ديروا بالكم وعدوا فلوسكم عدل !!!!!!

[ام كتكوت]

صارت معاي مع مطعم فريج صويلح والله

مرتين بعد مو مره وحده بس طوفتها لهم

بس مو كل مره نطوف

100 على 100 يصيرون مليون <<<<< ياريت ههههههه

وعلى قولتج الحمدلله موعايزنا فلوس

مره تهاوشت مع سوري قص علي واستغفلني ب 400 فلس بسيتي سنتر

اخذتهم من جبده وعطيتهم هندي حمالي يمي

جدام عيونه

 

[قهوة عربية]

العيب من السواق

وفوق طيبتنا يقولون عننا اغبياء

والله ياحبيبتي ....لاتزعلين العيب منا احنا اللي سكتنا لهم سنين وخليناهم يستغلون طيبتنا وكرمنا

ويدرون احنا فاطنين ومتنبهين عليهم لكن اللي ذابحنا هو الحيا والمستحى

لكن بسنا استغفال واستعباط ....ايدي بايدج وايد كل الخوات نوقف لهم بالمرصاد ويعرفون ان احنا مو مقصة

تسلمين حبيبتي على المشاركة

 

[ba6bo6a1]

شكرا

 

[قهوة عربية]

انا معاك
صح السالفة مو سالفة 100 او 150 فلس ....
السالفة مبدا.. اذا بعطي اعطي من خاطري ...
مويستغفلوني ..... زين سويتي فيهم مشكورة على التنبيه...

يابعد عمري ....أنا ألحين حاسة ان البنات بدوا يتفاعلون معاي ....وحسيت صج انهم مقهروين مثلي

لابد نتكاتف يابنات ونتعاون عشان نمحي هالظاهرة من الوجود للأبد ....

هي يبييلها قلب قوي .....ومو شرط أتهاوش معاهم عشان يردون لي حقي

لا والله ...بأبسط الكلام بس يحسسهم بالفشيلة والاحراج وانهم أخذوا حق مو لهم


تسلمين ياقلبي على المشاركة وحياج الله

 

[قهوة عربية]

يابنتي اهي ع المطاعم الي ذكرتيها ..!!!

مطاعم الديرة كلها ولا ازيدج من الشعر بيت ..!!

هم بعض الجمعيات ومراكز التسوق تلطش الباجي ..!!!

وهذ حقج مافيها شئ والله اطالبهم حتى لو 50 فلس ..!!

ماحب احد يستغفلني وينصب علي ..!!
يا من كيفي يا لأ

صاجه ....الكل يستغفلنا والكل يبوقنا ....وكل الجنسيات مافي فرق !!

مطاعم ...محلات ....كافيهات .....مجمعات ....واعليه علينا احنا ياالكويتيين

لي متى واحنا نرضى ننباق بديرتنا !! ....لابد من هزة كبيرة لهم ان احنا نرفض هالنظرة الغبية لنا

لابد من وقوفنا وقفة رجل واحد ( امبييييه بدش حرب )

بصراحة ألحين أنا أعلنها حرب عليهم وعلى كل من يستغفلنا

لا للاستغفااااااااااااااااااااااااااااااااااااال


حياج الله حبيبتي وتسلمين على المشاركة الفعالة

 

[قهوة عربية]

والله استغفلونا من الاغبياء اللي مثلي
والله ان ساعات اشوف مورادينلي دينار دينارين من محلات مقل اسكت ولا اتكلم ادري ان نافصين بس استحي ما اتكلم
ولا اعرف اكاسر والله افشل وحده بالسوق والا الجمعيه والا باي مكان انا
ريلي بالجمعيه يقارن الاسهار ويشوف وانا بس اخذ واقط يقولي انتي لو اشوه ان ما اخليج تروحين الجمعيه بروحج جان مفلستني
عاد صج صج انا افشل

محشومة ياقلبي ....انتي اللي طيبة وايد .....حالج حال أغلب الكويتيين ....بس صج ينخاف عليج

احنا مارضينا على ال100 فلس وال200 فلس ....انتي ينقص منج دينار دينارين ماتتحجين وتستحين !!!!

