(تجهيزاتكم للسفر)حياااااكم

[ضيا نجد]

مرحباااا

اول شي بالنسبه للسفر حلو الترانزيت عادي مافيه اي مشكله

وتجهيزاتي اللي متعوده عليهم :

اول شي جنطة حمرااااا ،، عشان اميزها بسرعه 

وماتكون كبيره لا وسط احسن

الاجهزه الكهربائيه ؛

فيش / اوتي صغير الحجم / شحن تلفون /غلايه للقهوه / استشوار لازم ما استغنى عنه

الملابس:

تريننق
بيجاما
بدل الطلعه
ملافع
باند للملفع
ملابس داخليه
*دلاغات خفيفه وثقيله
جاكيت
جوتي ( عزكم الله ) رياضي وطبي وفلات وللحمام
فوط كبيره للاستحمام / فوط صحيه
لازم الشامبو وحمام زيت وليفه
مشط / منظره صغيره / بلاستر للجروح /
كلينكس ديتول / معقم / مبرد / ملقط /
عدة خياطه ( ابره وخيط وازره ومشابك )
ادويه ( ادول - بندول - دوا كحه )
كاميرا ديجيتال + كاميرا فيديو + اشرطه
عطر
مكياج
لوشنات

الاكل :

قهوه عربيه / نسكافيه
مكسرات الرفاعي
ككاو / شبس و برنقلز / بسكوت مالح
لبنه اللي بالعلب الصغيره.
صمون / جبن كيري الجره عشان مايتكسر

ايه نسيت اقولكم لازم ابريج صغير للحمام ( عزكم الله)

التكت والفلوس والخرايط والاماكن هذي تكون معاي بجنطتي  *

 

[نجود بنت محمد]

،

ححَلو الموضوع

بنات عده الحمام من معجون و فرشه و شامبو و شورجل و هالسوالف

شلون تحطونهم بالجنطه ؟
​

 

[fat]

خوش موضوع انا احطهم بجناط صغيره بلاستيك تحصلينهم ماركسبنسر او صيدليه بوتس

 

[عواشه القرقاشه]

اممممممم خوش موضوع خاصه ان هاليومين لازم ازهب جنطتي خخخخ

اذا السفره فوق 5 ساعات بالطياره افضل ترانزيت
لان اتأزم من الطياره ظهري ينكسر ولا اعرف انام فيها ولا احب اكلهم خخخ

اما اذا 5 ساعات او اقل دايركت عادي ..


بالنسبه حق الجناط
صراحه جناط بياكاردان كد
جم سفره معاي وشحلاتهم

والاشياء الضرورية :
بدلتين كشخه والباجي ملابس مستهلكتها واقطها هناك
عدة النظافه ( شامبو - صابون - فرشه ومعجون - صابون ازالة الميك اب - موس حلاقه - مقراضة اظافر)
الأكل ( جاي - حليب - نسكافيه - نودلز - جبن كرافت ريلي مايستغنى عنه خخخ وخرابيط بطاط وككاو )
نظارتي الطبيه والشمسيه وعدسات
ميك اب خفيف
بنادول - بلاستر - بروفين
عدة الكاميرات ( كاميرا بروفيشنال مع العدسات - كاميرا ديجتال - كامرا فيديو - ميموري اضافي )
ساعة ايد عملية ولايقه مع كل الملابس
بجااااااايم ( هالكبر لان العام نسيت اخذلي بجايم لووول )
سيادة وثوب صلاة


برامج ضرورية بالايفون
( محول العملات - توقيت الصلاة - اتجاه القبله - نافيقيشن )

اذا تذكرت لي باك

 

[Behtar]

