نـقاش حول تخصصاتكمـ رجاءاً الكل يدخل ويعرض مشاركتـه كلكــمـ كلكـــمـ ياطالبـات ;d

الـسلامـ عليكمـ

شـلونكمـ يا طالبـات الكويت ان شاء الله تمـــام .. :eh_s(15):
الموضـوع عبـاره عن :::: مجموعـة اسئلـة نطرحهـا لطالبـات الجامعـة والمعـاهد من جميع ومختلف التخصصـات وللموظفـات بعد التخرج ..

أدري الموضـوع شبـه مكرر وفكرته منقـولة بس والله اندفنـو المواضيـع ولازم نقاشاتنـا تتجدد لأنّ في حاجـه لهـا .. و ياليـت الموضوع يتثبت عشـان ما يصير مصيـره مثل البآجـي ما يتم الرد عليهمـ

الهدف من الموضوع :: لاستفادة الطالبـات سواء طالبات الثانوي أم طالبـات الجامعة في معرفـة أكثر حول التخصص ينفع خريجـات الثانويـة و أيضاً طالبات الجامعـة الراغبـات في التحويـل لتخصص آخـر


يـالله بسمـالله نبتدي الأسئلـة وكثر ما تقدرون جابووووو ::::::
أولاً أسئلـة موجهـة لطالبـات المعـاهد والجـامعـات ::


1) في أي جامعـة تدرسيـن و شنو تخـصصـج الحآلي ؟

2) سبب اختيـارج للتخصص ؟

3) مجالات عمل التخصص بعد التخرج ؟

4) عن شـنو يتكلمـ تخصصج الحالي أي يعتمـد على دراسـة شنو بالضـبط (نبذة قصيـرة عن مواد التخصص)

5) تحـسين انج حابـة تخصصج الحالي ومستمتعـة فيـه .. والا متحسـفة لأنج تنتميـن لهالتخصص ؟

6) شنو استفـدتي من دراستج لهـذا التخصص .. شنو المهارات اللي اكتسبتيهـا منه إن وجدت ؟

7) تخصصج هل هو منـاسب لج كطالبـة أكثر أم هو منـاسب للطلاب أم مناسب للاثنيـن معـاً ؟

8) تعتقـدين ان تخصصج الحالي أفضـل تخصصات الجامعـة ؟ وماهي سلبـيات وايجابيات التخصص بنطـرج ؟

9) شنو النصيحـة اللي تقدمينهـا للطالبـات الراغبـات بدراسـه تخصصج ؟




وإذا كنتي خريـجة وتوظفـتي ::::


1) هل توظفتـي بشكل سـريع والا انتظرتي الوظيفـة فتـرة طويلـة ؟


2) هل وظيفـتج تتعلق بدراستج والا مافي علاقـة تربطهمـ فبعض ؟


3) شنو اهيـا طبيعـة عملج الحالي ومتخرجـة من أي تخصص ؟


4) هل طبّقـتي العلومـ اللي تعلمتيها بالتخصص في العمـل أم لا ؟​

1) في أي جامعـة تدرسيـن و شنو تخـصصـج الحآلي ؟

في كليه التربيه الاساسيه - فنيه -

2) سبب اختيـارج للتخصص ؟

قالولي سهل ..

3) مجالات عمل التخصص بعد التخرج ؟

أبله ..

4) عن شـنو يتكلمـ تخصصج الحالي أي يعتمـد على دراسـة شنو بالضـبط (نبذة قصيـرة عن مواد التخصص)

الرسم ثم الرسم ثم الرسم .. لووول لا الرسم بكل انواعه زيتي رصاص قواش حبر .. نتعلم نسوي تصاميم هندسيه .. طباعه على الخامات والزجاج ..إلخ

5) تحـسين انج حابـة تخصصج الحالي ومستمتعـة فيـه .. والا متحسـفة لأنج تنتميـن لهالتخصص ؟

متحسفه .. بس الحمدلله على كل حال ..

6) شنو استفـدتي من دراستج لهـذا التخصص .. شنو المهارات اللي اكتسبتيهـا منه إن وجدت ؟

اكتسبت شلون الون زيتي .. وشنوعناصر التصميم .. شلون نخلي الوان تكون منسجمه مع بعضها ....إلخ

7) تخصصج هل هو منـاسب لج كطالبـة أكثر أم هو منـاسب للطلاب أم مناسب للاثنيـن معـاً ؟

الأثنين ..

