ديروا بالكم وعدوا فلوسكم عدل !!!!!!

[دنيا رديه]

الله يسلمج بعد قلبي والله تصدقين انا الحين قمت اخذ حتى الخمسين فلس ويااااااكرهي اذا شفتيه عطاج الردود ودعس ايده بمخباته يسوي روحه بيصيد الخرده عشان تقوليله خلاص خلهم لك بس اللي شكله يكسر خاطري اعطيه اللي احس صج فقير

:dddds::dddds::dddds::dddds::dddds:

صج صج ضحكتيني بالسالفه هذي:dddds::dddds:
اي والله يغث لاسواا الحركه هذي واهي صج مو سالفت 100 فلس حلوه لاطلعت فلووسج وانتي راضيه عن اللي تبين تعطيينه مو يستغلج

 

[قهوة عربية]

يا حبيبتي مو بس هل مطاعم إلا كللللللللللللل المطاعم ساعات ربع دينار يقول ماماعيش فاكاه و سيده ينحاش ما يردهم
و لما ينقص عليه خمسين فلس من الطلب تشوفينه مرتززززززززززززززز عند الباب ما يوخر و يتخانقق و يصارخ لما نعطيه ربع دينار و نقوله فارج بس ما نبي فكه الله ياخذك ههههههههههههه

بس شكلي صج من اليوم و رايح بسوي مثلج بذلهم على العشرين فلس لو ما ردوها لي لأن جد اهو باليوم الواحد يدور على ألف بيت ياخذ منهم الفكه و يطلع له عشر معاشات بدال معاش واحد

صاجه ...حقهم ياخذونه ناشف ومايضيعونه أبدااااا

أنا مرة راعي البيبسي وقف عند بيتنا ...ويقولي لي يامدام والله حينخرب بيتي ....رحت أوصل سحارة البيبسي لجيرانكو ...رقعت لئيت سحارتين مفئودين .....ودلوءتي حيخصموهم من معاشي ....كسر خاطري والله وقلت شذنبه ....حرام !!!

والله ماحققت معاه أو قلت له انت جذاب أو مالي شغل فيك ....سيدا طلعت له حق السحارتين وعطيته .....عاد هو وذمته كيفه

يعني مارضى يرجع الشركة وينخصم منه ....أول وحدة طلب منه ....وإذا أنا ماعطيته غيري بيعطيه ( مو قلت لكم كويتيين طيبيين )

الله يعطينا على قد نيتنا


وسالفة ال20 فلس مافيها مذلة لهم ...هذا حقنا ولازم يتعلمون يردون لنا حقنا حتى لو فلس

 

[بنت حلال]

ايهي بس مطاعم وسواويق...الظاهر منتشرة باغلب المحلات...حتى البانزين....تخيلوا مرة كنت اعبي سيارتي عند محطه مافيها كاشير بس هنود...وانا طاله فول....جان يقول ماما 11ونص....الله واكبر عليك...لو ما اعرف ان سيارتي تتعبى فول بس ب10ونص...هذا زايد دينار..الا اعطيه الفلوس...واطل واشوف العداد....مسكين تخسبق...ماما انا ما شفت...قلتله الباجي يا الله خلصني

 

[قهوة عربية]

و الله زين سويتي فيهم يعنيه انا احتريت عفيه عليج وهذا مو بخل بواقه اشكره عيني عينك هاذا مو بخل هاذا حقج حبيبتي لو كل مره بتطلبين بنقصون منج 100 150 وباجر يصيرون نص دينار وبالسنه شوفي جم يطلعون فلوس منج ومنا بواوقه

اي والله ليش نسكت لهم ....خل يجربون نروح نشتري من أحد فيهم شغلة يطلع عينج إذا بتكاسرين على دينار أو دينارين
وربج واحد ماينزل ولا فلس ....مع انه ربحان بالبيعة فوق ال 100%.....لكن الطمع والجشع ...أعوذ بالله

أما إذا كان حقج ...يماطل بالسالفة ليما تكرهينها وتعافينها وتقولين شاللي بالحنة خل أشتري راحتي

لكن أنا لهم وأبي عوار الراس أهم شي مايستعبطوني وهذا تنبيه وتحذير لهم ماراح أسكت عن حقي أبد .......

