ديروا بالكم وعدوا فلوسكم عدل !!!!!!

[قهوة عربية]

الله يسلمج بعد قلبي والله تصدقين انا الحين قمت اخذ حتى الخمسين فلس ويااااااكرهي اذا شفتيه عطاج الردود ودعس ايده بمخباته يسوي روحه بيصيد الخرده عشان تقوليله خلاص خلهم لك بس اللي شكله يكسر خاطري اعطيه اللي احس صج فقير

هذا احنا ياالكويتيين ينكسر خاطرنا بسرعة ونحب نعطي ووايد كرماء والحمد لله هذا طبع فينا يعني مو تمثيل

بس مثل ماقلت بخاطرنا وبكيفنا وبمزاجنا مو بالاستغفال

حياج الله حبيبتي

 

[فاتن 84]

فعلا السالفه هاذي دائما تصير معاي بس اطنش
بس المره الجايه ماخليهم والله_03ba:

 

[قهوة عربية]

اي ولله انا ملاحظه موبس هالمطاعم وااايد والبانزين العن والعن يقولج ماما مافي خرده يعني يبي يلهط 500 فلس فبطنه نغزات

بكل مكان ياحبيبتي ....الكويتي عندهم عنده جليب فلوس ببيته وهم يقولون طول مااحنا بالكويت لازم نستغل طيبة وكرم الكويتيين

بس حنوطهم ....لازم نأدبهم ويعرفون ان الكويتي واعي ومو خبل وهو كاشفهم وكاشف ألاعيبهم

تسلمين ياحبيبتي على المشاركة والإضافة

 

[قهوة عربية]

فعلا السالفه هاذي دائما تصير معاي بس اطنش
بس المره الجايه ماخليهم والله_03ba:

عفيه عليج بنت ديرتي ....هذا الوعي المطلوب _03ba:

مشكورة ياقلبي وحياج الله

 

[بحر الرمال]

عشان جذيه و عشان تفكيم روحج عطيه المبلغ بالضبط بدون مايرد لج اي شي

 

[قهوة عربية]

يبه عادي واذا اخذوا 100 ؟ عليهم بالعافيه

ادري قصدج يستغفلونه ,, بس ماتسوى ^^

مره خدامتنا شسوت بالسايق مال المطعم الا يرد الخمسين مادري اميه ,, قتلها عادي
خلي ياخذ ويروح ,, وراحت دورت عندها خرده وعطته وخلته غصب عنه ايرد ربع لوول
الجعصه واخر شي يت اتطالبني بالخمسين العن خيرها وانا ماعندي خرده ,, قتلها بعدين ..
وثاني يوم يت رزت عمرها عندي يوم شافت عندي خرده تطالبني بالخمسين لوووووووول



يالله سلاااااام ^^

​

ياقلبي ...بالعكس ماراح يتهنى فيها لأنه أخذها بالحرام ...لما يكون من طيبي وكرمي ....الله بيبارك له فيها
لكن مو حلو الاستغفال وكل من يقص علينا عبالهم احنا مقصة ....لازم نعلمهم ان احنا واعين وسوالفهم هذه ماتطوف علينا


وشفتي خدامتج شلون طالبت بحقها ....لأن عارفة انها على حق وفلوسها هذه هي تعبت وشقت فيهم

حتى احنا ياالكويتيين محد طق علينا الباب وقال تفضلوا هذه فلوس لكم ...احنا بعد تعبنا فيها ...

تسلمين ياقلبي على المشاركة

 

[قهوة عربية]

عشان جذيه و عشان تفكيم روحج عطيه المبلغ بالضبط بدون مايرد لج اي شي

بس ساعات مايكون عندج خرده بالبيت ...بعد شتسوين ....تضطرين تعطينه نوط بو خمسة أو عشرة ...

الظاهر بخرد للمطاعم نفس ماأخرد حق عيالي للمدرسة :ggdw:

مشكورة عمري على المشاركة وتسلمين ياقلبي

 

[مــلائكيه]

ياقلبي ...بالعكس ماراح يتهنى فيها لأنه أخذها بالحرام ...لما يكون من طيبي وكرمي ....الله بيبارك له فيها
لكن مو حلو الاستغفال وكل من يقص علينا عبالهم احنا مقصة ....لازم نعلمهم ان احنا واعين وسوالفهم هذه ماتطوف علينا


وشفتي خدامتج شلون طالبت بحقها ....لأن عارفة انها على حق وفلوسها هذه هي تعبت وشقت فيهم

حتى احنا ياالكويتيين محد طق علينا الباب وقال تفضلوا هذه فلوس لكم ...احنا بعد تعبنا فيها ...

تسلمين ياقلبي على المشاركة

ولــو ^^

عجبني ردج ,, وشكرا لانج تقبلتي مروري ^^



​

 

[قهوة عربية]

ولــو ^^

عجبني ردج ,, وشكرا لانج تقبلتي مروري ^^

​

فديتج والله ....حياج الله ياقلبي .....كلج ذوق

 

[لحظة شوق]

قهوة حبيبتي مشكورة على التنبيه
انتي ياحيج سايق مطعم احنا سايق بيتنا نصاب اعطيه دينار يشتريلي مجلة بنص ماكل الباجي ومرة عطيته ربع يشتريلي جريدة 100 مارد شي انا جكيت قلت لامي تقول حرام الظلم شين يابنتي وتكررت السالفة مع مرت اخوي عاد انا عند ويهج ماسكت قلت بوصية وشوفو عطيته دينار قتله اشتريلي علج بوسهم 3:krkrkr: ورب الكعبة بس رد 200 وعقب دقيت علية قلت راجو انت اي فرع يشتري بابا بيروح يسوي جنجان كلوة جداب مايرجع فلوس ورب الكعبه قالي في في فلوس تحت كشن سيارة ومن عقب حرم يبوق ههههههه:krkrkr::krkrkr::krkrkr:

