تعالو قولولي...............زليش تنامون ببيوت اهاليكم؟

[brettey]

انا ما احب انام عند اهلي لان الصراحه كله مشاكل ارتاح بالنومه في بيتي مع انهم جم مره يحنون عليي بس ماكو راحه امي تناجر خدامتي وحيل عصبيه الله يهديها وخواتي هم ساعات يناجرون الصراحه ما ارتاح كلش عندي اختي الكبيره كانت تنام وايد عند اهلي بس هم الحين صارت لها كذا مشكله مع خواتي وهم امي تناجر خدمها فبطلت الحين
الناس يدورون الراحه في بيت اهلهم لكن انا لي النكد والله احاتي اشلون بتنفس عندهم امس اسولف مع اختي الكبيره قالت لي شفتي الوضع زين كملي شفتي مشاكل قعدي اسبوعين وروحي بيتج احسن

 

[*^^حرم الدكتور^^*]

انا مرااات انام ببيت اهلي اذا ريلي عنده خفارة أو بسافر (و يا كثر سفراته) او انه بينام مع ربعه بالشاليه ( وهذا نااادر ما يصير) بس اذا صار لأي سبب من الاسباب و اضطر ينام بره البيت اهو يوصلني بنفسه بيت ابوي يقولي لا تنامين مع اليهال بالشقة بروحج اقعد احاتيج يعني اهو اللي يطلب مني اروح انام ،، صج اني اخاف انام بروحي و صج اني ساكنة بشقة منفصلة ببيت اهله بس هم ماااااااا حب انام بره شقتي احس جني لاجئة حتى لو ببيت ابوي سبحااااان الله تعودت انام بفراشي (بشقتي) يم ريلي >> يقولون المرأة بعد العشرة ما تقدر تنام الا يم ريلها و تكون مبرمجة على ريحة جسمه ترا هذي معلومة طبية >> سوري طلعت بره الموضوع

الخلاصة : ما أؤيد ان الزوجة تنام ببيت اهلها اذاااا زوجها موجود بالبيت حتى لو مو موجود بعد !!

يعطيج العافية و اعذريني عالاطالة

 

[جميله وجذابه]

ماشوف فيها اي اشكاال أبد !!


بس مو داايما بين فتره وفتره .. خير الامور الوسط


ليش مشتطين حيل عالموضوع ؟... واذا عالملابس داري موجوده وملابسي وأغراضي وكل شي لك الحمد ..

وما أقول الا يـا زيـنـــه من صبــآآح اللي بصبح فيه بوجه الغالي والغاليه لا عدمتهم جعلني أروح فدوه لـ مآطاهم

اصبح بويوه اهلي ليش ما اصبح اقوم من الصبح و ادق سيارتي سلف واروحلهم و حتى احيانا انا الي اصحيهم من النوم





بس صج ... عفيه قلوب عليكم ما تنامون عند اهلكم سنييييين ...وااااااي شنو انتوا ؟؟

هاهاهااااااااااااااااااااااااااااااااااااا مت من الضحك حبوبه انا يوميا تقريبا عند امي و يمكن انا اشوف امي اكثر من الي تروح تنام بس بالويك اند انا يوميا اروحلها و اروح من الصبح وما اطلع الا واهي نايمها يعني وقت النوم شالفايده واحنا نايمين بنسولف بالحلم مثلا؟!

ما تحنون على حضن امهاتكم ؟؟ ما تشتاقون لسوالفهم وسهرهم ...؟؟
حضن امهاتنا لوووووووووووووووووول ليش احنا اكو دادا انام ابحضن امهاتنا و يعطونا مميه و مصاصه:eh_s(6): و من ناحية السهر علطول نسهر عند الاهل و نسولف الين نقول بس يعني ما نسولف و نسهر الا بالنوم عندهم؟
الزواره غير وطعم النومه غييير !! شي ثآآني

ممكن تفسريلي شنو اهو الطعم الي غير؟؟
ما تحس فيه الا اللي صج ترتاح بـ بيت اهلها ..

اذا انتي راحتج ببيت اهلج انا راحتي فبيتي و عند زوجي مو بحضن ماما ههاهاهااااااااااااااااااااااااااا والله ردج موتني ضحكككككك

 

[خليجيه وافتخررر]

الاختلاف بالراي لا يسبب بالود قضيه

 

[نـــووونـــا]

في بيت حمولتي فالنومه عند أهلي ليلة كل 3 أسابيع أو كل شهر مره ماتضر بالعكس تخلي الواحد يفك شوي عن الثاني


.


