نـقاش حول تخصصاتكمـ رجاءاً الكل يدخل ويعرض مشاركتـه كلكــمـ كلكـــمـ ياطالبـات ;d

[روح آلمشآعر]

روح المشـاعر :::: والله ياختي ضاق خلـقي عليـج مو مختاره التخصص بإرادتج وفـوق هذا ليش يواسـونه بالدبلومـ حرام شـفايدة الكـراف 4 سنيـن انشالله يطلـع كلامج غلـط وما يواسونكمـ مع الدبلومـ يارب كل واحد ياخذ حقـه وأهم شي تحبيـن تخصصج عشان تتوفقيـن فيه والله يوفقـج انشالله ونشـوفج خريجـة وموظفـة مشكورة على الإفادة الحلـوة حبـوبه​

تدرين والله كل ايوم اقول احول ما احول ؟؟ احول ما احول ؟؟
بس اقنع نفسي غصب ~~
تعبت من الدراسه
لي متى ؟؟
خل اتخرج وافتك بس

 

[нάγoηά cнεмίsтяγ]

روح المشـآعر ::: الله يكون بعـونج يآرب بس إذا انتي بالبدآيـة ليـش ما تحوليـن ولا إنج تضيعيـن عمـرج بتخصص مو حابتـه أو ماكو اقتنـآع فيـه حرامـ :0bee2e8d89: لا تحاتيـن الوقت والعمـر عـادي يروح منج سنتين ولا العمـر كلـه اسمـالله عليج بس انشالله تكون خيـره لج من الله ... مشـكورة على مشـآركتج حبـوبـه ماقصـرتي وبالتـــوفيق بآرب ​

 

[karaza]

هممممممممم,,,,,,,انا,,بجامعة الكويت -علوم اجتماعيه

عجبني الموضوع بس بعدي ما تخصصت...

انا حابه اني اتخصص علم نفس..احس مجاله وايد حلو ودراسته ممتعه لانه يفيد بالحياة شلون تتصرف وشلون تتحكم بانفعالاتك وواتخليكم تفهمون ليش هالتصرف يطلع جذي ...مادري احسه ممتع بكل شي ويفيد بالمستقبل بتربيه عيالنا ,,

وبالنسبه لمجال العمل,,حسب ماعرفت..انه بالتربيه والعدل والمستشفيات واغلب اذا مو كل الوزاراات والمؤسسات...

وان شاء الله اذا تم قبولي بالتخصص...اقدر افيدكم اكثر


ومشكووووره عالموضووع ممتع وحلو:tek:

 

[нάγoηά cнεмίsтяγ]

Karasa ::: يآ هـلا والله بالإجتمـآعيـة والله صآجـة علمـ النفـس كلمـن يمدحـه و ممتـع وله مستقـبل مو بس بالوظيفـة حتى بحيآتج العآمـه مثل مآ قلـتي ونظـرة النـاس له حلـوة بعد الله يوفقـج انشـالله وعقبـال ما تتخصصين وتقوليلنـا عن تجربتـج مع التخـصص مشـكورة على ردج حبيبتي والله يعطيج انشالله الي تتمنين ​

 

[нάγoηά cнεмίsтяγ]

up ...

 

[زبــــــــدة]

زبـــدة ::: ونـاسه أول مرة وحدة تدرس بالعربيـة وتمدح التخـصص بروح أبشـر اختي لـووووووول اهيـا مالها الا العربيـة وضايق خلقهـا وتقول تبي إدارة أعمـال .. الله يوفقكم انشاالله كلكم ومشكورة ياقلبي على إفادتج هذي ولا شكـر على وآجـب [/SIZE][/COLOR][/B][/CENTER][/FONT][/QUOTE]

لوووووووووول اي الكل مو عاجبته لانها صعبه وااايد ويبيلها مجابل عشان جذي محد يمدحها لوووووول
وعشان مكانها بعد...بس الدوام مو وايد يومين بالاسبوع:dddds:
واللي يبي الشهاده يتحمل:tomato2: والله يوفقج ويوفق اختج^^.:tek:

 

[нάγoηά cнεмίsтяγ]

