البأرت الثاني ..
نزلت لينا بالدري و كانت مسويه عنقوص " ذيل الحصآن " .. و لابسه نفنوف ابيض قصير ممزوج بالدانتيل باللون الافوايت من صوب الايد و من اسفل النفنوف ..
وجولي وراها .. و الخادمه وراهم شايله جنطه لينا ..
و جاسم " أبو لينا " لابس الكرفته .. و حاط ايده اليسرى بالمخبات الايسر و ايده اليمنى تطقطق بالتليفون .. وبعدها طالع لينا : ها يبا خلصتي ؟
لينا : إي خلصت ..
جاسم : قبل لا تروحين حبيت اكلمج بموضوع ..
لينا تطالع جولي اللي مسكت ايد لينا ..
جاسم يرتجف مو عارف يفتح الموضوع لـ لينا " دلوعته " : .. انا تزوجت وحده من فتره .. و اهي الحين حامل .. وانا .. آآ .
لينا انصدمت " متى تزوج " ..! وقالت : متزوج !!! من متى متزوج !! وشلون ! انا امس سامعتك تتكلم بالتليفون تقول انك راح تتزوج مو متزوج !!
جولي فهمت ان جاسم ممكن يكون متزوج بالسر .. : لينا حبيبتي ميخالف .. هدي شوي
لينا دزت جولي شوي .. : لحظه جولي ابي افهم السالفه !! .. ولا حاااااااااامل بعد ! يعني بيكون لي اخ او اخت !!
جاسم : انا ابي لج سند يا لينا !!
لينا : ســـــــــــــند ! .. منو اللي متزوجها ! شنو اصلها !! وسشلون عرفتها !! واي سند اللي من دون امي !
جاسم : اهيا اصلها فرنسيه .. بس عايشه هنيه ..
لينا شهقت مو مصدقه : فـ..ـرنسـ يـ..ـه !! بعــــــــــد
جاسم : سمعيني حبيبتي يا يبا .. انا كنت ابي لج اخ ولا اخت يساندونج !! وانا يا لينا فكرت مليون مره عدل عشان مستقبلج و حياتج .. انتي إذا بقيتي بـ لندن بروحج بهالثروه راح تضيعن .. انتي محتاجه لـ اخو او اخت تساعدج
لينا دمعت عيونها .. تزوج مثل ما تبي .. بس صدقني اول ما ارجع الكويت ماراح ارجع هينه مره ثانيه .. خلهم ينفعونك يا .. يا يبا .. ( و طلعت للسياره ) ..
جولي لحقت لينا للسياره .. و جاسم كانت متنرفز حده بلي سواه .. راح طلع من البيت و ركب السياره اللي فيها جولي و لينا ..
...
بالمطـــأر .. الساعه 3
لينا خذت جنطتها و خذت التذاكر و مشت .. شوي و جاسم يمسكها ..
جاسم ماسك لينا من زندها ( أعلى اليد ) : يبا لينا .. لحظه بكلمج
لينا التفتت : اعتقد انتهى كلامنا من اول ما طلعت من بيتك يبا !!
جاسم : عطاها جيس ابيض فيه خام اسود .. هاج
لينا تطالع الجيس : شنو هذا !!
جاسم يتنفس بصعوبه : عبايه و حجاب امج .. انا متاكد انج راح تستفيدين منهم ..
لينا : شـ شنو @@ .. !
جاسم يحك راسه : وبعد .. هذي التذاكر تفضلي ..
لينا مسكت التذاكر و بخاطرها تشقهم .. و قامت تطالع التذاكر بإنكار .. و فجأه طاحت عيونها على كلمه " السعوديه " ..
لينا ابتسمت نص ابتسامه : هه .. يبا .. التذكره فيها شي غلط !
جاسم مستغرب : شنو ! .. وين !!
لينا تأشر على الكرت : شوف .. مكتوب السعوديه وانا سفرتي على الكويت .. ! شكلهم غلطوا .. عادي غلطه مطبعيه ..
جاسم يطالع لينا بحنيه : لا يبا .. انتي رايحه على السعوديه ..
لينا : ها !! .. ما فهمت
جاسم : إي يبا .. انتي رايحه على السعوديه .. انا كلمت خالج سعد .. قال انه بيحطج بعيونه ..
لينا : ماني فاهمه يبا ! .. جان خليتني بالكويت احنا عندنا بيت هناك !! وعمتي هناك !!