 

[قهوة عربية]

وعلى فكره 150 فلس تشترين فيهم 5 خبزات ايرانيه والسادسه مسمسمه ولا وباجي 10 فلووس بعد

شفتي ..!! ...هذا لقمة عيالي ولقمة بيتي...واحنا أولى فيها

وخل يقولون عني جعصة ...خل يقولون عني بخيلة ....خل يقولون عني ميتة على الفلوس ....ماهموني .....

أصلا هم مايعرفوني ....ولايعرفون أخلاقي وكرمي ...يعني ماراح أتأثر ....ولا أهتم

ويقولون عني بخيلة ولايقولون عني عبيطة :eh_s(14):

 

[قهوة عربية]

صارت معاي مع مطعم فريج صويلح والله

مرتين بعد مو مره وحده بس طوفتها لهم

بس مو كل مره نطوف

100 على 100 يصيرون مليون <<<<< ياريت ههههههه

وعلى قولتج الحمدلله موعايزنا فلوس

مره تهاوشت مع سوري قص علي واستغفلني ب 400 فلس بسيتي سنتر

اخذتهم من جبده وعطيتهم هندي حمالي يمي

جدام عيونه

اي والله ياوخيتي كل الجنسيات هئ هئ .....الله يسامحهم

وعفيه عليج عجبتيني والله يوم انج عطيتي ال400 فلس للحمالي ...والله مرة وبنت أبوج ...

حريمتهم ...ياخذون شي مو لهم ...بكيفنا نعطي ....

مشكورة ياحبي على المشاركة ...وخلكم جذي يابنات الكويت فدعات شقرديات

 

[قهوة عربية]

شكرا

العفو ياحبي وحياج الله

 

[قهوة عربية]

أنا مره صارت مع هارديز ..

دقيت عليهم شخلتهم شخال ..على ميتين فلس . و أخرتها .. تعرفون شطلعت السالفه ؟؟


طلعت الخدامه الجلبه لافتهم ... ومعطيه الوجبه .. حق الخدامه الثانيه توصلها لي . والثاني جديده وهبله ما تعرف عربي ..
أقولها وين فلوس تقولين .. نهي .. نهي .. فلوس .. نهي .. قلت .. نهي .. أوريج فيهم .. عبالي ما رجعو الباقي ..

وأدق أشخلهم تالي .. جتني .. قالت .. إيه ميتين .. فلس .. عندي نسيت أعطيج إياهم ..لا والله ؟؟ أشوف ما نسيتي تعطيني الوجبه بعد ؟؟ <<< إهي لها سوابق بوق ..


بس تفشلت فشله لا صارت و إلأا إستوت .. وماراح أتعودهاها لو يبوقوني دينار .. ههههههههههههه


دق السايق وكلمني.. وقالي أنا عطيتكم إفلوسكم .. و أنا ما أخذ شيء مو لي .. ومن هالحجي .. بغيت أقوله .. أعطيك دينارين لك.. إنت خوش رجال ههههههه .. أبيه يسكت .. .ههههههههههه

والمدير معصب .. ويقولي مستحيل يا فندم .. أنا حشيك .. خخخخخخخ و أرجعلك الميتين بتوعك .. <<< خوش مدير. .

خخخخخخخ ضحكتيني والله

بس عجبتيني أهم شي ماسكتي عن حقج ...ودقيتي عليهم ...يعني احنا نبي المبادرة منكم ياكويتيات ...مانبي نستحي ونسكت عن حقنا

وعجبتيني أكثر يوم اتصلتي تعتذرين لهم بعد مااكتشف غلطتج ....يعني الحمد لله احنا حقانييين ونحط الغلط على روحنا ومانستحي لو اكتشفنا ان احنا غلطانين و نعترف بخطأنا ونرد الحق إذا مو لنا


مشكورة ياعمري وتسلمين على المشاركة الحلوة

 

[قهوة عربية]

صح والله ان تصيرلي هالشغلة دايم

لا وينقصون بالطلب

احلى شي مرة طلبت فطاير من المطعم

يوم فتحت الطلب والقى نص فطيرة

وادق عليهم شنو هذا نص فطيرة جان ما حطيتوها اصلا احسن

جان اختي تضحك وتقولي حرااام يمكن السايق جاع واكل نصها

:dddds::dddds:
حراااااام يمكن صج يوعان .....