.


.

 

[om...al3ess]

انا مااااااااااااا افكر لووو مجرد تفكير ............اني انام برى البيت ولا اووخر عنه ثوووواني وانا مااا ايد ان الوحد اتنام عشان يشتاااقون حق بعض لا حبيبتي بالعكس راح اتصير عنده عادة واهوا يطلعلا بطلعة يديدة

 

[تعويذه الحب]

بالعكس
من خلال تجربتي
لمن أرد يشتااااقلي جنه توني متزوجه

اول شي الله يهينيكم ويتمم عليكم يمكن انتوا هالشي عادي عندكم او طبع فيكم ان تتركون بيتكم وتنامون بره

بس انا بالنسبه لي مستحيل انام بره مره وحده نمت بيت اهلي لان ابوي كان مسافر مع خواني وامي كانت بروحها

الساعه 12 يه ريلي نام عندنا يقول شلون حريم تنامون بروحكم وهالشي لانه متعود على وجودي بالبيت

 

[!الجادل الصعب!]

يماااا يماااا يا زين بيت آهلي .. مآقدر اطوف جمعتنا انا وخواتي اسبوعيا ..

شنو ما تنامون .. مقابلته طول الاسبوع ما تملون ..!

 

[جميله وجذابه]

يماااا يماااا يا زين بيت آهلي .. مآقدر اطوف جمعتنا انا وخواتي اسبوعيا ..

شنو ما تنامون .. مقابلته طول الاسبوع ما تملون ..!

اشدعوه زوجي بمل منه! اذا زوجي بمل منه و ممل و ما اقدر استحمل اكمل اسبوع اجابله واروح انام عند اهلي عيل ليش متزوجين و ليش ظاله معاه؟

انفصل منه و اقعد عند اهلي اقولهم زوجي ممل و بيت اهلي اونس واريح خخخخخخخخخخخخخ

الحمدلله ان زوجي مو ممل ولا عمري مليت منه و من القعده عنده و اذا ملينا من الروتين انسافر انا معاه والا انأجر شاليه و انروح نغير جو و نستانس عسى الله لا يحرمني منه

 

[الجود دهن العود]

يماااا يماااا يا زين بيت آهلي .. مآقدر اطوف جمعتنا انا وخواتي اسبوعيا ..

شنو ما تنامون .. مقابلته طول الاسبوع ما تملون ..!

الله يخليلج خواااتج بس انا مو معااج اسبوعيا لا والله خلاص بيتي اهم
واهلي ازورهم

 

[أزهااار]

انا عن نفسي عودته من كنت عروس اني اذا قالي لا تنامين اقول اوكي
بس نادرا اناااااام اذا في اسباااااااااااب
لانه تعود

 

[أم ورود الحلوه]

نفاس ويالله ابلعه بعد ,,,,,,,,,,
يامعوه الوحده ماتصدق تتزوج تلقى ريال تجابله
....

 

[A7la-SmiLe]

بالنسبه لي يمكن غير
اداوم بقطاع خاص ونفس الشي ريلي وماعندي عيال انا يخلص دوامي عال 5 وريلي 8
ومااشوف اهلي الا كل ويك اند !! انام ليله عندهم كا اسبوع
ليش اني مااسوق !! لو اسوق جان بين يوم وترك ازورهم واليمعه تكون زوارتي وماانام بس علشان هالسبب
فأعوض بنومة هالليله ,,


وبالعكس حلوة النومة ببيت الاهل واليمعه

 

[Stylista_Q8]

والله حبيبتي مدام هو راضي وهي راضيه ومافيه مشاكل ابد مايمنع ان تنام بيت ابوها

انا مرات اشتااق حق أمي حبيبتي أنام وريلي يرضي عادي
ويعني الي بسوي خرابيط ما اييله الشيطان الا وانا في بيت ابوووي ؟!
لأ أكيد الي عنده خرابيط يخربط ومايهمه أحد
والريال الي يخاف الله ويخاف علي بيته وحياته الزوجيه لو تهده اسبوع مايخربط

أنا معآها بصرآحة

يعني وقفت على يوم وآحد ؟

اللي بيخربط ،، بيخربط يعني مو واقفه على انه مرته موجوده ولا لا :080402ask_prv:

 

[شووكولاته]

بالشهر مره بالشهرين كتغيير ممكن لكن كل اسبوع دوام عندد اهلي

موحلو

لازم تعودين زوجك مايعرف ينام الا انتي يمه حتى اذا سافر مايحب يطول مايعرف ينام بدونك وبيتعود عليج اكثر ويلصق فيج

 

[SaD FaCe]

يا حلوه اذا انتي اتشوفين ان تفكير الي تعارض فكرة النوم عند الاهل عجيب احنا انشوف تفكيرج اهو الأعجب!!!!!!

