قولولنا تجاربكم مع النادي الصحي .. شصار لج لما تركتي الرياضه ..

[معلمه متميزه]

قوه بنات شلونكم ..


شخباركم ..



تعالو خنسولف شوي ..


يقولون ان الي تلعب رياضه وتعود جسمها عليها .. لما تتركها راح ترجع دبل عن اول .. هل هالحجي صج .. منو تايد ومنو تعارض والي تايد تقول شلون وشنو تجربتها والي تعارض هم خلنسمع تجربتها ..

لاني بصراحه ابي ادش نادي ومفكره اسجل بتشامبينز هاليومين بس كلما اتذكر سالفة الدبل هذي اتردد .. وانا وحده اعرف نفسي حتى لو استمرين ثلاث اربع شهور هم بتييني فتره ابطل رياضه ..

يريت اسمع ارائكم عشان الكل يستفيد ..

وتسلمون

 

[زلابية]

مشاركة: قولولنا تجاربكم مع النادي الصحي .. شصار لج لما تركتي الرياضه ..

انا من رايي ان الحركه فيها بركه
بالعكس يمكن تتعرفين على بنات هناك يشجعونج انج تكملين بالنادي.
وسالفة انج تردين دبلات هذي مادري عنها بصراحه واللي تقول جذي ما لها خلق لا تمشي ولا تتحرك وتتعذر بهالعذر.

 

[زيـنـه]

مشاركة: قولولنا تجاربكم مع النادي الصحي .. شصار لج لما تركتي الرياضه ..

اللي يحافظ على جسمة لازم على طول يستمر على الرياضه لو على الاقل المشي او الحركه بالبيت .. و بجذي ما يرد الجسم .. بس اذا ناوية على الرياضه بس فتره محدده و تالي تردين للقعده و الاكل اكيد يرد جسمج و جنج ما سويتي شي ..

و موفقه ان شاء الله و الحركه بركه .. مثل ما قلت لج مو ضروري رياضه بمعناها على الاقل تحركي بالبيت و سوي شوي من اشغال البيت و مع الوقت بتخفين .

 

[دلـــــ ابوها ــــــع]

مشاركة: قولولنا تجاربكم مع النادي الصحي .. شصار لج لما تركتي الرياضه ..

حياتي


انا دخلة نادي سباحة في الاردن خوش نادي والمدربة تمام

طول الصيف كنت هناك ومستمرة معا النادي

وما اكل كاكلو وبيبسي نادر الا اذا طلعنا انتعشا

وضعفة لما رديت الكويت الاكل يقولي شمسوية شنو ضعفج

طبعا رديت الكويت على طول مدارس ما اشترك وزدة وزدة وهذا حالي كل يوم اكثر من الثاني السباحة حيل ضعفتني انصحكم فيها

وسلامتج حياتي

 

[معلمه متميزه]

مشاركة: قولولنا تجاربكم مع النادي الصحي .. شصار لج لما تركتي الرياضه ..

تسلمون بنات بس مع ذالك ماجاوبتوني على سؤالي ..

الي صارت لها ظروف وهدت الرياضه عقب ما كانت مواضبه شنو صار لها هل فعلا ردت دبل ..

انا لما اقول ترد دبل قصدي ان الجسم بعد ماكان مشدود يهتري مره ثانيه ومع اكلها العادي حتى لو تخفيف بسيط لما تمتن ترجع اكثر من اول .. فهمتوني

 

[ظلال القرآن]

مشاركة: قولولنا تجاربكم مع النادي الصحي .. شصار لج لما تركتي الرياضه ..

اعرف وحده كانت زينه واشتركت بنادي وصارت ملكان

وعقب ما طلعت صارت عندها تقاسيم ما كانت موجوده اساسا

 

[ناني سيكرتس]

الله وناسه يلا كملوا نبي نعرف تجارب اكثر.

 

[سويتي الحلوه]

لا بلعكس الجسم مايتغير اذا هديتي الرياضه بس انتي عاد حافظي علي جسمج الي صار بعد الريااااااااااااااضه وهذا المهم

 

[mamlo7a]

هلا حبيبتي

انا من واد الرياضه ولما العبها العبها ابقوه بس اهدها لما احمل عاد الله لا يوريج اشلون اصير متينه و اخرع ما ادري هل من الحمل او من هدت الرياضه او منهم اثنينهم هذا الكلام عن الرياضه وايد اسمعه بس ما اعتقد انه صج جربي الرياضه و راح تتعلقين فيها و ما اتهدينها

 

[شكليطه]

زمن العجايب.......انتي تكلميني؟؟؟؟؟؟


هذي حالتي بالضبطططططططططططططط


اشتركت اول مره غصبن علي(كنت صغيره) ويدتي تخانقهم تقول حرام عليكم تخربون جسمها اذا هدت الرياضه تترهل

وفعلا تركت النادي وانفرششششششششششششت وصرت دبل

وقبل 3 سنين دخلت النادي مره ثانيه بس بارادتي هالمره
ويدتي الله يحفظها ويلبسها الصحه والعافيه كررت علي نفس الكلام
لكن كنت ارد عليها واقول لا يديده ان شاءالله بستمر
وفعلا اشتركت سنه

واللي يشوفني مايعرفني وينبهر مني.....حتى الحريم يخلون سوالفهم ويجابلوني

بس ليما تركته.........ما كان عندي دافع اسوي رياضه بالبيت
ولا امشي.....لان كلش كلش مااااااكو مقارنه مع النادي