جاسم : يبا سمعي .. انا اتصلت على عمتج بالكويت و اكتشفت انها سافرت برا الكويت .. فما حصلت لي فرصه إلا اني اتصل على خالج سعد خاصه انه اهوا اقرب لي من عمتج ..!
لينا منصدمه : هه .. لي هالدرجه تبي تفتك مني يبا !! .. ( طالعت الجيس ) عشان جذي عطيتني الجيس اللي فيها الشيله والعبايه .. هه ( حطت عيونها بعيونه ) على الاقل بقى عندك شي من ريحه امي .. لكن شالفايده دامك عطيتني الشي الوحيد اللي بقا لك عندها !! .. ( التفتت بتروح والدمعه تنزل من عينها و نزلت راسها بخيبه امل و بخيبه اب .. فجأه التفتت عليه لقته متحسف و منصدم و ملامحه تقول له امسكها .. و قالت بصوت مرتجف ) .. اكرهك ( التفتت و مشت بأسرع ما عندها عشان لا يمسكها .. ولا يرجعها بحضنه .. !!
جاسم منصدم بمكانه .. : انا شسويت !! معقوله ارخص فبنتي عشان زواجي و مرضي !! .. ( منزل راسه .. و شوي و رفعها وفال : ) سامحيني يا يبا .. ( و طق بكف ايده على كف ايده الثانيه .. و جولي منصدمه .. ما كانت تدري ان كل هذا بيصير !! ) ..
...
راحت لينا الحمام عزكم الله .. و دخلت تبجي بلي صار اللي مو متوقع .. كانت دلوعه ابووها .. كان ماكو اي موضوع ينرفض عندها !! .. وفجاه كآنها برخص التراب .. باعهاااا !! ..
فتحت الجيس و طلعت العبايه والحجاب و تنفست العطر اللي فيه .. شوي ردتهم بالجيس .. و مسحت دموعها و طلعت و ركبت الطيآره ..
...
في البيت عند جاسم و جولي ..
الوضع متكهرب والجو جو خيانه و موت و قهر .. !
جاسم التفت لقى جولي وراه .. قعد بالكرسي و جولي واقفه جدامه .. من بعد المكتب اللي كان قاعد فيه ..
جاسم طلع ورقه من الدرج و مدها لـ جولي ..
جولي بكل تفاهم مسكت الورقه و ما قرتها .. !
جاسم نزل راسه كآنه يفكر شلون يفاتحها بالموضوع و فجآه قال : جولي ( ورفع راسه لها ) ..
جولي : نعم استاذ جاسم ..
جاسم : انتي مستقيله الحين ..
جولي منصدمه : شنو @@ !
جاسم يبي يرقع الموضوع : اعتقد انج مربيه لـ لينا .. والحين لينا راحت .. فما اعتقد انج ملزومه تكنين فهالبيت !! وبعدين انتي تدرين اني بتزوج و زوجتي حابه تاخذ راحتها فهالبيت واخاف تضايقج على يوم !! .. و آآ .. وبس
جولي منصدمه : ليش قاعد يصير كل هذا استاذ جاسم .. اعذرني بس انت قاعد تخرب حياتك !!
جاسم : لو سمحتي جولي .. انا قاعده ابعد الكل عني لاني ما راح اتحمل الللي يصير
جولي قربت يم المكتب وقالت : و شنو اللي قاعد يصير !!
جاسم يطالع جولي بحنيه : انا مريض جولي .. انا مريض
جولي منصدمه : ها !! .. مريض !!
جاسم وقف و اهوا منزل راسه : انا مريض بأثر زواجي الغير شرعي بـ مونيكا
جولي منصدمه : موووونيكا !!!!!!!!!!!
جاسم التفتت و عطاها ظهره : إي .. للاسف .. مونيكا حامل بـ ولد ..مني .. وانا كنت خايف على لينا .. لانها تربيت بديره الحرام عندهم حلال .. و طول عمري كنت عايش بسعاده .. لكن انصدمت اني مريض بالايدز ( نزل راسه زياده ) .. و مونيكا ماهي مريضه بس هي حامل بولدي .. قعد بالكرسي و راسه يدور .. اخاف ربي يعاقبني بسبه الجنين اللي فبطن مونيكا ..
