خاص للسيدات والبنات فقط ( ما أحلل دخول الرجال والشباب)

[حبي بيرين]

صادقه والله مره رحت لصالون وطلبت تسريحه بسيطه جدا جدا المهم الاخت عملت لي استشيوار وخلت شعري هابط بشكل المهم غير وحده ثانيه جت وعملته لي مره 2 وقلت لصاحبه المشغل وتقبلت الكلام وخلتها تعمل اشياء بسيطه والله المفروض صاحبه الصالون اول تختار عاملات 100% يفهمون في هالشغله

 

[زعفرانة_73]

هلا والله بالغاليه زوزو

نورتي القسم حبيبتي



حسبي الله ونعم الوكيل فيهم


فعلا موضوع يقهر والشرهة على اللي يوظفونهم من دون ما يكون عندهم الخبرة في مجال التجميل



والمفروض يكون فيه رقااااابة شديدة عليهم وانهم يملكون شهادة معتمدة

يسلمج ربي حياتي نهى
ما فيه رقابه من ادارة الصالون على كفاءة العاملات ، تعرفين يبونهم يكتسبون خبره من الشغل على الزبونه واحنا يا غافلين لنا الله.​

 

[ام يارا القمره]

اقولكم شي خدامه امي تشتغل بالصالون استشوار وصبغه شعر كانت تطلع من بيت امي وتمارس هوايتها ههههههه لان امي بدايه طريقها وعرفت بعدين الي اكثر يشتغلون بالصالون مب خبيرات الاشغالات وعاملات تنظيف بس يلعبون بشعورنا
طبعا نسيتي نقطه هو عدم نظافه مشاغل وتنقل الامراض مثل الثعلبه والثآلول والتهاب كبط الوبائي والعياذ بالله الايدز
والنفسيه الشينه
النفسيه شينه
النفسيه شينه
وصارت معي موقف مع مشغل كنت اسوي مكياج واكوافيره لبنانيه او سوريه نفس لهجه بس تمدح نفسها انا احسن من جويل مكياجي
ودخلتني قبو قصدي غرقه مكياج من كثر غبار في الغرفه والادوات كانها قبو
وقالت لاتشوفين نفسك الا ماااخلص مكياج وقسم بالله اشياء من محلات ابو نصف دينار واقل وسخه وغبار وركبتني رموش بااظافرها الوسخه
وقالت خلصت يوم شفت نفسي لقيت مهرجه في سيرك او كان طفله لعبت ورسمت في وجهي كاني هبله
فلوس علىالفاضي والنفس شينه

 

[dalo0oa121]

اي وانا دايما لما احف دم يطلع مني منهم

 

[عزوتي خمس صقور]

معاج حق والله والبنات بعد
بس شتسوين مظطره​

 

[مشتطـه]

انا صالونتي تييني بالبيت
بالصالون شغلها لوعه
ولما يتني البيت احلى

 

[زعفرانة_73]

والله خوش موضوع اختي
سالفة راعية الصالون اللي تزف والله معاكم حق
كنت اروح صالون استغفر الله معاملتهم مو شي نفسية و ما يمشون بالدور و جنج يايه تطرين منهم ماجنج زبونه ويايه بفلوسج
الحمدلله هونت منهم ولقيت ناس احسن بالبيت

الحمد لله، الله رزقج بأحسن منهم
منوره حبيبتي:eh_s(17):​

 

[زعفرانة_73]

فعلآآآآآآآآ كلامج بمحله

حياج الله حياتي​

 

[زعفرانة_73]

أفضل شي الوحد تروح لصالون ثقه .. انا الصالونات لصغيره صرت ما أروح لها لـ هالسبب


صرت اروح لصالون معروف .. وماشاء الله صاحبة الصالون عندها ستاف خاص لكل شي


وفوق هذا تحفزهم .. مثلا ستاف البديكير والمانيكير .. تقول لهم لو بالشهر طلعتولي 400 دك


الزايد أوزعه عليكم .. فماشاء الله تشوفينهم يشتغلون بذمه وضمير واهم شي هادين مايقرقون على راس الزبونه


اما بعض الصالونات عذااااااااااب تخيلي مره رايح صالون من هاللي قلتي عنهم .. تسويلي بديكير اقولها شوي شوي


قاعده تعوريني .. تقولي شنووو أنتي دلوعه .. بغيت ارفسها لووول طلعت دمي وتقول دلوعه

