ماهو شعور الفتاه عندما يراها الخاطب ثم يقول انها لاتعجبني؟

[NooR ElDenya]

بصراحة صارتلي وايد مو شوية ليما الله كتبلي النصيب
وعرفت ليش الله كتبلي النصيب مع ريلي الحين
الحمدلله
كان شعوري نفس شعورهم انهم ما يناسبوني
وسبحان الله الرفض حتى يصير من داخل نفسي من قبل لا اشوفة
واشوفة رافضني يعني سبحان الله اهيا خيرة للبنت
وسبحان الله كل الي تقدمولي سمعنا اخبارهم منيلة بستين نيلة حمدت ربي ان الله ماكتبلي نصيب وياهم ​

 

[طهر.!]

رد : ماهو شعور الفتاه عندما يراها الخاطب ثم يقول انها لاتعجبني؟

اممممم صارت معاي مره
ولما شافوني كانت مرت اخوي موجوده وقالت لي والله لو اني منهم ما اطوفج < دايم يقولون ويهي فيه برائه :eh_s(22):
وطبعا نشفوا ريجي من الاساله وكنت مستغربه ليش يسالون لان ماكنت ادري انهم بيخطبون ع بالي زياره عاديه
ولما راحوا علموني اهلي وعصصصصبت .. لاني ماحب اني اطلع لناس تشوفني عشان تخطبني احسه مبدئ سخيف ويقلل من قدر البنت .:bbbiu:

المهم انهم شافوني و راحوا من وقتها ماسمعنا شي عنهم لا اتصال ولا اعتذار ولاشي
وتعالي شوفي اخواني وهم يمصخروني يقولون لي انحاشوا الناس :eh_s(2):
اسوي جدام اهلي ان ماهمني بطقاق وهو فعلا ماهمني لكن حزت بخاطري شوي بس اللحين اكبر طاااف


يعطيج العافيه صاحبة الموضوع :eh_s(7):

 

[فراشه]

عادي انا صارت معاي مرتين ما همني بطقاق اهوه الخسران هههههه

 

[lovely_q8]

والله لين الحين مامر على هالشعور ولا شفت خواطيب وان شاء الله انجر ب ومثل مايقولون قسمه ونصيب عادى ويمكن تكون خيرا

 

[كلي أنوثة]

انا راح انصدم و اتضايق اذا كان الشخص عاجبني و ماعجبته
اما اذا مو عاجبني فراح اقول الحمدلله يات منه

 

[جوك احلى جو]

اهو افضل طريقه ان يشوفها من غير ماتدري بدوام او كليه لكن ان يدش البيت بتمقل لا والف لا اصلا مو حلوه هالطريقه لان احس فيها استرخاص للبنت بعدين يسبب احراج لو مابغاها ممكن البنت تقعد تتحسس لان الريال مو شرط يكون سبب رفضه ان البنت ماعجبته احيانا تكون البنت حيل حلوه ومايبيها لان السالفه يالفه قبول وارتياح بين الطرفين لكن محد يبوح بهالشي عشان جذي البنت تاخذها باكثر من تفسير ووتتضايق

 

[mis_dior]

مــع نـــفسسسســـه !!!!

أقوله كيفك محد ضربك على يدك و قالك اعجب فيني ولا لأ...
ألف واحد يتمناني

 

[ام عبدالقادر]

رد : ماهو شعور الفتاه عندما يراها الخاطب ثم يقول انها لاتعجبني؟

الصراحه احسن شى يوصى الحريم بالمواصفات الى يبيها وهم يدوروله اذا لقوله البنت يشوفها وسلاااااااامتكم

 

[كراميلا مرة]

مشكورين على رايكم وتواجدكم

 

[||سمّـني روحك||]

رد : ماهو شعور الفتاه عندما يراها الخاطب ثم يقول انها لاتعجبني؟

قووويه والله

الله يعين من مررت بهالشعور ..=(


​

 

[Nanoosa]

بالنسبة لي اتمنى انا اللي ارفض قبل لا يرفض

لأن اذا رفضني احس بتضايق

بس كيفه اهو الخسران دفعة مردي و الهوا شرجي

 

[زمزم @]