و رفضي لفكرة النوم عند الاهل ما اقصد منها مسألة عدم الثقة بالزوج و كلامج صحيح الزوج اذا يبي يخربط يخربط حتى بفترة الدوام او واهو يمي بالغرفه و ما فينا وحده مجابله زوجها 24 ساعه ليش زوجي بطالي ما عنده شغل وانا ما عندي شغل انجابل بعض و نقعد؟ لو تشوفين جدولنا تلقينا مليان ليل نهار مشغولين يعني ما نتقابل الا فترة بسيطه عرفتي

بس الغلط بالفكره مو حلو هاده زوجي بالبيت وانا رايحه نايمه عند اهلي بدون سبب ليش؟ ليش اخليه بروحه ينام بالبيت لا حنيس ولا ونيس بين اربع اطوف يمكن يبي شي يمكن يبيني شيسوي يطق راسه بالطوفه!
الا اذا كان رايح نايم بشاليه مع ربعه والا مسافر هذا شي ثاني بس اخليه بروحه بالبيت من غير سبب احس ما عندي سالفه واذا انتي نوعيتج اتملين من بيتج ومن زوجج في غيرج بالعكس مو حاسين بأي ملل و الراحه يلقونها فبيتهم و عند ازواجهم بس و ما يرتاحون من النوم باي مكان ثاني حتى عند الاهل و هالشي يعني يعتمد على شخصية الوحده

انا اذا بكسر الروتين احجز شاليه او اسافر انا وزوجي خنت حيلي و وناستي معاه ما استانس الا لما اشوفه يمي الله لا يحرمني منه

انا ما اخلي ريلي بروحه وحتى لو بنام بيت اهلي يقعد معاي :** ويروح ينام على طول شفيها يعني ؟؟؟ وافرقت على ليله وحده كل شهر ولا بالشهرين ولا بالثلاث !!

تغير الجو مع الاهل غير والسهر معاهم غير بعد واذا انتي مو حيل مع اهلج هذا شي ثاني لان انا حيل معاهم :tek:

 

[ام بديير]

انا انام عند اهلي اذا كان دوامه ليل ..

(جميله ووجذابه) كل وحده وجهت نظرها

ساد ريلاكس لوووووووووول

 

[SaD FaCe]

ام بدييير

شسوي يختج لووول

لان اشوفه شي عادي لا اهيه جريمه ولا عيب ومو ريال اللي ينطر طلعه مرته عشان يخربط ..!

بس اللي تزودها كل ويك اند هذي كلش مو حلوه برايي ..! هني صج يتعود بس اللي بالشهر ولا الشهرين لا والله شكو يتعود اصلن !

 

[SaD FaCe]

ام بدييير

شسوي يختج لووول

لان اشوفه شي عادي لا اهيه جريمه ولا عيب ومو ريال اللي ينطر طلعه مرته عشان يخربط ..!

بس اللي تزودها كل ويك اند هذي كلش مو حلوه برايي ..! هني صج يتعود بس اللي بالشهر ولا الشهرين لا والله شكو يتعود اصلن !

 

[منيتي اسعده]

وااااااي بنات ليش جذي ردودكم
انا اشوف ان اهلج لهم حق عليج
وانا بصراحه كل اسبوع انام يوم عند بيت اهلي
كل خميس
وي ياحلاه يمعتنا السهر بليل مع خواتي
والريوق الصبح اصبح بويه الغاليه
وبجذي تعطين ريلج فجه وانتي تاخذين فجه
وتردون مشتااااااقين لبعض
انا مع النومه ابيت الاهل
<<< عرف عند اهلنا البنت تنام كل اسبوع عند اهلها هههه
وانا مستغربه عبالي كل الناس نفسنا