(تجهيزاتكم للسفر)حياااااكم

[_زينه_]

مرحبااااااااااا


شلونكم شخباركم !!!!!!!



بنات انا بسوي هالتجمع لمسافرات وعاشقات اوربا الجميله


نبي نتكلم عن كل شي واهم شي بالموضوع كله نبي نعرف شنو تاخذون معاكم بالسفره !!

شنو تشترون من الكويت حق هناك !!

شنو تسوون بالطياره !!


تفضلين الترانزيت او دايريكت !!!


تاخذين اكل معاج حق هناك ماجله والا لا !!!!


شنو تاخذين هدوم !!!!


كل شي كل شي واللي عندها اي سؤال بخصوص التجهيزات للسفر تسدحه لنا هني !!


و اي بعد مثلا منتجات مهمه و مفيده للسفره تقدرون تستعرضون صور و تكتبون !!!


يعني نبي نسولف عن التجيهزات


صج ان تو الناس ومبجر بس عشان يكبر الموضوع ونفيد ونستفيد ويدشه اكبر كم من المشاهدات + يكون مرجع لهم عن تجهيزااات السفره من جميع النواحي



يلا نبتدي بسم الله الرحمن الرحيم


وانا ان شالله بكتب شنو اهم شي بس لمن اشوف تفاعلكم


:eh_s(7)::eh_s(7)::eh_s(7):

 

[عزاااه]

رد: تجمع مسافرات اوربا2012 (تجهيزاتكم للسفر)حياااااكم

اول شي زينه مفروض موضوعج ماينكتب تجمع حاولى تغيرين عنوان راح يصير عنوان مكرر

 

[_زينه_]

رد: تجمع مسافرات اوربا2012 (تجهيزاتكم للسفر)حياااااكم

اول شي زينه مفروض موضوعج ماينكتب تجمع حاولى تغيرين عنوان راح يصير عنوان مكرر

حاضر من عيوني حبيبتي


بس ممكن تقولين لي شلون اغير اسم الموضوع مره ثانيه !!!!!

 

[عزاااه]

عدلته لج خلته تجهيزات سفر حياكم

 

[_زينه_]

عدلته لج خلته تجهيزات سفر حياكم

لوووووووول والله اخترعت شلون عبالي انا

اشكرج يالغاليه واعتذر عن الاسم ان مكرر للجميع


ها ماقلتيلنه شنو التجهيزات

 

[ام مهاوش]

انا ببدي اول وحده هههههههههههههه
اول شي تفكرين بالجناط وما انصح بجناط كبيره خففو صيرو نفس الاجانب خخخخخخ
اهم شي بلاك الكهربا اخذو مال اوروبا وامريكا تلقون بمركز سلطان انواع واحجام واشكال
ثاني شغل حق اللي يحبون القهوه العربيه مثل حالة ريلي طبعا انا احترت اشلون اسويله قهوه عربيه واحنا مسافرين فكرت اخذ جوله صغيره وفكرت بوايد شغلات
وبالصدفه كنت بمركز سلطان لقيت غلايه صغيره مكتوب عليها للشاي والقهوه وخذيتها وانا متأكده انها ماراح تضبط القهوه العربيه بس لما جربتها صج اتينن والحين ما استغني عنها بسفراتي
وفيه شغله مهمه بعد الملابس الداخليه استعمال مره وحده وبس انا احب استعملهم حق السفر وهذيل تلقونهم بالسوقه الشعبيه انا اخذهم من محل الملابس بجمعية القادسيه فوق
واي استفسار انا حاظره يالله وين المشاركات

 

[_زينه_]

انا ببدي اول وحده هههههههههههههه
اول شي تفكرين بالجناط وما انصح بجناط كبيره خففو صيرو نفس الاجانب خخخخخخ
اهم شي بلاك الكهربا اخذو مال اوروبا وامريكا تلقون بمركز سلطان انواع واحجام واشكال
ثاني شغل حق اللي يحبون القهوه العربيه مثل حالة ريلي طبعا انا احترت اشلون اسويله قهوه عربيه واحنا مسافرين فكرت اخذ جوله صغيره وفكرت بوايد شغلات
وبالصدفه كنت بمركز سلطان لقيت غلايه صغيره مكتوب عليها للشاي والقهوه وخذيتها وانا متأكده انها ماراح تضبط القهوه العربيه بس لما جربتها صج اتينن والحين ما استغني عنها بسفراتي
وفيه شغله مهمه بعد الملابس الداخليه استعمال مره وحده وبس انا احب استعملهم حق السفر وهذيل تلقونهم بالسوقه الشعبيه انا اخذهم من محل الملابس بجمعية القادسيه فوق
واي استفسار انا حاظره يالله وين المشاركات

