ديروا بالكم وعدوا فلوسكم عدل !!!!!!

[عيون زوجها]

والله استغفلونا من الاغبياء اللي مثلي
والله ان ساعات اشوف مورادينلي دينار دينارين من محلات مقل اسكت ولا اتكلم ادري ان نافصين بس استحي ما اتكلم
ولا اعرف اكاسر والله افشل وحده بالسوق والا الجمعيه والا باي مكان انا
ريلي بالجمعيه يقارن الاسهار ويشوف وانا بس اخذ واقط يقولي انتي لو اشوه ان ما اخليج تروحين الجمعيه بروحج جان مفلستني
عاد صج صج انا افشل

 

[@ربانة العود@]

والله زين تسوين فيهم هم لو ناقص من فلوسهم 10 فلوس والله مايروحون يتمون عند الباب لغاية ماتعطينهم ولا مايسلمونج طلبج انا مره صارت معاي وكلمت المدير وقلت له نفس الكلام قلت لو الفلوس لكم والله ماسكتوا وانا لو بعطي بعطي بكيفي جان يقول معاكي حق يافندم ولا شفت منهم شي

صاجه انا معاج
:ggdw:

 

[om deaj]

امبيه الا 200 فلس يا دافع البلا

خليهم دفعه بلاا شدعوى

وبعدين يمكن يكون محتاج انتي قلتيها بنفسج سايق وراتبه على قده

انا لو اروح اشتري من مكان والهندي يوصل لي الاغراض السيارة مسكين اطلع الخرده الي في بوكي واعطيه

مو بعد بنزل من روحي وبتصل 33333333333333 مرات علشان 200 فلس ؟؟؟

اكيد سووج نكتت الموسم

انا مو معاج كللللللللللللش وبعدين اذا انا بعطي من نفسي والله اعطيهم اكثر من هالقيمة بس انهم يستغفلوني لا
انا كله لما اطلب واقوله خل يجيب خردة مو يوصل عندي يقولي ماعنده

 

[دعاء النجار]

السلام عليكم

ماأدري بنات إذا كنتوا ملاحظين هالشي وإلا بس أنا اللي ملاحظة

عموما ...تنبيه للي مو ملاحظة أو حاسة بهالشي !!!

سالفة المطاعم الديلفري .......لما ييبون الطلب للبيت ....السايق يطنش باجي الفلوس خاصة إذا كانت بسيطة ماتسوى ....مثل 100 فلس أو 150 فلس

والظاهرة من صج حارتني لأن أغلب الناس ماتفطن عليها ...بس لأنها تكررت ماقمت أسكت .....معناته السايق بيجمع له معاش ثاني على قفانا

مرة أختي طالبة من محل حلويات كيكة آيس كريم عشان يمعتنا يوم اليمعه ...لما وصل السايق الطلب كان باجي 200 فلس ماردهم ...هي عطت الخدامة 10 دنانير وقالت لها المبلغ 300و9 ويرد لج 700 فلس رد لها 500 فلس فقط سألت أختي الخدامة باجي 200 فلس وينهم !!! قالت عطاني بس نص دينار

كلمت أختي أخوي واتصل فيهم وقال لهم باجي 200 فلس وينهم ...قالوا ان شاء الله ندق على السايق ونستفسر منه
بعد شوي دقوا وقالوا ان السايق بغا يعطي الخدامة ال200 فلس وهي قالت له : لا خلاص مانبي !!!!!!!

يوم كلمت أختي الخدامة قامت تحلف والله ماما سايق مايعطي فلوس أنا ليش أقول له مايبي ...هي فلوسي أنا ؟؟؟

اقتنعنا بكلامها ودقينا عليهم وقال لهم أخوي هي مو سالفة 200 فلس ...بس ليش تستغفلونا ....إذا نبي نعطي فمن طيبنا مو غصب ...قالوا له مايصير خاطرك إلا طيب بنرجع لك فلوسك ...وليومكم هذا ماشفنا ال 200 فلس ...وقلنا حق أختي مرة ثانية إذا طلبتي نقصي من قيمة فاتورتهم 200 فلس ...خل يتأدبون !!


