اولياء امور مدرسة التكامل( صباح السالم )

[رفرف]

احنا مطرشين لنا بطاقة دعوة لتخرج واحد من عيال صفها مسوين الحفلة ببيتهم بس طبعا الرقيقة ماتبي تروح تقول عيييب اروح العب مع الاولاد !! بس ازور البنات ..

 

[Miss_Tiger79]

بنات شنو فيه الyearbook بالضبط ؟؟

رفرف
احنا مسوي عزيمه بالسينما حق فيلم نايت ان ذ ميوزيم
بس ابوه ماكان راضي وانا كنت حدي تعبانه فنمت ...

يحلو الي ما تلعب الا مع البنات يختي...

 

[رفرف]

تايقر شكلنا انا وانتي متجابلين ..
باقي البنات عطلو عيالهم ونسونا

اليير بوك يكون فيه صور كل طلبة المدرسة المفروووض نفس مال الجامعة او في مدارس بعد تسويه نفس الbbs

اليوم شفت وحدة من مدرسات كيجي1 طلعت تدرس بالنادي العلمي ..
عاد قالت انهم يداومون لي 18-6 يعني اللي بتروح تطلب الصور تروح قبل هالوقت ..
انا شكلي بروح الاسبوع الياي انشالله ..

 

[كويتيه ذربه]

بنات اليوم ولدي يقول ان اليهال بدوا يغيبون بقريد ون ووخلاص ما كو مدرسة بس آنا مو مصدقته؟؟ مآدري شسوي أوديه وإلا لأ شوروا علي

نواره حبيبتي انا بنتي بقريد ون الصراحه من اليوم غيبتها امس رحت لها الساعه 12 ولا قاعده بالفرصه ماتلعب
اسألها ليش تقول كل رفيجاتي غايبين
سألت المس جان تقول احنا نعطيهم مراجعه وصفهم بس 13 واحد مداوم بس الدرجات رصدناها وماعندهم امتحانات ول
ولاشي وحتى ابله العربي قالت نفس الشي

 

[manarah]

السلام عليكم بنات .. شخباركم من بعد الحفله .. وشخبار اعيالكم مع اول يوم عطله ... احنا هييييييصه ورحت المكتبه وخذيت ماجله حق قعده البيت ومن الصبح واحنا يا نلون يا نرسم يا نقرا قصص يا يطلعولي اي شغله ويللا ياماما تعالي نسويها .. امبييييييييه ماعندي وقت كلش
المهم .. مس تايقر عالبركه تخرج ولدج وصاجين الحفله حلوه وخفيفه بس واااايد زحمه يعني ياربي الخدم واليهال مالهم معنى بالحفله اصلا حتى الكراسي ماكفت ومستر براين اعتذر عن هالشي وفي ناس ظلت واقفه .. تدرون احنا بحفله بنتي بتخرج الحضانه يعطونج بطاقتين دعوه يعني حق الام والابو واي بطاقه دعوه تبينها زايده تدفعين فلوسها وطبعا اليهال اقل من 3 سنين ممنوع والحفله بقمه الترتيب والهدوء .. انا اليهال اللي يمي 3 اسم الله عليهم وانا بطرف الكراسي وكل دقيقه واحد منهم مار يا داش يا طالع وانا اتحلطم
انا ما صورت فوتوغرافي مع اني قاعده ثاني سطر قلت صور المصور اكيد احسن بس صورت فيديو .. بس ترى رايحه من 7 المدرسه عشان اقعد جدام واحجز مكان حق ريلي واهو يه عالراحه 8 لان اخوي كانت حفله ولده يوم الاحد وكان واصل 7 وربع وقاعد بسابع سطر قلت بعد ما يبيلها انا اصلي الفير وامشي
رفرف بالنسبه للصورتين اللي قلتلج فيهم صبا وبطرشهم لج ماعرفت اطرشهم ميخالف اعليميه المهم الطريقه احملهم بموقع تحميل وبعدين اطرشهم ؟ علميني يا أبله