8) تعتقـدين ان تخصصج الحالي أفضـل تخصصات الجامعـة ؟ وماهي سلبـيات وايجابيات التخصص بنطـرج ؟

لا كل تخصص له سلبياته وعيوبه ومميزاته ومساوئه وصعوبته وسهولته .. سلبيات تخصصي ان محاضراته طويله تاخذ 4 ساعات .. وانها كلها عمليه ماكو نظري وانا احب النظري اكثر من العملي <== كسوله شوي .. وايجابياته يعني ان ماكو امتحانات و المحاضره تونس نسولف وناخذ بريك وناكل فيها بعد يصير يعني ماخذين راحتنا المهم عند الدكاتره الإنتاج ..

9) شنو النصيحـة اللي تقدمينهـا للطالبـات الراغبـات بدراسـه تخصصج ؟

اللي حابه تكون فنانه رسم واهي من صغرها تحب ترسم تدش واللي بتدشه لانه سهل لا تدشه ..


مشكوره على الموضوع الحلوو ..

1) في أي جامعـة تدرسيـن و شنو تخـصصـج الحآلي ؟
جامعة الكويت وتخصصي خدمة اجتماعية
2) سبب اختيـارج للتخصص ؟
اخترت التخصص بالصدفة ولما شفت الدراسة والشغل شلون ..تمسكت وأتصريت اني اتخصص خاصة اني كنت حاطة في بالي علوم سياسية بس لقيت ان هالمجال قريب مني حيل

3) مجالات عمل التخصص بعد التخرج ؟
مدرسة - مستشفى - الاحداث ودور الرعاية - قصر العدل - البحوث الاجتماعية -

4) عن شـنو يتكلمـ تخصصج الحالي أي يعتمـد على دراسـة شنو بالضـبط (نبذة قصيـرة عن مواد التخصص)
مواد التخصص تتكلم عن دور الاخصائي الاجتماعي وعلاقته بالعميل شلون يتصرف معاه ويحل مشاكله ويساعده

5) تحـسين انج حابـة تخصصج الحالي ومستمتعـة فيـه .. والا متحسـفة لأنج تنتميـن لهالتخصص ؟
حابته وابد وابد ومستمتعة اااااخر استمتاع الحمدلله ومو متحسفة كلش كلش

6) شنو استفـدتي من دراستج لهـذا التخصص .. شنو المهارات اللي اكتسبتيهـا منه إن وجدت ؟
استفدت وايد اشياء اول شي نفسي .. عرفت ايجابيات وسلبيات شخصيتي وتعلمت الصبر وطولت البااااال لان الاخصائي لازم يكون باله طويل ويسمع للي جدامه ويكون مسيطر على اعصابه وماينفعل والحمدلله هالاشياء اكتسبتها وتعلمتها من خلال بعض المواد الي نتدرب فيها

7) تخصصج هل هو منـاسب لج كطالبـة أكثر أم هو منـاسب للطلاب أم مناسب للاثنيـن معـاً ؟
مناسبي مناسب لي لان اساسا الخدمة الاجتماعية كانت بدايتها من المرأة وهي انسب لهالعمل

8) تعتقـدين ان تخصصج الحالي أفضـل تخصصات الجامعـة ؟ وماهي سلبـيات وايجابيات التخصص بنطـرج ؟
لا مو افضل تخصصات الجامعة بالعكس انا اشوفه انه من التخصصات اللي اقل من عادية بس القلب ومايهوى هههه
ايجابيات التخصص وايدة بالنسبة للشخص نفسه وللي حوالينه لان راح يعرف يتعامل مع الكل ويتعامل نع انواع الشخصيات

9) شنو النصيحـة اللي تقدمينهـا للطالبـات الراغبـات بدراسـه تخصصج ؟
اقوووولهم اللي تفكر تتخصص بالخدمة الاجتماعية لاتتردد ولحد يأثر عليها اولا الدراسة ممتعة حيل والشغل احلى بس اذا كانت الوحدة تعرف تفصل بين مشاكل الناس وحياتها الخاصة ماينغع حق وحدة حساسة نوعها تشيل الدنيا على راسها
بس نعم نعم للخدمة الاجتماعية

1) في أي جامعـة تدرسيـن و شنو تخـصصـج الحآلي ؟

التربيه الاساسيه .. لغة عربية

2) سبب اختيـارج للتخصص ؟

نسبتي حكمت علي ..

