ابي مساعدتكم... انا اتعس امراه بالعالم...

[لازوردي]

بس ودي اعرف ليش فكرتي اتكلمين شللي خلاج اتكلمين على ريلج ....... ليش ...... مافكرتي بعيالج و الله حتى لو زوجج مو زين اشلون تقدرين اتسوين جذي شنو كنتي اتفكرين او اتحسين لما قلتي بتكلمين .................

ياريت اتجاوبين على اسألتي لأني منقهره ومنصدمه من اللي سويتيه و الله ....

الله يهديج و يغفر لج


و اذا رجعتج لزوجج فيها خير له و لعياله انشالله ربي يجمع شملكم مره ثانيه ....​

 

[بنت عطا]

والله هالرجااااااااااال حرام ياخذج

تستااااااااااااااااهلين هذا جزاج <<<<انا اللي قريت القصه انقهرت اشلون اهو صج موكفووووووووو نعمه

اللهم لاشماته

 

[sondos]

تبين تتوبين؟؟

عقب شنو؟؟.................لا تعتبرين كلامى هجوم بس انا صج استغرب من اللى يرفسون النعمه بريووولهم ؟؟؟؟


ليش ؟؟؟؟؟؟؟؟؟؟

لو ماخذه واحد يصبحج بطراق ويمسييج بفلعه جان احترمتيه وحطيتيه على راسج؟؟


جان عالاقل احترمتى غربته ووقفته مع ابوة المريض .........حتى بالسفر غاااثته؟


الله يسامحج خربتى بيتج وحطمتى الرياال

 

[دموع الخطيئه]

cocholate90
و صابرين 29

انا ادري انه اللي خلاج تقولين عن قصتي خيال
لانج مو راضيه تقتنعين انه فيه ريال جذيه
او فيه احد يجازي الخير بشر جذيه
بس اقسملج برب العزه
والله على ما اقول شهيد
انه كل اللي فيها صج
حقيقه وواقع

وانا مالي مصلحه اجذب
انا داشه اهني ابي حل حق مشكلتي بس
ولو تسوين بحث على اسمي تشوفين اني مو مشاركه باي موضوع ثاني غير هذا

اشكركم كلكم والله نورتوني وايد بنصايحكم
واتمنى الكل يكون بخير

 

[صابرين29]

انا انصدمت بعد الحلف

 

[أم دميعه...]

ماكوا كلمه تعبر عاللي سويتيه بنفسج
روحي فرشي سيادتج وجابلي ربج وادعي عسى الله يغفرلج ويتوب عليج
وادعي عسى تلاقين حل حق مشكلتج
الله رحمته واسعه يمكن يتقبل توبتج
المشكله انه ماكو حل حق المصيبه اللي سويتيها كل شي بيد ريلج الحين

 

[دموع الخطيئه]

ياهم لي رب كبير

 

[ღلولي الحسآويهღ]

الله يهديج ويستر عليج

والله زوجج مايستاهل الي سويتيه فيه

 

[صابرين29]

اللة يهديج

 

[تكانه]

توبي لربج مو عشان زوجج اتوبين لااااا التوبه خالصه لوجه الله تعالي

توبي علشان الله يغفرلج والدنيا زائله وعندج عيالج وافتحي صفحه جديده

وادعي ربج ان الله غفور رحيم وهو القادر علي كل شي

 

[sweet.sweet]

برد عليج عقب بس ابي وقت استوعب تفاصيل قصتج لاني منصدمه منج حتى ولدي اكل كلينكس جدامي ما حسيت فيه

مثلج مو مستوعبه بس فديت ولدج ضحكت على الكلينكس هاهاها :klhfl:

 

[diamonds girl]

انا بعرف انتو ليش اتزيدووون نار حطب البنت حست بغلطها ومافي انسان معصوم من الغلط

وانتي يابنت ناس لاتسكتين وتملين بالعكس حاولي بدال المره الف ودعي ربج الله يهديه ويهديج
بس صدقي اذا اهو صج بيطلق جان طلق من زمان عقب مادرى بسوالف اللي كنتي اتسوينها بس شكله ريال للحين يبيج وانتي كلمي اهلج بس لا تقوليلهم عن الموضوع اللي صار بس قولي انا احبه وابيه ومابي يضعون اعيالي واطلق وانا تغيرت مو مثل قبل ودخلي اهلج بسالفه واذا مانفع مدام ريلج مؤمن دخلى حتى شيخ بالموضوع عل وعسى الله يهديه

بس حطي شي ابالج اللي الله كاتبه بيصير

 

[junabody1]

السلام عليكم...
يا أختي بصراحه ما أعتقد إنه بيرد لج... ولا تنتظرين ردته لج...
سامحيني لكن هذا الواقع لأن لو إنتي مسوي إهو فيح جذيه شنو كنتي بتسوين؟؟؟؟...

علشان جذيه أقولج إدعي ربج بقلب كله توبه صادقه إنه إذا ما إنقسم لكم تضلون مع بعض بالدنيا فبالآخره أبرك من كل شي فاني..

