!~¤§¦ مسابقة نجمة الرشاقة ¦§¤~! (انتهت)

[mrmr mrmora]

رد: !~¤§¦ مسابقة نجمة الرشاقة ¦§¤~! (بداية)

شلونكم؟

أمس كان تمام الحمد لله

واليوم توني شاربه النسكافيه وما ادري شاكل ريوق يمكن اطوف الريوق واشرب نسكافيه ثاني

الغدا بيض مفيوح عدد 2 مع سلطه

السناك قهوه

والعشا إن شاء الله تفاحه

 

[Maneena Manaana]

رد: !~¤§¦ مسابقة نجمة الرشاقة ¦§¤~! (بداية)

قطوة وأولموست.. أشووفكم حاطين دوبكم دوبنا ؟!! خير؟؟؟


بنت خالتي تمدح هالدايت.. أذكر من زماان قالت لي عنه بس انا نوعي ماحب التزم بشي..

شفتي شلون في توست وسوالف يكتوبن عليها ويت وتشرز؟؟ في جذي بروداكتس مكتوب عليها لو جي أي

وهاج هالسايت يمكن ايفيدج

http://www.glycemicindex.com/

وسؤال فضوولي نوعا ما :dddds: وير أر يو؟؟

 

[بطاطا]

رد: !~¤§¦ مسابقة نجمة الرشاقة ¦§¤~! (بداية)

قوة بنات



مثل ما الكل يقول ما نلحق نقرا كل السوالف ما شاء الله الصفحات تركض :cxxxp:


فحبوبات اذا في وحدة كلمتني و مارديت عليها ياريت تعذرني لاني اخر مرة دشيت كانت الصفحة 38 و الحين شوفوا جم وصلوا ما شاء الله :tomato2:


و وو ووو قريت جم صفحة ما شاء الله البنات ابداااااااااااااع و الله حده وناااااسة :ggdw:



و الحمدلله ما شيييييين زين :tek: و اللي مخربطة خل تدير بالها و تتذكر ان بس شهر و تكون احسن من قبل :rerrerek:





بالنسبة لليوم الخميس


تريقت : نسكافيه

تغديت : خضار مفيوح " كوسة + بصل + جزر + فلفل بارد + زهرة "

امي مسوية جبده محموسة عاد غرامي و يايـبة خبز ايراني بس الحمدلله ما كليت الا جبدتين صغار برووووحهم بدون خبز و بدون اي شي :weight_lift:



رحت مشيت


رديت " الحين و انا اكتب " قاعدة اشرب نسكافيه

اليوم زوارتنا يعني راح اشرب قهوة عربية و جاي بدون لا اكل شي " قاعدة اكتب اللي بسويه عشان اتذكر اني قلت و ما اكل شي "



و ان شاء الله عشاي برتقال مثل امس :icon30:




و التزمووووووووووووووووووووووووووووووووووووا ترا اللي ما تلتزم راح :dfgl: << الصورة تتكلم !!!





موفقين كلنا يااااارب :yaaaaaarb:​

 

[mrs_sugar]

رد: !~¤§¦ مسابقة نجمة الرشاقة ¦§¤~! (بداية)

السلام

عنيدة و ما تطيع النصيحة

جنة نظامج ما يضعف
وايد فيه كربوهيدرات و دهون و شكر
مادري اخاف ما ينزل وزنج .. ديري بالج



almost a whisper

بالنسبة لنظام low GI
يسمونه low glycemic index
و هو عبارة عن جداول فيها مجاميع من الأغذية مصنفة حسب معامل واحد وهو
مدى سرعة ارتفاع معدل السكر بالدم بعد تناول هذا النوع من اللأكل
كل ما قل الرقم كان افضل .. يعني اذا كان الرقم قليل هذا النوع يرفع السكر بالدم بالبطيء و ينزله بالبطيئ
و هذا الصح
و كلما كبر الرقم صار الارتفاع سريع و كبير و قصير المدى

اتمنى اني اكون افدتج

jureee


ايوا عاشت عاشت الصامدة اما المغريات
جوريتنا الزرقاء

انا اليوم صار فيني مقلب بغيت ابجي

طبعا انا اليوم السناك مالي بسبوسة
قاعدة اتحلم فيها من الصبح
متى اكلهاو اليوم زوارتي بيت اهلي ووصيت خدامتي الذكية
تحط اكلي كله بالبوكس و توديه بيت اهلي
المهم عقب الغدا
حطوا كاكاو و كيك و كريم كراميل
و انا عيني تطالع
و اتخيل البسبوسة _03BA: _03BA:
المهم رحت فتحت الثلاجة







ولا ماكو بسبوسة

آآآآآآآآآآآآآآآآآآآآآآآآآآآآآآآآآآآآآآآآآآآآآآآآآ

وين البسبوسة

ماما انا خليه بالبيت


:eh_s(14): :eh_s(14): :eh_s(14):



بغيت ابجي







كليت بدالها برتقالة









اشجاب لجاب

بعد شسوي

 

[$$مذهلة$$]

رد: !~¤§¦ مسابقة نجمة الرشاقة ¦§¤~! (بداية)