ضماد المشكله حتى الصالونات العوده نعانى من نفس المشاكل، قبل مده البنيه اللى حطو صورتها بالجريده حرقوا شعرها بالأكسجين عشان يصبغونه بصالون كبير.:eh_s(14):​

 

[زعفرانة_73]

جيت علي الجرح انا اثق بكم وحده وماشيه معاهم وامدحهم للبنات بالاخير سافروا بسبب المشغل ضاغطهم
الان انا تورطت مااحب اقط نفسي علي اي احد لازم مجرب من قبل المادح
من كثر الصالونات ماعاد صار فيه ذمه كلن يبي فلوس وبس وفوقها الموظفات اغلبهم ماعندهم خبره

حياتي ان شاء الله تلقين أحسن منهم.​

 

[زعفرانة_73]

عشان جذي ساعات ادفع اكثر بس اهم شي اروح مكان مرتاحه منه بس طبعا لايخلو الامر من مقالب وجذي .. مرة قصيت بالنادي ومفروض الي تقص بروفيشنال بس يلوع الجبد قصها اشوا ان كان بس تعديل سيه بدون قصات ولا جان رحت فيها

شفتى يا قلبى موشرط حتى الصالونات الكبيره نواجهه عاملات ما لها خبره بالمجال.​

 

[زعفرانة_73]

ااااااااااااااااااااااااااااااااااااااه يا ألبي خلوني ساكتة

قطوه فى قلبج حجى وشايل منهم:eh_s(22):​

 

[زعفرانة_73]

فديتج زعفرانه حياتي اشلونج
واي الموضوع ياي بوقته

نزلت الكويت برمضان
ووحده من بنات المنتدى امدحت لي صالون حق ماتركس الشعر
ورحت الصالون وحرقت شعري كله
وخدت مني 130 دينار
كان لحد جتوفي قصيته بوي وانا من النوع اللي شعري مايطوووووووووول مربيته من 4 سنين يالله وصل هالطول
عرفتي قصه بورسلي جدي شعري من ورا طويل شوي وفوق منتف حده يلوع الجبد جني جاكي شان
وراسلت البنت تدير بالها من الصالون وماردت علي
عكس الايام اللي طافت لما كنت اسالها عن الصالون طاحت لي مدح مدح مدح وعرفت من حقرانها لي ان الصالون يالها او لاحد من اهلها
صالون ماريا ستايل اللي بالجابريه الخايس الوصخ

انا غبيه جان زدتهم ورحت جاك ولا كرستال
المشكله عندي فلوس بس الغباء عماني

صدقيني رحت العشر الاواخر العمره
ودعيت بالطواف من حرتي ع الفلبينيه بالصالون الله يحرق قلبها مثل ماحرقت شعري
جربي لي خصله مو فوقه فوقه صبي الدوا على شعري وحرقيه تخيلي دااااااب كله واشوه ماحرقت الجدور

واستخلصت اني ما اروح لصالون يمدحه المنتدى لان الاغلبيه جدابات او يالفون من عندهم

وشكرا

حياتي كويتيه الله يعوض عليج قلبي ،الله مايرضى عليهم البنات اللى يسون دعايه للصالون من غير تجربه بذمتهم .​

 

[زعفرانة_73]

والله الوحده لازم تروح مكان واثقه منه لان السالفه تجاره بدون ضمير

فعلا صارت العمليه تجاريه
وان شاء الله نحصل مكان ثقه
حياج حبوبه.​

 

[زعفرانة_73]

صادقه والله مره رحت لصالون وطلبت تسريحه بسيطه جدا جدا المهم الاخت عملت لي استشيوار وخلت شعري هابط بشكل المهم غير وحده ثانيه جت وعملته لي مره 2 وقلت لصاحبه المشغل وتقبلت الكلام وخلتها تعمل اشياء بسيطه والله المفروض صاحبه الصالون اول تختار عاملات 100% يفهمون في هالشغله

الحمد لله ان صاحبة الصالون تفهمت الموضوع وعدلت الشغل
​

 

[زعفرانة_73]