زبـــودة :::: مو هـذا العيـــب شنو يوميـن بالأسبـوع الله يسامحهمـ يعني يمديكمـ تستوعبـون ؟؟ عشـآن جذي الطالبـات والطـلاب مستصعبيـن الدرآسـة أحس جنـكمـ منآزل :0bee2e8d89: بس والله الشهـادة مالتهمـ مطلـوبـة يعني عقـبآل ما تحصلينهـا وتتفـوقيـن انشاءالله . . . صج إنّ احنـا نكره الدوامـ اليومـي بس مو من صالحنـا إذا كان غيـر جذيـه مشـكورة حبيبتي على ردودج الحلـوة مثـلج :tek:​

 

[brat]

1) في أي جامعـة تدرسيـن و شنو تخـصصـج الحآلي ؟

كنت أدرس في كلية التربية الأساسيه وتخصصي English.
2) سبب اختيـارج للتخصص ؟

أحبه ووايد شاطره فيه.

3) مجالات عمل التخصص بعد التخرج ؟

مدرسة أو أستاذة بالجامعه أو مترجمه ومجالات وايده يبون هالتخصص.

4) عن شـنو يتكلمـ تخصصج الحالي أي يعتمـد على دراسـة شنو بالضـبط (نبذة قصيـرة عن مواد التخصص)

مواد الإنجليزي ناخذ الأدب واللغويات والمناهج وطرق التدريس والباجي أكثرها مواد علم النفس والتربية ومواد عامه.

5) تحـسين انج حابـة تخصصج الحالي ومستمتعـة فيـه .. والا متحسـفة لأنج تنتميـن لهالتخصص ؟

أموووت على تخصصي ومستمتعه فيه وأستانس لما تخلص العطلة لأن أكون ماخذه مواد حابه أدرسها.

6) شنو استفـدتي من دراستج لهـذا التخصص .. شنو المهارات اللي اكتسبتيهـا منه إن وجدت ؟

مم تعرفت على ثقافة الدول الأخرى وشلون بدت اللغة والسستم مال اللغة ووايد أشياء.

7) تخصصج هل هو منـاسب لج كطالبـة أكثر أم هو منـاسب للطلاب أم مناسب للاثنيـن معـاً ؟

كلاهما معاً.

8) تعتقـدين ان تخصصج الحالي أفضـل تخصصات الجامعـة ؟ وماهي سلبـيات وايجابيات التخصص بنطـرج ؟

الصراحه أحس بكليتنا إنه أحلى تخصص بس الناس أذواق، لأن في وايد بنات ما يحبون الإنجليزي. من سلبياته إن اللي تبي تدرسه لازم تكون إنجليزيتها زينه، على قولت الدكاتره: احنا ما ندرس إنجليزي، احنا ندرس شلون انتوا تدرسون إنجليزي.9) شنو النصيحـة اللي تقدمينهـا للطالبـات الراغبـات بدراسـه تخصصج ؟

اللي تدرسونه شي واللي تطبقونه شي ثاني :q (نغزه عن التربية العمليه)

 

[روح آلمشآعر]

روح المشـآعر ::: الله يكون بعـونج يآرب بس إذا انتي بالبدآيـة ليـش ما تحوليـن ولا إنج تضيعيـن عمـرج بتخصص مو حابتـه أو ماكو اقتنـآع فيـه حرامـ :0bee2e8d89: لا تحاتيـن الوقت والعمـر عـادي يروح منج سنتين ولا العمـر كلـه اسمـالله عليج بس انشالله تكون خيـره لج من الله ... مشـكورة على مشـآركتج حبـوبـه ماقصـرتي وبالتـــوفيق بآرب ​

اقدر احول الكورس الاول طلبت تحويل بس كنت 11 وحده والمطلوب 14 وحده
كتبوا عند اسمي غير مستوفي الشروط
وهالكورس تاخرت في ورقة التحويل
خيره ان شاء الله

1) في أي جامعـة تدرسيـن و شنو تخـصصـج الحآلي ؟

كنت أدرس في كلية التربية الأساسيه وتخصصي English.
2) سبب اختيـارج للتخصص ؟

أحبه ووايد شاطره فيه.

3) مجالات عمل التخصص بعد التخرج ؟

مدرسة أو أستاذة بالجامعه أو مترجمه ومجالات وايده يبون هالتخصص.

