تعالو قولولي...............زليش تنامون ببيوت اهاليكم؟

[فلافل وبطاط]

يعني السالفه صج حدها مو شي ... وما لها داعي ..

بس مرات الوحده تضطر .. مثل ما قلتوا دوام ريلها او سافر او نفاس ...

ماتقدر تظل بروحها في شقتها .. تتملل او صار ما صار ماعندها احد ..

أنا بيت اهلي بعيد عن بيت اهل ريلي وبما اني ساكنه معاهم ... مرات يتأخر بالليل وما يقدر اييني فاتنازل واقوله خلاص انام عند أهلي ..

وارد ثاني يوم الاقيه بالعكس مو نايم ومشتاق لي ..

ومرات هو إيي ينام معاي ... ونرد ثاني يوم ...

وحاليا انا عند أهلي لان دخلت التاسع ومافي أحد بكون عندي ..

يعني الوحده تكون مضطره تنام ...

 

[أعترفلك]

بالعكس انا انام في بيت اهلى وارجع مشتاقه واهو مشتاق لي


مو حلو تلزقين بالريال ليل نهار

 

[::كيك وعسل::]

اهيا حلوه مو حلوه
كل شخص وظروفه
...

 

[العفاسيه]

انام عند اهلي لاني اشتاق لهم واهلي عادي

ومنها يشتاق لي زوجي ونجدد شوي مو كله لازقين فبعض

 

[خليفة العظماء]

بوجهت نظري كلامج مو صحيح
طبعا ألى اذا كانت الوحده تنام أبيت أهلها بخبال وبدون اي سبب
انا وحده من الناس ما ألقا راحتي الى عند أهلي وعند أمي فكل سبوع أنام عند أهلي وهوا يطلع مع ربعه فأثنينا نغير جو ونشتاق لبعض ونرتاح نفسيا عن جو البيت ونبعد الملل

 

[+بسبوسة+]

لا وبعدين ماتبي يكلم ويسولف مع غيرها

حبيبتي الليل طويييييييييييييييييييييييييييييييييييييييييييييييييييييل ولا تخلين ريلج يصير بعدج عادي عنده
عيل خل يسافر بالويك اند اذا انتي اصلا مو موجودة بالبيت!!!


واللي يقهرني اكثر حتى اليهال يتعودون بالويك اند يطلعون ويتمشون مع خالاتهم والابو عايش جو
اقل مساوؤه...مافي مسؤولية والاتزام والمرأة بدال لا يصير جو رومانسي بالويك اند توفر طاقتها لاهلها!!




مشكورة على الموضوع؟.انا من قلب منقهرة لان رفيجتي دوم عند اهلها بالويك اند وريلها من سفرة لسفرة

 

[اسرااار]

منو فينا مايحب بيته ..كلنا نحب بيوتنا طبعا ...بس ياخي الوحده كلش موزينه ..والرجال بطبعه مايحب القرقه وايد..اسبوع متقابلين ,,شفيها لو الوحده فينا غيرت جو شوي ..بعدين قعدت الاهل حلوه سوالف وسهر وضحك ...انا عن نفسي انام عند اهلي ..وارجع لبيتي فرش ومزاجي عال...وزوجي يشتاقلي اكثر من الايام الي اكون عنده ...

 

[ريماس77]

ترفض بشده النوم بيت اهلي لانه ماله داعي كلش

 

[مسك الامرة]

انا اايد نشيطه الواحد شوي يفج عالثاني

 

[يمي يمي]

بعد خلاص تزوجتي نامي ابيتج

 

[يمي يمي]

انا اعرف وحده كل ويك ايند عند اهلها
والنفاس تظل خمسين يوم تقوووول عشان يشتاقلي اكثر
صار زوجها يتضايق من قعدتها بالبيت وتحسفت

 

[SaD FaCe]

امبيه بعض البنات من صجهم لوووووووووووووووول

يعني اذا جابلتيه 24 ساعه ماراح يخربط ....؟؟؟


يا حبيبتي الريال لو حط في باله الخرابيط راح يخربط حتى لو كان بغرفة نووومه ماراح يهمه مرته موجوده ولا لأ ..!

وبالعكس النومه عند الاهل شي حلو وتغير عن الروتين الملل ..!

بس مو تزودها

يوم واحد كل اسبوعين كافي او كل ما ملت من شقتها راحت نامت عند اهلها يوم !!

خو اهلها مو ناس من الشارع !