 

[قهوة عربية]

قهوة حبيبتي مشكورة على التنبيه
انتي ياحيج سايق مطعم احنا سايق بيتنا نصاب اعطيه دينار يشتريلي مجلة بنص ماكل الباجي ومرة عطيته ربع يشتريلي جريدة 100 مارد شي انا جكيت قلت لامي تقول حرام الظلم شين يابنتي وتكررت السالفة مع مرت اخوي عاد انا عند ويهج ماسكت قلت بوصية وشوفو عطيته دينار قتله اشتريلي علج بوسهم 3:krkrkr: ورب الكعبة بس رد 200 وعقب دقيت علية قلت راجو انت اي فرع يشتري بابا بيروح يسوي جنجان كلوة جداب مايرجع فلوس ورب الكعبه قالي في في فلوس تحت كشن سيارة ومن عقب حرم يبوق ههههههه:krkrkr::krkrkr::krkrkr:

عاد هني المصيبة اللي يكون ماكل شارب من خيرج ..يستغفلج و يبوقج ....عاد هذا صج اللي يحر :eh_s(14):

لاتسكتون له ...كله حاسبوه أول بأول ...وإن شاء الله توصل ييب لكم فاتورة من البقالة ...

وبينوا له انكم فاهمين دوابيره ...وان بكيفكم مطوفين له ....ولايتعلم ياكل عليكم فلوسكم ....:eh_s(13):

تسلمين عمري على المشاركة ....والله يبدل سايقكم بسايق أأمن منه ويخاف الله ويصون النعمة

 

[^^دموع الكويت^^]

صاجة وايد صارت فيني

المشكله نقول ما تسوى على 100 فلس :eh_s(1):

 

[المقروده]

انا اتفق معاج قهوه عربيه
السالفه مو سالفة جعاصه وبخل لا السالفه انهم قاعدين يكسبون رزقهم عن طريق الاستغفال وهذا حرام وانتم بهالطريقه قاعدين اتعينونهم على المنكر

 

[كل الأسامي مأخوذة ليش؟]

ماشالله عليج تعجبيني برودج حتى لللي مو عاجبه الموضع
بس صراحة كلامج عدل انا اول كنت اطنش بس عقب ما حطيتلي حصاله حديد بداري قلت حصالتي اولى اي مو خاطري ليش يستغفلوني
على الاقل حصالتي ما تستغفلي واخير شي بعد عمري تعطيني كل خردتها

 

[miss-one]

صاجة والله الفلوس ما تهمنا بس اكره ما علي الاستغفال

اعطيك من طيبي وبخاطري مو غصب مو بخل بس هذا حق

اهم لو ينقص منهم خمسين فلس ما يتحرك من الباب لين ياخذها

 

[ناتشوو]

انا فاهمتج
السالفة مو سالفة بخل
يعني لو قايل لكم ممكن آخذ بقية الفلوس
مستحيل تقولون لأ
بس هذا اخذها بالغصب
ودايما تصير فينا بقت 100 ولا 50 مايردونها
بس انا احش فيهم شوي وبعدين اطنش
ماادق اهاوش
مااحب عوار الراس
على فكرة السواويق اللي ياخذون باقي الخردة
مايقولون عنا طيبين احس بنظرهم مقصة
وهذا اللي يغث بالموضوع

 

[إنسانه وأكثر]

السلام عليكم
يعطيج العافيه حبيبتي

بخصوص هالموضوع انا اكثر وحده ياخذون خردتها مع اني ولله الحمد اعطي مااقصررر بس مادري ليش نفس البني ادم دنيه لاحول ولاقوة الا بالله

اليوم صار معاي جذي مريت احدى الكافيهااات المشهوره بالديره شريتلي كابتشينو حسابي طلع دينار و400فلس انا عطيته دينارين الأخ ردلي بس نص يعني المبلغ ناقص 100 فلس انا انتبهت بس قلت مابي اسوي سالفه على 100 فلس وبطوفها هالمره وبعتبرها دفعة بلاا بس اذا تكررت السالفه مره ثانيه مش هسكت ابدا شنو حتى احنا تعبانين بفلوسنا نقعد من صباح الله خير ونكرف لي الظهررر مو يايينا من السما

الله المستعان

ومشكوره حبوبه على التنبيه

تحياتي

 

[ملح بدويه]

العيب من السواق

وفوق طيبتنا يقولون عننا اغبياء

 

[lala2]

انا معاك
صح السالفة مو سالفة 100 او 150 فلس ....
السالفة مبدا.. اذا بعطي اعطي من خاطري ...
مويستغفلوني ..... زين سويتي فيهم مشكورة على التنبيه...

 

[قهوة برية]

يابنتي اهي ع المطاعم الي ذكرتيها ..!!!

مطاعم الديرة كلها ولا ازيدج من الشعر بيت ..!!

هم بعض الجمعيات ومراكز التسوق تلطش الباجي ..!!!

وهذ حقج مافيها شئ والله اطالبهم حتى لو 50 فلس ..!!

ماحب احد يستغفلني وينصب علي ..!!
يا من كيفي يا لأ