 

[Miss_Tiger79]

رفرف
اي والله متجابلين لا شغله ولا شي
بس يعني اليير بوك بس صوره الروضه كلهم وبس ؟؟؟
انزين بسألج بسجل عيالي بالنادي العلمي شنو احسن دوره يفرغ فيها طاقته ومتى اسجل عادي اروح باجر اسجلهم ووين بالضبط
لانه اليوم قتلهم خلاص الناااااااااااااااااادي

مناره
الله يبارك فيج
وانتي بعد مبروك وانشالله تشوفينه متخرج من الجامعه
وبسألج هم عن النادي العلمي
ومن صجج من ال7 انا رحت الدوام وبصمت ورديت عالراااااحه وقلت بدش على ال8 وهذا وانا مبجره يعني لما دشيت استغربت ماشالله تبارك الرحمن ماكو مكان

 

[شباصة وردية]

السلام عليكم .. الحفله كانت وايد حلوه ويحليلهم يهبلووووون وشباصه ورديه لو سمحتي عرفينا بنفسج ام منو ترى انا حافظه كل بنات الصف عطيتيني علبه كاكاو انا بعد والا لا اذا ما عطيتيني اطالبج فيها لو سمحتي .. المهم مبروك التخرج ويارب نفرح بتخرجهم من الجامعه والله يصلحهم انشالله .. بالنسبه للسي دي ماعندي فكره عنه وهم الصور اكيد لازم بنروح نختارهم ونطلبهم بس هم مادري متى يعني لازم نروح المدرسه ونسأل احسن وعلى قوله رفرف ماكو فكه منا ..

رفرف تشرفت بشوفتج اليوم وصج اليوم كان وناسه وبسطنا بالصف يمكن اخر وحده طلعت من الصف انا لا وبالاخير طلعت ناسيه اخذ شهادته وارجع مره ثانيه والا الابلات يدوروني عشان يعطوني اياها شسوي بولدي مو امصدق عنده كاكاو بس يركض بالممر ويوزع وانا شايله العلبه وراه يقول ثقيله عليه ومشغلني عنده حمالي ولا تحاتين المصور اكيد مصور اليهال كلهم .

مس تايقر مفقوده اليوم عسى ما شر .. ما شفتج لاني اصلا ما شفت رفرف الا بالصف عشان تعرفني عليج واهي ما شافتج (صارت احزايه ) خيرها بغيرها انشالله ونشوفج بقريد 1 انشالله . ... سألتيني عن الحضانه لها فرعين وحده في بيان والثانيه في الرميثيه .

هلا حبوبة بنتي ريونة اذا تعرفينها
بالنسبة للسيدي لازم اتأكد منهم لأن ولدي عطوه سيدي فيه كل صورهم
بالنسبة للكاكاو انا كنت امشي وراها وهي توزع ما ادري اذا عطت بنتج ولا لأ عالعموم السموحة اذا ما حصلتي يالله انشالله يوم اللي بتروحين حق الصور عطيني خبر اذا قدرت انشاالله اشوفج بالمدرسة ومن عيوني يالغالية

 

[شباصة وردية]

والله مادري شباصة السيدي اول مرة اسمع فيه ولا احد يابلنا طاري ..

لحظة انتي عطيتيني العلبة الذهبية والا العلبة اللي عليها صورة بنتج ؟ قاعدة اطالع العلب في ثنتين وماذكر منو عطاني اياهم .. وحدة عليها صورة ووحدة ذهبية تهبل ماعليها اسم ولا صورة ..
وبنتج صورت مع صبويا والا لا ؟ (الحين الا اعرف اشتغلت اللقافة)

هلا حبوبة
انا عطتيج علبة شفافة ومربوطة بشريط ذهبي وعنابي
وجنه صورت بنتي مع بنتج

 

[رفرف]

مناره ..

