خاص للسيدات والبنات فقط ( ما أحلل دخول الرجال والشباب)

[روانتي 12]

فعلآآآآآآآآ كلامج بمحله

 

[ضــمــاد]

أفضل شي الوحد تروح لصالون ثقه .. انا الصالونات لصغيره صرت ما أروح لها لـ هالسبب


صرت اروح لصالون معروف .. وماشاء الله صاحبة الصالون عندها ستاف خاص لكل شي


وفوق هذا تحفزهم .. مثلا ستاف البديكير والمانيكير .. تقول لهم لو بالشهر طلعتولي 400 دك


الزايد أوزعه عليكم .. فماشاء الله تشوفينهم يشتغلون بذمه وضمير واهم شي هادين مايقرقون على راس الزبونه


اما بعض الصالونات عذااااااااااب تخيلي مره رايح صالون من هاللي قلتي عنهم .. تسويلي بديكير اقولها شوي شوي


قاعده تعوريني .. تقولي شنووو أنتي دلوعه .. بغيت ارفسها لووول طلعت دمي وتقول دلوعه

 

[ضــمــاد]

خير خير حبيبتي انتي تشتغلين بصالون هذا وقت دوامج وعملج مايصير يايتني وراسج في حمام زيت ولا حاطه حق ويهج ماسك وتشتغلين !!!!!!!!!!!!

شكلها موعدل مااايصير !!!

ليش ماتكلمين صاحبة الصالون ؟


في صالون من اللي اروح لهم .. عمالتهم نص سيلانيات مادري هنود


والنص اللي ماسك القص والتسريحات والميك اب لبنانيات واردنيات



ذيك المره وحده من الحريم لما شافت صاحبة الصالون راحت لها واشتكت



عن عمالتها وحده تحف لثانيه واللي لاهيه بالـ بي بي .. ومطنشين الزباين



الله وكيلج من يومها وولا وحده من عمالتها تطلع مو بايلها .. منعتهم منه



في بعض صاحبات الصالونات تحسينهم سنعين .. ومايتحسسون من كلام الزبونه



::



بنات تدرون شنو أكثر شي ينرفزني !



لما اللي تحف الويه تلزق ونسمها كله عليج ! وااااااااي اضطر ما أخذ نسم




احس اني مختنقه .. خصوصا لهنود يا ريحتهم اندومي او بهارات

 

[قمر بيت أبوها]

جيت علي الجرح انا اثق بكم وحده وماشيه معاهم وامدحهم للبنات بالاخير سافروا بسبب المشغل ضاغطهم
الان انا تورطت مااحب اقط نفسي علي اي احد لازم مجرب من قبل المادح
من كثر الصالونات ماعاد صار فيه ذمه كلن يبي فلوس وبس وفوقها الموظفات اغلبهم ماعندهم خبره

 

[al-musk]

عشان جذي ساعات ادفع اكثر بس اهم شي اروح مكان مرتاحه منه بس طبعا لايخلو الامر من مقالب وجذي .. مرة قصيت بالنادي ومفروض الي تقص بروفيشنال بس يلوع الجبد قصها اشوا ان كان بس تعديل سيه بدون قصات ولا جان رحت فيها

 

[قطوووة]

ااااااااااااااااااااااااااااااااااااااه يا ألبي خلوني ساكتة

 

[زعفرانة_73]

صاجة

يسلمج ويحفظج ربي​

 

[زعفرانة_73]

إي والله صآجججة يدد ويعينونهم حق الحف وهي ماتعرف تممسكها اصصصلــَآ.!!

أنا رحت قبل فتره قطعت الشعر اللى بالبشره وغير جذيه قرصت بشرتي:eh_s(2):
مع أنه الصالون صاحبته محاميه ونظيف ( حرمت) رحت بعدها الشركه الكويتيه للتجميل اللى بمشرف تقولى فيه شعر وايد (أنا قتلها سالفة الحفافه الفاشله)، وسبحان الله اللى عندها خبره تصير ايدها خفيفه:rerrerek:
​

 

[زعفرانة_73]

ايي والله



ولا اللي حضرتها اتيي تشتغل بس لتنقل الحجي و تبحلق لعيون

وتقعد تسأل؟ أنت وين يشتغل؟ متزوجه ؟ فيه بيبي؟ جم بيبي؟ وين بيت؟
يعنى داشه تحقيق،وحنه ورنه:lkmnkl:​

 

[زعفرانة_73]

اي والله صااااااااااااااااااجه امبيــــــــــه اهوا شي يقهر بصراحه

انا صار لي بوسنه اروح صالون معين واااايد حلوونضيــــــف وكشـخه يعني راعية الصالو حدها تعبانه عليه من داخل وادواته وكل شي :eh_s(15):


