اولياء امور مدرسة التكامل( صباح السالم )

[manarah]

الرسوم 100 دينار لمدة شهر ومن الساعه 9 لي 1

 

[Miss_Tiger79]

هلا مناره
اهوه تدريس بس على فن اكثر
ما اذا ولدج يحب المدرسه ماراح يمل
بس انا اقولج انه راح يتفع بنتج وايد حتى راح تشوفينها تتعلم اشياء بالانجليزي اكثر وحتى المحادثه تتعلمها منهم

 

[نواره الحلوة]

آنا جربت ولدي بالنادي الصيفي السنة اللي طافت واستفاد وايد خصوصاً انه يأهلهم لقريد 1 بس المشكلة انه مل وايد من المدرسة يعني ما صدق على الله خلص الكورس رد مرة ثانية المدرسة بس صراحة النادي كان وايد مرتب ووناسة

 

[manarah]

نواره ايه والله الخوف من جذي انه يمل من المدرسه والا انا متوقعه ان مستوى النادي يكون زين لان المدرسه اصلا مستواها قوي وانا مقتنعه وخالصه بس المشكله في الابو خايف على ولده يمل ويقول ما غيرتي شي .. وانا خذيت راي ولدي ولما عرف ان اخته راح تكون وياه استانس وقال اوكي بس مازال الامر في طور البحث .

 

[كويتيه عالي سماها]

بنات من عندها واسطه بالتكامل

انا بصباح السالم

وولدي بثنائية لغه من كي جي 1 والحين اهوه بكي جي 2

يعني رايح قريد 1

سووا معاه مقابله ولما شفت المس قالت لي هي إز سمارت بوي

ولما رحنا اليوم الثاني عشان نعرف النتيجه جان تقول الموظفه ما قبلوه

لما قلنا ليش قالوا ما يعد الا للعشره

مع ان ولدي يعد للعشرين بالانجلش

انصدمت قال ابوه بس الولد يعد للعشرين قالوا هذا اللي صار

حسبي الله عليهم شكلهم حاطين احد بداله

كنا احنا بالويتينق اول ناس

ولما رحنا لهم صدفه عشان ما دقوا علينا من زمان

جان يقولون غريبه ليش ما دقينا عليكم

ولما سووا المقابله رفضوه

والله مقهوره لان المدرسه قريبه من بيتي

وانا عارفه ولدي زين بسم الله عليه بالانجلش اشطر من العربي

آسفه بنات ابي افضفض لاحد لان اليوم طلعت نتيجة المقابله وحدي مقهوره

بس مع السلامه خخخخخخ

 

[باونتى]

امهات التكامل شلونكم .. بنات والله أنا محتاره بنادى التكامل .. ودى أسجل ولدى بس محتاره والحين احترت زياده لان موعد النادى الصبح موو العصر

 

[رفرف]

بنات انا كنت مدخلة بنتي النادي قبل لا تدش كيجي1 واااااايد استفادت اول شي تأقلمت على المدرسة والصفوف قلت مالي خلق اوديها اول يوم وتشوف اليهال يبجون وتبجي وتستاحش ..

وثاني شي طلعت ابلتها نفسها المس اللي درستها بكيجي1 فلما صار اول يوم دراسة بكيجي1 وشافت المس تلمم وتبوس يعني حبت المدرسة من اول يوم ..

وثالث شي استفادت ع الاقل المحادثة انا اشوفه كافي ..

بس الحين ماراح ادخلها حرام تمل دراسة بدراسة بدخلها مكان ثاني بس مو الحين ما يندرا لما تتعدل ظروفي انشالله ..