رد : ماهو شعور الفتاه عندما يراها الخاطب ثم يقول انها لاتعجبني؟

ماااعجبته باب يسد مايرد

في الطقاااااق وأكبر طاااف من قلب

ابدا مايهمني إني ماعجبته
لأن فيه غيره واااااايد يتمنون مني نظرة <<<برا يالمغروووورة

 

[قلب أبيض]

بالنسبة لي عادي لو انرفض ومايهمني بشي وأحسها حييييييييل خيرة من ربي

وأحس إن رفضه لي سبب بأن ربي يرزقني بإلي أحسن منه

وحلاته الريال لما بيخطب يشوف البنت بدوامها أو مكان عام عشان يشوفها على طبيعتها واهيا تتكلم وإلا تناقش

ولأن الشوفة بالخطبة بتكون لها هيبة واحتمال يكون فيها تصنع بطريقة الكلام والسوالف

هذا رايي وتحياتي لج صاحبة الموضوع :eh_s(8):

 

[كراميلا مرة]

قووويه والله​

الله يعين من مررت بهالشعور ..=(​

فعلا قويه لانه البنت تنجرح اذا قالها مو عاجبتني
مشكوره على تواجدك

بالنسبة لي اتمنى انا اللي ارفض قبل لا يرفض

لأن اذا رفضني احس بتضايق

بس كيفه اهو الخسران دفعة مردي و الهوا شرجي

تكون خيره
مشكوره على تواجدك

ماااعجبته باب يسد مايرد

في الطقاااااق وأكبر طاااف من قلب

ابدا مايهمني إني ماعجبته
لأن فيه غيره واااااايد يتمنون مني نظرة <<<برا يالمغروووورة

خخخخخخخخخ الله على الثقه
مشكوره على تواجدك

بالنسبة لي عادي لو انرفض ومايهمني بشي وأحسها حييييييييل خيرة من ربي

وأحس إن رفضه لي سبب بأن ربي يرزقني بإلي أحسن منه

وحلاته الريال لما بيخطب يشوف البنت بدوامها أو مكان عام عشان يشوفها على طبيعتها واهيا تتكلم وإلا تناقش

ولأن الشوفة بالخطبة بتكون لها هيبة واحتمال يكون فيها تصنع بطريقة الكلام والسوالف

هذا رايي وتحياتي لج صاحبة الموضوع :eh_s(8):

هذا افضل شيء عشان مايصير حساسيه
مشكوره على تواجدك

 

[صمت المرافئ]

رد : ماهو شعور الفتاه عندما يراها الخاطب ثم يقول انها لاتعجبني؟

لعلها خيرة
وجذي أفضل ما عجبوا بعض
البنت يعجبها غيره
والولد تعجبه وحدة ثانية
ما فيها شي ... شرع الله ياحياتي
والخيرة في ما اختاره الله
" وعسى ان تكرهوا شيئا وهو خير لكم "
​

 

[ما كو اسم]

بلا حساسيه . اعرف واحد ما بقي بيت ما ادخله وما يعجبه احد وبالخير اعجبته وحده ما بقى واحد ما لعب معاها ولا واحد خذاها بس لعب ............. يعتي خذا الكل عايفها وشابع منها

فالخيره فيما اختاره الله

 

[رهيبة قطر]

مافيها شي عادي

مب معناته اذا ما اعجبته انها مب حلوه

بس لان ربي ماكتب لهم نصيب او انها تستاهل واحد احسن منه

 

[بنوتة كول]

احرااااااااااااج لكن بالنهاية بالطقاق
لكن المصيبة انه يروح يقول لرياجيل شفتوا بنت فلان فيها وفيها ....... ومو حلوة ... الخ
والمسكينة البنت تعنس والسبب هالي ما يخاف ربه حرمها من نصيبها

 

[معلمة شيسمونه]

يبووووووووووووووي تحطيم احسه

كسررررررررررررررر بثقتها وما تقدر اي وحده تقول عادي ما يهمني الا يهمها ونص

وحتى الولد لو مر بنفس الموقف بتكسر فيها وياما كسرنا بعيال الناس الله يعينهم

 

[ضايعة بدنيتي]

الحمدلله ما قد مريت بهالشي الرفض يجي من صوبنا خخخخخخ بس ترى هذا شي عادي وكل شي نصيب ومافيه زعل

ربي يرزقنا بالازواج الصالحين عاجلا غير آجلا