نـقاش حول تخصصاتكمـ رجاءاً الكل يدخل ويعرض مشاركتـه كلكــمـ كلكـــمـ ياطالبـات ;d

[Winter Q8]

Samrah_86 : انا دشيت التربية املاً بتخصص الحاسوب " لأنه حلوو أحبه و مميزاته وايد حتى لهم بعثات بتخصصهم " ، قلت أحول . بس للأسف ما قدرت احول اول كورس . بعدين رضيت بأمر الواقع . ودي أبجي لأنه قاعده أحس ضعيت عمري على و لا شي .

 

[нάγoηά cнεмίsтяγ]

Samrah_86 : انا دشيت التربية املاً بتخصص الحاسوب " لأنه حلوو أحبه و مميزاته وايد حتى لهم بعثات بتخصصهم " ، قلت أحول . بس للأسف ما قدرت احول اول كورس . بعدين رضيت بأمر الواقع . ودي أبجي لأنه قاعده أحس ضعيت عمري على و لا شي .

لا تقوليـن جذيـه انشالله ماضيّعتي شي من عمـرج كل شي خيـره انشاءالله . . . آنـا أتضـايق لمه أشـوف نآس يدرسون شي كارهينـه ويستمـرون فيـه أدري غصبـن عليـكمـ بس أكيد فيـه حل :0bee2e8d89:

>> لاتفكـرين بالعمـر وتخآفيـن منـه كا عندج انا اللي المفروض هالكورس أتخرج من الجآمعـة بس بدل لااتخرج من الجامعـة بتخرج من الثانوي ربي كاتبـلي يعني تأخرت من سوء قـرار خذيتـه بس اتعلمـت من تجربتي وانتي لا تصيرين ضحيـة قرار تاخذينه غلـط فكري من أول ويديد ولا تحاتين العمـر عادي والله كل شي يتصـلح بس اذا بترضيـن بالواقع بدون ماتفكرين بطريقـة ثانيه ماراح تقدرين تغيرين شي والحمـدلله ع كل حـال . . . ​

على فكـرة الصـورة اللي حآطتهـا عجيبـه شـفت هالفلمـ والله عجبني شيشتيني ورآي امتحـانات :ggdw:​

 

[Low_Fat]

السلام عليكم
الله يوفق الجميع :>
) في أي جامعـة تدرسيـن و شنو تخـصصـج الحآلي ؟
كلية التربية الاساسية - قسم الحاسوب

2) سبب اختيـارج للتخصص ؟
أحب التدريس + أحب الكمبيوتر

3) مجالات عمل التخصص بعد التخرج ؟
معلمة أو أي مجال بالحاسوب لأنه تعتبر شهادتنا علم كمبيوتر

4) عن شـنو يتكلمـ تخصصج الحالي أي يعتمـد على دراسـة شنو بالضـبط (نبذة قصيـرة عن مواد التخصص)
عن علوم الكمبيوتر والبرمجة والصيانة

5) تحـسين انج حابـة تخصصج الحالي ومستمتعـة فيـه .. والا متحسـفة لأنج تنتميـن لهالتخصص ؟
لا بالعكس صج واجهتنا مشاكل أول كورسات دراستنا بس الحمدلله ربنا حلها وقربنا للنهاية

6) شنو استفـدتي من دراستج لهـذا التخصص .. شنو المهارات اللي اكتسبتيهـا منه إن وجدت ؟
طبعا اكيد استفدت اشياء وايد تخص الكمبيوتر وبعد أشياء تربوية والتعامل مع الطلبة

7) تخصصج هل هو منـاسب لج كطالبـة أكثر أم هو منـاسب للطلاب أم مناسب للاثنيـن معـاً ؟
أتوقع الاثنين معا لأنه الكل بحاجة للكمبيوتر بهالعصر

8) تعتقـدين ان تخصصج الحالي أفضـل تخصصات الجامعـة ؟ وماهي سلبـيات وايجابيات التخصص بنطـرج ؟
أهو أفضل اي بس بكليتنا دامنا كلنا معلمات أكيد كل التخصصات اهي الافضل بنظري أنا
سلبياته انه الكمبيوتر بحرررررررر ما تقدرين تتعلمين كل شي عنه ومثل دراستنا الحين من كل شي ناخذ اشوي يعني لازم نتخصص بشي معين عشان نحس انه فاهمين بهالشي اما الحين نحس اوكي نعرف بالكمبيوتر بس مو فالحين بشي معين ونعرف عنه كل شي على قولتهم الحين احنا ( من كل بستان زهرة )
ايجابياته انه يمشي بكل مكان مو شرط معلمة وانه الكمبيوتر لغة العصر