السلام عليكم جميعا

طبعا من قرادة حظي يومين مابطل معاي النت كلة من زين اللي مافيها شي زين

المهم

انا اليوم تريقت ريوق عادي مامشيت على نظامي لانه ظرف قهري بس وقفت عليه وشربت الحين اميريكان كوفي وبسكوته رجيم وبتم عليها واذا يعت باخذ بسكوته ثانية لانها خفيفة وبعد تسد الجبد

وباجر بإذن الله ببلش برجيمي

التمر والحليب الصبح

سلطة تونه الغدا

العشا روب وتفاحه

وإذا كلش كلش ماقدرت امشي على هالنظام بكتفي بالوجبة الوحدة وتكون وجبة الغدا

واذا عندكم رجيم افضل بس مافيه سوالف غريبة فيدوني ابي شي بسيط وسهل اسويه مالي خلق احوس وايد بالمطبخ ولا احب خدامتي تسويلي

وعساكم عالقوة والله يعطيكم الصحة والعافية

 

[Maneena Manaana]

رد: !~¤§¦ مسابقة نجمة الرشاقة ¦§¤~! (بداية)

عاااش عاااش الفريق الأزرق اللي يتحدى الصعااااب :ggdw::ggdw::ggdw:


mrs_sugar كسرتي خاااطري... حدها باايخة هالحركة بس الحمدلله تغلبتي عليها وما خربطتي

الله يتمم عليج وعلينا الارادة ان شاء الله


مذهلة.. ترى أكلج واايد شوية

يعني اذا التمر والحليب أوكي معاج فزين.. التمر مفيد بس ترى مترووووس شكر فحااسبي مو تاكلين واايد

الغدا.. سلطات وتونة او صدر مشوي او لحم مشوي ستيك ما ستيك .. همبورغر وهالسوالف

والعشا.. عشاج زين

بين الوجبات اكلي بسكووتج الخفيف أو فاكهة عشان ما تيووعين وبس سلاامتج

 

[لولي**]

رد: !~¤§¦ مسابقة نجمة الرشاقة ¦§¤~! (بداية)

هلا بنات
انا اليوم نفسيتي ززززززززززززززززفت والله كنت بهون وبفتح الرجيم وباكل اللي ابي
بس قلت لازم استمر عشان جسمي يصير حلو
طبعا ريوقي كان كورن فلكس وحليب والله غصبت نفسي عليه مستحيلللللللللللللللللللللل اعيده بالغصب بلعته بس لازم اغير عشان ماامل
وهذي صورته






وغداي
مكرونه وتونه وسلطططه وخبز اسمر ربع رغيف
وهذي صورته





وطبعا بما اني اليوم نفسيتي زفت وكنت ابي حلا والله يابنات اشوف الكتكات يطير قدام عيوني والمعموول اهئ فمسكت نفسي بعدين قلت يالولي اشربي حليب بالشوكلاته مابيخرب شي هو شي سائل وشربته واشتغل تأنيب الضمير وعاقبت نفسي ورحت الممشى مشيت ساعه كامل ورجعت مهدوده
وهذي صورته







والعشاء لسه مافكرت بس ودي مااتعشى لانه احس خربتها اليوم واذا بتعشى باخذ قطعه وحده شابوره وشاي وبسسسسس طبعا وشربت ماي وايد
بنات احس خربتها اليوم صح والا اكلي مناسب
شجعوني احس بديت امل

 

[Maneena Manaana]

رد: !~¤§¦ مسابقة نجمة الرشاقة ¦§¤~! (بداية)

الأزرق في خدمة الشعب

لولي...

أول شي.. لا تحطين ببالج اذا الموود مش ولا بد فلاازم آكل.. حطي حرتج بالرقص مثلا أو لهي عمرج بهوااية عشان تصدين عن الاكل

بالنسبة لريووقج.. شالله حادج تغصبين عمرج على شي ما تحبين؟؟

الريوق أهم وجبة.. لازم تكوون دسمة أولا عشان تشبعج طول اليوم وثانيا لأنج بتحرقينها باليوم كله

خليها توست/خبز مع جبن او تيركي أو بيض أو حمص أو فول أو لبنه مع طماطه وخيارة وشوية خس

بس طبعا كمية معقووله

الضحى.. فرووت سالد.. بسكوته او 2 ..خضار مع قفشة دريسنق.. عصير فريش

الغدا

سلطه سواء هاوس سلد او تبوله بدون البرغل أو فتوش مع ربع خبزة محمصة او بس خضار مقصص

المين دش.. تونا او سمج مشوي..دياي مشوي او محموس مع خضار بس قللي خضار السلطه أو لحم سواء بيرغر او ستيك او فخذ بالفرن أو أو .. أو ربيان مشوي.. أو فول أو بيض
6 قفاش أو كوب عيش مشخول مع شوية مرق بس من غير دهن

العصر او المغرب

كتكات صغير أو بسكوت

العشا.. روب وخيار او حتى نفس الريوق بس قللي الخبز

اذا تحبين اللبنه .. انا ساعات اقصص الخيار دوائر واقمس باللبينه بدال الخبز


هذا اللي ببالي ألحين .. والمنيو دايما متجدد

ناطرين أكلاات البناات

 