3) مجالات عمل التخصص بعد التخرج ؟

مدرسة ..,

4) عن شـنو يتكلمـ تخصصج الحالي أي يعتمـد على دراسـة شنو بالضـبط (نبذة قصيـرة عن مواد التخصص)

مادة اللغة العربية .. يتكلم عن دراسة الادب واللغة ونشأتها .. وطريقة نطقها , والشعر وشلون كتابته
وتقسيمه الى بحور مختلفه ..
التخصص حلو للي تحبه ومو حلو للي تستصعبه .. ,

5) تحـسين انج حابـة تخصصج الحالي ومستمتعـة فيـه .. والا متحسـفة لأنج تنتميـن لهالتخصص ؟

الحمدلله اقتنعت فيه

6) شنو استفـدتي من دراستج لهـذا التخصص .. شنو المهارات اللي اكتسبتيهـا منه إن وجدت ؟

اكتسبت فوااايد وااايد ..

7) تخصصج هل هو منـاسب لج كطالبـة أكثر أم هو منـاسب للطلاب أم مناسب للاثنيـن معـاً ؟

للاثنين .. لانه يفيدني ويفيد الطلاب بنفس الوقت ..

8) تعتقـدين ان تخصصج الحالي أفضـل تخصصات الجامعـة ؟ وماهي سلبـيات وايجابيات التخصص بنطـرج ؟

لا مو افضل لان تخصصي فيه صعوبه .. يبيله استيعاب لكل مستجدات اللغة ..
السلبيات ان الدكاتره حاكمين على طلاب العربي انهم علماء ويحاسبونهم على اساس هالشي ,.,

9) شنو النصيحـة اللي تقدمينهـا للطالبـات الراغبـات بدراسـه تخصصج ؟

اقولهم استخيروا واذا انتوا حابين التخصص وشطآر فيه ادخلوه لكن اذا تبونه من باب التسليه
فمآ رآح تقدرون عليه


ويعطيج العافيه ع الموضوع الحلووو

1) في أي جامعـة تدرسيـن و شنو تخـصصـج الحآلي ؟
جامعه الكويت ,, كلية العلوم ,, تخصصي كمبيوتر ساينس ( علوم حاسب آلي )

2) سبب اختيـارج للتخصص ؟
لان مستقبله روعه مافي احد ما يمدح مستقبل علوم الحاسب الآلي مواضيع دراسته حلوه كل ما اسوي برنامج ولا شي احس اني عبقريه

3) مجالات عمل التخصص بعد التخرج ؟
قطاع خاص , حكومه , تدريس ( المجال حده حلو و مفتوح بكل مكان مطلوب التخصص )4)

عن شـنو يتكلمـ تخصصج الحالي أي يعتمـد على دراسـة شنو بالضـبط (نبذة قصيـرة عن مواد التخصص)
اممممممممم احنا دراستنا عن البرمجه و السوفت ويير ,, نسوي جميع انواع البرامج الي تستخدم بالكمبيوترات و الالعاب

5) تحـسين انج حابـة تخصصج الحالي ومستمتعـة فيـه .. والا متحسـفة لأنج تنتميـن لهالتخصص ؟
اوووووووف حدي حابته و بالعكس كلش مو ندمانه اني تخصصت هالتخصص مع ان دراسته صعبه بس ماعليه كل مكان وله صعوبته مافي شي ايي بالساهل

6) شنو استفـدتي من دراستج لهـذا التخصص .. شنو المهارات اللي اكتسبتيهـا منه إن وجدت ؟
بما اني توني سنه ثانيه فمهاراتي توها بسيطه ,, اسوي برامج صغيره بالكمبيوتر ( في برنامج تدخلين فيه درجاتج و يحسب لج بروحه معدلج الفصلي و التراكمي في منه وايد بالمواقع و انا سويت مثله هذا اول برنامج سويته خاص فيني و حدي مستانسه عليه اول برنامج خاص فيني )

7) تخصصج هل هو منـاسب لج كطالبـة أكثر أم هو منـاسب للطلاب أم مناسب للاثنيـن معـاً ؟
لا بالعكس مافي فرق مناسب حق الطالبات و الطلبه لان مجالاته الوظيفيه مفتوحه

8) تعتقـدين ان تخصصج الحالي أفضـل تخصصات الجامعـة ؟ وماهي سلبـيات وايجابيات التخصص بنطـرج ؟
اكيد اشوف تخصصي احسن تخصص بالدنيا لاني اعشقه بس يعني اكيدفي اشياء ثانيه وايد حلوه و زينه ,, مافيه سلبيات غير انه شوي دراسته صعبه بس مثل ما قلت كل مكان وله صعوبته

9) شنو النصيحـة اللي تقدمينهـا للطالبـات الراغبـات بدراسـه تخصصج ؟
اقولهم توكلوا على الله لان تخصص علوم حاسب الى واااااااااااااااااااايد قوي و مرغوب بكل مكان و دراسته حيل ممتعه للي تحب الكمبيوتر و الشغل عيه

Samrah_86 قال:

حسآفـة نـاسيـة سؤال 10) هـل يعتبـر تخصصج الحـآلي تخصـص نـادر .. ؟

أنقر للتوسيع...