هلا وغلا


اي صاجه الجناط حلاته هذي الدزازه على قولتهم
لووووووووووول الحجم المتوسط وانا احط داخلها Handbag عشان اذا شريت اشياء احطها بالجنطه اللي كنت رايحه فيها والهدوم اللي استعملتها بالهاند باق يعني لا سمح الله لو تضيع ماتهمني لان كل شي مهم اب هذيج الدزازه

اي ملوت الكهرباء كثروا منهم عشان ساعات تنسين واحد بفندق الا معاج وايد


اي نفس حاله الوالد امي بعد تاخذ غلايه عاديه وتسوي فيها القهوه العربيه

وين بجمعيه القادسيه وشلون صايرين بليز ام مهاوش

 

[_زينه_]

شدعواااااااااااا بنات وينكم المشاهدات فوق ال 70 والردود 6


اللي بدش الموضوع تكتب ترا حق الاستفاده للكل

رجاءا لا تطلعون بدون رد لان فعلا محتاجينه هالشي

 

[Behtar]

عجبني الموضوع
اب اب

 

[_زينه_]

ببتدي انا بالتفصيل المفصل


اول شي مع جنطه السفر


كل الصور من العم قوقل وتقريبا كل الصور نفس اغراضي بالصج المج
لووول

هذا الحجم اللي افضله للسفر لا اكبير وايد ولا صغير مناسب و ويشيل وايد اغراض بعد
وبالصدفه الصوره طلع لونه احمر نفس جنطتي لونها احمر






وطبعا الاغراض اللي اخذها ملابس وما اكثر يعني تريننقين + و من 5 الى 7 بدلات ومده رحلتي 21 يوم او 25 نسيت المهم فوق ال 20 يوم ان شالله و اكرر صراحه بدلاتي عادي سفر
لوول

عشان اخش مكان حق اللي اشتريه و الشوز حشاكم اخذ نعال حشا السامعين و فلات 1 ولأول مره هالسفره باخذ Rain boots لان يدفي من دااخل والاهم مريح والصراحه انا مو من النوع اللي اخذ جوتي رياضه فلات مريح و نعال مريحه وبس


و فوطه و لاحظت ناس بالسفر ماياخذون فوط تقول لان فوط الفندق نظيفه وبجايسهم فا ماياخذون يثقلون شرايكم بهالفكره !!!!!!


وانا احط داخل جنطتي مثل هالجنطه اسفطها





عشان كل الاشياء اليديده احطها بجنطتي الحمرا اما هدومي اللي مستعملتها مع الشوز اقطهم بهالجنطه الصغيره احسن


خلصنه من الجنطه انيي حق اهم شي بالرحله كلها


الحب كامرتي




canon EOS 450D

والعده لازم تكون كامله متكامله حق التصوير









هذول عدساتي الغالين صور من النت هذول خذيتهم

واسمايهم

الاولى اسمها تامرون 90 حق تصوير الماكرو والبورتريه

اما 2 زووم و اسمها سيقما 70-300


ومن ضمن الاشياء المهمه لابتوبي الميني من MSI








وطبعا كاميرات الفيديو مهمه لا تنسون


انيين الحين حق الاكل و البلعه طبعا بلعه خفيفه


اهم شي حق اللي يحبون الشاي و القهوه محبوبه الكل و القهوه العربيه لازم هذي






وطبعا اهيا ساعات تكون متوفره بالفنادق و ساعات لا فا اخذوها



حبيبتي اللي ما استغنى عنه






عشان يقعد رويسي حق الطلعات و الرحلات



كلينكس ديتول مهم مهم مهم






هذا المق مالي حق الكوفي







قلاصات الميني حق القهوه البلاستيك






و الاكل والله قبل سفراتنا كنا ناخذ بطاط جياسه و جبن و صموت وتوست و كاكاو و بسكوت بس الحين توبه توبه اكل بس قهوه و شاي وبس


نصيحه لا تاخذون هالسوالف اتكتت بالجناط و الكاكو يسيح و البطاط يتبطط

بس انا اخذ حب الرفاعي
لوووول مهم مهم عندي اطقطق فيه بالطريج


انيي الحين حق جنطه ايدكم اللي اغلبنه ياخذ كروس حتى الوالده اللي يحفظها كروس تقول ماتعور جتفي و اسهل


شنو تحطون فيها

انا بالنسبه لي

1_ ماي لازم لازم
2_كلينكس العادي + كلينكس ديتول
3_بوكي ولازم البوك يكون كبير و عتيج بوسحاب (لوووووووووول)مال السفر هذا
4_كامرتي الغاليه
5_كريم للايدي

و الشامبو والصابون ما ناخذ الا شامبو شعر هذا مهم وشامبو جسم من الفندق

صابون ملابس عشان الهدوم الداخليه :$

و جنطه صغيرونه حق الكريمات الويه و المكياج الخفيف لوول مهم حق الصور و شباصه و مشط و فرشه


