(تجهيزاتكم للسفر)حياااااكم

[am faisal]

اذا انتم من النوع اللى يطبخ وبتروحون اوربا لاتاخذون شى من الديرة وزن وبس
كل شى متوفر حتى اللحم والدجاج تحصلونة بالسوبر ماركت التركى بس اخذو البهارات بس والقهوة العربية

 

[هونها يارب]

وايد استفدت منكم بنات

 

[هونها يارب]

عن نفسى انقل كلشى معاي

 

[اصايل]

يعطيكم العافيه خوش موضوع أنا ماسكه القلم واكتب النواقص معاكم

 

[المهفة]

مساء الخير بنات وشاكره صاحبة الموضوع
بغيت أشارك معاكم واقدم لكم نصيحه عن خبره اذا اسمحتلي اختى زينه
فيه اشياء نقدر نختصرها ونصغر حجمها عشان ماتاخذ مكان بالجنطه .مثلا البنات اللى يحطون ماكياج يستعملون الورق المبلل اللى يزيل ماكياج الوجه والعين مع بعض . بالنسبه للعطور دائماً أخذ معاى العينات الهدايا الصغار عرفتوهم.كريم الاساس السائل اللى لانشف صار بودره. الادويه مااخليهم بعلبهم اجمعهم بعلبه وحدة .وعشان اختصر عدة الحمام الشامبو والكوندشينر اوحمام الزيت ماخليهم بعلبهم الكبيرة افرغهم بكونتينرات صغار حسب مده سفرتى وتلاقونهم بمارك سبنسر احجام مختلفه .اما الملابس فعادة اخذ اللى مستعملتهم وبتخلص منهم يعنى وماارجع فيهم.بالعربى كل اللى أخذه معاي بالجنطه استعمله او اخلصه هناك والجنطه تتنترس من مشترياتي الجديده .وعلى فكره ماقمت اييب صوايغ لوووووول صارت عاده قديمه الحين الناس يسافرون على مدار السنه واللى يبي شى يشتريه بنفسه .
اشرايكم فينى ؟

 

[عزاااه]

صح كلامج يالمهفه

 

[كويتية و لكن]

بناات اهم شي المرمية والزعتر والمرقدوش ولزاقات الجروح والشاي الاخضر ومطارة الماي الحار وادوية المسكنات عن البرد وتغيير الجو وبالسلامة

 

[دانه الخليج]

خوووووووووووش موضوع يعطييج العافيه

 

[شقاوتي غير]

موضوع حلو والكل بيستفيد منه

اما عني انا اهممم شي يكون لون الجنطه غريبه ومميزه <<< متعقده :krkrkr:

لان من ذيج المره يوم سافرت ورديت الكويت جنطتي ماشفتها مره يقولون ناسينها بالمطار ومره يقولون يمكن ناس خذوها ومره يقولون يمكن ناسينها بالشحن فالغلط كان من المطار :eh_s(2)::eh_s(2):

وثاني شي الي مستحيل انساهم كامرتي البلاك بيري وشحنه والشمسيه والنظارة :eh_s(22):

اما الباجي عاديه مثل ماتطرقوا البنات فيه :rerrerek:​

 

[Behtar]

اسستفدت منكم

 

[الرنا]

وااااااااااناااااااااااااااااااااااا بعد استفدت مشكووووووووووووووووووووووورين حبيباتي

 

[fat]

ريوم فكرتج حلوة اعجبتني مالت اكياس الضغط

اوكي من لكويت واذا وصلتي اشلون من وين مكنسه عشان تشفط الهوا من لكياس

 

[^ دانة الزين^]

بهالسفره انشاءالله راح اجرب الطباخ وبصراحه مجبوره عشان عيالي بس عفيه شنو الماجله الضروريه اللي اخذها معاي؟؟
واذا حطيت ماجلتي بجنطة الشحن ما يسوولي سالفه المطار و يبطلون الجنطه ؟؟

 

[_زينه_]