4) عن شـنو يتكلمـ تخصصج الحالي أي يعتمـد على دراسـة شنو بالضـبط (نبذة قصيـرة عن مواد التخصص)

مواد الإنجليزي ناخذ الأدب واللغويات والمناهج وطرق التدريس والباجي أكثرها مواد علم النفس والتربية ومواد عامه.

5) تحـسين انج حابـة تخصصج الحالي ومستمتعـة فيـه .. والا متحسـفة لأنج تنتميـن لهالتخصص ؟

أموووت على تخصصي ومستمتعه فيه وأستانس لما تخلص العطلة لأن أكون ماخذه مواد حابه أدرسها.

6) شنو استفـدتي من دراستج لهـذا التخصص .. شنو المهارات اللي اكتسبتيهـا منه إن وجدت ؟

مم تعرفت على ثقافة الدول الأخرى وشلون بدت اللغة والسستم مال اللغة ووايد أشياء.

7) تخصصج هل هو منـاسب لج كطالبـة أكثر أم هو منـاسب للطلاب أم مناسب للاثنيـن معـاً ؟

كلاهما معاً.

8) تعتقـدين ان تخصصج الحالي أفضـل تخصصات الجامعـة ؟ وماهي سلبـيات وايجابيات التخصص بنطـرج ؟

الصراحه أحس بكليتنا إنه أحلى تخصص بس الناس أذواق، لأن في وايد بنات ما يحبون الإنجليزي. من سلبياته إن اللي تبي تدرسه لازم تكون إنجليزيتها زينه، على قولت الدكاتره: احنا ما ندرس إنجليزي، احنا ندرس شلون انتوا تدرسون إنجليزي.9) شنو النصيحـة اللي تقدمينهـا للطالبـات الراغبـات بدراسـه تخصصج ؟

اللي تدرسونه شي واللي تطبقونه شي ثاني :q (نغزه عن التربية العمليه)

انا كنت ميته على هالتخصص
و سالت وحده من بنات التخصص وقالت
لي انتي تدرسين نفسج بنفسج

قلت خل اقعد ع اللي عندي احسن لي

موفقه حبوبه

 

[دلعلــــع]

) في أي جامعـة تدرسيـن و شنو تخـصصـج الحآلي ؟

كلية التربيه الاساسيه _ تربيه اسلاميه

2) سبب اختيـارج للتخصص ؟

ينفعني دين و دنياا

3) مجالات عمل التخصص بعد التخرج ؟

ابله دلعلع لوووول

4) عن شـنو يتكلمـ تخصصج الحالي أي يعتمـد على دراسـة شنو بالضـبط (نبذة قصيـرة عن مواد التخصص)

اسلاميه يعني الدين و القرآن وعلومه والاحاديث والتفسير و التجويد الى غير ذلك مما له صله بالدين
<< ايوا قلبت لغه عربيه خخخ
5) تحـسين انج حابـة تخصصج الحالي ومستمتعـة فيـه .. والا متحسـفة لأنج تنتميـن لهالتخصص ؟

انا مادخلته الا لاني حااابته و راضيه و مقتنعه بس الله يسامح الدكاتره بيكرهوني بالدراسه

6) شنو استفـدتي من دراستج لهـذا التخصص .. شنو المهارات اللي اكتسبتيهـا منه إن وجدت ؟

توني باول الطريج

7) تخصصج هل هو منـاسب لج كطالبـة أكثر أم هو منـاسب للطلاب أم مناسب للاثنيـن معـاً ؟

للاثنين معا

8) تعتقـدين ان تخصصج الحالي أفضـل تخصصات الجامعـة ؟ وماهي سلبـيات وايجابيات التخصص بنطـرج ؟

افضل تخصص بالعالم
<< لحد يطقها

9) شنو النصيحـة اللي تقدمينهـا للطالبـات الراغبـات بدراسـه تخصصج ؟

احب اقول ان انتي بتدرسين تخصص ينفعج دين ودنيااا ولاتترددين وكل ما واجهتي شي صعب بهالتخصص
حاولي تزيدين تمسك فيه لان الاجر كبير

وسلامتكم

 

[.]

) في أي جامعـة تدرسيـن و شنو تخـصصـج الحآلي ؟

جامعة الكويت .. تخصصي اعلام..

