضعف جد عاد مصختها بنطلوني اليوم صاك صكه على فخوذي الله يعافي القميص الطويل اللي

مغطي البلاوي

 

[just-me]

باقي 108 أيام على السنة اليديدة باذن الله و اذا الله عطانا عمر

لازم نصك على روحنا صحكة

عنيد نبي شعار يديد

بنات نبي اسم يديد حق حملتنا اليديدة

 

[عنيّد]

ماشالله عليكم صج ضغاااااط عالوزن ، بس واللهِ مادري ولا لي الجرأه اني اوزن على شنووووووووو على التبربس الي بربسته !! صج عين قويه

زيون ،، اغنيتج الاهدائيه عجيبه

ام فجور ،، الحمدلله ع السلامه وعاش من شافج !


اعترف ان الحين ضميري انبني اني ماطليت عليكم بليالي العيد ، احس طافتني احداث الساعه
متحسفه اقوى شي


جسوت ،، لوووووووووول على الشعار وعلى الخصم ، انا اقول ماتاخذين الشعار الا لما تشيلين الخصم << عشون عيل
العبد كل يوم ثلاثا على الراي الساعه ١٠ :080402ask_prv:


انا اليوم باديه رجيم بس احس بيصير شي بيقصف هالاول يوم لاني مابديت بدايه صحيحه وماتريقت ولا يبت معاي الدوام سناكي ، لاني طااااااااااافحححححه من عشا امس وماشتهيت اخذ شي ، فالله يسهل

 

[just-me]

خلاص عنيد سامحتج و ماكو خصم بما ان الكل امبدع بالبلعة و باذن الله الكل بيلتزم

عموما من اولها اليو ماتبين تلتزمين لالالا تكفين قلنا اللي تخوره لا تقول

توني الحمدلله تريقت 2 توست اسمر مع لبنة بينار لايت و خيار و زيتونتين و قهوه

و سويت لي تيركش كوفي

وين بقية الشعب ؟؟؟

 

[زيـنـه]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

صباح الخير

انا مداومه من الصبح اليوم .. طبعا لاني مو شبعانه نوم .. بس توني اطل عليكم .
الحمدلله اليوم بديت صيامي .. نويت البارحه و ربي يتمم علي .
بس اللي ضيق خلقي من دشيت الدوام و ريحة البخور اتعطعط بكل مكان لين حسيت اني تشربتها من قوتها .. و صرت بحيره اعتبر فاطره والا اكمل صيامي .. لين دقت على الفتوى 149 و سالته و الحمدلله قالي لي انتي مو متعمده و لا لج شغل .. انتي شميتي و مو بايدج و غصبا عنج فما يعتبر بحالتج مفطر .. بس لو كنتي انتي اللي شابته و متبخره فيه جان يعتبر مفطر .
خذيت حجوته و تعوذت من ابليس و استمريت و ربي يهون علي .. علي 7 ايام .

خطتي .. مع الصيام تخفيف .. مو ينون الايام اللي فاتت .. و نهاية ديني موعدي مع العبد .. احتمال كبير اروح على اساس اشوف شنو ممكن يتجدد لي .. و لو ان وزني يضيق الخلق .. و فعلا احساس الخفه راح .. و كل شي يتقلقص و البنطرونات يالله تصك .

وزنت .. بس باحتفظ فيه لنفسي .. لانه الرقم يفشل .. و باخليه دافع ارد احسن و اقوى من اول .

الاوف باخليه لا انعزمت عروس لان يايتني عزايم او بالزواره .

و الله يكون بالعون .

 

[زيـنـه]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

وينكم ؟

العبد له برنامج يديد كل ثلاثا اسمه سعرات في لحظات في الراي الساعه 10 .

و اليوم له مقال في الوطن صفحة 40 .

ان شاء الله تانيب الضمير يفيد .

 

[just-me]

هلا زيون شلونج صباحو

ليش حسيت بنبرة حزن بكلامج ... ميخالف كلنا بالهوا سوا و باذن الله كلنا بادين اليوم

وعلى البخور انا نفسج توهم بخروا المكتب و الريوق جماعي و المطاعم تدبج

بس مالي شغل فيهم عرمت توستتي و شربت قهوتي و بادعي ربي يقويني و يصبرني

عيل انا شقول 15 يوم صيام

 

[عنيّد]

جسوت ،، انا قلت يمكن يمكن ، بس باذن الله ماكو شي ، اتصلت بالبيت وقلت لهم شنو ابي غدا للرجيم
والريوق بحذفه والسناك اذا احتجته بخليه لليل
وعافياااات اللبنااات