لكن مدام إنه بينكم عيال فيعني العلاقه بتظل بينكم وبالنسبه لي لو كنت آنا مسويه مثل ما إنتي مسويه كان بتكفيني هل علاقه البعيده واعيش لعيالي واغرس فيهم صفات إبوهم كلها ...
سامحيني لكن هذا الواقع
:ssssso:

 

[ام مضاوي]

متى بيرد الكويت؟؟؟؟؟؟؟؟


حاولي تفكرين وتدعين ربج هالفتره يفرج همج


ونطري على ردته روحي طيحي عنده وبوسي ريوله وخل يشوف نظرات التوبه والالم والندم


يمكن بعد هالفتره شوي يهدى تصير معجزه من رب العالمين ويسامحج

 

[ريــ ت ــاج]

لاحول ولاقوه الا بالله

لافات الفوت ماينفع الصوت

زوجج عاف والرجال لاعاف صعبه يرد اللي قبل

الله يعينج

 

[غــــرام]

وربي بنصحج نصيحه ماتنسينها لان انا شايفه نفس هالقصه
من غير زعل انتي مثل اختي
ابو طبيع ماأيوز عن طبعه وحلف القران جذب يهدم بيوووت وربي حفظج ماصارلج شي اكبر لانج مندفعه ورا مكالمات والنت
سمعي حبيبتي ريلج بيردج انشالله بس صدقيني اهو قاعد يعطيج درس الي بيطلق مايقول انا بطلق ولا يقعد يناقش ومن ردج الي عرفته انه فهمج غلطج انتي ام عيال يعني كبيره وقاعد تربين جيل وعندج زوج لله الحمد غيرج فاقد هالنعمه مو كل من غلط راح الحج يعني تاب وله كسب ثقة الاخرين لااا غلط انتي قعدي بينج وبين نفسج وشوفي من بعد ماسكرتي الاب توب وين راحو الشباب من بجا عليج من حبج ومن شتراج !!! للأسف محد كالهم جذابين مو دايم لج اله زوجج ابو عيالج .الريال امنج ع بيته وعيالكم وسافر المفروض تصيرين من وراه ريال مو تلعبين.
الي ابيه منج تعالجين نفسج بنفسج مو توبين عشان ماتبين تفقدين الحسنات الي بريلج لأ توبي عشان دينج وربج وعيالج والريال الي حبج ((زوجج)) سافريله ولا تدقين عليه ولا تطرشيله ع اليميل سويله مفاجئه وسافري ترا الأنسان الي يغلط لازم يواجه ويتحمل وارضي بإي شي يقسمه ربي وصلي وابجي بصلاتج وادعي ربج وكثري الاستغفار والله يوفقج ويصلح امورج يااااااااااارب ونبي نسمع عنج اخبار حلوه يارب

 

[no0ora]

تدرين اذا تطلقتي شبتسويين!!
انتي وينتي متزوجة ماصنتي نفسج ولافكرتي بعيالج وزوجج
شبتسويين ان تطلقتي!!
الله يستر علييج ويهدييج يارب

 

[نملة حوره]

توبي توبه صادقه مالج غير رب العباد هو الواحد الاحد الفرد الصمد الرحمن الرحيم
هو الاعلم بحالج امره سبحانه بين الكاف والنون يقول كن فيكون وعسى ربي يهديج ويغفر لج ويحنن قلب ريلج عليج ويسخره لج
اللهم آمين
وقولي دايماً
اللهم آجرني في مصيبتي واخلف لي خيرا منها
لا حول ولا قوة لا بالله
انا لله وانا اليه راجعون
استغفري ربج على طول ورطبي السانج بالذكر
عسى ربي يقدرج ويعينج
ويثبتج ياربي ياحبيبي انت اعلم بحال اختي في الله دموع الخطيئه يارب اغفر لها وارحمها

حبيبتي هذي ادعيه ان شاء الله تساعدج على امور كثيره

*دعاء طردوساوس الشيطان
اللهم انك سلطت عدوا عليما بعيوبنا يرانا هو وقبيله من حيث لا نراهم
اللهم آيسه منا كما آيسته من رحمتك وقنطه منا كما قنطته من عفوك
وباعد بيننا وبينه كما باعدت بينه وبين رحمتك.

*دعاء عند فقدان الشيء
اللهم راد الضاله وهادي الضاله
تهدي من الضلاله
أردد علي ضالتي بقدراتك وسلطانك
فإنها من عطائك وفضلك.

***
يامن رفع السماء بقدرته ودحا الارض بمشيأته
وخلق الخلائق بإرادته واستوي على العرش بقدرته
يامالك الملك وجبار الجبابره
وإله العالمين ومالك يوم الدين
أسألك برحمتك وجودك وقدرتك
أن تخرج حب الدنيا من قلبي وقلب أمتك دموع الخطيئه
وتوفقها لطاعتك من الاعمال التي تقربها مرضاتك
وتجنبها معاصيك وتخيم لنا ولها برضوانك وعفوك
ياأرحم الراحمين
والسلام عليكم ورحمة الله وبركاته

 

[blue ocean]

عورتي قلبي

والله دموعي مو راضيه توقف .. شقولج

الله يكون بعونج ويردلج زوجج للاسف هالامور ماتعرفين قيمتها الا لمن تفقدين كلشي

الله يهدي سرج ويستر عليج ويرجعلج زوجج ..ويخليلج عيالج

فكري جدام ولاتفكرين لورى ..

 

[أم منصـ 85 ـور]

اتعس رجل بالعالم ..! زوجج ..!!؟؟ وإلا أنتي لعوب وربنا وربج الله