اهو بالكليه عندنا ما يعتبر تخصص نادر

و في كليات خاصه بالكويت
فاتحه هالتخصص لان مثل ما قلت لك حدددددددددددددددده قوي

جد بنات نصيحه من اخت
الي تحب الشغل على الكمبيوتر تتخصص هالتخصص كلمه ممتع و يشوق اشويه عليه

1) في أي جامعـة تدرسيـن و شنو تخـصصـج الحآلي ؟
بالجامعة العربية المفتوحة,,,تخصصي ادارة اعال-نظم ادارية
2) سبب اختيـارج للتخصص ؟
حابته من زمان ومطلوووب وااايد
3) مجالات عمل التخصص بعد التخرج ؟
وااايد بالشركات او البنوك كل مكان يطلبون هالتخصص
4) عن شـنو يتكلمـ تخصصج الحالي أي يعتمـد على دراسـة شنو بالضـبط (نبذة قصيـرة عن مواد التخصص)
عن الادارة بشكل عام وادارة الموارد البشريه وادارة الافراد....الخ....على فكرة الراسه كلها انجليزي^^.
5) تحـسين انج حابـة تخصصج الحالي ومستمتعـة فيـه .. والا متحسـفة لأنج تنتميـن لهالتخصص ؟
بالعكس وااايد حابته ^^.
6) شنو استفـدتي من دراستج لهـذا التخصص .. شنو المهارات اللي اكتسبتيهـا منه إن وجدت ؟
طبعا استفدت كل شي عن البزنيز...وللحين قاعده استفيد طبعا...ماكتسبت مهارات يمكن عقب ما اتوظف
7) تخصصج هل هو منـاسب لج كطالبـة أكثر أم هو منـاسب للطلاب أم مناسب للاثنيـن معـاً ؟
حق الاثنين عادي^^.
8) تعتقـدين ان تخصصج الحالي أفضـل تخصصات الجامعـة ؟ وماهي سلبـيات وايجابيات التخصص بنطـرج ؟
اممممم اعتقد بس ما يمنع ان في تخصصات وايد غيرة هم قويه ومطلووبه...السلبيات ان صعب شوي..والايجابيات مثل ماقلت مطلوووب وايد وشهادته قويه..
9) شنو النصيحـة اللي تقدمينهـا للطالبـات الراغبـات بدراسـه تخصصج ؟
لازم الوحده تكوون حابه التخصص علشان تقدر تنجح فيه بتفوق..وتبذل كل جهدها عشان النجاح...ودشووو ترى وايد حلو^^.
10) هـل يعتبـر تخصصج الحـآلي تخصـص نـادر .. ؟
لا مو نادر بالعكس...

مشكوووووووووورة حيااتي عالموضوع الحلووو^_^ سويتي جو بالقسم

1) في أي جامعـة تدرسيـن و شنو تخـصصـج الحآلي ؟

جامعة الكويت _ كلية التربيه (متوسط وثانوي\ أحياء - جيلوجيا )
2) سبب اختيـارج للتخصص ؟

اممممممم . والله مادري كنت احب الحياء بس خرعوني فيه بالجامعه وماكنت ابيه كنت ابي انقلش بعدين جغرافيا بعدين رديت على الاحياء<< لوووووووووول فلم

3) مجالات عمل التخصص بعد التخرج ؟

أبله ويصير اشتغل بالقطاع الخاص بما اني تخصصي علمي ونادر فيه اماكن وايده

4) عن شـنو يتكلمـ تخصصج الحالي أي يعتمـد على دراسـة شنو بالضـبط (نبذة قصيـرة عن مواد التخصص)

التخصص الرئيسي يعتمد على دراسة الكائنات الحيه,ندس علم حيوان وعلم نبات ومايكروبيلوجي وكل شي يخصص الانسان والحيوان والنبات والكائنات الدقيقه اما مواد المساند واللي اهي مواد التخصص المساند جيلوجيا فتدرسين عن الارض والازمنه الجيلوجيه والصخور بكافة انواعها والبيئات حلووو الجيلوجيا 5)

تحـسين انج حابـة تخصصج الحالي ومستمتعـة فيـه .. والا متحسـفة لأنج تنتميـن لهالتخصص ؟