بس الله وكيلكم كل الي يشتغلووووووووون مايعرفون شي :eh_s(16):

ولاعمررهم مشتغلين بصالون حنا مايعرفووون يحطووووون واااي الحنه يبلها فن مو بس تلطخ انا شعري طويل لطخته لي بصوب واحد الي قمت ادمع من العوار والثقل ماقعدت فيها نص ساعه قتلها غسليهاااااااااااااااااا راح اموووت

ولا يوم ثاني رحت حق غيرها حطت لي هم بعد حنا امبيه كلها ساحت على رقبتي وملابسي والحنا لو شنو ماتروح من اللبس واااااي صج تنرفزت منها وكل اهما الي فاهمين وطاعلين فيها :eh_s(14)::eh_s(14):

ولا رايحه احط دهن ما تحطن على الجذووور عيل انا شكو يايه الصالون اذا ماتعرفين تحطين لي على الجذور وايدها كلها دهن تحطها على يبهتي !!!!!!!!!


واااااي مايعرفوون مايعرفوووون

وبعد بدكيرررر والله والله بجيت من العوار حلفت ما اسوي عندهم لو شنوووو


واااااااااي حسافه على الصالووووون وين راعيته خل ادششهم دورات تعلمهم مويجربون فينا


وكله كووووووووووووووووووووووم وسالفت انهم اهما بعد يقضون امورهم معانا كووووووووووووم :eh_s(1):


خير خير حبيبتي انتي تشتغلين بصالون هذا وقت دوامج وعملج مايصير يايتني وراسج في حمام زيت ولا حاطه حق ويهج ماسك وتشتغلين !!!!!!!!!!!!

شكلها موعدل مااايصير !!!

ولا ذيك اليوم ناااااااطره سااعه بدفع بالكي نت وينهااا وينهاا الادميه ولاحضرت جنابها داشه تسوي حمام مغررربي :eh_s(1)::eh_s(1)::eh_s(1):

والزباين ينلطعون على ما اهيا تتفرك :eh_s(14)::eh_s(14):


واااااااااااااااااي شنو عصبت وفورت يومها مت مت وماخليتها تعدي قتلها عطيني رقم راعية الصالون وشقيت حلجي عليهم :eh_s(22):


قلبي مترووووووووسه :eh_s(16):

ولااااااااااااااااااااااااااااااا نسيت اهم شي :eh_s(1):

الموظفات لازم وايد يتكلمون عدل وبأدب مو نفسيه

امبيـــــــــــــــه تخيلووو انا كنت واقفه ابي ادفع ولا الي على الكاونتر حظرة جنابها تسوولف بتلفون وتكعكع ماجنه في وحده ناطرتها!!! ولا مو معبرتني بس انا يومها رايئه فسكت

ولا في وحده هم تشتغل بصالون قاعده يمها جان تتغشمر معاها جان اطالعها نظره وتقولها ممكن تخرسي شوي بنفسيه :eh_s(1):

امبيــــــــــــــه قلبي قام يعوورني الثانيه انحرررجت تفشلت وايد وايد قلت ادب :eh_s(14):


جان انا اتليعن واقولها ممكن انتي الي تخرسين شوووي وتجابلين الزباين وتسدين التليفون وعطيني رقم راعية الصالون

بس مادقيت على راعية الصالون مالي خلق اطحن وبنهايه صاحبة الحلال اهيا الخسرانه اذا ماجابلت حلالهاااا

لانه اذا ماشفنا شي يعجبنا بكل سهوله نروح مكان ثاني يامكثر الصالونااااااااااااااات

ويييه عاد كله ولا الحنة اذا ساحت ، ذكرتينى بصالون بقرطبه صاحبته تعبانه عالديكور ( شبفيدنى ديكوراتها والشغل ما يسوى:eh_s(10)
وأسعارها مبالغ فيها جنى داشه صالون بفندق .
​

 

[زعفرانة_73]

ذكرتيني بوحده دخلت صالونها مرة والمره هي المره الاولى والاخيره كانت تتهاوش مع مندوب بالتلفون ومسحت فيه الارض قطت عليه حجي ..​

باختصار هزئته !!!!!​

ولما راحت لها زبونه تبي تسال عن سعر الصبغ ..عصبت عليها وقالت لها :​

من هناك حبيبتي ... من هناااااااااااااااك ...بنتر ونرفزه مو باجي الا انها تقوم تسطر المره !!!!!!​

وتمشي وتصيح على الزباين ...يالله كل وحده دورها !!!!! انت ليش واقفه !!​

وانت لا توقفين يم بنتج خليها بروحها ...!1 وانت ليش جذي وانت ليش جذاك ...​

لاحظوا انها كانت تزف الزباين مو العاملات !!!​

شخصيتها مزعجه 100% ​

ومن يومها والله ما طبيت صالونها ...​

​

والله زين سويتى ، ما فيه ذووق بالتعامل ، هالنوعيه ما تستمر بمشروعها لأنها ما عندها أسلوب ولا استخدمت أدب الحوار وهو القاعده الأساسيه لنجاح أى مشروع ​