هذه سالفة ثانية بعد ييبون الطلب ناقص ....أو غير اللي طلبتيه

تسلمين ياحلوة على المشاركة الحلوة

 

[قهوة عربية]

اي صاجة اشكثر اتصير وعادي انطوف

اي والله واااايد نطوف .....ووايد نمشي

بس مرة ثانية لاتطوفين وكوني واعية لهم .....

حياج حبيبتي ...ويعطيج العافية على المشاركة

 

[قهوة عربية]

اللي تقول .. إشهار .. البنت ما قطعت رزقهم .. إألي تحب اكلهم و تطلب منهم دايم .. ماراح تقاطعهم عشان .. والله شفطو مية فلس..


بس راح تتأكد من الفلوس لما يرجعونها .. الباقي. .


واللي تقول .. مية فلس .. خليها .. دفعة بلا .. أقولها مو محتاج و أهو جاي الكويت عارف جم معاشه .. محد قص عليه ..


ولو تحبين واحد يقول .. ورى ضهرج .. إنج مغفله و هبله .. كيفج .. بس إحنا ما نرضى أحد يقولها .. من ورى ضهري ..


وري .. محد قالي شفتها بعيوني .. بالمدرسه بنت وزعت على هنديه عندنا فلوس يمكن 5 دنانير ..

ما أدري .. دفعة بلا أمها قثايلتها توزع أو شغله يمكن جذي. . ما سألت ..

وإلا أشوف الفراشه بالمدرسه مستانسه وماسكتهم .. وتروح البنت و أشوفالفراشه تكلم . وحده ثانيه و شوي إلا الثانيه رايحه تركض للبنت تكلمها ..

وإلا أمسك الفراشه أقولها .. شالسالفه .. وإلا تقولي هذي مجنون يعطي خمسه ؟؟



لا .. لتغافلنا .. لا لإستعباطنا .. لا لإستسغار عقولنا ..

بنعطي .. نعطي بكيفنا ..


والحمدالله زكاتنا نعطيها . قبل موعدها.. بعد ..والفلوس نعطيها للمحتاج .. اللي إحنا .. نشوفه ..


مو أحد يجي ياخذهم منا غصب ..

:eh_s(14)::eh_s(14)::eh_s(14):
حريتيني والله .....ليش يقولون عن البنت جذي ...!!!!!!!!!!!!!
أنا لو من أمها أقرب لجنة خيرية أعطيهم ....مو أخلي بايد بنت صغيرة فلوس توزعها ....يمكن ينباقون منها أو تضيعهم
إن شاء الله يزيدها ربي ويعطيها على قد نيتها

تسلمين ياعمري على التفاعل

 

[قهوة عربية]

اهى يات على سواق المطاعم وبس !! شوفى الهنود اللى بالبانزين ياكلون على بالدينار والدينار ونص
عساه زقوم ببطنهم

أنا الحمد لله سيارتي تترس 5 دنانير بالكامل ....ساعات توصل 800و4 أو 900و4 ....أنا أقول له كملها 5 دنانير

فأكون فاطنة شكثر عطيته نوط بو خمسة أو عشرة ....فما يستغفلني الحمد لله

هم من عقب ماخلوا الفلوس يستلمها البنغالي اللي بالبنزين مو الكاشير الكويتي وهم لاعبين لعب فينا !!!!!!!

بصراحة حرصوا يابنات وعدوا فلوسكم من كل وافد

تسلمين ياعمري ...وإن شاء الله محد يستغفلج أبد

 

[Anwaar]

مشكورة على التنبيه

 

[قهوة عربية]

مشكوره..