اي تحملينهم من اي موقع تحميل وتطرشينهم .. واذا ما عرفتي اعطيج ايميلي وطرشيهم عليه ماعليه بنتعبج شوي ..
اليوم واصلتني هدية ع الايميل رفيج ريلي كان بالحفلة وشاف ريلي محتاس بالكاميرا وعافس الالوان جان يتبرع ويصور بنتي وماقال لنا .. ما وعيت الا مطرش الصور بالايميل ..


تايقر ..
اذا سجلتيهم الحين يكون طايفهم اول حصتين مالج الا الدورة الياية بآخر 6 ..
وشوفي الكمبيوتر حلو البيولوجي حلو والفلك بعد والكيميا يهبل يسوون صمغ من الحليب وصابون واشياء جذيه ..
وابلاتهم يهبلون اقولج لقيت ابلة من ابلات كيجي1 بالتكامل هناك وصبوية قمة المتعة لقت احد يلممها ويبوسها من عقب مس فرح ..
ومكانهم سهل على الدائري السادس تمشين لين تصير جنوب السره على يمينج كملي لي الجسر اللي مكتوب عليه الزهراء/الجهراء واخذي المخرج يمين .. يلف فيج الشارع واييج دوار اخذيه يمين يصير النادي على يسارج بس لفيله فوق تحت ..
ودوامهم من 5 لي 8وربع روحي بهالوقت احسن ..
المبنى اسمه مبنى علماء المستقبل يم الحديقة واذا تبين ايي معاج حااااضرة انا الخميس اول وتالي بودي صبوية .. امري بس

شباصة ..
هم ما عرفناج .. اظهر وبان عليك الامان انتي ام منو ؟

 

[كويتيه ذربه]

عالبركه على تخرج عيالكم
وانشاءالله نلتقي معاكم السنه اليايه

 

[رفرف]

كويتية ذربة ..

الله يبارك فيج وانشالله نتشرف بشوفتكم كلكم ..


شباصة ..

وريت بنتي علبة الككاو وقلت لها منو عطانا هاذي ؟؟
قالت ام عزووز (مناره) .. لالا مضيعة بنتي قلت لها حاول مرة اخرى مو ام عزوز ..
قالت ام عزوز الثاني .. (اعرفها لأني ابلة بنتها وعطتنا جيس عليه صورة ولدها مو علبة) ..
يننتني .. اخر شي عطتني اسم بنية وانا صورتها معاها بس انا اشك انها بنتج لأن شكلها كان قاعدة اتشير ..
وفي ولية بيضا وصغيرونه واذكر كانت لابسة عباية تطالعني وتبتسم مادري ام منو .. هاذي انتي ؟؟ (لو مو قايلة انج شايفتني وايد ابرك بلشتي روحج)

 

[manarah]

اشلونكم بنات ...
شباصه ورديه عرفت ريان بس انتي لا والله ما اذكر شفتج تدرين بالحوسه اللي كانت بالصف وهم ماعليه انتلاقى بيوم انشالله ..
مس تايقر مثل ما قالت رفرف كل الدورات حلوه وبعدين كل شي ياخذونه يسوون اشغال فنيه عليه نفس طريقة المدرسه ..
رفرف .. انا اقول طرشيلي ايميلج عالخاص احسن متعوده عالايميل واطرشلج الصور انشالله .
بناااااات اذا ممكن اي وحده منكم تعرف شي عن الصور او عن اليير بوك تبلغنا يعني اللي تروح المدرسه قبل ويكون لها السبق تقول حق الباجي

 

[كويتيه ذربه]

خواتي منو منكم عندها (ولد او بنت) بيروحون قريد تو

 

[Miss_Tiger79]

يحليلكم بنات
ليش وار الراس قتلكم شوفو يوم ونتيمع المدرسه ههه وراح نشوف بعض


رفرف
حبيبتي والله ما تقصرين
يمعوده عادي انشالله طايفتهم 10 حصص المهم يداومون
انا اليوم كنت بوديهم اسجلهم بس تذكرت عندهم موعد
اذا ماراحت اليوم بقولج على باجر بس اذا بكلف عليج بروح الاسبوع الياي... عادي والله

كويتيه ذربه
لا والله ما عندي انا السنه اليايه قريد1
عاد نبي خبرتج بقريد1 والنصايح حق الدراسه

 

[رفرف]

تايقر ..