من باجر أنا مع عايلتي وهالمرة في بيتي مو بيت أهلي .....طلبنا من مطعم غدا ولما ردوا لنا باجي الفلوس كانوا ناقصين 150 فلس ( شفتوا شلون يعني مو مطعم واحد .......!!!!!!!! الظاهر كل السواق متفقين ) :eh_s(14)::eh_s(14):


عاد تذكرت أختي وعصبت ومسكت عليهم التلفون ...وأشرشحهم وقلت لهم عيب بصراحة لازم تردون لنا ال 150 فلس ونفس الكلام قلت لهم إذا نبي نعطي فمن طيبنا مو غصب ...وقلت لهم أنا ماني راضية تاخذونها وحرام في بطنكم خخخخخ

وطيب خاطري المدير وقال لي حقك محفوز وهنتصل بالسايق يرد لك فلوسك

مر اليوم كله ولايابوا الفلوس .....من باجر ماخليتهم قلت والله ماأسكت ولاأخليهم يتهنون فيها ورديت طلبت المدير ...وقلت له للحين مايت ال150 فلس ...؟؟قال إن شاء الله ابشري بالخير ...هنقيب لك ال150 فلس بتاعتك ....قلت له يعني أنا لو مو داقه جان طنشتوني ومايبتوها لي ...ويمكن غيري سوا فيهم سايقكم جذي بس استحوا يدقون ....قال اطمني ...كل قلوسك حترقعلك ....قلت أنا ناطرة ......

ومر اليوم كله وطنشوا ماردوا لي فلوسي :eh_s(14):

وفي اليوم الثالث كنت بأطلع مع زوجي وقبل لاأطلع بغيت أدق جان يقول لي زوجي خل يولون على 150 فلس قلت أبد والله ماأخلي حقي .....واتصلت فيهم وقلت لهم ترا هذا ثالث يوم أدق والظاهر ماراح تييبون فلوسي ...قال لي خلاص ياافندم السايق طالع لحد عندك يقيب لك فلوسك .....أووووف يالله اطمنت ....ولما رجعت سألت عيالي : يابوا الفلوس قالوا: ايه يابوها
قلت عالم ماتختشيش ماتقيش إلا بالعين الحمرا :dddds: ....شنو ناطرين أحد من منطقتنا يطلب من عندهم يالله ييبون الفلوس !!!!



عاد هالعيد من يومين بنتي طلبت من مطعم وجبات سريعة ونفس الشي تكررت السالفة ماردوا لها 100 فلس

قلت والله ماأسكت لهم ياأنا ياهم ( طبعا هذا مطعم ثالث غير الأثنين السابقين ) بس مثل ماقلت لكم السواق متفقين يحطون لهم معاش ثاني على قفاي وقفاكم

واتصل فيهم ...ونفس الموال ......أول يوم طناش ...
ثاني يوم طناش ....وقلت إذا مايابوا ال100 فلس راح أطلب منهم وانقص من فاتورتهم 100 فلس ...العين بالعين والبادي أظلم

واتصل باليوم الثالث ماأخليهم ....وأقول حق المدير أنا صار لي ثلاث أيام أدق عشان ال100 فلس مالتي ....يرد علي بكل وقاحة انتي متصلة تلات أيام عشان ال100 فلس !!!!

قلت له إن شاء الله 10 فلوس مايضيع حق وراه مطالب....ردوا لي فلوسي ....قال إن شاء الله حنرقع هم ....قلت له انتوا ناطرين أحد يتصل فيكم ....يعني جم 100 فلس يمعتوا من ورا الناس ...هذا يفتح مطعم ثاني ....

المهم أخيرا رجعوا لي ال100 فلس ....يعني شفتوا بنات ..لما قعدت أحن عليهم ردوا لي فلوسي أما أختي المسكينة دقت مرة وحدة وعقبها مااتصلت ماأدري استحت أو مالها خلق !!!!

ولاتقولون عني بخيلة ....والله أكرم مني مافيه ....بس ماأحب أحد يستغفلني أو يستعبطني !!!!!


المهم : لابد أذكر لكم أسماء المطاعم عشان تنتبهون
محل الحلويات اللي طلبت أختي منه : محل بترا للحلويات

المطعم اللي طلبنا الغدا منه : مطعم فريج صويلح

مطعم الوجبات السريعة : مطعم دومينيز بيتزا


وطبعا هذا مو تشهير بالمطاعم لكن تحذير من سواقهم

من جذي لابد نضع حد حق هالظاهرة ونتعاون كلنا في محاربتها لأن الكل يستغل طيبتنا وكرمنا وان احنا نستحي نسترجع الفلوس قليلة أو بسيطة القيمة

فساعدوني خواتي على محاربتها والوقوف ضد كل من يفكر يستهبلنا أو يستعبطنا

ياجماعة حرام قطع الارزاق وذكر الاسم وشنو ال100 فلس امام الاشهار بسمعة الناس

 

[to0ota]