عجيبين والله بنات افكاركم عجيبه وانا سجلت جم شغله منكم ومشكورين




و نوورتي الموضوع واخذواا راحتكم بدون استأذان الموضوع لكم ومنكم


احبكم

 

[غلاي غير]

اكثر شي يبط جبدي الكوي يالله يعكر مزاجي ومسببلي ازمه

منو عندها حل

 

[loulie]

انا بسافر عقب جم يوم
بنسبه للملابس
باخذ 2 جمب سوت
4 قمصان
6 بلايز نص جم (انا مو متحجبه)
3 جينزات فاتحه (2 سكيني واحد برموده)
جينزين غامجين (سكيني)
شورتات ملونه
بنطرونات هاي وست
تنورتين هاي ويست
3جاكيتات بوي فرند
3 ترينقات جوسي فوطه
نفنوف مكسي ابيض
و نفنوف بيج قصير احتياط


والجواتي اكرمكم الله
4 تومز( خيشه و احمر و احمر مخطط و كحلي مخطط و قلتر سلفر ) (مرييحيين حيييل)
و فلاتين كلاركس ( مرييحييين)
و نعال بريكنستوك مادري شسمه :d
للملابس الداخليه باخذ يدد و وايد عشان مالي خلق اغسل

جناط كله
4 كروس(مايكل كورس ملبيري دكني و كوتش )
و وحده لوي فيتو عاديه بس باخذ معاها حبل كروس

و من فكتوريا سيكرت خذيت اشياء تهبل حق الجوازات و البطاقات المدنيه عشان ما يضيعون و اشكالهم تشوق (ما اعرف اشرح:d)
و باخذ جنطه من بلاستيك حجمها متوسط بحط فيها كل خرابيطي (شباصات مشوط سبراس شعر شامبو ديودرنت كوتكس اكسسوارات عطور كريمات الخ..

و الميك اب بس تنتد مويسترايزر و مسكرتين وكحلين و تنتد لي بالم و كونسيلر
بحطهوم بجنطة مكياج و بحطها بجنطتي اللي بروح فيها المطار

و باخذ معاي جنطه سحب صغيره حاطه فيها الجواتي و الجناط و الاستشوار و الفير مالي و النطه البلاستك اللي قلتلكم عنها

اذا اتكرت شي حطيته























​

 

[بخـــارى]

باخذ معاي كتيبات النعريف بالاسلام بلغه الالمانيه وسويسريه

وديتول سايل واسفنج وصابون غسيل ملابس
وبودي نجتس ونقانق وشيكن فرايز لانه هالسفره ان شاءالله مع عيالي وبطبخ لهم هالخفايف
وفي الكنابل الخفاف حيل مع المخدات القديمه بوديهم وبقطهم هناك
وانصحكم باجياس الضغط انا اخذهم من ترفاليو الي اصغر حجم لانه احنا لازم نشتري ملابس والملابس تاخذ مكان بس ماتاخذ وزن
وكلام المهفه عدل من ناحية الصوايغ
بقولكم على شي سفرتي الاخيره لفرنسا شهريناير وفبراير
خواتنا المسلمات من المغرب العربي عجبهم حجاباتنا القطن الي فيهم ستراس بودينار ونص ودينارين فبودي لهم
( جني تحولت الى لجنه التعريف بالاسلام )

 

[فوفو22]

لاني اطبخ وجبه وحده بالسفر

فاغراض المطبخ :
عيش 0 عدس 0 ماش 0 شوربه ماجي عدس0 بهارات
اغراض الحمام
تعرفونها بس بقولكم شي بتدعون لي
بالسفر اذا بقيتي تستعملين حماماتهم شنو تدخلين معاج بالحمام؟؟؟

اكيد بتقولون بطل ماي.

انا اقول غيروا ببطل كاتشب النايلون اللي فيه بوز طويل

لانه الماي يطلع شوي شوي مو مثل بطل الماي

طبعا ما ننسى البخور والمبخور والفحم والشاحن واللابتوب

فوفو

 

[_زينه_]

حياكم الله

 

[بخـــارى]

فوفو يعطيج العافيه على فكرة بطل الكاتشب