علميني متى تروحين تتسوقين عشان أروح معاج ....وأنا أولى بدنانيرج خخخخخخخخخخخ _03BA:

مو تزعلين حبيبتي أتغشمر معاج :eh_s(6):

يبيلج دورة تقوين قلبج فيها وتعرفين شلون تطالبين بحقج من هالبواوقة ....

حطي بالج على روحج ياعمري

تسلمين على المشاركة الطيبة مثلج

 

[قهوة عربية]

صاجه انا معاج
:ggdw:

وأنا بعد وياكم وكلنا ايد وحدة


حياج الله عمري ومشكورة على المرور والمشاركة

 

[خشف المطران]

أنا مره صارت مع هارديز ..

دقيت عليهم شخلتهم شخال ..على ميتين فلس . و أخرتها .. تعرفون شطلعت السالفه ؟؟


طلعت الخدامه الجلبه لافتهم ... ومعطيه الوجبه .. حق الخدامه الثانيه توصلها لي . والثاني جديده وهبله ما تعرف عربي ..
أقولها وين فلوس تقولين .. نهي .. نهي .. فلوس .. نهي .. قلت .. نهي .. أوريج فيهم .. عبالي ما رجعو الباقي ..

وأدق أشخلهم تالي .. جتني .. قالت .. إيه ميتين .. فلس .. عندي نسيت أعطيج إياهم ..لا والله ؟؟ أشوف ما نسيتي تعطيني الوجبه بعد ؟؟ <<< إهي لها سوابق بوق ..


بس تفشلت فشله لا صارت و إلأا إستوت .. وماراح أتعودهاها لو يبوقوني دينار .. ههههههههههههه


دق السايق وكلمني.. وقالي أنا عطيتكم إفلوسكم .. و أنا ما أخذ شيء مو لي .. ومن هالحجي .. بغيت أقوله .. أعطيك دينارين لك.. إنت خوش رجال ههههههه .. أبيه يسكت .. .ههههههههههه

والمدير معصب .. ويقولي مستحيل يا فندم .. أنا حشيك .. خخخخخخخ و أرجعلك الميتين بتوعك .. <<< خوش مدير. .

 

[الكويت غالية]

صح والله ان تصيرلي هالشغلة دايم

لا وينقصون بالطلب

احلى شي مرة طلبت فطاير من المطعم

يوم فتحت الطلب والقى نص فطيرة

وادق عليهم شنو هذا نص فطيرة جان ما حطيتوها اصلا احسن

جان اختي تضحك وتقولي حرااام يمكن السايق جاع واكل نصها

 

[أم عساف الكويت]

اي صاجة اشكثر اتصير وعادي انطوف

 

[خشف المطران]

اللي تقول .. إشهار .. البنت ما قطعت رزقهم .. إألي تحب اكلهم و تطلب منهم دايم .. ماراح تقاطعهم عشان .. والله شفطو مية فلس..


بس راح تتأكد من الفلوس لما يرجعونها .. الباقي. .


واللي تقول .. مية فلس .. خليها .. دفعة بلا .. أقولها مو محتاج و أهو جاي الكويت عارف جم معاشه .. محد قص عليه ..


ولو تحبين واحد يقول .. ورى ضهرج .. إنج مغفله و هبله .. كيفج .. بس إحنا ما نرضى أحد يقولها .. من ورى ضهري ..


وري .. محد قالي شفتها بعيوني .. بالمدرسه بنت وزعت على هنديه عندنا فلوس يمكن 5 دنانير ..

ما أدري .. دفعة بلا أمها قثايلتها توزع أو شغله يمكن جذي. . ما سألت ..

وإلا أشوف الفراشه بالمدرسه مستانسه وماسكتهم .. وتروح البنت و أشوفالفراشه تكلم . وحده ثانيه و شوي إلا الثانيه رايحه تركض للبنت تكلمها ..

وإلا أمسك الفراشه أقولها .. شالسالفه .. وإلا تقولي هذي مجنون يعطي خمسه ؟؟



لا .. لتغافلنا .. لا لإستعباطنا .. لا لإستسغار عقولنا ..

بنعطي .. نعطي بكيفنا ..


والحمدالله زكاتنا نعطيها . قبل موعدها.. بعد ..والفلوس نعطيها للمحتاج .. اللي إحنا .. نشوفه ..


مو أحد يجي ياخذهم منا غصب ..