[mrs_sugar]

رد: !~¤§¦ مسابقة نجمة الرشاقة ¦§¤~! (بداية)

لولي

شدي حيلج و لا تخربين الريجيم

حسافة

كلها شهر و بتاكلي اللي تبين

و خليج من حليب الكاكاو

هذا كامل الدسم و فيه سكر

شربي بداله حليب خالي الدسم احسن

 

[DaLaLy]

رد: !~¤§¦ مسابقة نجمة الرشاقة ¦§¤~! (بداية)

ما كتبتلكم شنو كليت اليوم

تريقت توست وو لبنه وعصير اناناس مع جم حبه يوز مادري شسمه هذا الي جنه مخ
تغديت ستيك وو سوتيه
كليت كتكات وجاي
شربت زنجبيل + جاي اخضر
مشيت ساعه الا ربع
تعشيت عصير برتقال

الحين بشرب دارسين عشان ابي الدوره تنزل

وبس سلامتكم

تصبحون على خيير :** نشوفكم باجر

 

[Maneena Manaana]

رد: !~¤§¦ مسابقة نجمة الرشاقة ¦§¤~! (بداية)

إييي

مرة كنت أسوي رجيم مع LA weight loss

أذكر قالولي لا تاكلين لحم بيومين ورا بعض.. لأنه ما ينهضم بسرعة وبالاسبوع مو أكثر من يومين لحم

 

[Maneena Manaana]

رد: !~¤§¦ مسابقة نجمة الرشاقة ¦§¤~! (بداية)

لول دلاالي... اسمه يوز

ويوومج كان موفق أكليا ورياضيا

خليج على جذي

وانتي من أهل الخير

 

[mrs_sugar]

رد: !~¤§¦ مسابقة نجمة الرشاقة ¦§¤~! (بداية)

عاشت مانينا

حبيبة الكل

يسلمو خيتو

 

[$$مذهلة$$]

رد: !~¤§¦ مسابقة نجمة الرشاقة ¦§¤~! (بداية)

هلا والله مانينا

لا بعد شفتي هالكمية ولا تاثر فيني بجد جسمي يبط الجبد صعب النزول وقاعده اخذ معاه بعد كبسولات خل التفاح

وعلى الله

 

[Maneena Manaana]

رد: !~¤§¦ مسابقة نجمة الرشاقة ¦§¤~! (بداية)

عااشت عااشت مس شوقار هههههههههه

مذهلة.. اتحركين؟؟ اتسوين رياضة ؟؟




هذا سناكي الأول

 

[ii DareeN ii]

رد: !~¤§¦ مسابقة نجمة الرشاقة ¦§¤~! (بداية)

اول مره اعرف معلومه اللحم وانا جني اسد كل يوم لحم :0bee2e8d89:

 

[go0omar]

رد: !~¤§¦ مسابقة نجمة الرشاقة ¦§¤~! (بداية)

هاااي
بنات توني طقيت السياره ورحت ركض حق دكتور طالب الشمري لانه ماادري اشفيني من يتني الدوره وانا خاايفه عطاني نظام حلووو مو حق الدوره اهو لانه استحيت اقوله.. اهو حق اسبوعين وفيه كل شي حتى بطاط نايس بعد اشوي اقولكم يااه لاني نسيته بسياره ههههههههه

دلالي
عجبني نظام اختج استمري عليه وشاطره يعني اليوم عده على سلام

لولي :
اذا حسيتي انج خربتيه لاتحسين بتانيب الضمير بالعكس استانسي بالي كليتيه معنه قلط بس هذا الي قبل كان قايلي الدكتور عنه لاتتضايقين وكملي الرجيم على طول جنه ماصار شي
:tek:

 

[gr8iz]

رد: !~¤§¦ مسابقة نجمة الرشاقة ¦§¤~! (بداية)

ماشالله الله يتمم عليكم يا بنات انا لين الحين مو منتظمه على الدايت.. المهم السبت ببلش تنظيف و الله يعين نزل وزني شويييييييييه

 

[go0omar]

رد: !~¤§¦ مسابقة نجمة الرشاقة ¦§¤~! (بداية)

تدرون بنااات
اختي كانت تروح حق الدكتور ويعطيهااا مشوياات ماكانت تضعف لانه جسم عن جسم يفرق بطاط وهل سوالف اهي الي تضعفهااا

فا حلوو انج تروحين حق الدكتور يتابعج ويعرف شنو الزين حق جسمج وشنو الي ممنوع

 

[خوش بنيه]

رد: !~¤§¦ مسابقة نجمة الرشاقة ¦§¤~! (بداية)

انا ماكتبت شنو كليت من اول يوم طبعا كل يوم نفس الشي ماغيرت وهو
الريوق شابوره و روب خالي الدسم و شاي اخضر مع حبه البركه
الغداء روب خالي الدسم وتفاحه
صعدت ونزلت الدري 12 مره
العشاء عصير اناناس و كيوي
ومشيت نص ساعه على الجهاز ​