2) سبب اختيـارج للتخصص ؟

حبي له

3) مجالات عمل التخصص بعد التخرج ؟

كل وسائل الاعلام والوزارت والشركات البنوك ..

4) عن شـنو يتكلمـ تخصصج الحالي أي يعتمـد على دراسـة شنو بالضـبط (نبذة قصيـرة عن مواد التخصص)

امممممممم يتكلم عن الاعلام بمختلف جوانبه من دعايه واعلان وعلاقات عامه وناخذ اعلام بكل الدول مثل الاعلام الدولي وبالراي العام ، وتشريعات واخلاقيات الاعلام واخرر المستحدثات وترجمه ونحو اعلاميين وكمبيوتر وايد مواد متنوعه..

وفيه 4 تخصصات فرعيه ..

علاقات عامه - تكنولوجيا-اذاعه وتلفزيون -صحافه..

5) تحـسين انج حابـة تخصصج الحالي ومستمتعـة فيـه .. والا متحسـفة لأنج تنتميـن لهالتخصص ؟

اي وايد حابته لانه ممتع ومو روتين ويدمج بين العملي والنظري..

6) شنو استفـدتي من دراستج لهـذا التخصص .. شنو المهارات اللي اكتسبتيهـا منه إن وجدت ؟

وايد صار عندي الجراه اكبر اني اكتب اني احاور واتناقش واقدم برزنتيشن بكل راحه واصصم واصور..

7) تخصصج هل هو منـاسب لج كطالبـة أكثر أم هو منـاسب للطلاب أم مناسب للاثنيـن معـاً ؟

لاثنين بس بشرط يكونون حابين الاعلام وقادرين على متطلباته..

8) تعتقـدين ان تخصصج الحالي أفضـل تخصصات الجامعـة ؟ وماهي سلبـيات وايجابيات التخصص بنطـرج ؟

اممممم اي اما السلبيه الوحيده اهي النظره السلبيه للمتخصصينه من بعض الناس اللي ماعرفونا عدل ..


9) شنو النصيحـة اللي تقدمينهـا للطالبـات الراغبـات بدراسـه تخصصج ؟

امممممم الجد والاجتهاد والتزام لاثبات الذات اذا ماتحبين العملي لاتخصصين اعلام

 

[كاتو_كويتيه]

1) في أي جامعـة تدرسيـن و شنو تخـصصـج الحآلي ؟

جامعه الكويت .. كليه العلوم الاجتماعيه ..تخصصي علم إجتماع ..

2) سبب اختيـارج للتخصص ؟
احسه قريب لميولي وايضا حبي لماده الاجتماعيات ^_^ ...
3) مجالات عمل التخصص بعد التخرج ؟
بالوزارات ., ومن الممكن مدرسه اجتماعيات ( تريبه وطنيه .حياتيه ) على ماعتقد ...
4) عن شـنو يتكلمـ تخصصج الحالي أي يعتمـد على دراسـة شنو بالضـبط (نبذة قصيـرة عن مواد التخصص)

علم اجتماع دراسته نظري مو عملي مافيه ميداني ..
يتكلم عن المجتمعات بشكل عام وعلماء الاجتماع والطبقات الاجتماعيه ..
5) تحـسين انج حابـة تخصصج الحالي ومستمتعـة فيـه .. والا متحسـفة لأنج تنتميـن لهالتخصص ؟

الحمدالله مقتنعه فيه وبرغبتي ^_^
6) شنو استفـدتي من دراستج لهـذا التخصص .. شنو المهارات اللي اكتسبتيهـا منه إن وجدت ؟

مافي شي معين استفتده .اشياء كثيره عن المجتمعات والطبقات الاجتماعيه انواعهاا ..إلخ ..
7) تخصصج هل هو منـاسب لج كطالبـة أكثر أم هو منـاسب للطلاب أم مناسب للاثنيـن معـاً ؟

الاثنين ..
8) تعتقـدين ان تخصصج الحالي أفضـل تخصصات الجامعـة ؟ وماهي سلبـيات وايجابيات التخصص بنطـرج ؟

حلو تخصص اجتماع واكيد في تخصصات احلى بس بنظري اهو عاجبني ..