جولي منصدمه و تدمع عيونها : .. وليش ما قلت لي عشان اقدر اسافر مع لينا !! النبت الحين بتصير يتيمه !!! وين وصيه امها يا استاذ جاسم !! الوصيه اللي كل يوم كنت تذكرني فيها .. كنت تقول ان امها قالت لك إلا لينا ضويه العين .. وين راحت ضوا عيونك الحين !! بالجوووو !! وييييييين .. ( وطلعت جولي من المكتب و هي تبجي من الصدمه و راسها مو مصدق ان البيت السعيد اللي بكل لحظه فيها صدى لينا رااااح .. بسراااااب ) .. !
...
بالطيآره .. لينا طول الوقت كانت خايفه .. صج عمرها 20 لكن اول مره تسافر بروحها .. وبعدين ما تعرف شي .. شلون بتعرف عن اهلها !! ما تعرف حتى شكل خالها ! كانت تزوره لكن انقطعوا فتره طويله !! ما تعرف غير اسمه !!!!! .. و كان الخوف ماسك بـ لينا ..
بعدها لـ 5 دقايق .. سمعت من الطيآر ان راح تقلع الطيآره .. و شافت الحريم يلبسون العبايه والحجاب ... و قامت بسرعه تطلع الحجاب و العبايه و البستها ..
...
و قلعت الطيآره الساعه قريب الـ 8 بليل ..
نزلت لينا من الطيآره و حدها خايفه .. شلون بتتصرف الحين !!
قمت تمشي لي نهايه البوابه اللي تطلعها على الناس صوب الانتظار ..
شافت ناس وايد حوالينها .. قامت تتلفت مثل الحراميه .. تدور عن اي احد او اي شخص تعرفه .. !!
شافت مرا كلها رزه و شيآكه .. و يايه عندها ..
المرا : السلام عليكم ..
لينا بـ إبتسامه بسيطه وبخوف : وعليكم السلام ..
المرا : آآ .. كيفك حبيبتي .. ممكن سؤال بسيط
لينا : أكيد .. تفضلي
المرا : إنتي لينا جاسم ؟ ولا انا غلطانه ؟
لينا استانست و خافت بنفس الوقت : إإي .. انا لينا بنت جاسم ..
المرا استانست : تعالي حبيبتي .. انا مرت خالك ولا تخافي .. تعالي معي .. خالك هنا منتظرنا .. تعالي حبيبتي ( و مسكت جنطتها و مشوا ) ..
...
خالها كان يسحب بالكنت .. " بالبنك " ..
و التفتت خالها و و آول ما طىحت عينه بـ عين لينا .. حس كآنه يشوف اخته مآ كآنها بنت اخته .. !
و كآنت تشبهه .. خاصه ان امه ماهي خليجيه ..! * سلمت عليه لينا وسلم عليها .. و وداها بيته ..
الســآعه 5 الفجر ..
قعدت لينا من النوم قامت تتلفتت تبي تتذكر اهيا وينهي فيه !! .. لان اول مره تلقى نفسها بالمكان !! .. اساسا كمبلها الحقيقي فبيتها لونه وردي هذا المفرش لونه ابيض !! ..
فجآه تذكرت انها امس سافرت للسعوديه .. !! و قعدت فبيت خالها الساعه 9:30 و تعشت و نامت 10 .. !
طالعت الساعه ولا الساعه 5 الفير .. طالعت البرده " الدريشه " لقت الضو بدا يطلع من بين مفرش الدريشه .. قامت و توضت .. و صلت .. وبعدها فتحت الدريشه و قعدت تطالع بالدريشه .. تشوف الشباب و اهما رادين من المسيد .. " المسجد " ..
و تطالع عيال الحي اللي عايشه فيه .. تطالعهم يلعبون .. فجأه انطق الباب ..
لينا : تفضل .. !
مريم فتحت الباب : السلام عليكم .. صباح الخير ..
لينا ما تعرفها : وعليكم السلام .. ( ابتسمت ) صباح النور
مريم : انا مريم بنت خالك .. كنت متوقعه انك جالسه .. بس لاني سمعت صوت باب الحمام عزك الله و اهوا يتصكر .. قلت اكيد انك جالسه .. إن شاء الله ما ازعجتك !
لينا : هههههه .. لا شدعوه .. وناسه طلعت لي بنت خال وانا ما ادري ههههه ..
مريم : ههههههه .. انا اللي مره فرحانه .. ان لي بنت عمه .. كنت اعرف عنك القليل .. يعني تقدري تقولي بالصور والفيديو .. و بابا كان دايما بيتكلم عنك بالخير ..
لينا ابتسمت : الحمدالله .. انا كلش ما اعرف عنكم شي .. ما اذكر إلا خالي .. و حتى شكله شوي نسيله .. يا الله يا الله اشوف بوهته ..
