خاص للسيدات والبنات فقط ( ما أحلل دخول الرجال والشباب)

[Combat]

المشكلة اللي واجهتني انهم مايتطورون يعني القصات اليديدة مايعرفون يضبطونها كلش
رحت لصالون ومعاي صورة قصة بالفون وعطيتها الي الكوافير الي ذبحونا فيها تعرف وتسوي وبروفيشينال
المهم والله يابنات قصتلي قصة قديمة واطول وووايد من الي ابي. غير غير غير
واسالها مو جذي ومادري شنو تقولي اهي نفسها ومادري شتخربط

انزين تطوروا طوروا شغلكم انا ابي اقط فلوس على شي يسوي مو شغل ايام يدتي

 

[ام حنااين]

موقف حصل جدااااام صديقتي

بالصالون اللي دايما تروحله وتعرف العاملات فيه

وحدة دايما تخم ورا مايقصون الشعر وتغسل الفوط وغيره ( يعني خادمة للتنظيف)

راحت رفيجتي ليلة العيد وكان زحمة لقت مخلينها تسوى للحريم شيرة :bbbiu:

ادرى انه عادى لانها موشغل يبي تعليم وتدريب عادى تتعلم من باقي العاملات وتسويه بس يمكن تتطور بعد فترة تصير تصبغ وتقص شعور الزباين:eh_s(4):

 

[عادت ذكرياتي]

حسبي الله عليهم بعضهم لعبوا بشعور الأوادم وأعرف وحدة حرقوها صوب حاجبها


وأمور وايد :"(

 

[زعفرانة_73]

معاج حق والله والبنات بعد​

بس شتسوين مظطره​

حياج قلبى
أنا اشوف نقاطع هالنوعيه من الصالونات، عشان يتعدلون ويتسنعون.​

تونى ما صار لج يوم رحت صالون بالخالديه يم فرع الجامعه ،عشان انظف وجهى بالشمع ،قلت حق اللى قاعده بالرسبشن ابى وحده زينه، جان تنط وحده منهم وتقول انا يسوى،وطول مااهى قاعده تحط الشمع على وجهى تسمى( بسم الله) وقطرت شمع على رقبتى بقيت اهفها طراق:eh_s(14): والشمع نار صلخنى صلاخ لدرجه وجهى صار حار حمر لما خلصت ( ما أدرى فيهم حره ولا شنو ما أدرى شالسبب) ولا زال البحث مستمر لصالون مثل الأودام.:eh_s(4):​

 

[بنك بااستا]

بصراحه انامره رحت عند الصالون الفاشل جاك اقولها بصبغ شعري تطالعج بنفسيه ومعصبه تقول بدج مابدج روحي

 

[زعفرانة_73]

حياكم الرحمن

الله يعين ​

 

[Beyoncee]

عدل كلامج حبيبتي المفروض يتدربون على خدمة الزبونة وعلى المواد الي يستخدمونهم الصالونات

 

[طـير7]

اااااااااه من الصالونات

انا من طبعي احب اغامر

فمرة رحت ميدان حولي كنت ناويه اروح صالون خبيرة تجميل معروفه ومتعامله معاها من قبل مكياج وشعر

قلت بجرب عندها سوالف تنظيف حف وبديكير

دخلت ولا المكان شبه متغير والاسم نفسه!!!

كلمت المصريه اللي استقبلتني وقتلها شنو بسوي وقالت خلاص نبلش بالبديكير
والصالون فااااااااضي مافيه ولا قطو

وحطتلي الماي حق ريولي وقعدت تنظف بريل وحده فوق ال1/2ساعه وانا مستعيله معزومه بالليل وهالكلام عال4العصر

وحسيت اني مومرتاحه كلللللللللش جان اقولها هدي ريلي بس مابي شي بطلع نطت المصريه ليش والحين نخلص شغلج كله ولاتتضايقين قتلها تاخرت ومومرتاحه وشغلها بطيييء وباااااارد
هديتهم وطلعت

ولا اقرا الاسم من بره مره ثانيه زايدين على اسم الصالون مال خبيرة التجميل كلمة وحده وصغيره ماتبين عدل


وموقف ثاني عند هم صالون خبيرة تجميل معروفه بصباح السالم
حفيت عندهم وخربوا حواجبي واقرمته من النص عصبت عليهم وطلعت

وحرمت اجرب بعمري خلاااااااااص
اروح الحين حق صالون واحد بالسالميه شغلهم نظيف ورخيص وثقه

وسلامتكم

 

[Japanese]

صاجه :/

اصلا العماله اللي إييبونهم مايكونون داشين دورات تدريبيه ع الحفاف والصبغ وماشنو :/ خذوه فقلوه وهذا هو

ماآدري شلون الدوله سامحه بهالشي انه يصير :/ وراضيين بآنه ناس مب متعلمين يشتغلون ع شعوبهم شي غرييييبببب :/

مب بس فالصالونات حتى مثلا مثلا بالعيادات تلقين ناس مب قد انهم يكونون بوظيفه استقبال مثلا مايعرفون يتعاملون مع الزباين

المهم خل اقولكم مره شصار وياي ف صالون

مره كنت اظن اظن اسوي واكس لجسمي المهم اشوي ولا اللي قاعده تسويلي ترفع ايدها فوق راسي والواكس بيدها

وينزل الواكس ع رمش عيني تخيلوووووووووو

انا لين يومكم ذي وانا مستغربه من نفسي شلوووووووون مارحت اشتكي عليها!!!!!

يومها كانت ليله امتحان بس مادري شمخليني اروح الصالون يمكن عرس شي والله ماتذكر المهم اني توترت وايد

خفت يصير شي ف رموشي وعيني

ثاني موقف : وانا واقفه انطر امي تخلص اشوي الا اجوف وحده تاخذ من الارواج " الحمر " المعروضين للبيع وتتحمر فيه وترده

انا فتحت عيني @@ وااااتتتتتتت!!!!!!!

