يوميات الفريق الأزرق من وزن 80-99[مسابقة نجمة الرشاقة2]

[MissChoco]

هلوووووو بنات


اليوم غدانا نقارير يااااااااااااااي عذاااااابي


وباكل وياه عيش ابيض



بنااات اشكثر احط عيش ابيض؟؟؟؟؟؟؟؟ جم قفشه!!!

 

[Ma7ad-methly]

عليكم بالعافيه مس كاكا
عادي لو كوب عيش ابيض مايأثر
يعني من 10 ال 12 قفشه

شوفي جف ايدج وقيسي بالنظر بس مو جبل لا مسطح لووووووووول

 

[Ma7ad-methly]

انا حدي قويه طلعت من الدوام وييت البيت انام وقعدت افتر بالمنتدى امبيه هذي قعدتي من امس
انا بنام ناااااااو نشوفكم اذا الله اراد بليل

 

[MissChoco]

محد مثلي الله يعافيج لوووووول اذا عالجفة الايد باخذ وايد خخخخخخخ لانه ماعرف اقيس

انا باكل 10 قفشات ويمكن بخليهم 12 حدي ماعندي راي واحد ههههههههه


وروحي نامي صج انتي مانمتي :× لا اتصيرين مثلي انام النهار وقعده بالليل خخخخخخخخ



يلا برب غدا يمي يميييي

 

[رموشه]

بنات مب مصدقه نقصت كيلو

بعد عناء كان واقف على 98 << مليت من هالرقم

الحين 97 ونااااااااااسه

 

[MissChoco]

رموشه عالبررررررررركه .. بس حبيبتي انتي ليش ماينزل وزنج مثلا اتخربطين او شي ثاني!!


وانتي تاكلين خبز مثلا وجم وحده باليوم؟

 

[Q8female]

صباح الورد ياورد
وعليج بالعافيه يارب
وموفقه بمتحانج اقري وتعوذي من بليس
شوفي اسمي واسمج اذا كتبنا وشوفي كل وحده جم مشاركتها بهالمنطقه

اييييي
مسجلين بنفس اليوم هههههههه
اي بس بقولج شي
انا عندي نك ثاني مسجله فيه من 2004 :eh_s(3):
وسجلت مره ثانيه بنكي هذا

والله اليوم الصبح كنت طفرانه من المنتدى
حركه مو حلوه ان المشرفه تحذف موضوعج بدون ما تقولج سنو السبب
جنه استخفاف فينا
اذا ما يحترمون الناس ليش فاتحين لهم منتدى

 

[Q8female]

بنات مب مصدقه نقصت كيلو

بعد عناء كان واقف على 98 << مليت من هالرقم

الحين 97 ونااااااااااسه

بالمبااااااااااااااااارك رمووووشه
ان شاء الله تودعين التسعييين
وتدشين الثمانين وبعدها السبعين

 

[Q8female]

هذا غداي اليوم

حمسه ربيان وخثاق ... كليتهم بدون خبز

ملعقة زيت عباد الشمس 120 كالوري
ربيان 50 جرام 56 كالوري
خثاق 50 جرام -- كالوري
جزر نصف كوب 35 كالوري
فطر طري نصف كوب 9 كاوري
بصل نصف كوب 27 كالوري
فلفل بارد نصف كوب 12 كالوري

الوجبة كلها 259 كالوري وانا كليت ثلاث ارباع الصحن

 

[Ma7ad-methly]

مس كاكا ويه ياحافظ عدلي نومج ترا ماينزل الوزن اذا الجسم ينام عكس لانه بليل سبحان الله يحرق الجسم؟؟؟؟؟

رموشه قولولولووولولولولوووش مابغيتي شدي حيلج اكثر وبينزل بسألج وياج امساك؟؟ يعني جم مره تفضين بطنج باليوم؟

كويت فاملي واخيييييييييييييييييرااااااااااااااااااااااااا عرفتي ههههههههههه وعليج بالعافيه اكلج واي مشتهيه خثاااق وعادي لاتحترين طنش تطش تنتعش شتسوين بعد

انا تصوروا قعدت امس 3 الظهر وكليت 4 تمرات وحليب خالي الدسم
وبليل بال8ونص مادري 9 كليت هوبرغر وحده فوقها جبن قليل الدسم ويا سلطه وروب

وظليت سهرانه الساعه 2وشوي كليت اناناس وقهوه عشان ما انعش

ورحت الدوام وانا سهرانه وبالدوام قهوه

لمه 10 استأذنت وييت البيت ولاشي طب بحلجي

وصليت الظهر ونمت وبطني يقول ويص ويص وقعدت قبل شوي غصصصصصصصصصصصصصصصصصصب
وحدي متعسره
بس عشان ارد انام بليل بال9 او 10

كويت ماملي شصار بالامتحان سبع ولا ضبع ;p

 

[MissChoco]

محد مثلي ((((((( ياااااي انا مادري شفيني انام 8 واقعد 1 او 2 :\\\\\\\\\ مليت مليت حدي مادري ليش

ابي انام نفس الاوادم مااااااااكو فايده :\

 

[انصار]

شلونكم بنات

انا ارادتي وقفت ورديت اكل وحده ضايق خلقي

 

[جوجو.]