مريم : إيوا على فكره انتي تشبهي شوي من بابا .. ماما امس قالت انو هي شافتك و تقول سبحان الله فيك من بابا .. فعرفتك على طووول .. وتقول كنتي مره خايفه .. ( سكتت شوي و كملت ) .. انا عارفه ان صعبه تعيشي بحياه من دون ام و اب .. بس ابغا اقول لك ان احنا كلنا بنكون اهلك ..
لينا نزلت راسها : انا ما ادري شلي يصير حواليني .. ابوي تركني فجأه و امي ماتت بأمر من ربي .. و مالي اخوان .. عشت وحيده و شكلي بموت وحيده ..
مريم : لا بسم الله عليكي .. لا تقولي كذا ! وربي هالكلام حيقطع قلبي .. ارجوكي لا تقولي كذا !!
لينا وقفت : مريم انا مالي خوات .. و حدي مكتومه من البارحه ..
مريم ابتسمت واستانست : قولي ايش تبغين .. و احكي لي كل اللي بقلبك .. انا ماعندي شي .. انا انسانه فاضيه و باطله ما عندي اي شي .. قولي اسمعك
لينا : هههههه .. عيل سمعي ..
...
السآعه 9:30 الصبح ..
ام مريم ( ام حمد ) : مريم .. لينا .. يا الله يا ماما الريوق جاهز ..
مريم و لينا نزلوا بالدري .. و حمد وراهم شايل جنطته المدرسه وشعره معفوس ..
مريم ولينا قعدوا يم بعض .. و حمد قعد جدامهم و ام حمد قعدت تصبح الحليب و تعدل السفره " السماط " ..
حمد : ماما ,, ابغى اغيب اليوم .. وربي راسي مره يعورني
ام حمد : لا يا ماما .. انت هالحين صار لك يومين غأيب وفوق كذا يوم الاربعه اللي فات كنت غايب و رحت مع بابا البر .. وهالحين جا وقت الدراسه .. و الإمتحانات قربت ..
حمد : اوووف ايش هذا .. متى اكبر زي ولد عمو ماجد و اشتغل و افتك من الدراسه ..!
لينا : و إنتي مريم ما تدرسين ؟
مريم بخيبه امل : للاسف لا .. انا تخرجت السنه اللي فاتت .. و بنسبه 95% .. و لمن قدمت شهادتي لـ جامعه الاميره نوره .. ما قبلوني .. في كثير من الطلاب افضل مني و جايبين نسب اكثر مني .. و هالحين انا هنا ..
لينا : وليش ما تدرسين برا ؟!
ام حمد : لا لينا يا ماما .. حنا هنا ما ندقر نخلي البنت تدرس لحالها بالخارج !! .. يكفي مشاكل اللي في ديرتها ونحاتيها .. كيف لي صارت بالخارج !! .. يمه وربي حـ ينقسم قلبي نصين .. !
مريم : بسم الله عليكي يا ماما .. لا تقولي كذا ..
لينا تمنت امها معاها ..عشان تقول الكلمه البسيطه اللي طالعه من حلج مريم .. !
مريم التفف على لينا : إلا صدق وانتي لينا ايش تدرسي ولا تشتغلي !!
لينا ابتسمت ابتسامه صغيره : انا هالسنه تخرجت من تخصص محاسبه .. و إن شاء الله راح اقدم على اي شغله هنيه و اكيد راح يقبلوني بسرعه .. لان شهادتي من افضل الجامعات في لندن .. و معروفه لندن دراستها شوي صعبه و بسرعه يوضفون الخريجين ..
مريم : مرا كويس .. انا حنتظر هالكورس و حـ قدم الكورس الجاي إن شاء الله
لينا : الله يوفقج يارب ...
نزل ابو حمد ( خال لينا ) .. وقال : السلام عليكم .. كيفكم
الكل : وعليكم السلام ..
ابو حمد قعد يطالع مريم و لينا : ها كيفكم يا بناتي .. ايش اخباركم ؟
مريم : انا كويسه ..
لينا : وانا بعد زينه ..
ابو حمد : آآ .. الحمدالله انك قاعده يا لينا ..
لينا ابتسمت و خافت بنفس الوقت : .. امر خالي ..
ابو حمد : ابغاكي بموضوع مهم .. وابغاكي تتفهمي الوضع كويس ..
لينا انقلبت من إبتسامه لي صدمه يديده .. !!
يتبع ..