9) شنو النصيحـة اللي تقدمينهـا للطالبـات الراغبـات بدراسـه تخصصج ؟
اهو التخصص حلووو
بس الصبر ثم الصبر ثم الصبر :eh_s(1):


والله يعطيج العافية على هالموضوع
اللي ان شاء الله الطالبات الخريجات من الثانوية يستفيدون منه

 

[Pop^*^CoRN]

) في أي جامعـة تدرسيـن و شنو تخـصصـج الحآلي ؟
التربية الاساسية تخصص حاسوب
2) سبب اختيـارج للتخصص ؟
حابه المجال و راح ينفعني
3) مجالات عمل التخصص بعد التخرج ؟
مدرسة و ممكن بقطاع خاص
4) عن شـنو يتكلمـ تخصصج الحالي أي يعتمـد على دراسـة شنو بالضـبط (نبذة قصيـرة عن مواد التخصص)
عن مكونات الحاسب و البرمجيات و لغات البرمجة و كل شي عن الحاسوب
5) تحـسين انج حابـة تخصصج الحالي ومستمتعـة فيـه .. والا متحسـفة لأنج تنتميـن لهالتخصص ؟
حابة المجال بس الدراسة لا والله صعبة
6) شنو استفـدتي من دراستج لهـذا التخصص .. شنو المهارات اللي اكتسبتيهـا منه إن وجدت ؟
قبل لا ادش التخصص كل علاقتي بالكمبيوتر افتح الوورد و اطقطق و بس اما بعد لا الحمد لله قكت اعرف شلون اركب برامج و اذا علق الكمبيوتر او شي اعرف اتصرف معاه و اهم شي ان عند خالاتي اني انا فلته بالكميوتر خخخ
7) تخصصج هل هو منـاسب لج كطالبـة أكثر أم هو منـاسب للطلاب أم مناسب للاثنيـن معـاً ؟
حق الاثنين عادي
8) تعتقـدين ان تخصصج الحالي أفضـل تخصصات الجامعـة ؟ وماهي سلبـيات وايجابيات التخصص بنطـرج ؟
مو افضل من الجامعه اصلا دراستنا نفس دراسة بنات العلوم تخصص حاسب الي​

بس اللي اشوفه سلبية ان احنا ندرس لغات برمجة وايد و التركيز عليهم و المواد اللي تساعدنا كمعلمات يدوب 3 او 4 مواد
9) شنو النصيحـة اللي تقدمينهـا للطالبـات الراغبـات بدراسـه تخصصج ؟
لازم الوحده تكوون حابه التخصص علشان تقدر تنجح فيه بتفوق..
و لازم تعرف انجلش
10) هـل يعتبـر تخصصج الحـآلي تخصـص نـادر .. ؟
لا مو نادر ...

و مشكورة ​

​

 

[Pop^*^CoRN]

لو فات انتي اي دفعه يمكن اعرفج

 

[music_teacher88]

1) في أي جامعـة تدرسيـن و شنو تخـصصـج الحآلي ؟

تربيه اساسيه تخصص موسيقى
2) سبب اختيـارج للتخصص ؟

يناسب نسبتي وميولي
3) مجالات عمل التخصص بعد التخرج ؟

تدريس
4) عن شـنو يتكلمـ تخصصج الحالي أي يعتمـد على دراسـة شنو بالضـبط (نبذة قصيـرة عن مواد التخصص)
يعتمد على االبيانو والقراءه الصولفائيه الي نقرا فيها النوتات الموسيقيه
5) تحـسين انج حابـة تخصصج الحالي ومستمتعـة فيـه .. والا متحسـفة لأنج تنتميـن لهالتخصص ؟

حده حده اينن صج انه موسهل على كثر الي قالو الموسيقى اي شي لا والله مو اي شي يبيييله تفكييير وتركيز
لان لازم تركزين مع العزف ومع قراءه النوته بوقت واحد وتخيلو لازم ماتوقفون بالمقطوعه ولا تنقص درجاتج
6) شنو استفـدتي من دراستج لهـذا التخصص .. شنو المهارات اللي اكتسبتيهـا منه إن وجدت ؟

الصبررر عشان القى نتيجه حلوه ..ويتحسن عزفي ....يعني كل شي يبيله ممارسه
7) تخصصج هل هو منـاسب لج كطالبـة أكثر أم هو منـاسب للطلاب أم مناسب للاثنيـن معـاً ؟