قمت اهاوشها واسآل اللي معاها عن اسمها لآنه بقول لمديرتها!! تخيلو محد كان قاعد يرد علي :/ لا وانكرو بعد

لووووووووول وانا اجوف عيني جوف عيني قدامي جايفتها تستخدمه وترده للبيع!!! وااااعععععععع


عن نفسي خلاص تعقدت من الكوافيرات ووصل السيل الزبى لوووووول


ماروح الكوافير الا لشغله ماعرف اسويها بنفسي ولا غير جذي مستحيل :/ تلوع جبدي

 

[the-angel]

ايه والله صاجه شنو في عاملات حتي كريم الجسم يلعبون فيه ما يعرفون شي موليه

 

[زعفرانة_73]

حياكم الله بنات
الصراحه احترنا وين الصالون اللى نحصل فيه الخدمه والخبره المعقوله​

 

[روز بآريس]

اي نسسيت اقولكم موقف

يوم السسبت الي طأف ردييت من خخيرآن
وايدي وييع
يبت فلبنيه تسسوي منكير وبدكير
وييع قرضت لحمي خربت ايدي لو رآيحه المدرسة جي احسن مننها

 

[سماء الاحساء]

موضوع يستحق النقاش. يسلموو عالطرح

 

[Mima <3]

زعفرآنة

موضووعج ع الجرح


وآيد اروح صالونات أحس ان شغلهم خوآره و انصدم
ف قمت مآ اجازف خاصة بالحف والحمام المغربي =(
أستغفر الله صآر الوآحد بالزمن يخآف يجرب علشآن لا ينصدم .,
تقبلي مرووري

 

[Zinab BH]

صح الرد متاخر بس موضوع بمحله صراحة
ياما و ياما غامرت والحين عندي صالونات محددة اروح لها
عندي صالون للواكس بس اسوي عندهم واكس و صالون بس حق حفاف
و صالون حق بدي كير ومنيكر و مساج و قصاص شعر و صالون حق حمام مغربي
و صالون حق صباغة
صراحة انا مااقط روحي على اي احد اروح بالاسم للعاملة اللي بالصالون الفلاني
و شغلهم لازم جايفته بعيني على وحدة غيري ماحب التجربة
وعاد تعالي اذا ابي اسوي كل هالشغلات مرة وحدة اتنطط من صالون لصالون
لان مافي صالون متكامل بكل الخدمات اللي ابيها
مرة صادني موقف ان ام زوجي يوم اللي بتيي تجوفني حق تخطبني رحت الصالون حفيت واستشورت شعري
قلت خل اقص قذلتي للعلم مو هاي اللي اتعامل وياها في القص بس قلت الا قذلة شبتسوي فيها
الله ياخذها الفلبينية قهرتني قصتها قصيرة زفيتها ومشيت و صاحبة الكشير قالت لا ادفعين مال القص
قلت لها ومن قالج بدفع اي والله تخربوني وتعالي دفعي
عاد ليلتها شبصت هالقذلة تشبص وعقبها شهرين وانا اعابل على ماطولت واعتدلت هالقذلة
وتعقدت خلاص لازم اروح لاحد جايفة شغله من قبل
وعن الزف حق راعية الصالون والله ماسكت لها ندفع فلوس و تزف ليش احنا اللي محتاجين لو اهيا
المشكلة الحين انا اللي اسوي عندها واكس بتسافر خلاص وماروح لغيرها اقول لاختي دوري لنا صالون
للواكس على ان اهيا اثيوبية بس مسلمة و حدها نظيفة و شغلها نظيف و سريعة
و مؤدبة و تسمي بالله اذا بتط الواكس على الجسم وتبرد عليي وتمسجني على خفيف
خاطري اخذها واحتكرها في البيت عندي لووول تأزمت يوم قالت بتسافر
بس لا ننسى ان في اوقات كستمر اهما اللي يقللون ادبهم على العاملات

مثلا هالاثيوبية اللي تشيل لي واكس كانت الكستمر الثاني قاعدة بصالة تبلع تبلع تبلع
ودخلت انا حجرة الواكس واهيا هناك سووت لي لان اصلا اهيا مختصة بس بحجرة الواكس مالها شغل بلي برا
مالت الكيشرا اهيا اللي تنسق من يدخل وذيك اصلا كانت تسوي شعر و قاعدة تبلع
ماطلعت ادفع برا الا الكستمر تهاوش وتسب الله ياخذها ويحرقها وتسب فيني وفي العاملة
هاي اثيوبية وصخة و اهما .... انا جفتها تسب وتلعن وماتدري ان انا اللي واقفة
لان قالت الله يحرقها اهيا واللي تسوي لها اقولها لو سمحتي اختي تقصديني انا؟
لان كنت عادي اسدحها ارضا واكفخها الا تقول لي لالا مو انتي قلت لها اوكي عبالي
بس اكسرت خاطري حدها من قلب تسب فيها وفي عرضها وشرفها
و ذيك ساكتة و تعرف عربي عدل و اهيا انسانة مسلمة ومتحجبة
واتصلت ذيك في صاحبة الصالون تسب وتلعن في العاملة عندها بس صاحبة الصالون
بس ماعتقد صاحبة الصالون سووت شي لان للحين موجودة الحمدالله
بس قهرني اسلوب الكستمر من قلب في ساعات عاملات مالهم ذنب
تصير خربطة والله يعينهم اهو تقصيص معاشات او اهانات اهو هواش
بس ماأأيد سالفة التجربة في الناس بسبب عاملات توهم

 

[ككاوا]

بالضبط

اب اب