<<======اهلا بك في عالم كيرفز لرشاقه Curves======>>

[KG-Teacher]

اشتراك 3 شهور 112 مسوين عرض

واشتراك سنة اعتقد 300 وللطالبات جنه 229

وفي فرع بالسالمية والجابرية والشعب فقط


ومافي اشتراك شهر ولا 6 شهور بس 3 شهور او سنة

مستمر اشتراك 3 شهور ب 112 لاي تاريخ ؟​

 

[كيوت_25]

البنات الي مشتركين فيه يا ليت تفيدونا و تسألونهم شصار على فرع العديليه

و ذاك اليوم رحت مجمع ديسكفري و شفت فيه فرع حق كيرفز بس شكله للحين ما فتح

 

[داريني]

مشكوره عاد انا يصلح لي تمام قبل فتره اشترك بفلكس 3 اشهر وما رحت يمكن اقل من 10 مرات ولا سبب اني اضطر اني اتاخر بنادي وانا عندي يهال صغار وابونا عصب وراح اشتراكي علي

 

[al7anona]

مستمر اشتراك 3 شهور ب 112 لاي تاريخ ؟

ايييي لللحين

 

[ph-angel]

يعطيج العافيه على الموضوع

 

[سفيرة العشق]

بسأل عن فرع السالمية شلونه؟؟؟
وشلون المدربات هناك؟

 

[om.5doja]

مشكوره على هالموضوع

 

[faro7a fofo]

[وايد زين والله انا لي 3 اسابيع وناسة احس بنشاط وتغيير روتين

 

[om rayan]

السلام عليكم


الي مشتركات شلون النتايج في نزول ؟

 

[زوغه طلال]

ماقصرتي حبيبتي خووووش موضوع وشوقتيني عليه​

 

[جوري الحلوة]

اليوم رحت كيرفز اللي بالشعب بس قالي الحارس ان سكروا خلاص طلعوا

يعني الحين بس في الجابرية والسالمية ؟

 

[الغاليه للابد]

انا اشتركت فيه من سنه وشوى
حلو وممتع والمدربات حبوبات والحلو فيه نص ساعه بس خاصه للى وقتهم ما يسمح
بس يبقى هو نادى وطلعه من البيت والتزام
خليك بالبيت افضل

​

 

[al7anona]

بسأل عن فرع السالمية شلونه؟؟؟
وشلون المدربات هناك؟

يهبل هادي ونظيف ومسابقات وحركات

والمدربات عســــــــــــــــــــــــل

 

[al7anona]

السلام عليكم


الي مشتركات شلون النتايج في نزول ؟

وعليكم السلام

النزول تمام التمام حتى لو مو بالوزن بالسم ينزل حلووووو

 

[al7anona]

اليوم رحت كيرفز اللي بالشعب بس قالي الحارس ان سكروا خلاص طلعوا

يعني الحين بس في الجابرية والسالمية ؟

معقوووووووووووووووووووووووووووولة!!!!!!!!!!!!!


ماسمعت احد قال هالحجي غريبة والله


ترى اهو اليمعه مايفتح بكل الافرع اخاف انتي رايحه يوم اليمعه

 

[al7anona]

انا اشتركت فيه من سنه وشوى
حلو وممتع والمدربات حبوبات والحلو فيه نص ساعه بس خاصه للى وقتهم ما يسمح
بس يبقى هو نادى وطلعه من البيت والتزام
خليك بالبيت افضل

لالا بروحهم البنات كسولين لاتقولين جذي

بالعكس تجابلين البيت 24 ساعه ؟ ماتسوين ولاشي مفيد لارياضة ولااكل صحي ولارجيم

النادي ماياخذ من وقتج الا ساعه بالكثير نص ساعه رياضه والروحه والرده يعني ماياخذ وقت وتغيير وتحسين بنشااط ونتيجه الجسم يترتب وعشان توصلين حق اللي تبين