مناسب للاثنين
تخصصي ممتع لي وراح يتمتعون فيه الطلاب
8) تعتقـدين ان تخصصج الحالي أفضـل تخصصات الجامعـة ؟ وماهي سلبـيات وايجابيات التخصص بنطـرج ؟

لا بالعكس احترم كل التخصصات وكل تخصص له قيمته وكل تخصص يكمل الثاني

9) شنو النصيحـة اللي تقدمينهـا للطالبـات الراغبـات بدراسـه تخصصج ؟

الي عندها ميول وهوايه موسيقيه تدخل ماتتردد لانها راح تستمتع وتاخذ الشغله وناسه قبل الدراسه:tek:

 

[.]

Samrah_86 : انا دشيت التربية املاً بتخصص الحاسوب " لأنه حلوو أحبه و مميزاته وايد حتى لهم بعثات بتخصصهم " ، قلت أحول . بس للأسف ما قدرت احول اول كورس . بعدين رضيت بأمر الواقع . ودي أبجي لأنه قاعده أحس ضعيت عمري على و لا شي .

لا تقولين جذي..

هذا نصيبج ونصيبك ماكان يصيبك حتى يخطئك

سبحان الله هالشي خيره لج وباجر بتشوفين ..

وموفقه يارب..

سمره شدي حيلج والله يوفقج يارب..

 

[kefy ba6a]

1) في أي جامعـة تدرسيـن و شنو تخـصصـج الحآلي ؟

كلة الدراسات التجاريه تخصص بنوك


2) سبب اختيـارج للتخصص ؟
يمكن لاني احب شغل البنوك وامدحولي التخصص


3) مجالات عمل التخصص بعد التخرج ؟
البنك بشكل عام


4) عن شـنو يتكلمـ تخصصج الحالي أي يعتمـد على دراسـة شنو بالضـبط (نبذة قصيـرة عن مواد التخصص)
العمليات اللي تتم داخل البنوك وانواع البنوك بالكويت


5) تحـسين انج حابـة تخصصج الحالي ومستمتعـة فيـه .. والا متحسـفة لأنج تنتميـن لهالتخصص ؟
لا والله حابته ومستمتعه فيه


6) شنو استفـدتي من دراستج لهـذا التخصص .. شنو المهارات اللي اكتسبتيهـا منه إن وجدت ؟
الصراحه عرفت ان البنوك الاسلاميه مثل بيت التمويل احسن من كل البنوك التجاريه لانها بنوك ربويه وتتعامل بالفايده


7) تخصصج هل هو منـاسب لج كطالبـة أكثر أم هو منـاسب للطلاب أم مناسب للاثنيـن معـاً ؟
لا ماكو فرق مناسب للبنت والصبي


8) تعتقـدين ان تخصصج الحالي أفضـل تخصصات الجامعـة ؟ وماهي سلبـيات وايجابيات التخصص بنطـرج ؟
لا ما اعتقد لان وايد ناس يقولون المحاسبه احسن وفرص الوظيفه اكثر وويحسب لهم كادر 100 دينار على راتبهن الاساسي
بس انا ما احب المحاسبه عشان جذي ما اخترته

9) شنو النصيحـة اللي تقدمينهـا للطالبـات الراغبـات بدراسـه تخصصج ؟
انصحهم بالتخصص لانه حلووو ومواده سهله واغلب اساتذة التخصص زينين

 

[нάγoηά cнεмίsтяγ]

Low fat

Pop^^CoRN

music_teacher88

رونه

kefy ba6a


حبيبـآتي والله مشـكورين على الإفآدة بتجاربكمـ
نوّرتولي الموضوع وبالتوفيـق للكـل انشـآلله

 

[JaDeL]

يسلمو خوش موضوع كملو بنات

 

[нάγoηά cнεмίsтяγ]

تسلميـن على مرورج حبيبتي JaDel

وين بنـات التكنولوووجيـا

 

[нάγoηά cнεмίsтяγ]

UP

.

.

.

