نـقاش حول تخصصاتكمـ رجاءاً الكل يدخل ويعرض مشاركتـه كلكــمـ كلكـــمـ ياطالبـات ;d

[I love my]

رد : نـقاش حول تخصصاتكمـ رجاءاً الكل يدخل ويعرض مشاركتـه كلكــمـ كلكـــمـ ياطالبـات ;

ماكو احد بطب الاسنان هذا حلمي وانشالله احققه يااااااااااااااااااااااااارب

 

[G!RLooNa]

رد: رد : نـقاش حول تخصصاتكمـ رجاءاً الكل يدخل ويعرض مشاركتـه كلكــمـ كلكـــمـ ياطالبـ

ههه لا صح حبيبتي
صج عاد ودي اعرف نظامها شلون ماعرف ولا شي بس كان ودي استفسر وياليت اجابات تكون اجابات الاسئلة مالت الموضوع

ماكو احد بطب الاسنان هذا حلمي وانشالله احققه يااااااااااااااااااااااااارب

امممم ماقدر ارد على اسئله الموضوع لاني ماراح ارد على شي جربته بس اقولكم نظام الكليه بشكل عام:

اول شي على تقديم الجامعه اللي يبي طب بشري, طب اسنان, صيدله<< حق تقديم الجامعه ماراح تلقون هالكليات لا تلقون مركز العلوم الطبيه لان اول سنه تكون تمهيديه باول سنه ما تكونين طالبه طب ولا صيدله لا تكونين طالبه مركز العلوم الطبيه يعني الدفعه كلنا ندرس ويا بعض اول سنه

المواد بكل السنين كل الكورسات و ال3 كليات طب واسنان وصيدله المواد ثاااااااابته والجدول ثابت اللهم الا اول سنه الماده الاختياريه الكورس الاول والثاني

سنه اولى: المواد فيزيا, كيميا, انجليش,حاسوب, اختياري الكورس الاول والكورس الثاني بيولوجي و ماده مثل احصاء و علم اوبئه مادري شلون اشرح هالماده و انجليش واختياري

على نهايه الكورس الثاني تتوزع علينا اوراق شنو تبين: طب بشري, طب اسنان, صيدله, تحويل الى كليه اخرى

و ترقمينهم من 1-4 على رغبتج وين تبين

و التوزيع يصير عقب ما يخلص الكورس

والتوزيع طبعا اول شي عالمعدل بعدين الرغبه

المعدل الاقوى له الاولويه انا معدلي كان يدخلني اسنان بس انا اخترت صيدله فانحطيت صيدله و لو وحده مثلا تبي اسنان معدلها ما دخلها لانه الكراسي اللي محددينها حق الدفعه انترست تروح عالرغبه الثانيه اكو بنات قالو يا اسنان يا نحول ما نبي طب حولوهم اكو يا اسنان يا صيدله مثلا ما انقبلو اسنان حطوهم صيدله و جذي

الاسنان ياخذون اعلى معدل و اقل شي تقريبا 10 طلبه من الدفعه يروحون اسنان و الاغلبيه طب والصيدله تقريبا 30 من الدفعه هذا التقسيم يعني تقريبا

نسب القبول الطب والاسنان 2.50 والصيدله 2.25 هذي النسب ممكن تتغير على حسب عدد طلبه الدفعه و معدلاتهم,,

الحين رحنا سنه 2: طلبه الطب وطب الاسنان دراستهم مع بعض اول 4 سنين عقب حق الكلينكال ينفصلون مادري يا على نهايه سنه 4 او سنه 5 بس انه اول سنين الدراسه والمواد كله ويا بعض

الطب 7 سنين و الاسنان كانت " سابقا " 6 سنين ونص بس الحين سووه 7 سنين بعد

لي خلصتو سنه 4 تتخرجون يعني يسوون لكم حفله تخرج وتكريم و شهاده جامعيه و تقدرون ماتكملون عقب سنه 4 بس ما تكونون دكاتره طبعا بس عندكم شهادات جامعيه