 

[caramel maciato]

اهى يات على سواق المطاعم وبس !! شوفى الهنود اللى بالبانزين ياكلون على بالدينار والدينار ونص
عساه زقوم ببطنهم

 

[viva la glam]

مشكوره..

 

[قهوة عربية]

اقتباس:
المشاركة الأصلية كتبت بواسطة ام هيفاء
امبيه الا 200 فلس يا دافع البلا

خليهم دفعه بلاا شدعوى

وبعدين يمكن يكون محتاج انتي قلتيها بنفسج سايق وراتبه على قده

انا لو اروح اشتري من مكان والهندي يوصل لي الاغراض السيارة مسكين اطلع الخرده الي في بوكي واعطيه

مو بعد بنزل من روحي وبتصل 33333333333333 مرات علشان 200 فلس ؟؟؟

اكيد سووج نكتت الموسم

انا مو معاج كللللللللللللش وبعدين اذا انا بعطي من نفسي والله اعطيهم اكثر من هالقيمة بس انهم يستغفلوني لا
انا كله لما اطلب واقوله خل يجيب خردة مو يوصل عندي يقولي ماعنده

فعلا هي مو بقيمة الفلوس أو اشكثر أخذ

السالفة سالفة مبدأ ...ليش يستعبطني ويحسبني نايمة على روحي ومدمغة .....أنا ماأرضاها على روحي

ماأحب اللي يستهبلون على راسي ...إذا بعطيك فمن كرمي ومن ايدي السخية مو إنت تاخذها بالفهلوة

وأنا مثلج أم دعيج كله أطلب من المطعم ييب معاه خردة عشرين دينار أو عشر دنانير ...بس اللي صار ان المطاعم اللي ذكرتهم بموضوعي مو أنا اللي داقه أطلب ...أول شي أختي ...بعدين أبونا ...وآخر شي بنتي

تسلمين ياحبيبتي على المشاركة ....ماقصرتي

 

[قهوة عربية]

ياجماعة حرام قطع الارزاق وذكر الاسم وشنو ال100 فلس امام الاشهار بسمعة الناس

عمري انتي أي ..........أرزاق اللي قطعناها ....!!!!! أنا ذكرت اسم المطعم للتحذير من السواق ....مو عشان أخلي البنات مايشترون من المطعم

بدليل وحدة من البنات سألتني ( فريج صويلح أكلهم حلو ) رديت عليها وقلت لها واااااااااايد لذيذ وحلو ويستاهل العنوة

ماقلت ان المطعم وصخ أو قذر أو يحطون لج أكل بايت .....بالعكس ...لي يومج وأنا أحب أكلهم ...وإذا بغينا نطلب أكل كويتي أصلي في أقرب مناسبة أول مطعم يطري على بالي فريج صويلح ...

يعني أرجع وأقول ...انتبهوا من السواق ....يمكن المطعم مايكون عنده علم باللي يسوونه سواقهم فحبيت أحذر البنات

ومع ذلك أقولج الظاهرة منتشرة بأغلب مطاعم الكويت مو بس اللي يبت طاريهم ...بس أنا ذكرتهم لأن هذولة آخر ثلاث مطاعم طلبنا منهم ولاحظت السالفة متكررة ..فحبيت أحذر


حياج الله حبيبتي ...وتسلمين على المشاركة .....وأرجو ماأكون سببت لج أي إزعاج

 

[قهوة عربية]

اي والله صدقتي
على قوله دكتوور المحاسبه محد مطيح حظ عملتنا غيرنا
فلوسنا مو مقطوطه بالشارع
المفروض ما نتساهل حتى ب5 فلووس

ميرسيي خيتووو

عاد مرة أنا قريت ان موظف ببنك أمريكي جمع ملايين ( والله ملايين ) ما أبالغ ....لما قعد يختلس بواقي أموال العملاء اللي قيمتها ( فلس واحد ) ....لأن العملاء مايضيعون وقتهم ياخذون هذه العملة ومايهتمون لها

وهو بشطارته كان ياخدها ويحطها بحسابه ليما جمع الملايين

يعني شفتوا شلون ...100 فلس و 200 فلس مو هينة عند بلاع البيزة سايق المطعم ....مني ومنج ومن غيرج ....شوفوا جم عمارة بنى بديرته