 

[Miss_Tiger79]

صاجه رفرف
وصج نفس الي صار حق ولدي
حسيت النادي ينفع حق الي بيدشون اول سنه روضه

الله يعينج رفرف وتسجلين بنتج بنادي تستانس فيه وتشافي زوجج وكل مريض انشالله

بنات متى حفلت عيالكم التخرج؟؟

كويتيه عاليه سماها
ترى الكي جي2 يعدون لين ال100
ومادري روحي كلمي الاداره يمكن يسوولج شي
والله يكتبله الي فيه الخير ان شاءالله

 

[سيدة الكويت]

التكامل ....قامت ما تقبل أى واحد أى لها قبلى (بدو)......ما أدرى ليش هالتفرقه

 

[manarah]

مس تايقر حفلتنا انشالله يوم الاثنين ومشكوووره عالافاده بالنسبه للنادي .. القرار الاخير لا ما رح ادخل احد فيهم لان حتى لو بنتي اللي بتروح كي جي 1 بتستفيد ما اقدر ادخلها يا اثنينهم والا لا وولدي ادري فيه راح يمل .. بدورلهم نادي ترفيهي .
رفرف شخبارج واشلون صبا وشنو شعورها واهي بتخلص الكي جي .. انا ولدي مو امصدق ويتطنز على اخته لانها بتروح كي جي .. الله يعينج انشالله ويعدل ظروفج .

 

[رفرف]

احنا تخرجنا الاثنين انشالله ..

وبنتي بالعكس مو مستانسة تبي مس فرح تقول مابي اروح قريد1 ماحب كل التيجرز بس مس فرح ..
قلتلها لا تعطين بنتي ويه وايد ترى متازمة وبعدين انا قمت اغار خخخخ ذبحتني احلى وحدة بالدنيا مس فرح واكثر وحدة احبها بالدنيا مس فرح ..
وباقي تشتري السوق كله هدية حق مس فرح عسى ما نروح مكان الا قالت اشتري هذا حق مس فرح وحتى باقي المدرسات كلهم تحبهم بس مس فرح غييير ..

ومناره عيل دخليهم النادي العلمي وايد حلو مدرساتهم كويتيات يعلمونهم اشياء حلوة على وناسة ويودونهم رحلات واخر الدورة يعطونهم شهادات .. والمكان حلو انا سنتين ادخلها ومرات ادخلها دورتين ورا بعض والحين الثالثة يارب الله يسهل ظروفي وادخلها السنة بعد ..

 

[Miss_Tiger79]

انا مستانسه انه السنه خلصت
لانه دوامي مطولينه حيل وما ارد الا 3 ومالي خلق تدريس ولا شي

بس عاد انا ولدي مستانس انه بيروح قريد1 بس يقولي مس فرح الي شعرها طويل اهيه راح ادرسني ؟؟؟
شفتي شلون
مس فرح خربت عيالنا ما قامو يبونا وصرنا جياكر بعيونهم
عاد اهيه ماشالله عليها حبوبه صج

 

[Miss_Tiger79]

مناره ورفرف
بسألكم شصار على القصص الي كانو يقرونها اليهال
لانه اشوف ابله ولدي حاطه كل واحد وجم قصه قرا عن الصف مادري ما فهمت هذي مسابقه والا شنو لانه في يهال بس 7 قصص وبعضهم ماشالله 50 واكثر

 

[رفرف]

تايقر ..

اي شفت عدد القصص تهولت اتوقع يقصدون القصص الصغار اللي يطرشونهم البيت المصورة ابيض واسود مووو القصص اللي نرجعهم ..
اذا هذيل اي يصكون ال50 ..

وما قلتي متى حفلة تخرج ولدج ؟

 

[هيونه الكويت]

مشكورين عن الافاده بالنسبه لنادى الصيفى حق اليهال بس شركت بنتى بنادى افنان بيان شرايكم ونفس القيمه100 تعرفون احد مجربه

 

[Miss_Tiger79]

رفرف ...
لا سألتها اليوم وقالتلي القصص الي نرجعه
اليوم عطونا سي دي صور اليهال الي بصفه على طول السنه واايد حلو وللذكرى وعطتنا مراجعه حق العطله عشان ما ينسى
حتى الي بكي جي1 عطوهم مراجعه حق العطله
وحفلته ولدي يوم الاثنين ... مادري شيبله ودي هدايا حق ابلاته
بس مو جنها وايدى مبجر ؟؟؟ متى اروح الدوام وارد مره ثانيه شكلي بستأذن الصبح

هيونه الكويت...
انا الي اعرفه انه هذي حضانه افنان ويمدحونها كحضانه بس ماسمعت شي عن النادي

 

[رفرف]

تايقر ..