الامتحانات: امتحانات الطب كلها اختياري و مثل جدول توصيل اللي قبل ايام المدارس بس طبعا مو سهل لكن الامتحان كله هالطريقه ما عندهم اسئله مقاليه مثلنا يا حظهم :eh_s(11):

النجاح والسقوط: النجاح من 60 اللي يسقط يعيدون له امتحان الفاينل "ريست" اول شي يكون مثل امتحان شفوي اذا نجح فيه ما يعيد الامتحان نظري واذا ما نجح بالشفوي يعيدون الامتحان النظري واذا ما نجح خلاص يعتبر ساقط و يعيد السنه كلها بكل موادها لان نظام الكليه سنين


....

ممممم مادري هذا بشكل عام الاشياء اللي يت على بالي واذا عندكم سؤال بعد انا حاظره :bye22:

 

[G!RLooNa]

توني اشوف انه الموضوع بقسم الطالبات لو ينقلونه قسم طالبات الجامعه والمعاهد احسن

 

[*toot]

) في أي جامعـة تدرسيـن و شنو تخـصصـج الحآلي ؟

بجاامعة لكويت .. كلية العلوم الاجتماعيه ( علوم سياسيه ومساندي علم نفس)
2) سبب اختيـارج للتخصص ؟

لان تخصص قوي وله مستقبل حلو


3) مجالات عمل التخصص بعد التخرج ؟

الديوان الاميري .. ديوان ولي العهد .. مجلس الوزراء .. مجلس الامه .. وزاره الخارجيه .. الاعلام .. ووكالة الانباء كونا



4) عن شـنو يتكلمـ تخصصج الحالي أي يعتمـد على دراسـة شنو بالضـبط (نبذة قصيـرة عن مواد التخصص)

والله انا للحين ماتعمقت بالتخصص لان توني متخصصه فيه .. بس بشكل عام من الي درسته
يتكلم عن النظم السياسيه والتطور السياسي وسلوك السياسي والخ ..



5) تحـسين انج حابـة تخصصج الحالي ومستمتعـة فيـه .. والا متحسـفة لأنج تنتميـن لهالتخصص ؟

الحمدالله مقتنعه فيه وحلو .. لحد الحين ماحس اني متحسفه وانشالله ماتحسف ويكون اختياري بمحله




6) شنو استفـدتي من دراستج لهـذا التخصص .. شنو المهارات اللي اكتسبتيهـا منه إن وجدت ؟

والله للحين مثل ماقلت ماتعمقت بالتخصص لاني توني متخصصه وانشالله هالكورس راح اعرف اكثر عنه
بس بشكل عام تخصصي يعلم الثقه بالنفس بالنبسه للبرزنتيشنات والوقفه جدام الطلبه واني اقول راي بصراحه مثل ماقلت وحده من البنات ^_^



7) تخصصج هل هو منـاسب لج كطالبـة أكثر أم هو منـاسب للطلاب أم مناسب للاثنيـن معـاً ؟

مناسب للأثنين ( معنه واايد ناس يقولون مايصلح للبنت ;\ )



8) تعتقـدين ان تخصصج الحالي أفضـل تخصصات الجامعـة ؟ وماهي سلبـيات وايجابيات التخصص بنطـرج ؟

لان تخصصي شي اكيد بحسه احسن تخصص
سلبياته : انه شوي دسم وولازم تكونين متابعه السياسه اول بأول ( يعني جرايد وبرامج سياسيه ) موبس دراسه وخلاص
لا ماينفع .. ووااايد سمعت انه بالنسبه للوظايف يفضلون الشباب على البنات :bbbiu:
الايجابيات : انه تخصص حلو وله مستقبل



9) شنو النصيحـة اللي تقدمينهـا للطالبـات الراغبـات بدراسـه تخصصج ؟

قبل كل شي لازم تكونين حابه التخصص الي تبينه
ومقتنعه فيه عشان تقدرين تكملين .. ونصيحه ماعليكم من احد اذا حابه التخصص دشيه ولايقولولج صعب وماصعب
ماكو شي بالساهل واذا كنتي تحبينه بتمشين فيه وبتنجحين انشالله والله يوفق الجميع يارب