اي والله صدقتي
على قوله دكتوور المحاسبه محد مطيح حظ عملتنا غيرنا
فلوسنا مو مقطوطه بالشارع
المفروض ما نتساهل حتى ب5 فلووس

ميرسيي خيتووو

 

[دعاء النجار]

ياجماعة حرام والله حرام جذى اشهار برزقة الناس يااااااااااالله

 

[جوك احلى جو]

اي لازم اذا من ربع يا افندم لازم مايطلع نفسه غلطان هم بايق ومستغفل ويتطنز قطيعه

ياشين الاستغفال

 

[أسيـل الجـــرح]

مشكوره على التنبيه بس تصدقين لو اهما يطالبونج حتى لو 50 فلس يطلعونها من جبودنا

 

[رايقة1980]

حبيباتي موسالفة 50 فلس والا 20 فلس

السالفة انهم يستغفلونا

ولاتخلون المطاعم يستغلون فوق هالاستغلال

كم مرة اطلب من مطعم اما الفلوس ناقصة او الطلب ناقص

واتصل واسوي لهم سالفة واقول لهم اخذوا طلبكم وابي فلوسي كاملة











دعوة لكم يابنات وهذا المنتدى يشمل كل الكويتيات ومافيه كويتية ماتدخله


تكااااتفوااااااااا


مو بس المطاعم اي شي يضايقنا ... لازم نوقف وقفة جاااااااااااادة وحااااااااااااازمة

 

[قهوة عربية]

صاجة وايد صارت فيني

المشكله نقول ما تسوى على 100 فلس :eh_s(1):

صح ...كلامج عدل ...كله نقول بقلبنا ماتسوى ال100 فلس أو 200 فلس

لكن عندهم تسوى ....مفروض نوقف لهم وقفة سنعة ونمنع الاستغلال

تسلمين ياحبيبتي على المشاركة وحياج الله

 

[قهوة عربية]

انا اتفق معاج قهوه عربيه
السالفه مو سالفة جعاصه وبخل لا السالفه انهم قاعدين يكسبون رزقهم عن طريق الاستغفال وهذا حرام وانتم بهالطريقه قاعدين اتعينونهم على المنكر

صاجة ياعمري ....عمرنا احنا ياالكويتيين ماكنا بخلة أو جعصين ...ايدنا كله فلتانة ...واللي بجيبنا مو لنا

بس ليش يشوفون هالنظرة ....ليش يستغفلونا ويستغلون حياءنا وفشيلتنا ...!!

لابد نصير أقوى ..ونغير نظرتهم لنا ......والكلمة اللي تستحي منها بدها

حياج ياقلبي على المشاركة

 

[قهوة عربية]

ماشالله عليج تعجبيني برودج حتى لللي مو عاجبه الموضع
بس صراحة كلامج عدل انا اول كنت اطنش بس عقب ما حطيتلي حصاله حديد بداري قلت حصالتي اولى اي مو خاطري ليش يستغفلوني
على الاقل حصالتي ما تستغفلي واخير شي بعد عمري تعطيني كل خردتها

ايه ياعمري ....بيتنا أولى ....وعيالنا أولى .....ونفسنا أولى

ليش بلاعين البيزة نعطيهم مجال يبوقنا .....!!

تسلمين ياعمري ....وإن شاء الله تنترس حصالتج بالملايين آميين

 

[قهوة عربية]

صاجة والله الفلوس ما تهمنا بس اكره ما علي الاستغفال

اعطيك من طيبي وبخاطري مو غصب مو بخل بس هذا حق

اهم لو ينقص منهم خمسين فلس ما يتحرك من الباب لين ياخذها

شفتي شلون ...والله لو فلوسهم ناشبونا فيها وطلعوا روحنا .....

عيل ليش مانكون مثلهم ....بعدين هم مااستحوا ....ليش احنا نستحي وهو حقنا

والله لو كل واحد يناشبهم ويجبرهم يردون فلوسه حتى لو بسيطة جان ماتجرأوا علينا بهالجرأة ...بوق عيني عينك


حياج الله حبيبتي ومشكورة على ابداء رايج

 

[music_teacher88]

واااااااااايد يستعبطووووون بالساااااااااااااااالفه جم مره اعطي الكاشير10 بالجمعيه يكون حسابي مثلا دينارين يردلي 3
وانا مرات والله اكون لاهيه ولا مو ببالي
بعدين انتبه اقوله ليش 3؟
يقولي شوفي الفاتوره حسابج دينارين !!
قلتله عطيتك 10
يقوول آآه مخدش بالي كنت فاكر انك اديتيني 5