زيووون ،، اهلا وسهلا ، زين سويتي بديتي اليوم بالصيام الله يتقبل منج
وانا طالعه الصبح تذكرته وقلت حسافه لو ناويه بس ماكان ببالي كلش ملش
انشالله ببدي من باجر احسن خلافتك

 

[عنيّد]

لووول زيون توني اقرا كلامج عن تانيب الضمير
ماعليه ماعليه الحمدلله على كل حال واحنا اعيال اليوم ^ــــ^

انا ناويه بعد امشي ، احس الجو ينبلع بليل ، يعني على التسع لو نص ساعه
مادري هالكلام من قلبي ولا من كرشي الي طافح من بلعة امس :\
بس صج يبيله مشي

 

[زيـنـه]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

جسوت .. ضيقت خلقي سالفة البخور مع الصيام .. و لا لو بدون صيام عادي .. بس الحمدلله حاطه في بالي مو بسبتي.. اللي مضي للق اكثر التبربس اللي انا فيه .. من نص رمضان .. الزياده مو شوي .. و ووصلت مرحلة اللي اقول حسافه عليج اللي سويتيه .. بس هم ابي ارد و بقوه .. و باحط تارقت حق عيد الاضحى و نهاية السنه .
و متى بتصومين ؟ ؟ ؟

عنيد ..ادي ما عليه ماعليه .. بس الصج عليه و نص .. لي متى يعني حالة الاب ان داون ؟
الصراحه ما خليت شي بخاطري من نص رمضان لي عطلة العيد .. لحق و لا تلحق على الخرابيط .
لابد من عهد الصحوه الحين .
و المشي الجو بالليل رووووعه .. صج صج مال مشي .. بس وين .؟
انا للحين نظامي نظام رمضان .. لا نومة تعدلت و لا شي .

واااااي توها الساعه 10 الا 10 .. يا لهوي !!

 

[عنيّد]

زيون ،، بعد هذا الي صاير شنسوي ، الله كريم
والتبربس خلص موسمه وباذن الله راجعين للرجيم
بالنسبه للمشي صراحه انا جربت النادي وجربت البحر وجربت الممشى ، والنتيجه الي وصلتها اني مالي خلق كل يوم اركب السياره لهالاماكن ، احب اطلع من البيت وامشي ، عشان جذي مقرره امشي بالمنطقه على انغام السيارات

 

[just-me]

زيونه انا بلشت اسبوع المرور اول يوم العيد فاتوقع عقب باجر ان شاء الله راح اصوم

ما ادري شاشرب عشان تنزل عدل بموت منها صار لي 4 شهور على هالحالة

ما ادري ليش اني اشرب بيبسي و اكل برد عشان جذي تقطع علي

 

[just-me]

وين بطه اليوم معقولة ما داومت

ولا اثمان العادة اتطل من الدوام

والا الابلات منمن و ميزو الله يعينهم

 

[just-me]

أبي أضعف
أبي أضعف
أبي أضعف
أبي أضعف
أبي أضعف
أبي أضعف
أبي أضعف

 

[just-me]

ردت ريما لحالتها القديمة

شنو غداكم اليوم ..؟؟؟

انا بمر الجمعية باشتري لي سلطة امريكانا و بسوي لي 2 همبرجر

صج عدنا و العود احمدووووووووووووووو

 

[عنيّد]

جسوت ،، طاااط طاااط عاشت
غداي ٥ قفاش عيش + نص صدر ديايه
احس الدياي يدعي علينا بالرجيم
وعشاي من الحين مقررته روب وخيار

بموووت من الثقل الي فيني من البلعه استغفرالله ، شكلي بنطر تصير ١١ وبستاذن واروح آكل ليمونه
وبمر الجمعيه اشتري شابوره وروب وكبجينو

 

[زيـنـه]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

عنيد .. اكيد ماكو شي احلى من السهاله و انج تطلعين و تردين البيت مشي .

جسوت .. اها .. حاولي بالدارسين كثر ما تقدرين .. و الزعتر و الميراميه .. يقولون هالاعشاب زينه .

و صاجه البنات مالهم بينه .. شكلهم مقفلين اليوم .

 

[زيـنـه]

رد : ~¤ô¦ô¤~ دوانية رشيقات المستقبل ~¤ô¦ô¤~الجزء الثاني

جسوت و عنيد .. عوافي غداكم و برنامجكم لليوم .
انا للحين ما ادري .. اتوقع همبورجر .

ابي اناااااام
ابي اناااااام
ابي اناااااام