وثانكس على هالموضوع الروعه :eh_s:

 

[بقايا العطر..}]

1) في أي جامعـة تدرسيـن و شنو تخـصصـج الحآلي ؟
جامعة الكويت - كلية الحقوق

2) سبب اختيـارج للتخصص ؟
طمووووووووحي وعشقي الأزلي منذ نعوومة أظافري :$
فيني سمة من انا صغيرة اني الناطق الرسمي باسم الكل واحب ادافع عن اللي جدامي فوايد التخصص كان قريب من شخصيتي ؛*

3) مجالات عمل التخصص بعد التخرج ؟
محامية - محققة - موثقة قانونية - مستشارة قانونية - "نائب عام& قاضية " << في القريب العاجل ان شاء الله
طبعااا كل الوزارات تطلبنا لان مافي وزارة مافيها ادارة قانونية + القطاع الخاص + الفتوى والتشريع + كونا +ديوان المحاسبة + البنك المركزي ... الخ

4) عن شـنو يتكلمـ تخصصج الحالي أي يعتمـد على دراسـة شنو بالضـبط (نبذة قصيـرة عن مواد التخصص)
عن الدساتير والقوانين بجميع انواعها التجارية والادارة والجزائية والاحوال الشخصية والدولية "خاصة-عامه"
عن المرافعات والعقوبات والعقود .... الخ واايد حجي وكل شي يتفرع منه شي ؛)

5) تحـسين انج حابـة تخصصج الحالي ومستمتعـة فيـه .. والا متحسـفة لأنج تنتميـن لهالتخصص ؟
مو أحس اني احبه الا اعششششششششششششششقه حتى الثمالة :$والحمد لله اني دخلت الحقوق :$:$:$

6) شنو استفـدتي من دراستج لهـذا التخصص .. شنو المهارات اللي اكتسبتيهـا منه إن وجدت ؟
طبعا اللي استفدته من تخصصي اني اقووول الحق ولو على نفسي تكونت عندي نزعة للدفاع عن حقوق الناس واني ما اخاف في مطالبتي لومة لائم لاني ادري اني على حق ،، المهارات اللي اكتسبتها الحقوق صقلت شخصيتي بالشكل الممتاز صرت متحدثة لبقة ودبلوماسية عندي رد على كل سؤال اقدر اجادل واتحاور مع ناس اول مرة اشوفهم صرت دايما املك سندات قانوينة على اللي اقوله لانج عارفه احنا في دولة تسود فيها القوانين << ابييييه قمت اقرق وايد :×

7) تخصصج هل هو منـاسب لج كطالبـة أكثر أم هو منـاسب للطلاب أم مناسب للاثنيـن معـاً ؟
في السابق كان مناسب للطلبة اكثر من الطالبات لكن حاليا وفي ظل التطور الملحوظ انا اشوف ان التخصص مناسب للكل ولو ان المجتمع اللي احنا فيه يصغر من دور الفتاة في هذا المجال :\

8) تعتقـدين ان تخصصج الحالي أفضـل تخصصات الجامعـة ؟ وماهي سلبـيات وايجابيات التخصص بنطـرج ؟
شوفي أختي الفاضلة مو عشانه تخصصي انا اقول انه من افضل التخصصات في الجامعة لكن حسب احصائية عالمية تخصصنا يعتبر أفضل 3 تخصص بالتصنيف العالمي بعد الطب والهندسة وعموما ترى الحقوق طب الأدبي :$

الايجابيات : كلها ايجابيات فديتها :$:$
السلبيات : النظام السنوي الشاق جداااا + مواد الاختياري تدرس على مدار سنه كاملة حالها حال المواد القانونية وهذا حمل ثقيل جدا
+ خريج الحقوق لما يتخرج ما يصير سيدة محامي مثل كلية الهندسة اللي يتخرج سيدة مهندس