الله احنا ماعندنا سيديييي صور ابي ابي ..
انا سويت هدايا الابلات وصورتهم للذكرى بس عاد يومي عن سنة اذا فضيت انشالله احطلكم صورهم وايد حلوين وشي للذكرى والصراحة ابلاتها عسل ومو قدرهم يستاهلون اكثر والله ..
واليوم كثر ما تشكرت منهم ياتهم البجية حتى انا بغيت ابجي ..

 

[Miss_Tiger79]

هلا رفرف
زين سويتي خلصتي
انا ليلحين مادري شييبلهم
شنو عندج افكار ؟؟؟
اي والله الابلات كلهم روووووووووووعه وينحبون الصراحه
حتى الصغير يقولي يما مس لورين لمتنا كلنا وقالتلنا i love you ويقولي انا لميتها حيل

والله يوفق عيالنا وعيالكم انشالله ونشوفكم بالحفله بس عسى ما يسيح المكياج من البجي

 

[manarah]

رفرف شخبارج انشالله بخير ... انا الله يسلمج عزوز العام كنت مدخلته النادي العلمي ودورتين ورا بعض وهالسنه انشالله ناويه بعد وقريت مره بالجريده اعلان عن نادي الانجليزيه العالميه بمنطقه السلام وهم ناويه اروح اشوفه والله يسهل انشالله ويعينج ... ايه والله ابلاتهم يهبلووووووووون ترى حتى ولدي كل يوم لازم يسألني هالسؤال : قولي منو احب اكثر مس فرح والا مس هنا والا معلمه عبير والا معلمه فدوى وانا اقوله كلهم يقوللي لااااا مس فرح اكثر وحده اقوله الله يتمم عليك وتحب المدرسه كلها بس ترى صج صبويه تموت عليها لاني كل ما اروح اخذ ولدي من الصف وااايد مرت اشوفها لاصقه بمس فرح حتى لما يطلعونهم حق الطابور اشوفها ماسكه ايد مس فرح وطالعه وياها ياحلوها والله وترى قصت شعرها اليديده اتهبل عليها اسم الله عليها الله يخليها لج انشالله وتفرحين فيها .
بالنسبه للهدايا والكاكاو والله ما خلصت شي طلعتي صايره بالحسره بسبة البيبي الصغير امينني يعني الحين انا اطبع واهو يحن اسم الله عليه بس الله يسهل انشالله ..
بسألكم بالنسبه لعدد القصص هذي وين قريتوها ميخالف انا مضيعه وما اركز فيدوني .
رفرف انا امس عطيت مس فرح الكاميرا وقلتلها صوريلي عزوز مع ربعه وصورته والله ما قصرت .

مس تايقر انشالله نشوفج يوم الحفله على خير بس عاد انشالله اعرفج انا عزوز يوم تخرج من الحضانه بجيت فيوم الحفله مادري اشراح يصير فيني

هيونه الكويت انا حضانه افنان هذي حضانه اعيالي يعني عزوز كان فيها سنتين وبنتي اللي بتروح السنه الياي انشالله كي جي 1 هم كانت فيها سنتين وولدي الثالث انشالله السنه الياي هم اول سنه فيها الحضانه اتهبل ومدرساتهم يهبلون والانشطه اللي يسوونها وايد حلوه بس انا ترى ما جربتها بالصيف كنادي بس اتوقع نفس المستوى لان نفس المدرسات ونفس المواد والله يوفق بنيتج .

 

[Miss_Tiger79]

مناره
اي ان شاء الله لازم اشوفج بالحفله عاد رفرف تعرفني عليج لانها تعرفني وتعرفج
وانشالله نشوف عيالنا متخرجين من الجامعه ونشوفهم حفظة القرآن آمييييييييييييييييييييين

الاسامي انا شفتهم مكتوبي يم صف ولدي وصفه اول ما تنزلين من الدري بويهج ومادري عن باجي الصفوف

وبسألج عن الحضانه (افنان) شنو يدرسونهم بالضبط وجم رسومها وشنو ابلاتهم ؟؟؟؟؟؟؟؟؟؟؟