اي بخصوص الاسئله اللي حاطتها
اي افضل الترانزيت يكون ساعه ونص او ساعتين بس كحد اقصى عشان نمشي نريح ريولنه وما نحس بالملل

و بالطياره انا عن نفسي انام او اقعد اقرق مع امي
لووووول

وان شالله اذا ذكرت اشياء بسدحها لكم

 

[_زينه_]

عجبني الموضوع
اب اب

اشكرج على اعجاباج
وياليت تقولين لنه شنو تاخذين و الاحتياجات

 

[_زينه_]

شدعووووووووه بناااااات

 

[om l3yal]

حبيبتي انا حاطة موضوع اسمه مستلزمات السفر بالصور
http://www.q8yat.com/t744027.html
وبالنسبة للترانزيت ماتفرق عندي عيالي كبار اسم الله عليهم
انا بالصيف ونص السنة كانت سفرتي لندن ورحت على البريطانية دايركت
وبالصيف هذا ان شاالله راح اروح تركيا راح تكون على الخليج وانزل البحرين ترانزيت وربي يسهل ان شاالله

 

[مدرسة طفشانة]

يعطيج العافية عالموضوع
حبيت اضيف شطاف الوضوء حق الحمامات وانتو بكرامة من الضروريات
وعندج بعد الرشاش الصغير اعبيه ماي بارد حق الجو الحار ارشه على ويوه اليهال
والله يسهل على الجميع سفراتهم ويوفقهم فيها

 

[عروس مغتربة]

جزاج الله خير
​

 

[_زينه_]

اببببببببببب

 

[عاشقة الخيل]

موضوع روعه لي بآك ان شاءالله :*

 

[عاشقة الخيل]

بآك ؛

طبعا افضل دايركت الرحلة احس وناسة < احب جو الطيارة

الجنطة

تكون وسط موكبيرة ولاصغيرة

الملابس

اخذ من 5 لي 7 بدل واهم شي مريحين مع ملافعهم والبناطير
وماانسى الملابس الداخلية اكثر منهم
وبجامتين للنوم
ودلاقات < مهاجرة خخخخخ
واهم شي نعل تكرمون يكون مريح سواء فلات او سبورت او طبي المهم انه مريح
واخذ معاي جياس رول عرفتوهم السود اللي عند ابومية حيل ينفعون للسفر
خلصنا من الملابس

نجي لعدة النظافة
شامبو عطر بخور لازم اخذ معاي حق الشقة وصابون جسم وشامبو سائل وديودرنت وفرشة ومعجون احطهم بجنطة صغيرة مسكرة بالجنطة الكبيرة
وهم من الاشياء المهمه ديتول وكلينكس جونسون الصغار روووعه يابنات ما استغني عنهم انظف فيهم وجهي عقب المكياج يجننون وحجمهم صغير وكلينكس ناشف هاي عرفتوه بالجمعيات موجود بمية اخذ منه 2 واغطية المرحاض وهم بعد شطاف الوضوء من السنيدي اخذه يجنن وينفع ومبرد لاضافري لازم بجنطتي خخخخخخخخ

و سجادة صغيرة

ومكياجي من مسكرا و وكريم وحمرا وشدو بو 3 الوان الناتشورال

نجي لاغراضي اللي مااستغني عنهم
التلفون مع شحنه والبلاك مثل ماقالت اختي ام مهاوش مال اوروبا
والكاميرا والشحن والميموري

اييي ونظارتي الشمسية :$
وجنطتي لازم تكون كروس اهم شي فيها سحاب والبوك يكون كبير وفيه سحابات

اتمنى اكون فدتكم ومانسيت شي وسلامتكم

 

[_زينه_]

ابببببببببببب

 

[قهوة]

أفضل الرحلة ترانزيت أخترع من الطيارة ما أطيقها بس مجبورة لأني أحب السفر موووت..
دايما أخفف من الشنط وانا مسافرة لأني أرجع ثقيلة وانا رادة
أهم شي شنطة اليد فيها معقم وواقي شمسي ونظارتي والبوك ولازم كتاب للقراءة خلال الرحلة<<<تحاول تصرف الخوف
طبعا تلفوني أقفله وانساه.. ماشاء الله حولي أربع موبايلات حق أولادي وزوجي..فما أحب القلق أفتك منه وأستمتع بالرحلة.
ماأحب الميك أب في السفر..لأني دايما برا فما أتبرج ..أكون على طبيعتي.
الأدوية لازم تكون بشنطتي والأوراق الرسمية لأن زوجي أشطر واحد بتضييع الأوراق بالسفر.
وأحطها بشنطة خاصة صغيرة وتكون داخل شنطة اليد .
ما أشيل معي أكل أبدا ..
كاميرا الفيديو لازم ..لازم..حق التوثيق للرحلة لعرضها للأهل والصديقات هههه
وسلامتك