9) شنو النصيحـة اللي تقدمينهـا للطالبـات الراغبـات بدراسـه تخصصج ؟
اذا كنتي تحبين القانون وعندج حس الدفاع عن الناس وعندج قدرة على تحمل دراسة امتحان قد يصل الى 1000 صفحة فحياج الله بالحقووووووووووووووووووووووووووق وترى اذا حبيتيها بتحبج وترزج واذا ما حبيتيها واستثقلتيها بتغثج ؛)

10) هـل يعتبـر تخصصج الحـآلي تخصـص نـادر .. ؟
للأسف الشديييييييييييييييييييييييييييييد كراف طول السنه ومافي تخصص نادر
الله يرزقنا يارب

 

[pharmacist 25]

1) في أي جامعـة تدرسيـن و شنو تخـصصـج الحآلي ؟

جامعه الكويت .. مركز العلوووم الطبيه كليه الصيدله،،،،طبعا اشتغل من سنتيييييين متخرجه من زماااان

2) سبب اختيـارج للتخصص ؟

احب الكيييييميا و الرياضياااات و ماحب الدم و الجرااااحه عشان جذي اخترت صيدله تجمع بيييين الطبب و الكيميا و الرياضيااات و كل اللي تيووووون لوول

3) مجالات عمل التخصص بعد التخرج ؟

وزاره الصحه طبعا و بدووون ديوان علر طوووول تقدمين الاوراق الوزاره و بعد شهر يككوون التعييين بمستوصف او مستشفى او قطااع خاص للي تبي

4) عن شـنو يتكلمـ تخصصج الحالي أي يعتمـد على دراسـة شنو بالضـبط (نبذة قصيـرة عن مواد التخصص)

الادويه بشكل عاااااااام و علم الامراض و التشريييييح بشكل عاام مثل مواااد الطب بس احنا ندرس عن الادويه و تركيييييباتها و تحضيييييرها و التعامل مع المرضى الخ،،،،،

5) تحـسين انج حابـة تخصصج الحالي ومستمتعـة فيـه .. والا متحسـفة لأنج تنتميـن لهالتخصص ؟

واااايد احبه و احمد ربي على اختياااري ووضعنا بالوزاره الحمدالله واااايد زييييين خاصه بعد الكااااادر اليديد لوول


7) تخصصج هل هو منـاسب لج كطالبـة أكثر أم هو منـاسب للطلاب أم مناسب للاثنيـن معـاً ؟

منآسب للأثنين معاً .. ~

8) تعتقـدين ان تخصصج الحالي أفضـل تخصصات الجامعـة ؟ وماهي سلبـيات وايجابيات التخصص بنطـرج ؟
افضل تخصص طبي بعد الطب اكييد ،،دوام مريييح اكثر من الطب و ضغط اقل و كااادر قوي ووايد مميزات صراحه
العيوووووب، لكليه صعععععععععبه و يبيلها مجاااابل و معدل ٩٥٪ و فوووق و اهي ٥ سنوااات اقل من الطب بسنتييييين

9) شنو النصيحـة اللي تقدمينهـا للطالبـات الراغبـات بدراسـه تخصصج ؟

الصبر ثم الصبر ثم الصبر و ينسوووون العالم الخارجي اول ٣ سنين بالكليه

و احنا مو تخصص نادر
الله يوفق الجميييع و اي سؤال انا حاضره

 

[محبوبه25]

رد : نـقاش حول تخصصاتكمـ رجاءاً الكل يدخل ويعرض مشاركتـه كلكــمـ كلكـــمـ ياطالبـات ;

وين اللي ادرسو هالتخصصات
حاسب الي
2_ خدمة عملاء
3_ سكرتاريه

لان بصراحه اذا نجحت راح اختار هالتخصصات
احسها خفيفه وحلوه

ماكو احد متخصص هالتخصصات

 

[يمة يادلبي]