 

[زعفرانة_73]

اه فعلا الصالونات لازم نروح علي صالون موثوق فيه
انا رحت علي صالون اسوي كيراتين وبعد شهر بالظبط ولا كاني سويت اي شيء وراح الكيراتين هههههه ومرات اعمل وجهي بالشمع وبعده يلتهب واقول للكوافيره تقولي بشرتك حساسه مع اني قبل كده ما كانتش بتلتهب ابدا
الله يهديهم يارب

حياج حبيبتي شاكره مشاركتج​

 

[زعفرانة_73]

كلامك والله واقعي
وكل البنات اللي ردو كلامهم واقعي
أنا مايقهرني إلا لما ترفع صوتها وتعصب ..... سلامات يا أخت ترين إذا خسرتينا بتسوينعروض وتشترينا شرى
فتأدبو ياصاحبات وياعاملات بالمشااغل لا نهجركم" ههههه قوية

فعلا أنا قمت أسوى شغلى بواقع 70% بروحى والسبه لما تشيل الشيره ما تنظف عدل أو تقطع الشعره ( شغل خرابيط)​

 

[فدوووش]

صادقه والله

 

[زعفرانة_73]

والله انا من زمان عن الصونات مسويه ليزر ومرتاحه وباقي الاشيا اسويها بالبيت او هوم سرفس

أنا بعد جربت الليزر بمستشفى الراشد ودار الشفا وما استمريت ورجع يطلع مره ثانيه:eh_s(10):​

 

[زعفرانة_73]

هذا كله يهون .. الكارثة صج الي تقصص شعور الاوادم او تصبغ
والله رحت مرة صالون مشهور
بقص حق بنتي
وكان زحمه وقت عيد وانا ومشغوله بنفسي بالصالون
وقلت لها شلون ابي القصه ورحت
يوم يتني بنتي عقب
قعدت ابجي
انصدمت
نتفت شعرها جنه كتكوت مبلل شعره بماي شي طويل وشي قصير
والله طلعت من الصالون دمعتي على خدي
قلت لها انا زبونتكم وكلكم تعرفوني
شلون تسلمون بنتي لوحدة يديده ماتعرف شي
وماقمت اروح للصالون هذا كلش
الحين انا اودي بناتي للي تقص لي شخصيا
حتى لو غاليه ميخالف المهم اتطمن

شى يقهر للأسف يتدربون علينا وعلى بنياتنا واحنا يا غافلين لكم الله :bbbiu:​

 

[زعفرانة_73]

اب
اب

مشكوره عالرفع​

 

[كويتية بروما]

فديتج زعفرانه حياتي اشلونج
واي الموضوع ياي بوقته

نزلت الكويت برمضان
ووحده من بنات المنتدى امدحت لي صالون حق ماتركس الشعر
ورحت الصالون وحرقت شعري كله
وخدت مني 130 دينار
كان لحد جتوفي قصيته بوي وانا من النوع اللي شعري مايطوووووووووول مربيته من 4 سنين يالله وصل هالطول
عرفتي قصه بورسلي جدي شعري من ورا طويل شوي وفوق منتف حده يلوع الجبد جني جاكي شان
وراسلت البنت تدير بالها من الصالون وماردت علي
عكس الايام اللي طافت لما كنت اسالها عن الصالون طاحت لي مدح مدح مدح وعرفت من حقرانها لي ان الصالون يالها او لاحد من اهلها
صالون ماريا ستايل اللي بالجابريه الخايس الوصخ

انا غبيه جان زدتهم ورحت جاك ولا كرستال
المشكله عندي فلوس بس الغباء عماني

صدقيني رحت العشر الاواخر العمره
ودعيت بالطواف من حرتي ع الفلبينيه بالصالون الله يحرق قلبها مثل ماحرقت شعري
جربي لي خصله مو فوقه فوقه صبي الدوا على شعري وحرقيه تخيلي دااااااب كله واشوه ماحرقت الجدور

واستخلصت اني ما اروح لصالون يمدحه المنتدى لان الاغلبيه جدابات او يالفون من عندهم

وشكرا

 

[زعفرانة_73]

صج يحرون ويقهرون بعض الصالونات
بتصرفاتهم هذي ينحشون الزباين منهم

manoooram تدرين عاد هم الخسرانين
منوره يا قلبى​

 

[أحلى قصة]

والله الوحده لازم تروح مكان واثقه منه لان السالفه تجاره بدون ضمير