اي شي!!!
كله بجيبهم

 

[lojeeen]

يا حبيبتي مو بس هل مطاعم إلا كللللللللللللل المطاعم ساعات ربع دينار يقول ماماعيش فاكاه و سيده ينحاش ما يردهم
و لما ينقص عليه خمسين فلس من الطلب تشوفينه مرتززززززززززززززز عند الباب ما يوخر و يتخانقق و يصارخ لما نعطيه ربع دينار و نقوله فارج بس ما نبي فكه الله ياخذك ههههههههههههه

بس شكلي صج من اليوم و رايح بسوي مثلج بذلهم على العشرين فلس لو ما ردوها لي لأن جد اهو باليوم الواحد يدور على ألف بيت ياخذ منهم الفكه و يطلع له عشر معاشات بدال معاش واحد

 

[قهوة عربية]

انا فاهمتج
السالفة مو سالفة بخل
يعني لو قايل لكم ممكن آخذ بقية الفلوس
مستحيل تقولون لأ
بس هذا اخذها بالغصب
ودايما تصير فينا بقت 100 ولا 50 مايردونها
بس انا احش فيهم شوي وبعدين اطنش
ماادق اهاوش
مااحب عوار الراس
على فكرة السواويق اللي ياخذون باقي الخردة
مايقولون عنا طيبين احس بنظرهم مقصة
وهذا اللي يغث بالموضوع

والله هالجنسيات استربحوا منا ....ومن ديرتنا

وياريت يحبونا أو يحبون ديرتنا ....:0bee2e8d89:

هالديرة كنز عندهم ....كثر ماتقدر اغرف منها وانحش

كل من يبوقنا .....واحنا والله مانبي الأذية والطوالة

وكله نحشم روحنا ولانحب الأذية لهم

تسلمين ياعمري ....ومشكورة على ابداء الرأي

 

[dr.tota]

و الله زين سويتي فيهم يعنيه انا احتريت عفيه عليج وهذا مو بخل بواقه اشكره عيني عينك هاذا مو بخل هاذا حقج حبيبتي لو كل مره بتطلبين بنقصون منج 100 150 وباجر يصيرون نص دينار وبالسنه شوفي جم يطلعون فلوس منج ومنا بواوقه

 

[dr.tota]

وعلى فكره 150 فلس تشترين فيهم 5 خبزات ايرانيه والسادسه مسمسمه ولا وباجي 10 فلووس بعد

 

[قهوة عربية]

السلام عليكم
يعطيج العافيه حبيبتي

بخصوص هالموضوع انا اكثر وحده ياخذون خردتها مع اني ولله الحمد اعطي مااقصررر بس مادري ليش نفس البني ادم دنيه لاحول ولاقوة الا بالله

اليوم صار معاي جذي مريت احدى الكافيهااات المشهوره بالديره شريتلي كابتشينو حسابي طلع دينار و400فلس انا عطيته دينارين الأخ ردلي بس نص يعني المبلغ ناقص 100 فلس انا انتبهت بس قلت مابي اسوي سالفه على 100 فلس وبطوفها هالمره وبعتبرها دفعة بلاا بس اذا تكررت السالفه مره ثانيه مش هسكت ابدا شنو حتى احنا تعبانين بفلوسنا نقعد من صباح الله خير ونكرف لي الظهررر مو يايينا من السما

الله المستعان

ومشكوره حبوبه على التنبيه

تحياتي

يابعد عمري .....هم شنو سياستهم ..... يعطونج المبلغ ناقص( شي بسيط عشان ماتفطنين عليهم ) ....إذا ماانتبهتي أو انتبهتي بس استحيت تطالبين بباجي فلوسج ...خلاص صارت سبيل ويبلعها ببطنه ( زقوم إن شاء الله ) وتصير حقه

أما إذا انتبهتي أو طالبتي بحقج يردونها لج فورا ....يعني يبون الغفلة أو الحياء منج

وشفتي انتي انتبهتي..... لكن استحيتي تطالبين فيها لأنها 100 فلس وقلتي ماتسوى أطالب فيها وهذا اللي يبونه


لكن لابد نوقف لهم بالمرصاد ...ونبين لهم ان الكويتيين تغيروا ومنتبهين لكم ....يابواقين يانصابين ...لي متى وانتوا تبوقونا ....ماشبعتوا بوووووووووق !!!!!:eh_s(14):


حياج الله قلبي وتسلمين على المشاركة

 

[dr.tota]

عجبتني زقووم هاذي لووول