ماهو شعور الفتاه عندما يراها الخاطب ثم يقول انها لاتعجبني؟

[كراميلا مرة]

رد: Re: ماهو شعور الفتاه عندما يراها الخاطب ثم يقول انها لاتعجبني؟

لعلها خيرة

وجذي أفضل ما عجبوا بعض
البنت يعجبها غيره
والولد تعجبه وحدة ثانية
ما فيها شي ... شرع الله ياحياتي
والخيرة في ما اختاره الله
" وعسى ان تكرهوا شيئا وهو خير لكم "​

بلا حساسيه . اعرف واحد ما بقي بيت ما ادخله وما يعجبه احد وبالخير اعجبته وحده ما بقى واحد ما لعب معاها ولا واحد خذاها بس لعب ............. يعتي خذا الكل عايفها وشابع منها

فالخيره فيما اختاره الله

مافيها شي عادي

مب معناته اذا ما اعجبته انها مب حلوه

بس لان ربي ماكتب لهم نصيب او انها تستاهل واحد احسن منه

احرااااااااااااج لكن بالنهاية بالطقاق
لكن المصيبة انه يروح يقول لرياجيل شفتوا بنت فلان فيها وفيها ....... ومو حلوة ... الخ
والمسكينة البنت تعنس والسبب هالي ما يخاف ربه حرمها من نصيبها

يبووووووووووووووي تحطيم احسه

كسررررررررررررررر بثقتها وما تقدر اي وحده تقول عادي ما يهمني الا يهمها ونص

وحتى الولد لو مر بنفس الموقف بتكسر فيها وياما كسرنا بعيال الناس الله يعينهم

الحمدلله ما قد مريت بهالشي الرفض يجي من صوبنا خخخخخخ بس ترى هذا شي عادي وكل شي نصيب ومافيه زعل

ربي يرزقنا بالازواج الصالحين عاجلا غير آجلا

مشكورين على تواجدكم
ودايما نقول الخيره فيما اختاره الله

 

[زين الوصايا]

احرااااااااج بس بطقاق اللي يطق انشالله يروح ولا يرجع شحقه قااط ويهك ببيتنا لوووول اتهاوش معاه

يعطيج العافيييه بس الريال يعني مراح يتضايق الا اذا كان شافها وحبها من اول نظره والريال مايعيبه شئ
المره حساسه جدا وتشعر بالاحراج راح تتضايق وااايد

اللي الله كاتبه بيصير

 

[الينبوعة]

والله حبيبتي هو الموضوع قسمة ونصيب بس هو الله ما يحبة علمود هيجي عيونة خلتة ما ينعجب بية وامة داعية علية هههههههههههه اذا ما ينعجب على كولتكم طكاك يطكة الله لا يجيب هذا اليوم لاي وحدة الحمدالله والشكر تزوجنا وخلصنا هههههههههه​

 

[*لبيه*]

والله مو حلوه لا بحقه ولا بحقهااا

بس بحقه اكثر لان احس عيب صراحه ..~

مثل ما قالوا البنات حلاتها اول امفهم امه شنو يبي مواصافات بالضبط وتجيب له << هههههه حللووه اتجيب له ..~

ويسلموووووووو حوبي :$

 

[! هُوْ وِينِه !]

بتضآيق حيل من آلدآخل
وبسوي نفسي جدآم آلنآس مو هآمني
لآني مآ آحب آبين ضعفي
حتى لآمي مآ آبينه

 

[اخت واختها]

اى مو المراة لعبه متى ما اشتهيتو قلتولها تغطي ومتى ما اشتهيتو قلتولها قطي وعرضي نفسج جدام الرياييل سوري موضوع الخطبه عندنا كله ما يعجبني لعب بلعب وانتو مع الخيل يا شقرا فكرو خلو عندكم كرامه

 

[Dr.Nouf]

يعطيج العافية على الموضوع المهم يا اخت (كراميلا)

الوضع حساس جدا ومحرج
يعني أكيد راح يسبب إحباط للطرف المرفوض
وممكن يسبب عقدة للأشخاص الحساسين
آنا عن نفسي أرفض فكرة الخطبة التقليدية
يعني لو يكون الشخص شايفني بره أو في مكان شغلي وبعدين يسأل عني ويتقدم لي بيكون وايد أفضل
والاخت Moon-85 أثارت نقطة مهمة جدا
فعلا في ناس ما عندها تقدير وذوق من ناحية إنهم يروحون وما يردون خبر !!

أتمنى التوفيق للجميع ​

بالضبط:bbbiu:

 

[miss.lulu]

بالطقاق طبعا اكيد كل واحد بكيفه يعني ماراح احد يغصب نفسه بهاشي عشان لا يجرح احد مايصير!!!

 

[(كويتيه عسل)]

دفعت مردي والهوى شرقي

 

[راعية الطويلة]

هو أمر محرج للطرفين

بس المفروض الكل حاط في اعتباره هالشي
و مو شرط اللي ما يعجب يعني فيه عيب
بس الناس مختلفة بتفكيرها و أذواقها

تسلمين حبيبتي ع الموضوع

 

[كراميلا مرة]

مشكورين على مروركم الرائع

 

[منار البربرية]

تسحره هذي سوالف بعض حريمنا تشغل سحورتها
هههه امزح

الاكثريه اللي صرفتهم حقدوا علي

واللي ما يبيها درب السلامه

اللي جابه يجيب غيره

والدنيا مو واقفه عليه


خوش موضوووووع

جد لان انا اعاني من العكس في ثنتين حاقدين علينا
ليش رفضنا عيالهم
شالناس وييييع

​

 

[فيونكه..~!]

فيه احــراج بسسس مايهمني اللي مايبيني ماابيـــــه

 

[نوبدي]

احرااااااااااااج لكن بالنهاية بالطقاق
لكن المصيبة انه يروح يقول لرياجيل شفتوا بنت فلان فيها وفيها ....... ومو حلوة ... الخ
والمسكينة البنت تعنس والسبب هالي ما يخاف ربه حرمها من نصيبها

هل الموقف تقريبا مر علي،، يت ام مرت ولد خالتي كانت اتسولف ومن زمان ما شافتنا دخلت جي بدون موعد ولا شي وانا بحكم ما شفتها من زمان نزلت اسلم ،، اخر شي بعد شهور ودهور سمعت كلام وصلني ، هل الحرمه ما اعرف شو اقول عنها ، نشرت انه هي يت تخطبني بس رفضتني لاني متينه ، وطبعا العايله كلها عرفت ريايل وحريم والريايل ما شايفني ابدا بحكم احنا عايله محافظه وايد ، وطبعا اشتهرت على حسابها وفشلتني جدام الكل وهي لا خاطبه ولا قايله لنا شي ،،، ناس اشفقوا علي وناس تشمتت في اهلي انه انا انرفض؟!!!

اخر شي عرست ولدها على وحده لما الاهل سارو العرس قالو لي استريحي انتي الاحلى (يواسوني:d) بس البنت متنت بعد فتره واستوت مثلي؟؟!!! واخر شي طلقها !!


يا ناس بنات الناس مب لعبه ارفضو مثل ما تبون بس لا تفضحونهم منه والدرب؟؟؟؟

 

[كراميلا مرة]

تسحره هذي سوالف بعض حريمنا تشغل سحورتها

هههه امزح ​

الاكثريه اللي صرفتهم حقدوا علي ​

واللي ما يبيها درب السلامه ​

اللي جابه يجيب غيره ​

والدنيا مو واقفه عليه ​

خوش موضوووووع ​

جد لان انا اعاني من العكس في ثنتين حاقدين علينا
ليش رفضنا عيالهم
شالناس وييييع ​

فيه احــراج بسسس مايهمني اللي مايبيني ماابيـــــه

هل الموقف تقريبا مر علي،، يت ام مرت ولد خالتي كانت اتسولف ومن زمان ما شافتنا دخلت جي بدون موعد ولا شي وانا بحكم ما شفتها من زمان نزلت اسلم ،، اخر شي بعد شهور ودهور سمعت كلام وصلني ، هل الحرمه ما اعرف شو اقول عنها ، نشرت انه هي يت تخطبني بس رفضتني لاني متينه ، وطبعا العايله كلها عرفت ريايل وحريم والريايل ما شايفني ابدا بحكم احنا عايله محافظه وايد ، وطبعا اشتهرت على حسابها وفشلتني جدام الكل وهي لا خاطبه ولا قايله لنا شي ،،، ناس اشفقوا علي وناس تشمتت في اهلي انه انا انرفض؟!!!

اخر شي عرست ولدها على وحده لما الاهل سارو العرس قالو لي استريحي انتي الاحلى (يواسوني:d) بس البنت متنت بعد فتره واستوت مثلي؟؟!!! واخر شي طلقها !!


يا ناس بنات الناس مب لعبه ارفضو مثل ما تبون بس لا تفضحونهم منه والدرب؟؟؟؟

مشكورين على تفاعلكم مع الموضوع
وفعلا اللي يقهر اذا الولد او اهله شهروا بالبنت
وحتى لو قالو ا شيء فيها مالهم حق يفضحونها
يمكن يجي لها نصيب افضل من اللي جاها ليش التشهير

 

[برنسس أوراق]

بصرااااااااااااااااحه البنت تزعل وتصير تحس نفسها مووووو حلوووووة اما الولد إذا انرفض يعاند ويحقد عليها ويصير عصبي الا يبي هالبنيه

 

[أماني عمري]

بالأول كنت أزعل و أتضايق بس عقب لا صار ما يهمني و آخر واحد دش البيت من شهرين يمكن و حط عذر سخيف فا قلت دفعة مردي و زين اللي حط هالعذر لأنه بين إنه شخص تافه و سطحي........................................ و الحياة حلوة

 

[نادره في وجودها]

الخيره فيما اختاره الله

هذا شي فيه علامة تعجب اكيد ما رفض الا العيب فيه مو فيني الحمدالله اهم شي اني بنت ناس معروفين ومتربيه تربيه سنعه وسمعتي ولاالله الحمد بين كل الناس زينه

بس حبيبتي تلااااقين ما رفض الااا العيب فيه ولا الناس المعروفين بالسمعه الزينه ما يرفضون

هذا شي معروف من ولادنا ع الدنيا

ومااالك يا ابن ادم عن النصيب

 

[@الليدي لين@]

عشان جذي انا افضل انه الريال قبل لا يروح بيت البنت يكون شايفها بمكان عام مثلا عند دوامها او اي مكان ( يعني يسال عن دوامها وجذي )

 

[Fashion]

ماعندنا هالحركه هذي بس امه شعور خاااااااااااااااااااااااااااااااااايس...