اقولكم شي خدامه امي تشتغل بالصالون استشوار وصبغه شعر كانت تطلع من بيت امي وتمارس هوايتها ههههههه لان امي بدايه طريقها وعرفت بعدين الي اكثر يشتغلون بالصالون مب خبيرات الاشغالات وعاملات تنظيف بس يلعبون بشعورنا
طبعا نسيتي نقطه هو عدم نظافه مشاغل وتنقل الامراض مثل الثعلبه والثآلول والتهاب كبط الوبائي والعياذ بالله الايدز
والنفسيه الشينه
النفسيه شينه
النفسيه شينه
وصارت معي موقف مع مشغل كنت اسوي مكياج واكوافيره لبنانيه او سوريه نفس لهجه بس تمدح نفسها انا احسن من جويل مكياجي
ودخلتني قبو قصدي غرقه مكياج من كثر غبار في الغرفه والادوات كانها قبو
وقالت لاتشوفين نفسك الا ماااخلص مكياج وقسم بالله اشياء من محلات ابو نصف دينار واقل وسخه وغبار وركبتني رموش بااظافرها الوسخه
وقالت خلصت يوم شفت نفسي لقيت مهرجه في سيرك او كان طفله لعبت ورسمت في وجهي كاني هبله
فلوس علىالفاضي والنفس شينه

هلا ياقلبى الله يبعد عنا العدوى والمرض ، شى يخوف
أنا مره رحت لفرع ثانى لصالون كنت أقصده وكان ممتاز، بس الفرع الجديد صار لى موقف
بسوى بديكير جان أشوف العده ولا فيها بقايا جلد من الأضافر ، قلت لها شنو هذا ليش مو منظفته وليش مو حاطته بجهاز التعقيم :eh_s(14):، جان تقولى أنا ماراح استخدمهم لج،ناديت مسؤولة الأستقبال وشخطت فيها وقلت لها حتى الجديد حطيه جدام عينى بجهاز التعقيم وحرمت أروح لهم( قمة القذاره والأهمال اللى يصير من العاملات ما لهم خلق ينظفون)، صرت أروح لصالون تكون عدة البديكير معقمه ومجيسه بجيس تفتحه لج.​

 

[زعفرانة_73]

اي وانا دايما لما احف دم يطلع مني منهم

هلا حبيبتي لأن العامله ما عندها خبره ولاتعرف تحف :eh_s(13):​

 

[ميـريام]

الموضوع يه عالجرح

في صالون معروف وكبير بخيطان وعليه طق اعصي من الزحمه اسمه الشر....
خاطري بس افهم ليش صاحبة الصالون ماتحط رقمها او صندوق للاقتراحات والشكاوي
ابي افهم ليش مو مهتمه برأي زباينها!!

السالفه ومافيها عاملات البديكير والمنيكير اللي عندها كارثه كل ما اروح لهم الا يجرحوني يا ايدي او ريلي مايرتاحون لين يشوفون دم
غير جذي نفسياتهم خايسه واذا درت انج بتحطين صبغ تتحلطم غير ان الاصباغ اللي عندهم قديمه ومافي الوان سنعه ومره قالت لي اللون اللي تبينه كان موجود بس خالص!! معن اللون اللي ابيه عنابي يفترض يكون موجود ماطلبت لون معجزه ! لا ولازم تسألج عندج حفله؟؟ ليش انا ماروح الصالون ولا اتصبغ الا اذا عندي حفله :/ وبعدين عيب تسأل مالها شغل !!
الصالون كله اشوفه حلو ماعدي عاملات البديكير الفلبينيات قمة الهلاقه
اي ومره يت بتحكلي ريلي بموس قلت لها مابي موس قامت وحطته وحكت جان ازفها قلت لها قلت لج مابي حكيلي بالثانيه واشرت عليها جان تقول هذا ماينظف رجول مال انتي قلت لها كل مره يسوونلي فيه وينظف جان تقوم تحكه عالخفيف وبسرعه والله مشته مره مرتين عناد عشان قلت لها مابي موس رديت البيت حكيتهم بصخرتي :/
جد جد عيب على صاحبة الصالون انها ماتهتم براي الزباين وجم مره اطلب رقمها مايعطوني معن سعر البديكير والمنيكير 10 بس شغلهم ونفسياتهم مايسوي 5 دنانير
وانا اضطر اسوي عندهم لان كل شغلي عندهم من مغربي وحف فمالي خلق اطلع اروح صالون ثاني

ادري طولت عليكم بس طلعت اللي بقلبي

مشكوره صاحبة الموضوع على هالموضوع الحلووو

 

[فاشن الكويت]

انا مامر علي جيي لان الي اروح لهم وااايد ثقة بس اختي صار لها مثل هالموقف الي سوت لها كان واضح انها مبتدئة وقعدت تبجيلااااااااازم الي يحفون يكونوا يعرفوون ما يصيييير جيي يجيبون اي وحدة ويلا حفي

 

[ميـريام]

up

up