امممم . والله حابته لانه حلو من ناحية الدراسه , بس صععععععععب يخليني ليلة الامتحان اتحسف لي تخصصت هالتخصص لانه دكاترة العلوم الله بالخير

6) شنو استفـدتي من دراستج لهـذا التخصص .. شنو المهارات اللي اكتسبتيهـا منه إن وجدت ؟

وايييد شغلات استفتها بغض النظر عن المواد التربويه اللي خذيتها بكليتي واللي خلتني اعرف الناس اكثر واعرف شلون اتعامل مع الناس استفت علميا من خلال دراستي للاحياء عرفت الامراض وطرق العلاج معلومات اكثر عن الانسان والكائنات الحيه وايضا اعرف الازمنه الجيلوجيا والحياة القديمه وانوع البييئات المختلفه والصخور المتنوعه

7) تخصصج هل هو منـاسب لج كطالبـة أكثر أم هو منـاسب للطلاب أم مناسب للاثنيـن معـاً ؟

والله احنا الشباب اللي مثل تحصصي ينعدون على الاصابع,ندورهم بالتفق شووووووووووووويه , لانه التخصص صعب ويبيله مجابل وفوق هذا محد يبي يصير مدرس ..لا ومدرس علوم بعد او احياء
8) تعتقـدين ان تخصصج الحالي أفضـل تخصصات الجامعـة ؟ وماهي سلبـيات وايجابيات التخصص بنطرج؟

, اهو اذا الواحد مقتنع بتخصصه بيقول انه احسن تخصص بالجامعه :dddds:

اهوالتخصص حلو ومفيد بس يتعب من ناحية الدراسه كلها بالانقلش , وندرس مع طلبة كلية العلوم
وكل كورس دوامنا كيفان وخالديه تعب :cxxxp:

9) شنو النصيحـة اللي تقدمينهـا للطالبـات الراغبـات بدراسـه تخصصج ؟

والله لازم اللي تدش هالتخصص تكون مقتنعه فيه. وتدرس تدرس تدرس لانه صج يبيله مجابل المواد كلها حفظ ومايبيله وحده تطنشوالله يهداهم دكاتره العلوم اهم ويا امتحاناتهم الصعبه وتصحيحهم الدقيق مايقصرون :0bee2e8d89:

فيبيله وحده تكون شبه متفرغهاالابات من 2 لي 5

وفي لابات من 5 لي 7 يعني كراااف مو هين

بس الحلو التخصص نااااااااادر ويعطون عليه مكافأة 900 دينار نهاية كل كورس عقب اجتياز 60 وحده بس تطلع من جبدج الصارحه :cxxxp:

وبسسسسسس وشكرا :tek:

1) في أي جامعـة تدرسيـن و شنو تخـصصـج الحآلي ؟
كلية التربية الاساسية _ علوم المكتبات والمعلومات
2) سبب اختيـارج للتخصص ؟
احب الكتب والقراءة وحابه التخصص من زمان
3) مجالات عمل التخصص بعد التخرج ؟
مدرسة _وزارة
4) عن شـنو يتكلمـ تخصصج الحالي أي يعتمـد على دراسـة شنو بالضـبط (نبذة قصيـرة عن مواد التخصص)
يتكلم عن انواع مصادر الكتب وانواع المكتبات في العالم وطرق تصنيف الكتب وعن الاستعارة وغيرها شغلات واجد
5) تحـسين انج حابـة تخصصج الحالي ومستمتعـة فيـه .. والا متحسـفة لأنج تنتميـن لهالتخصص ؟
بالعكس حااااابته حيييل ومستمتعه فيه حيييل الحمدالله
6) شنو استفـدتي من دراستج لهـذا التخصص .. شنو المهارات اللي اكتسبتيهـا منه إن وجدت ؟
استفدت اشياء واجد طبعا منها : انواع الكتب المشهورة في العالم وانواع تصانيف الكتب في المكتبات كذلك شلون افيد الطلبة بخدمات المكتبة
7) تخصصج هل هو منـاسب لج كطالبـة أكثر أم هو منـاسب للطلاب أم مناسب للاثنيـن معـاً ؟
للأثنين معا
8) تعتقـدين ان تخصصج الحالي أفضـل تخصصات الجامعـة ؟ وماهي سلبـيات وايجابيات التخصص بنطـرج ؟
في نظري انه افضل التخصصات صج انه صعب ومعقد شوي بس حلووو بعيني
9) شنو النصيحـة اللي تقدمينهـا للطالبـات الراغبـات بدراسـه تخصصج ؟
الي تحب الكتب والقراءة تدش هالتخصص وبيني وبينكم الي تبي الراحة بالوظيفة كذللك تدشها