عدنا من جديد


1) في أي جامعـة تدرسيـن و شنو تخـصصـج الحآلي ؟
جامعة الكويت كلية الحقوق

2) سبب اختيـارج للتخصص ؟
لأني ادبي ونسبتي عالية وحرام علي ادش تخصص هايف وهذي نسبتي فاخترت الحقوق

3) مجالات عمل التخصص بعد التخرج ؟
يوه عدي وخربطي ماكو مكان مايبي قانونييين

4) عن شـنو يتكلمـ تخصصج الحالي أي يعتمـد على دراسـة شنو بالضـبط (نبذة قصيـرة عن مواد التخصص)
مودري ليلحين مابديت دراسة

5) تحـسين انج حابـة تخصصج الحالي ومستمتعـة فيـه .. والا متحسـفة لأنج تنتميـن لهالتخصص ؟
لا والله كللللش مو حابته لان ماعندي أي خلفية عنه وحاليا احس اني متحسفة قد شعر راسي شلون اخترته لاني خايفة ادشه وما امشي فيه واضيع سنين من عمري على ماميش بس ان شالله امشي فيها

6) شنو استفـدتي من دراستج لهـذا التخصص .. شنو المهارات اللي اكتسبتيهـا منه إن وجدت ؟
والله حاليا ولا شي لاني مثل ماقلت مابلشت دراسة بس احس اني راح اصير حرجة أكثر لاني فاجة باردة فوق ماتتصورين وهم حياوية لأقصى درجة فان شالله اصير جريئة اكثر

7) تخصصج هل هو منـاسب لج كطالبـة أكثر أم هو منـاسب للطلاب أم مناسب للاثنيـن معـاً ؟
يناسب الاثنيـن بس الصبيان أكثر


8) تعتقـدين ان تخصصج الحالي أفضـل تخصصات الجامعـة ؟ وماهي سلبـيات وايجابيات التخصص بنطـرج ؟
اكيد افضل تخصص عقب الطب ، إيجابياته : تخصص مرغوب جدا والمعاش وايد زيـن ، سلبياته : الدراسة دسمممممة حيييل وكلمن يشتكي من الدكاترة ونحاستهم وظلمهم

9) شنو النصيحـة اللي تقدمينهـا للطالبـات الراغبـات بدراسـه تخصصج ؟
خل يشدون حيلهم بالدرااااسة ويقووون قلبهم

 

[ЄŊg.Đσ`3Ч]

btwfeg 4 all

 

[محبوبه25]

رد : نـقاش حول تخصصاتكمـ رجاءاً الكل يدخل ويعرض مشاركتـه كلكــمـ كلكـــمـ ياطالبـات ;

للرفع وينكم بناااااااااااااااات
هل من مجيب

 

[طـير7]

أولاً أسئلـة موجهـة لطالبـات المعـاهد والجـامعـات ::


1) في أي جامعـة تدرسيـن و شنو تخـصصـج الحآلي ؟
كلية دراسات تكنلوجيه/كيمياء تطبيقيه

2) سبب اختيـارج للتخصص ؟
عشان اصير محضرة علوووووووووووم بالمدارس

3) مجالات عمل التخصص بعد التخرج ؟
واااااااااايد وانتي عارفتهم

4) عن شـنو يتكلمـ تخصصج الحالي أي يعتمـد على دراسـة شنو بالضـبط (نبذة قصيـرة عن مواد التخصص)
كيميا كيميا كيميا كيميا كيميا
كيميا كيميا كيميا كيميا
كيميا كيميا كيميا
كيميا كيميا
كيميا

5) تحـسين انج حابـة تخصصج الحالي ومستمتعـة فيـه .. والا متحسـفة لأنج تنتميـن لهالتخصص ؟
عااااااااااااادي احس ماعندي شعور معين تجاه تخصصي بس بخلص وبس!