وفعلا رديت اللي طيرتهم وفوقهم دبلالالالالالالالالالات

حتى اختي مسكينه اول جسمها تبارك الرحمن يهههههههههههههبل
اشتركت بس تبي تنزل جم كيلو ........
صارت نفسي......وطلعت لها زغاديد ما ادري من وين
حتى كل مالبست شي وشفته يأنبني ضميري عليها
احس خذيت اثمها



هذي تجربتي باختصار

لكن مو معناته انج ما تشتركين لأ بالعكس اشتركي بس استمري


وموفقه

 

[Pink GirL]

الصراحه انا جربت هالشغلة

كنت كل صيف اشترك بمس شامبينز وكنت اهلك نفسي رياضة وسباحه

ومن اتركة يخترب الجسم

بس اللي سمعته ان اللي تتعود على الرياضة يطلع لها عضل فإذا هدت الرياضة يربى الشحم فوق العضل علشان جذي تصيرين دبل ما كنتي

الرياضة حلوة بس لازم الاستمرار

 

[كوب قهوة]

مرحبا حبيبتي ،، اشكرج على هذا الموضوع اللي فعلا تعاني منه كثيرات جدا ،،
عن نفسي كان وزني قبل ما يتعدى 55 كيلو ،، طلعتلي ( كريشة صغيرووونة):eh_s(6): فقلت خل اسجل بنادي صحي عشان اوخرها ،، وفعلا بغضون شهر صار وزني تقريبا 47 واستانست ،، الحلوة كوب قهوة شنو سوت ؟؟؟؟؟؟؟؟؟؟؟؟ تركت النادي :eh_s(13): وقمت اكل بالهبل ،، دبل عن قبل ،، وكل ما اشوف روحي بالمنظرة اقول " لا بعدني اضعيفه " وقمت اكل بشراهة وتركت النادي وقلة الحركة وكل هذا اعتمادا على ان وزني نزل وايد ،، بعدها بفترة لاحظت نفسي وبيوم وليلة والله العظيم ان كرشي طرع بس اي كرش ،، شفتي الخطوط اللي تطلع حق الحامل شلون صايرة ،، جذي حتى استغربت بصراحة ،، الجلد قام يتبطط:eh_s(16): وقام يترهل ،، وقمت امتن وامتن وامتن لين الحين صار وزني ما يقارب 70 كيلو ،،،،،،،، يااااااا خدااااااااااااا
وسلامتكم ،، عشان جذي اللي تلعب رياضة لا تتكرها حتى وان اضطرت انها تترك الرياضة خل تمشي باليوم عالاقل نص ساعة
وعاشوا الحاضرين

 

[مستشاره قانونيه]

الصراحه انا جربت هالشغلة

كنت كل صيف اشترك بمس شامبينز وكنت اهلك نفسي رياضة وسباحه

ومن اتركة يخترب الجسم

بس اللي سمعته ان اللي تتعود على الرياضة يطلع لها عضل فإذا هدت الرياضة يربى الشحم فوق العضل علشان جذي تصيرين دبل ما كنتي

الرياضة حلوة بس لازم الاستمرار

انا بالضبط نفسج بنكييييه كل صيف كنت اشترك بشامبينز 3 اشهر واخر مره 6 اشهر بس بعدين من اهد الرياضه واكون مسويه رجيم بس احس وزني يرد مره ثانيه علشان جذي قررت ما اترك النادي ولا المشي

 

[النوفي]

بصــرااحه بناات الووحده تحاافظ على جسمهاا من نفسهاا وماتروح انديه احسن بكثير من الناادي عن نفسي جربت وللاسف زااد وزني ولا لي خلق ارجع للنادي ولو برجع برجع بحمااس اول الاياام بعدين بملمن هالروتين

 

[رند]

انا عن نفسي مومفكره بالرياضه
كل اللي اسويه امشي كل يوم على خط المشاه ساعه وحده منها المشي يضعف ويشد الجسم وان هديتيه ماله اي اثار

 

[paris]

انا مع الفاتنه الصغيره

المشي وايد يشد الجسم ويضعف

وصاجه اتييني فتره ما اروح الممشى وما يتغير على الوضع

 

[ii DareeN ii]

مشكوره اختي على طرح الموضوع ياريت البنات يعطونا تجاربهم

 

[ناني سيكرتس]

شوفوا تجربتي...
اما من اول جسمي مليان بس كنت محافضه على نفسي ,ليما الشتا الي طاف وموجة البرد الي يتنا يينتني وخلتني اكل بالهبل وزاد وزني 5كيلو تقريبا, عاد قلت لازم رجيم لان وزني وصل ليما 89, وسويت رجيم بعدها بشهرين دخلت النادي. وهلكت روحي بالرياضه ليما وصل وزني78 وبعدين لظروف قاهره خليت النادي.
والحين بعد 3 اشهر من خليت النادي وزني بس زاد كيلو لاكن جسمي صار وويع من عقب ماكان مشدود ويهبل طلعتلي زغاديد بظهري وبطني الله لا يواريكم. عاد الحين قررت ارد النادي عشان اوخرهم لان شكلهم ويييييييييييييييييييييييييييييييع.

 

[ظلال القرآن]

اختي اشتركت فتره وصارت منيكان

عقب ما هدت النادي صارت ابله عطيات >>>يا حسرتي عسى ما تشوف مشاركتي اهي معانا بالمنتدى

صج يعني عمرها ما صارت مثل الحين وطلعت لها زوائد ماكانت موجوده قبل لا تشترك

 

[ii DareeN ii]

مهي بشاره يختي كلش هذا الي انا خايفه مناااااااااا لمى اهد النادي لو قاعده على المساج ابرك