انا ماعندي شي مهم بس ولدي كل شي مهم
احط بجنطته الحليب والممه وسناكس وحلاو واحط معاه لنش بوكس داخله جزر مقطع او من لاكل الي ينحفظ اذا الرحله طويله
لان ماحب طول الطريج يحط حيله بالحلويات حرام وعصاير وحليب موز كي دي دي
اسوي له ساندويج اما انا بطقاق ههههه لو اصوم
حفايظ وكلنكس مبلل وبجامه اذا تضايق من الجينز ولدي واعرفه مايداني الحر او الحكره
طبعا اكتب بيده اسمه ورقمنا ضروري
واهم شي بجنطتي ايفوني وبلاكبيري وايباد لولدي اكون محملت له بارني وببايات وطيور الجنه
اما جنطه الي نشحنها تكون سحب احط فيها الملابس شتويه او صيفيه وشمسيه ورين كوت لي ولولدي
وولدي اغراض معاي
وماحب اكثر لان اعرف نفسي اذا سافرت وشتريت كل السوق اضطر اشتري من هناك جنطة سفر احط كل الي شريته
ولااااازم قهوه عربيه مع هيل ومسمار هذا الشي الوحيد الي اييب راسي مو كابتشينو ونسكافيه وخرابيط
وكان الله غفور رحيم

 

[Behtar]

ايه نسيت عن الرحله
انا ملوله ولازم ترانزيت بس مع ولدي لازم دايركت عشان نكون بديره الي نبيها بسرعه ماحب امرمط مع ولدي وجنطته واغراضه وعربانته عرفتي
لادويه حق ولدي قطره خشم وادول ومسكن ومرهم لجلده فيه حساسيه
انا بنادول احمر وبخاخ اوتروفين

 

[فلاش ميموري احم]

شكرأأأ يعطيك العافية

 

[ورده عنابيه]

ابببب

 

[الشيخه فطامي]

حبيبتي انا اول شي اسوي سييرتش عن الدوله اللي بروحلها يعني فيها شوبينق ولا لأ


بعدين احدد عدد الجناط الفاضيه اللي بيبها حق التشري

طبعا قبل كنت احط توست بطاط خرابيط بالجنطه معاي ماينجاس كلا اروح اشتري من هناك حتى لو يايبه بطاط او ككاو مادري ليش

اجرب اليديد يمكن طعمه غير بس احط احتياط حق اليهال

بس اني اجيل عيش او اطبخ لأ كلش مااييد صراحه في ناس تحب

طبعا ماحب اشتري اي شي من الدوله اللي رايحتلها الا الاشياء اللي ماعندها ياها بالكويت

سيادتي او البوصله بس الحين الايفون موجود

بالطياره اقسم وقتي على حسب الساعات اشوف فلم اكل العب مع اليهال او اخذلي غفوه

او سلامتج

 

[ام خوووخه]

انا بالنسبه لي اهم شي بلاك الشحن والكامرا والموبايل وشحنه والسجاده وثوب الصلاة والملابس الداخليه اخذ من الاسواق الشعبيه حق استعمال مره وحده وابريج الماي حق الحمامات عزكم الله والملابس طبعا توووبه اذا اوروبا بالصيف ملابس صيفيه وجاكيتين بس واخذ من مركز سلطان جنطه صغيره خاصه للسفر فيها صابون وشامبو وشاورجل وشغلات للحمام تكرمون وطبعا صابون زياده ومناديل ديتول وجنطه كروس مهمه جدا وانا صرت كل سفره اسافرها اتعلم من الي قبلها لان الله لايوريكم سفرتي الاولى شنو اخذت 
واحب اضيف صيدليه صغيره فيها بندول وزيرتك وشوية ادويه ضروريه
وطبعا مانسى القارمن عشان السياره لمسافرين اوروبا وعزكم الله نعال للحمام
وشمسيه طبعا  ماننساها
وعلب كلينكس طبعا

 

[سلطنه]

يازينكم ويازين افكاركم تهبلون راجعه لكم موضوع قمه الروعه

 

[* إشراقة *]

:dمشكورة على هالموضوع المفيد صراحه

انا حسب السفره اذا بروحي او مع عيالي

السفره مع الاطفال افضل ترانزيت ينزلون يحركون ريولهم ونتسوق وناكل

وبالنسبه للملابس احرص اخذ لهم جينز مايبين فيه الوصخ ولازم جاكيت خفيف

احب اقلل الجناط ثنتين وحده انا وزوجي والثانية عيالي الاثنين ومرة سافرت بجنطه وحده كبيره كلنا:d