مو احسن من قعدة البيت اللي ماوراها الا الكسل والخمول والنوم والاكل ماكو هدف

والله نصيحه اي وحده ودها تشترك بنادي ومتردده تشترك بهالنادي حيل مريح وحتى اذا ماتحبين الرياضه بيصير عادي ووناسه ماتطولين بالرياضه

 

[al7anona]

طريقة الاشتراك


3 شهور(112)

او سنة كاملة(285) اعتقد وللطالبات(228)

واشتراك 3 شهور ماتقدرين توقفينه

ام اشتراك السنة تقدرين توقفين شهر كامل

والرياضه نص ساعه كل جهاز 30 ثانية وتروحين جهاز ثاني

يعني مايملل

وكل جهاز وراه مرتبه تلعبين عليها والمدربات مجابلينج على طول ويشجعونج وبالتلفزيون يقولوج جينج عشان تروحين جهاز ثاني ومايمدي تقعدين على الجهاز شوي وتغيرين

وبعدها الستريجنق وهذا مهم وايد عشان تتمدد العضلات

وبس تروحين تبدلين وترجعين بيتكم وانتي مسوية رياضه بيومج

وكل شهر ياخذون لج قياسات ووزن

وغير المسابقات اللي يسوونها والهدايا يعني تحسين بشوي تغيير

انا بالنسبة لي كسولة مالي خلق نادي 3 4 ساعات امل

هالنادي وايد حبيته عشان جذي تشوفوني حيل امدحه لاني شفت النتايج وكانت حلوه والحمدالله الكل لاحظها

 

[Miss.KSA]

انا قريباتي كلهم مشتركين في النادي
ومافرقت على احد فيهم لأنه اول مااشتركو قالو لهم اول شهر ماتسوون رجيم ولا تمشون علشان نشوف رياضه كيرفز ايش تسوي
شالخرابيط

انا قاريه موضوع اجنبي انا لازم تتبعين حميه وتروحين تسوين الرياضه ام 30 دقيقه وبعدها تمشين 30 دقيقه

ويفضل انك تنزلين وزنك المطلوب باي رجيم بعدين تروحين لهم تشدين
لكن تشدين عضلات على سمنه غلط كذا تكبرين العضله ويصير الجسم يحرق في العضل ويشدها ويخلي الشحوم وبعد مايشد العضله يرجع يلتفت للشحوم يعني السالفه طويله

وهالرياضه مناسبه للي يعانون من الم في المفاصل والسمنه المفرطه يعني اللي ماتقدر تنقز وتسوي الرياضه العاديه ممكن تروح لهم

يعني اللي تبي تروح لهم تسوي رجيم وتروح نص ساعه وترجع تمشي نص ساعه علشان تبان النتيجه اسرع

 

[بســـــمة_الكون]

السلام عليكم ،،

مسا الورد عالحلوات الرشيقات ،،،

:33_1185028183:

انا صار لي سنة تقريبا من اشتركت ،، بس منهم 3 شهور توقف

المكان نظيف ومرتب ،، المدربات حبوبات ومشجعات للعب والرياضة ،،

اللي شجعني اشترك فيه ان الوقت قصير ورياضة مركزة وتشجيع ومكان مريح

صج ما فرقت بالوزن لاني ما اسوي ريجيم ،، بس ترتب جسمي لما التزمت ،،

واكثر شي يشجعني على الروحة ان الجروب هناك مرحين وتحسين انج داخلة مكان مو غريب ،، ناس تسأل عنج ،، تفقدج لا غبتي ،، تمدحج اذا ضعفتي او سويتي زين

بصراحة احنا نحتاج التشجيع والكلام الحلو بحياتنا ،، بهالنادي لقيته

دعواتكم ربي يتمم علي الالتزام واصير رشيقة بالصحة والعافية باقرب وقت ان شا الله
:yaaaaaarb:​

 

[faro7a fofo]

بطلو بمجمع ديسكفري نادي كيرفز حلو تخلين اليهال يلعبون وانتي دشي نادي لعبي بعد