 

[нάγoηά cнεмίsтяγ]

يالله عـاااد شـاركو

 

[تــوتــه]

تسلميـن على مرورج حبيبتي JaDel

وين بنـات التكنولوووجيـا

وصولوا بنات التكنلوجيا _03BA:

توي انتبه للموضوع

 

[تــوتــه]

بجاوب على اسألة الطلبه بالاول بعدين الموظفات :ggdw:

1) في أي جامعـة تدرسيـن و شنو تخـصصـج الحآلي ؟

انا خريجه الحين ,, بس درست بكلية الدراسات التكنلوجية التابعه للتعليم التطبيقي .. تخصص هندسة كمبيوتر

2) سبب اختيـارج للتخصص ؟

لان ميوولي كمبيوتر واحب اتعلم كل شي فيه ,, ولانه مرغووووب

3) مجالات عمل التخصص بعد التخرج ؟

مجالات مفتووووووحه ومطلووب بكل مكان
يعني الوحده ما تحاتي كلش ..اهي اللي تطب وتنقي تبي قطاع خاص ولا حكومي
لان بكل مكان موجود الدعم الفني التابع للقطاعين

4) عن شـنو يتكلمـ تخصصج الحالي أي يعتمـد على دراسـة شنو بالضـبط (نبذة قصيـرة عن مواد التخصص)

تخصص يتكلم عن صيانه وشكبات الكمبيوتر
تعلمين شلون تسوين شبكة كمبيوتر وتصلحين كل الاعطال اللي تواجهج

5) تحـسين انج حابـة تخصصج الحالي ومستمتعـة فيـه .. والا متحسـفة لأنج تنتميـن لهالتخصص ؟

اكيد متستمتعه لان الدراسه بهالتخص تعلمج كل يوم معلومه جديده وخصوصا ان بعالم الكمبيوتر كل يوم في شي جديد ويعلمج انج تبحثين بالانترنت عن كل البرامج والتطورات اللي صايره بالعالم
وان شاءالله ابي اكمل دراستي بنفس التخصص

6) شنو استفـدتي من دراستج لهـذا التخصص .. شنو المهارات اللي اكتسبتيهـا منه إن وجدت ؟

بصراحه مادري شقولج
لاني استفدت شغلات واجد
ومافي شي يحضرني الحين

7) تخصصج هل هو منـاسب لج كطالبـة أكثر أم هو منـاسب للطلاب أم مناسب للاثنيـن معـاً ؟

للاثنين معا ..

8) تعتقـدين ان تخصصج الحالي أفضـل تخصصات الجامعـة ؟ وماهي سلبـيات وايجابيات التخصص بنطـرج ؟

مااعتقد ان له سلبيات << احب التخصص شلون تبيني احد له سلبيات
ايه صح فيه سلبيه ,, مو مخلينا نكمل البكلريوووس بالكليه والجامعه تتشرط وتعادل بس 3 وحده !!

9) شنو النصيحـة اللي تقدمينهـا للطالبـات الراغبـات بدراسـه تخصصج ؟

ان يهتمون بدراستهم ولا يهتمون بكلام باقي الطالبات لان الراي بالمواد والتخصص من طالبه لي الثانيه يختلف
وحاولي ان انتي بنفسج تبحثين عن كل شي وتسوين تقاريرج ووواجباتج بروحج ولا تعتمدين على احد

وإذا كنتي خريـجة وتوظفـتي ::::

1) هل توظفتـي بشكل سـريع والا انتظرتي الوظيفـة فتـرة طويلـة ؟

من حطيت اسمي بالديوان نطرت اقل من 3 اسابيع ونزل اسمي

2) هل وظيفـتج تتعلق بدراستج والا مافي علاقـة تربطهمـ فبعض ؟

تتعلق بشكل جذري لاني اكون مسؤوله عن صيانه الاجهزه اللي بالمدرسه بشكل خاص والشكبه الموجوده

3) شنو اهيـا طبيعـة عملج الحالي ومتخرجـة من أي تخصص ؟
مسماي مساعد مهندس كمبيوتر
تخصص هندسة كمبيوتر
4) هل طبّقـتي العلومـ اللي تعلمتيها بالتخصص في العمـل أم لا ؟
توي متوظفه فماطبقت شي لي الحين ان شاءالله على بداية الكورس الجاي
بس اذكر بالميداني بوزارة الداخليه كل المشاكل اللي واجهتنا كنا ماخذينها بالكليه ,,فماكان في اي صعوبه

 

[нάγoηά cнεмίsтяγ]

هــلا والله تـوتـه نوّرتي موضـوعي :ggdw:
عجبتنـي مشاركتج وانشـالله الله يفتحهـا عليج وتكمليـن البكالوريوس يـآرب
مشـكووورة وايد على إفـادتج حبيبتي والله يوفقـج :tek:​

 

[нάγoηά cнεмίsтяγ]

Up
; )

 

[$$ صعبة الوصوف $$]

1) في أي جامعـة تدرسيـن و شنو تخـصصـج الحآلي ؟

جامعة الكويت / كلية التربيه . علم اجتماع ان شاء الله .