لا والله مافيها كلافة ولا شي جان تبين نروح يميع بس حرام طايفه اسبوع والدورة كلها 4 اسابيع ..


مناره ..

انا يمكن امر المدرسة باجر عقب الدوام يعني الساعة 1 اذا الله سهل وما فقدت الذاكرة ..



امبيه شباصة انا مضيعة كتبتي اسم بنتج وما قريته ..
اي ريونة الله يخليها لج صاجة اهيه ولجين رفيجات بنتي بس حسافة ما صورت معاها .. الله يخليها لج يارب ..


كويتية ذربة ..

ماعندي احد بقريد 1 بنتي مع عيال تايقر ومنارة وشباصة .. كيجي2

 

[Miss_Tiger79]

رفرف
مادري والله حدي محتاره
انا مدخلتهم سباحه بنادي اليرموك بس يبتدون الاحد الياي بس مادري كل يوم والا يوم وترك وانا ما ابيهم يروحون كل يوم ابيهم يوم ترك وقلت باليوم الثاني يروحون نادي واو شي يلعبون وبنفس الوقت يدرسون ويتعلمون

انزين جم رسوم النادي
؟؟؟

تعالي ما قلتيلي اليير بوك بس فيه صورة الروضه كلهم وبس ؟؟؟؟


مناره
مشكوره حبيبتي
بروح واشوفهم

 

[رفرف]

تايقر

اليير بوك المفروووض كل طلبة المدرسة مو بس الكيجي
والنادي رسومهم 45 لمدة 4 اسابيع شامل التيشيرت وسناك ورحلة بدون وجبة ..
ودامج مدخلتهم سباحة انا اقوووول نطري الدورة الياية احسن حرام جذي يبقالهم بس 3 اسابيع ..
اذا تبين اعطيج بروشورهم شوفيه فيه كل شي عن الدورات وكل دورة شنو يسوون فيها بالضبط ..

 

[كويتيه ذربه]

يحليلكم بنات
ليش وار الراس قتلكم شوفو يوم ونتيمع المدرسه ههه وراح نشوف بعض


رفرف
حبيبتي والله ما تقصرين
يمعوده عادي انشالله طايفتهم 10 حصص المهم يداومون
انا اليوم كنت بوديهم اسجلهم بس تذكرت عندهم موعد
اذا ماراحت اليوم بقولج على باجر بس اذا بكلف عليج بروح الاسبوع الياي... عادي والله

كويتيه ذربه
لا والله ما عندي انا السنه اليايه قريد1
عاد نبي خبرتج بقريد1 والنصايح حق الدراسه

اذا احتجتي اي شي بقريد ون قوليلي وانا حاضره
وانتي اخترتي المس حق قريد ون؟

 

[Miss_Tiger79]

رفرف
مشكوره..
شكلي بنطر
واي والله بشوف البروشور
والدوره الثانيه متى تبدي؟؟

كويتيه ذربه
مشكوره حبيبتي
اي انا احترت بين مس سلفيا ونافيدا ومس ساره مدحتلي هالثنتين ووحده اعرفها بالمدرسه هم مدحتهم
وابلته قالتلي اختاري نفيدا احسن فحطتلي مس ساره الثنتين وقالتلي بشوف ابلته شتقول

رفرف ومناره
اخترتو ابله والا بعد؟
يالله حطو عيالكم مع ولدي

 

[رفرف]

تايقر ..

الله يسهل بسأل واستخير واشوف