العفو ياعمري وحياج الله

 

[قهوة عربية]

:dddds::dddds::dddds::dddds::dddds:

صج صج ضحكتيني بالسالفه هذي:dddds::dddds:
اي والله يغث لاسواا الحركه هذي واهي صج مو سالفت 100 فلس حلوه لاطلعت فلووسج وانتي راضيه عن اللي تبين تعطيينه مو يستغلج

اي ياوخيتي ...مايت على 100 فلس أو 200 فلس

أنا ساعات والله يكونون شكثر ببوكي من هالخردة ....وأتضايق منهم لأنهم يترسون البوك ويورم منهم ......أروح أفرغهم أو أعطيهم أقرب حمالي أو حتي اللي يبيع دلاغات بالجمعية وماآخذ منه شي


تسلمين ياحبيبتي على المشاركة

 

[قهوة عربية]

ايهي بس مطاعم وسواويق...الظاهر منتشرة باغلب المحلات...حتى البانزين....تخيلوا مرة كنت اعبي سيارتي عند محطه مافيها كاشير بس هنود...وانا طاله فول....جان يقول ماما 11ونص....الله واكبر عليك...لو ما اعرف ان سيارتي تتعبى فول بس ب10ونص...هذا زايد دينار..الا اعطيه الفلوس...واطل واشوف العداد....مسكين تخسبق...ماما انا ما شفت...قلتله الباجي يا الله خلصني

عفيه عليج أم قليب ....وهالجذاب الهندي مع ويهه ....اصلا يفرق الصفر من الواحد ...فرق شاسع ...شلون يبي يقص عليج

جذي البنات اللي يعجبوني واعين مفتحين ...مو مدمغين

بارك الله فيج وتسلمين على المشاركة

 

[قهوة عربية]

مشكورة على التنبيه

العفو ياقلبي ...وكله انتبهوا وكونوا واعيين ...لاتخلون أحد يستغل طيبتكم

حياج عمري ومشكورة على المشاركة

 

[أمانيQ8]

شقحت من موضوع صدام وييتج لوووووول
والله شوفي مايت على سواق المطاعم حتى البنانزين ساعات يغشني بالرد بنص ولا دينار
وعلى المطاعم رتا وووووايد صارت واسكت شسوي ذاك الاسبوع خذا ربع زياده قلت حق الخدامه تقول ماعطاني

 

[قهوة عربية]

شقحت من موضوع صدام وييتج لوووووول
والله شوفي مايت على سواق المطاعم حتى البنانزين ساعات يغشني بالرد بنص ولا دينار
وعلى المطاعم رتا وووووايد صارت واسكت شسوي ذاك الاسبوع خذا ربع زياده قلت حق الخدامه تقول ماعطاني

نورتي الموضوع ياأماني ....

ياقلبي انتبهوا لراعي البنزين ....كل البنات اتفقوا ان أغلبهم يغشون في رد الفلوس ....أي مكان بعد ماذكرناه !!!!:eh_s(14):

عين قوية ....يسوون روحهم مساكين ....

وتعالي ....ليش تسكتين على الربع ؟؟؟....ليش مااتصلتي بالمطعم ....اتصلي خل يردون فلوسج

وإذا ماردوا عليج أو طنشوج ...تدرين مرة ثانية إذا طلبتي منهم عطيهم فلوسهم ناقصة ربع ...وقولي لهم ذاك الأسبوع طلبت ومارديتوا لي ربعي ...وحدة بوحدة

تسلمين حبيبتي على المشاركة

 

[NoNoFeTa]

انا سووها فيني برجر كينج خخخخخخخخخخخخخخخ طلبت وجبه بدينار ونص حطلي بس قرطي فيه اربع بطاطات
والفاتوره مكتوب فيها شبس وبيبسي بس !! ويسوي روحه غلطان عشان يبوقون المطعمممم لان احنا مانجيك عالفاتوره والسالفه صارت بكذا وحده اعرفها من مطعم برجر القصور