يمكن سلبياته مافيه ميدااني و وايد قرقره وحجى سايح ع بعضوو بس حلو 9)

شنو النصيحـة اللي تقدمينهـا للطالبـات الراغبـات بدراسـه تخصصج ؟

شدو حيلكم و بالتوووفيق ^_^

 

[нάγoηά cнεмίsтяγ]

روح المشآعر ::: انشـآءالله خيـرة حبيبتي الله يوفقـجى

دلعلـع ::: هلآ والله حبيبتي تخصصـج حلـو ومثـل ماقلتي ينفعـج ديـن ودنيـآ وانشالله اللي حابيـن يتخصصـون اسلاميـه يستفيدون من تجربتج .. وعقـبال التخرج والوظيـفة تسلميـن حبيبتي عالإفآدة ماتقصـرين

رونـة ::: هلآ فيـج حبوبـــــه حلـو الوآحد يتعلم آداب المحاورة والنقـاش وتقديمـ البرزنتيشـن حيآج الله ومشـكورة على إفادتج حبيبتي وعقـبال الوظيـفة انشالله

كاتو_كويتيـة ::: يمدحون كليتكمـ الله يوفقج حبيبتي وأهمـ شي تكونين مقتنعـة فيـه انشالله دومـ وعقبـال مانشوفج أبلـة مشـكووورة على إفادتج تسلميـن​

 

[нάγoηά cнεмίsтяγ]

up
up
up

 

[Winter Q8]

1) في أي جامعـة تدرسيـن و شنو تخـصصـج الحآلي ؟
الهئية العامة للتعليم التطبيقي ، كلية التربية الأساسية . تخصصي : علوم

2) سبب اختيـارج للتخصص ؟
تبين الصج مادري . لأن كنت مسجلة حاسوب و قالوا لي حطي رغبة ثانية . و ما قبلوني بـ الحاسوب

3) مجالات عمل التخصص بعد التخرج ؟
حالياً يا مدرسة يا مدرسة ,

4) عن شـنو يتكلمـ تخصصج الحالي أي يعتمـد على دراسـة شنو بالضـبط (نبذة قصيـرة عن مواد التخصص)
تخصصي ينقسم قسمين : إعداد مهني في التربية و علم النفس و المناهج و طرق التدريس . و القسم الآخر : الاعداد الاكاديمي : مواد العلوم المختلفة .


5) تحـسين انج حابـة تخصصج الحالي ومستمتعـة فيـه .. والا متحسـفة لأنج تنتميـن لهالتخصص ؟
ايي ندمانة لان تخصصي علوم لان باخصار ماله مستقبل . ماكو وظايف ثانية غير التدريس و حتى اذا بكمل دراستي فرصتي معدومة .
. و مو مستمتعة بمواد العلوم كلش . بس مواد الاعداد المهني مستانسة و أحس اني انتمي للتدريس . و اهو المجال الوحيد اللي اقدر اكمل فيه دراستي .

6) شنو استفـدتي من دراستج لهـذا التخصص .. شنو المهارات اللي اكتسبتيهـا منه إن وجدت ؟
مواد العلوم ماكو شي يديد عن الثانوي . بس بمواد الاعداد المهني وناسة بعلم النفس . و اكتسب آراء و اتجاهات فلسلفية وايد بمجال التربية
بـ اخصار لقيت نفسي فيه

7) تخصصج هل هو منـاسب لج كطالبـة أكثر أم هو منـاسب للطلاب أم مناسب للاثنيـن معـاً ؟
التدريس للكل . ماكو فرق

8) تعتقـدين ان تخصصج الحالي أفضـل تخصصات الجامعـة ؟ وماهي سلبـيات وايجابيات التخصص بنطـرج ؟
لا طبعاً . قلت سلبياته فوق

9) شنو النصيحـة اللي تقدمينهـا للطالبـات الراغبـات بدراسـه تخصصج ؟
اذا ميولج علمية و ماعندج طموح لاكمال دراستج و تبين تصيرين مدرسة .. دشيه و انتي مستانسة​

 

[مطيريه ماركه]

أول شي يعطيج العافيه موضوعج مفيد ويونس ويعرفنا على بعض أكثر

1) في أي جامعـة تدرسيـن و شنو تخـصصـج الحآلي ؟

التربيه الأساسيه / تربيه اسلاميه

2) سبب اختيـارج للتخصص ؟

تشعيبي ادبي فالثانويه وكان رغبه ثانيه بالنسبه لي ومتفوقه بهالماده وحابتها .