محد مثلي ((((((( ياااااي انا مادري شفيني انام 8 واقعد 1 او 2 :\\\\\\\\\ مليت مليت حدي مادري ليش

ابي انام نفس الاوادم مااااااااكو فايده :\

صباح الخير
حالي من حالج مادري ليش جذي صاير فيناانام وحده واقعد 4 وهذي قعدتي لي ثاني يوم

 

[جوجو.]

انصار ليش ياحبي ليش
جان تذكرتي ان يبيلج تنزلين عشان تقدرين تلبسين وتكشخين
اناوزني ثابت عال83 ونص مع اني مااكل شي مادري ليش ماينزل

 

[جوجو.]

وين محد مثلها ماسمعت صوتها اليوم
حلوه القسم

 

[انصار]

بحاول التزم
ومفكره اشترك اسبوعين بدينا ولينا عشان اطلع من الثمانينات
شرايكم ؟

 

[Ma7ad-methly]

مس كاكا الظاهر خلصتي امتحاناتج وماعندج شغل ههههههههههههههه فجذي النومه عفيسه انتي والجوري

الجوري الوردي بعد عمري انتيييييي استحي عيونج الحلوه فديتج وانا مو امس رديت البيت وصليت الظهر وقعدت غصب العصر عشان انام مبجر واعدل نومي فمن جذي ماكنت متواجده ههههههههه

انصار ميخالف حبيبتي نفسيه وامتحانات عاذرينج بس مو عشان ظايق خلقج وايد تاكلين يعني خربطي على الخفيف



انا اليوم ويا رفيجاتي بنروح نتريق بره وااااي الله يستر عسا ماخوره لووووووووووووول
بس تصدقون امس كله مو ماكله شي عشان نومي مخربط ومتعسره
كليت الساعه 7ونص شريحه وحده توست اسمر ويا لبينه وزعتر وزيت زيتون وشرايح خيار فوقهم ونسكافيه

وبعدين رحنا مركز سلطان شريت لي شغلات حق الرجيم

وشريت لي ككاو الرجيم 3 عشان لا اكل ككاو بالبيت
وانا راده البيت كليت واحد منهم ويا سفن دايت <=-= السفن ماكملته اقل من الربع

تالي مرينا هارديز وقلبي يقول لي ميخالف شحليلج يومين ماشيه عدل مدل وماخربطتي اكلي؟؟؟
ولا اقول مااااااااااااااااكو انا ماكله 7ونص شريحه توست وتوني ماكله ككاو الرجيم وسفن اب

وللأمانه بالبيت قرررررررررررررررررررررررررررمه صغيره من اخوي وبس شربت عقبها حبتين خل التفاح وماي ونمت

 

[MissChoco]

صباااااح الخير ..

الجوي حبيبتي اي انا جذي .. بس الحمدالله اشوه امس نمت 8 وقعدت 3 توني يعني اشوه اشوي تسنع
وترا هذا كله من الرجيم .. يعني اتز اوكي


انصار .. بذبحج @@@@!!!!!!!!!!! شنو هذا يبيلج طق مع تقرص مع طراقات لووول .. لا اتخربطيين حرام حرام حرام والله حرام علييييج
انتي قولي حراااااام انا التزمت جم يوم وضعفت ومستخسره هالجم يوم!!!!! ترا بعدين بيصير حياتج كله رجيم ابرجيم مو زين حبيبتي!!
والله الحين انتي مسكتيلج جم يوم وضعفتي وباجي بس اسبوع او اسبوعين واتصيرين أولالا على قولة الفرنسيين لووووول
وقمتي وخربطتي؟؟ لالا حراااااام

الحين انتي روحي ولا يهمج بالي خربطتي فيه وامشي من اليوم عالرجيم وامشي باليوم نص او ساعه وافضل شي ساعه احسلج
والي خربطتيه لا يهمج شي مضى وراح وانتي لج باليوم وابدي من اليوم حبيبتي





محد مثلي .. لووووووووول لا انا بطاليه خخخخ والحين وتوظفت وناطره متى يعينوني حدي مالي خلق بس انا عندي الدوام وناسه
يلهيني اشوي عن الاكل احسن يعني

 

[MissChoco]

محد مثلي شوفي يالغاليه لا تخربطين وياهم وايد .. يعني اخذي بيضه اخذي اشويه جبن ويا خيار طماط مشروم
وحطيلج اشوي زيتون بس لا تكثرين 4 5 او الاحسن لا تحطين
ولا تاكلين وياهم خبز احسن .. ولا اكلي نص خبزه بس .. ويا عصير برتقال او جاي

وبالعافيه عليكم



انا قمت ماروح ويا ارفيجاتي عشان لا اكل لوووول

 

[Ma7ad-methly]

يالله مبروك على الوظيفه مقدمااااااااااا
ومادري والله عادي اكل خبز؟؟
بيكون خبز حااااااااار من الفرن وحجمها وسط عادي اكل وحده؟
خصوصا هاليومين اكلي حيل خفيف