تسلمين ياعمري على المرور والمشاركة ...قواج الله

 

[قهوة عربية]

اي لازم اذا من ربع يا افندم لازم مايطلع نفسه غلطان هم بايق ومستغفل ويتطنز قطيعه

ياشين الاستغفال

خخخخخخخخ ضحكتيني والله

بس مو هالجنسية ....الكل والله مستغفلنا ....واحنا ياغافلين لكم الله

الله فوقهم ....كله زقوم ببطنهم

حياج الله ياحلوة ....وتسلمين على المشاركة

 

[قهوة عربية]

مشكوره على التنبيه بس تصدقين لو اهما يطالبونج حتى لو 50 فلس يطلعونها من جبودنا

العفو ياعمري .....وطبعا أكيد يوقفون ببلعومج ولايخلونج تتهنين إلا ماتردين فلوسهم حتى لو 10 فلوس

والله ياقلبي ...أنا إذا أحد يطالبني ...خاصة إذا كان من البسطاء والله ماأنام إلا ماأرد له حقه وزيادة ...

هم شلون ينامون وتغفا عينهم وهم مستعطبين الناس وبايقينهم


مشكورة على التفاعل والمشاركة وتسلمين ياحبيبتي

 

[قهوة عربية]

حبيباتي موسالفة 50 فلس والا 20 فلس

السالفة انهم يستغفلونا

ولاتخلون المطاعم يستغلون فوق هالاستغلال

كم مرة اطلب من مطعم اما الفلوس ناقصة او الطلب ناقص

واتصل واسوي لهم سالفة واقول لهم اخذوا طلبكم وابي فلوسي كاملة











دعوة لكم يابنات وهذا المنتدى يشمل كل الكويتيات ومافيه كويتية ماتدخله


تكااااتفوااااااااا


مو بس المطاعم اي شي يضايقنا ... لازم نوقف وقفة جاااااااااااادة وحااااااااااااازمة

أحييج ياعمري على هالارادة والروح والعزيمة القوية

صح بنات لازم نتكاتف ونتعاضد ونوقف وقفة وحدة ضد كل المستغلين والمستعبطين والبواقين

وهذه دعوة يابنات نكون كلنا ايد وحدة ....واللي حابة...... تشاركنا في الحرب ضد هؤلاء الوافدين المستغلين بأن تبدأ تنبه بيتها وعيالها وخدمها وأهلها وكل اللي يعز عليها عشان نتصدى لهم ويرجعون حقنا بالوفا والتمام


مشكورة على المشاركة ياقلبي وتسلمين ياعمري على تفاعلج

 

[قهوة عربية]

واااااااااايد يستعبطووووون بالساااااااااااااااالفه جم مره اعطي الكاشير10 بالجمعيه يكون حسابي مثلا دينارين يردلي 3
وانا مرات والله اكون لاهيه ولا مو ببالي
بعدين انتبه اقوله ليش 3؟
يقولي شوفي الفاتوره حسابج دينارين !!
قلتله عطيتك 10
يقوول آآه مخدش بالي كنت فاكر انك اديتيني 5


اي شي!!!
كله بجيبهم

:eh_s(12):

وهذه بعد شغلة نسينا نذكرها ...وصاجه وايد تصير ....صارت الحرمنة شي سهل عندهم
بكل الطرق يفكرون ويبتكرون شلون يستغلون الواحد ( أما غافل أو مو منتبه أو مستحي أو ناسي أو ...الخ ..)

أهم شي يستغلون الفرصة
يعني الشغلة صارت بالفهلوة والحداءة والجمبزة والعيارة ....واللي صادها عشى عياله ( يعشيهم حراام طبعا)

استغفر الله شلون يتهنون بعيشتهم ...شلون ياكلون مال حرام ( أنى يستجاب لهم ) كما قال الرسول صلى الله عليه وسلم بالحديث الشريف


والمشكلة دايما نحط الغلط على روحنا ...لأنا نخاف الله فيهم أو نخاف نظلمهم ....يعني إذا قالي عطيتيني 5 دنانير ...أقوله ...سوري مو منتبهة ....


مشكورة ياحبي على الإضافة المفيدة وتسلمين ياحبيبتي على المشاركة .....ماقصرتي