3) مجالات عمل التخصص بعد التخرج ؟

معلمه

4) عن شـنو يتكلمـ تخصصج الحالي أي يعتمـد على دراسـة شنو بالضـبط (نبذة قصيـرة عن مواد التخصص)

تخصصي اسلاميه والمساند عربي الاسلاميه مايخفى على احد يحوي جميع علوم الدين من فقه وتجويد وسنه وتفسير والعربي ندرس قواعد النحو والصـرف وأدب بتعمق واللغـه العربيه بشكل عام من خط ودلاله وقواعد كتابه

5) تحـسين انج حابـة تخصصج الحالي ومستمتعـة فيـه .. والا متحسـفة لأنج تنتميـن لهالتخصص ؟

حابته ومرتاحه فيه بس المساند صـعـب

6) شنو استفـدتي من دراستج لهـذا التخصص .. شنو المهارات اللي اكتسبتيهـا منه إن وجدت ؟

زدت معرفه بالدين وأصبحت عندي القدره على التعبير والإنشاء والخطابه واكتسبت الثقه بالنفس

7) تخصصج هل هو منـاسب لج كطالبـة أكثر أم هو منـاسب للطلاب أم مناسب للاثنيـن معـاً ؟

التخصص مناسب للجنسيـن، لكن أعتقد ان مهنه التدريس تناسب المرأه اكثر

8) تعتقـدين ان تخصصج الحالي أفضـل تخصصات الجامعـة ؟ وماهي سلبـيات وايجابيات التخصص بنطـرج ؟

أعتقد انه الأصعب في كليتي التخصص صعب بحد ذاته ويزيده صعوبه العربي اللي هو مساند لهالتخصص

9) شنو النصيحـة اللي تقدمينهـا للطالبـات الراغبـات بدراسـه تخصصج ؟

لا اتسرعون باختيار دكتور الماده اسألو قبل والمواد ممتعه على صعوبتها بس كل هذا يعتمد عالدكتور واهمس باذن كل طالبه لا تاخذيـن عند مصـري الكويتي أنفـع

 

[bent_q8]

مشكوره على الموضوع الحلو

عذرا حبيت اوضح نقطه حق اخت روح المشاعر انا تخصصي تكنلوجيا التعليم

يعاملونها معامله الدبلوم اذا اشتغلت في المدرسه مشرفه تقنيات اما اذا اشتغلت في وزارات او قطاع خاص

يعاملونها على الشهاده واهي شهادتها بكالريوس حالها من حال الجامعيه في حاله توضيفها في الوزارات

او القطاع الخاص اما اذا اشتغلت في المدرسه مشرفه تقنيات لان ماكو كادر فصير مثل الدبلوم

وانا سمعت يصير اذا خذينا شهاده icdl نصير مدرسات مو متأكده سامعه

وشكرا مره ثانيه على الموضوع

 

[нάγoηά cнεмίsтяγ]

with_beauty ::: بعـد عمـري حسيتج متحبطـة إهـو معـروف ان كليـة التربيـة تطبيقي مجالاتهـا محدودة بالتدريس :cxxxp: يمكن انتي لمه دخلتيـه كان انتي عندج علمـ بهالشي بس ترى التدريـس مستقبلـه الوظيفي زين وانشـالله ترتاحين بالوظيـفة يارب وهذا حظج شتسوين بعد الله يوفقج يآرب ​

 

[нάγoηά cнεмίsтяγ]

مطيريه ماركه :: الله يعافيـج يآرب والحمـدلله انج حآبـة تخصصج قليل ما أقرا هالكلمـة بالتوفيـق انشالله حبيبتي .. مشـكورة على ردج وإفادتج لنـا ​

 

[нάγoηά cнεмίsтяγ]

bent_q8 ::: العفـو حبيبتي ومشكورة وآيد على توضيح النقطـة هذي عيـل إذا جذيـه محد بيتوظف مشرفـة تقنيـآت بس الدنيـا حظوظ كل واحد وحظـة .. ​