6) شنو استفـدتي من دراستج لهـذا التخصص .. شنو المهارات اللي اكتسبتيهـا منه إن وجدت ؟
تعلم المصطلحات الانجليزيه والتعامل بالEnglish

7) تخصصج هل هو منـاسب لج كطالبـة أكثر أم هو منـاسب للطلاب أم مناسب للاثنيـن معـاً ؟
للاثنين معا

8) تعتقـدين ان تخصصج الحالي أفضـل تخصصات الجامعـة ؟ وماهي سلبـيات وايجابيات التخصص بنطـرج ؟
مادري

9) شنو النصيحـة اللي تقدمينهـا للطالبـات الراغبـات بدراسـه تخصصج ؟

حياكم الله حلوو التخصص بس على حسب اساتذة المااااااااااااااادة

 

[Bnt Salwa]

رد : نـقاش حول تخصصاتكمـ رجاءاً الكل يدخل ويعرض مشاركتـه كلكــمـ كلكـــمـ ياطالبـات ;

) في أي جامعـة تدرسيـن و شنو تخـصصـج الحآلي ؟
جامعه الكويت كليه التربيه تخصص لغه انجليزيه متوسط ثانوي

) سبب اختيـارج للتخصص ؟
احب الانجليزي


3) مجالات عمل التخصص بعد التخرج ؟
مدرسه لغه انجليزيه متوسط ثانوي

4) عن شـنو يتكلمـ تخصصج الحالي أي يعتمـد على دراسـة شنو بالضـبط (نبذة قصيـرة عن مواد التخصص)
عن اللغه نشاتها مقدمه في الادب الانجليزي و لغويات ...


) تحـسين انج حابـة تخصصج الحالي ومستمتعـة فيـه .. والا متحسـفة لأنج تنتميـن لهالتخصص ؟
اي انا حابه تخصصي


) شنو استفـدتي من دراستج لهـذا التخصص .. شنو المهارات اللي اكتسبتيهـا منه إن وجدت ؟
تعلمت اشلون اتكلم انجليزي و انا واثقه من نفسي


) تخصصج هل هو منـاسب لج كطالبـة أكثر أم هو منـاسب للطلاب أم مناسب للاثنيـن معـاً ؟
للكل


) تعتقـدين ان تخصصج الحالي أفضـل تخصصات الجامعـة ؟ وماهي سلبـيات وايجابيات التخصص بنطـرج ؟
انا احس ان تخصصي حلو بس يبيله خلفيه باللغه الانجليزيه


) شنو النصيحـة اللي تقدمينهـا للطالبـات الراغبـات بدراسـه تخصصج ؟
تخصصنا حلو بس اختاري الدكتور عدل و اسالي عنه

)هل يعتبر تخصصك نادر ؟
اي في كليه التربيه يعتبر نادر و يعطونا مكافاه 900 دينار بعد اجتياز 60 وحده

 

[~ miss NERD ~]

up

 

[Terrific_face]

رد : نـقاش حول تخصصاتكمـ رجاءاً الكل يدخل ويعرض مشاركتـه كلكــمـ كلكـــمـ ياطالبـات ;

hi !!​

وين بنات طب الاسناان
او
الجرااااحة
:balo:

 

[G!RLooNa]

اوووه اخيرا لقيت وحده معاي يالله يارب اتخرج و افتك و الحقج

 

[Miss McDonald]

رد : نـقاش حول تخصصاتكمـ رجاءاً الكل يدخل ويعرض مشاركتـه كلكــمـ كلكـــمـ ياطالبـات ;

.

up

up

 

[نانينو]

رد : نـقاش حول تخصصاتكمـ رجاءاً الكل يدخل ويعرض مشاركتـه كلكــمـ كلكـــمـ ياطالبـات ;

يعطيكم ألف ألف عافيه وما تقصرون أنا طالبه 12 علمي و حطيت ببالي صيدله الله يوفقها اللي كتبت عن الصيدله
أدعولي بالتفوق

 

[~ آسٓگنتگ عٓيونـيٓ ~]

,,
up
up
up
up
up
,,

 

[princeSs rose]

هاي مم
سؤال أبغى طب
وش هي المواد المهمة؟!

 

[~ miss NERD ~]

up




:q8: