ماهو شعور الفتاه عندما يراها الخاطب ثم يقول انها لاتعجبني؟

[nani88]

انا عاااااااادي عندي .. قدر الله وما شاء فعل

 

[ملاك بنت الكويت]

السلام عليكم ورحمه الله وبركاته
موضوع جميل
الارزاق بيد الله تعالى وفي حاله الرفض للطرفين لعلها خيره وانا اشوفه موضوع عادي الحياه قصمه ونصيب
وشكرا

 

[آدمنت قربككِ]

ممكن تتضايق وتحز بخاطرهاا وتفكر ليش ارفضوو وشنو ناقصني ؟؟!!
بس عاادي يعني مو لدرجه بجي وعزاا
كل شي قسمه ونصييب =))

 

[نجداويه نجد]

بصرااحه شعووور موبس صعب أحسس البنت راح تتحطم من داخلهاا

 

[سنيوريتآ]

شعوور يححطم لكن آلخيره فيممآ آختآره آلله , و قسسمه و نصصيب : )

 

[عيون روحي]

بصراحه بقول طز


ههههههه ذكرتيني بسالفة صارت لي انا مره جوني خطاب ما ارتحت لهم بس جدتي اجبرتني على الشوفة حاولت اني اعترض ماقدرت

بعدين يوم جا خليته غصب يقول ما ابيها استغفر الله بس هههههههه

 

[sara 88]

تصير بالقلب عله وبالخفوق غصه

 

[كراميلا مرة]

مشكورين على تواجدكم

 

[بنوته كيكه]

والله كل شي قسمه ونصيب من ناحيتي هذا شي ربي كاتبه لي لو رفضني
شعوري شوية حزن
هذا شعور بنت
اما شعور الولد والله بقولكم شعور اخوي يوم جا يخطب
بعد مده وفقو وبعدين يوم شافته قالت نو مابيه رفضته

كان اخوي تجيه حاله كله يقعد فكر

 

[الغلا كله لبوي]

شعور صعب ومحرج بنسبه للفتاه وبالاخص اذا كان العمام والخوال يدرون بشي هذا


بس الخيره فيما اختاره الله

 

[ميس المشاعر]

اممممم
بس اقول هالكلمتين
الخيرة فيما اختاره الله
ونصيبي راح يصيبني بإذن الله
واللي راح راح والياآآآآي بيكون أفضل

 

[..<< ندى الورد >>..]

اولا بطبيعع المراه وتركيبها انها حساسه وعاطفيه واكيد بتنجرح وتقول شنو العيب فيني او او او لين تكسر من نفسهاا

ثاانيه : عليها بالرضا بالقسمه والنصيب يمكن الرجل كان في باله شي وشاف فيج شي ثاني مو مخطط له

ثالثا ؛ الشوفه الشرعيه الرسول الكريم صلى الله عليه وسلم وصا فيهاا عشان كل الطرفين يشوفون بعض وماينصدمون بعد الزواج

 

[~ بنت الهدى ~]

عمتي خطبت لولدها و ماعجبتهم بعدين

مادري شنو شعورها بس عورني قلبي عليها احسها انكسرت وتحطمت و انجرحت مشاعرها

 

[Only One]

انا الحمدلله عندي قناعة انه مو موضوع حلوة ولا جيكرة الموضوع موضوع انه الجمال نسبي اللي انا اشوفها حلوة مو شرط اخوي يشوفها حلوة والعكس صحيح يعني مثلا انا احب شكل معين ومو ضروري هالشكل يكون حلو وجميل لكنه بالنسبة لي هالشكل اللي احبه وهالملامح اللي ارتاح لها في البنت مثلا او الريال

فالمسالة مسالة ارتياح ومسالة اذواق ولولا اختلاف الاذواق لبارت السلع

بس هم الواحد ميروح يقول عن بنت الناس ما عجبتني لا يقول صليت استخارة ومارتحت او مو متشجع بس

حتى البنت نفس الشي تقول صليت استخارة وما ارتحت

 

[كتكات احمر]

ارفضوني خمسة والحياة سعيدةة

 

[a7la-elbanat]

صراحه بالنسبه لي للبنت بيكون صعب
اما الريال اكيد بيدور وحده غيرها سهالات يعني

 

[بنوته كيكه]

^^^^^^
تبين الصدق والله الي اشوف البنت اسهل
بس حياة الولد اصعب اقولج ليش علشان كل ماتقدم جه رفض
يعني موت ولا تزوج

 

[جسر الزمن]

احسن شىء انه الخاطب ما يشووفها

 

[أم ناصر93]

والله وايد صعبة ومحرجة للطرفين

قبل سنه كنا نخطب حق اخوي الصغير مع انه كان (مطلق)

مابقى بيت مادشينا وماتعجبه البنت مو نقصان فيهم بس عنده طلب معين وما لقاه فيهم

مع ان الناس تكون شاريتنه وموافقين مبدئياً 00 بس نركب السيارة قال ما ابيها

عقب قلت له بس فشله مو حلوه كل يوم داخلين بيت وكل وحدة احسن من الثانية

قلت خلاص ما راح ادخل على ناس الا لما تكون شايفها برة ومقتنع فيها

والحمد لله لقى البنت اللي يتمناها والله يوفقه000

والله يوفق الجميع وماتنحط بناتنا او اولادنا بهالموقف00


*************


لكم تحياتي

 

[دلع العتبان]

والله عاد خسران اهوه لاني صج فيني جاذبيه والكل يتمناني والحمدالله لووووول برا <

يارب ماانحط بهموقف