انا حقي جنطه كروس وعيالي جنطه ظهر او كروس احط لهم سناك مجله الوان ولازم اي بود
احب اخذ كرواسون بسكوت شي خفيف عشان اول يوم لمن نوصل
ما ابلش ريلي لازم ندور بقاله او جمعيه

بالنسبة للملابس الداخيله اخذ القديم عشان اذا توصخ اقطه ما بتلش اغسل

احب يكون معاي بساكيت صغار او حلويات حق الطلعات عشان تركد عيالي

وماحب اخذ هدوم وايد لاني اصلا بشتري واستخدم اليديد فرصه

احرص اخذ فنادق مع ريوق عشان نضمن وجبه مفيده :gathering::gathering:لانه السفر كله مطاعم

 

[* إشراقة *]

واحب اوزع اغراضي بالجنطه داخل مقلمه او داخل ملفات ارتب الملابس الداخليه ادوات النظافه الشباصات جذي كل مجموعه بروح

 

[_زينه_]

روووووووووووووعه يااا بنااات


وحلوه فكرة الملفات للملابس الداخليه والدلاغات والملافع

 

[You FOR Me Only]

والله تقريبا كل شي افكر فيه كتبتيه

بس انا ما افضل الترانزيت الدايركت افضل

 

[_زينه_]

،

ححَلو الموضوع

بنات عده الحمام من معجون و فرشه و شامبو و شورجل و هالسوالف

شلون تحطونهم بالجنطه ؟
​

حطيهم بجنطه صغيرونه نايلون او خاف كيفج ولفي الجنطه بجيس جمعيه وربطيه زين عشان ما يتبطل و دعسيه
ومتي سالمه

 

[_زينه_]

عجيبين بناااااااااااات انتو وافكاركم ومنكم نستفيد ياالغاليات

بعد بنات شدعوده وين الردود !!!!!!!!!!

 

[ryoooma]

هاي بنات يعطيكم العافيه على الافكار
انا شريت اكياس الضغط وحطيت بكل كيس بدله مع كل ملحقاتها يعني كل يوم افج جيس ويكون كل شي فيه حق طلعة اليوم من اكسسوارات الشعر والاندر وير والبدله جذي ارتب عشان مااحوس وانا ادور وكيس الضغط يخلي اللبس مايتعفس بالجنطه شرايكم

 

[قلبي تركواز]

مرحبااا بنات
موضوع حلوووو
انا عن نفسي ام الحوسه مااعرف انظم اغراضي كل شي كل شي آخذه مااخلي شي
ونص اغراضي ارد فيهم مااستخدمتهم

انا عن نفسي بصير سنعه وابقلل هالمره

اهم شي
اباخذ معاي غلايه للقهوه العربيه
قهوه / هيل
فنجايل (( بس اثنينه )) ماتحلا القهوه الا بالفنجان مو اكواب الورق
اممم اكواب ورق للشاي
بس اما ماجله مااخذ لان ماراح يكون معاي جهال


اشياء مهمه
مشط استشوار طبعا
اخذ اغراضي كامله (( شامبو شعر ؛ شامبو جسم ؛ حمام زيت ؛ سيروم ؛ لوشن ؛ فرشه ومعجون ،،،،،، الخ
مااحب اروح واشتري واقعد ادور السوبر ماركت احب اول مااوصل اتسبح واغراضي تكون جاهزه
فوط """" مستحييييل استخدم ملوت الفندق
*

امممم بعد
صيدليه صغيره
بلاستر / بنادول / حبوب مص / كريم لشد العضلات

بالنسبه لغسيل الملابس !!!
انا بروح اوربا وين اغسل الملابس ؟؟؟؟
عندهم مغاسل والاشنوو

 

[am faisal]

باوربا متوفرة مغاسل عجيبة لا وتطلع ناشفة حيل بس فية خدمة غسيل واوتى
سالى ويدلونج
احسن شى تسكنين شقة وعادة باوربا الشقق كل شى فيها واريح واوسع وارخص