2) سبب اختيـارج للتخصص ؟

كان بخاطري التاريخ بس مسانده جغرافيا وماحب الجغرافيا واخترت علم اجتماع لانه يشمل كل مواد الاجتماعيات ومنهم التاريخ

3) مجالات عمل التخصص بعد التخرج ؟

مدرسه ان شاء الله

4) عن شـنو يتكلمـ تخصصج الحالي أي يعتمـد على دراسـة شنو بالضـبط (نبذة قصيـرة عن مواد التخصص)

يتكلم عن المجتمع عاماً . وفي مواد ألزاميه واختياريه منها تاريخ .

5) تحـسين انج حابـة تخصصج الحالي ومستمتعـة فيـه .. والا متحسـفة لأنج تنتميـن لهالتخصص ؟

للحين في بداية التخصص ماشفت سلبياته . ان شاء الله سهالات

6) شنو استفـدتي من دراستج لهـذا التخصص .. شنو المهارات اللي اكتسبتيهـا منه إن وجدت ؟

ماتعمقت للحين . توني بالبدايه

7) تخصصج هل هو منـاسب لج كطالبـة أكثر أم هو منـاسب للطلاب أم مناسب للاثنيـن معـاً ؟

امممم اهو تخصصي بكلية التربيه اشوفه منساب لطالبات اكثر بحكم تتخرج كمدرسه اجتماعيات . اما عن التخصص بعلوم اجتماعيه مادري والله لانه مادري شنو مستقبلهم الوظفي .

8) تعتقـدين ان تخصصج الحالي أفضـل تخصصات الجامعـة ؟ وماهي سلبـيات وايجابيات التخصص بنطـرج ؟

بالجامعه كلها مادري . لانه في تخصصات ماعرفتها بكليات ثانيه .
وايجابيات التخصص انه يتكلم عن المجتمع ويعالجه بطرق سليمه . للحين ماشفت سلبيات بس يمكن دكاترة التخصص لج عليهم شوي مو ذاك الزود .

9) شنو النصيحـة اللي تقدمينهـا للطالبـات الراغبـات بدراسـه تخصصج ؟

انهم يكونون حابين التخصص عشان بيدعون فيـه

10) هـل يعتبـر تخصصج الحـآلي تخصـص نـادر .. ؟

بكليتي لا مو نادر .

يعطيج العافيه قلبو عالموضوع

 

[أفرض هيبتي]

1) في أي جامعـة تدرسيـن و شنو تخـصصـج الحآلي ؟
كلية الدراسات التجاريه>>تخصص اداره
2) سبب اختيـارج للتخصص ؟
أحسن تخصص بهالكلية وجميع الوزرات تطلبهم
3) مجالات عمل التخصص بعد التخرج ؟
مثل ماقلت باي وزاره او مكان مطلوبين
4) عن شـنو يتكلمـ تخصصج الحالي أي يعتمـد على دراسـة شنو بالضـبط (نبذة قصيـرة عن مواد التخصص)
عن الاداره وشلون نتعامل مع الجمهور والمراجعين وكل شي يختص بالاداره
5) تحـسين انج حابـة تخصصج الحالي ومستمتعـة فيـه .. والا متحسـفة لأنج تنتميـن لهالتخصص ؟
بالعكس التخصص حده عجيب بس فيه عيب واحد>>اني اتمنى انه يكون بكالوريوس
6) شنو استفـدتي من دراستج لهـذا التخصص .. شنو المهارات اللي اكتسبتيهـا منه إن وجدت ؟
مادري احسن اني صرت اعرف اتعامل مع الناس وشلون ادير الامور7) تخصصج هل هو منـاسب لج كطالبـة أكثر أم هو منـاسب للطلاب أم مناسب للاثنيـن معـاً ؟
2
8) تعتقـدين ان تخصصج الحالي أفضـل تخصصات الجامعـة ؟ وماهي سلبـيات وايجابيات التخصص بنطـرج ؟
افضل التخصصات الموجوده بالكليه سلبياته انه دسم ومن كل تخصص بالكليه ناخذ شي
9) شنو النصيحـة اللي تقدمينهـا للطالبـات الراغبـات بدراسـه تخصصج ؟
اذا اخترتو هالتخصص ربي يوفقكم

 

[أصدق شعور]

خوش موضوع

وقفتني مشاركة كويتيه حلوه اظن هذا اسمها

يعني الحين اللي بالتربيه ممكن يتوظف باماكن غير المدرسه؟
ولو تخصصنا كيميا مثلا .........