صج صج تفكيركم عجيب

 

[حبـ admant ـك]

انا من معارضين النومه عند الاهل
خلاص البنيه راحت و تزوجت تروح تنام عند اهلها ليش
ماحس ان له داعي
انا كلش ما نمت عند اهلي الا في النفاس بس

 

[ملكة الأسطوره]

انا من ناحيتي أأيد للأسباب معينه مثلا انا زوجي دواامه شفتات يستلم يووم كامل وساعات 3 ايام اروح فيها لبيت أهلي انام
وفي الويك اند يرووح عند ربعه انا اروح لجمعة اهلي بس ارد معااه بالليل والاسباب اللي ماأأيدها النومه اللي مالها داعي واذا كان
الزوج ماعنده شي ليش اتركه برووحه وانام عند اهلي اكون موجوده يمه هذا من رأيي ....

 

[جميله وجذابه]

امبيه بعض البنات من صجهم لوووووووووووووووول

يعني اذا جابلتيه 24 ساعه ماراح يخربط ....؟؟؟


يا حبيبتي الريال لو حط في باله الخرابيط راح يخربط حتى لو كان بغرفة نووومه ماراح يهمه مرته موجوده ولا لأ ..!

وبالعكس النومه عند الاهل شي حلو وتغير عن الروتين الملل ..!

بس مو تزودها

يوم واحد كل اسبوعين كافي او كل ما ملت من شقتها راحت نامت عند اهلها يوم !!

خو اهلها مو ناس من الشارع !


صج صج تفكيركم عجيب

يا حلوه اذا انتي اتشوفين ان تفكير الي تعارض فكرة النوم عند الاهل عجيب احنا انشوف تفكيرج اهو الأعجب!!!!!!

و رفضي لفكرة النوم عند الاهل ما اقصد منها مسألة عدم الثقة بالزوج و كلامج صحيح الزوج اذا يبي يخربط يخربط حتى بفترة الدوام او واهو يمي بالغرفه و ما فينا وحده مجابله زوجها 24 ساعه ليش زوجي بطالي ما عنده شغل وانا ما عندي شغل انجابل بعض و نقعد؟ لو تشوفين جدولنا تلقينا مليان ليل نهار مشغولين يعني ما نتقابل الا فترة بسيطه عرفتي

بس الغلط بالفكره مو حلو هاده زوجي بالبيت وانا رايحه نايمه عند اهلي بدون سبب ليش؟ ليش اخليه بروحه ينام بالبيت لا حنيس ولا ونيس بين اربع اطوف يمكن يبي شي يمكن يبيني شيسوي يطق راسه بالطوفه!
الا اذا كان رايح نايم بشاليه مع ربعه والا مسافر هذا شي ثاني بس اخليه بروحه بالبيت من غير سبب احس ما عندي سالفه واذا انتي نوعيتج اتملين من بيتج ومن زوجج في غيرج بالعكس مو حاسين بأي ملل و الراحه يلقونها فبيتهم و عند ازواجهم بس و ما يرتاحون من النوم باي مكان ثاني حتى عند الاهل و هالشي يعني يعتمد على شخصية الوحده

انا اذا بكسر الروتين احجز شاليه او اسافر انا وزوجي خنت حيلي و وناستي معاه ما استانس الا لما اشوفه يمي الله لا يحرمني منه

 

[bent_7awa]

ماشوف فيها اي اشكاال أبد !!


بس مو داايما بين فتره وفتره .. خير الامور الوسط


ليش مشتطين حيل عالموضوع ؟... واذا عالملابس داري موجوده وملابسي وأغراضي وكل شي لك الحمد ..

وما أقول الا يـا زيـنـــه من صبــآآح اللي بصبح فيه بوجه الغالي والغاليه لا عدمتهم جعلني أروح فدوه لـ مآطاهم





بس صج ... عفيه قلوب عليكم ما تنامون عند اهلكم سنييييين ...وااااااي شنو انتوا ؟؟


ما تحنون على حضن امهاتكم ؟؟ ما تشتاقون لسوالفهم وسهرهم ...؟؟


الزواره غير وطعم النومه غييير !! شي ثآآني

ما تحس فيه الا اللي صج ترتاح بـ بيت اهلها ..

 

[الشموخ**]

ما ادري شلون اوصلج المعلووومه .. الناس اراء وظرووف .. انا عكس رايج لان حياتي غير عن حياتج
يعني اناا مثلا مو موظفه ((مع العلم ان عمري21)) زوجي مايحب يطلع وانا موجوده بالبيت ((وطبعا هالطبع يرفع ضغطي مايخليني اخذ راحتي ويجربني بوقت ابي اطلع مع خواتي اقعد عنده عشان اهو فاضي)) فتلقيين طول الاسبوع مقابلين بعض ونهايه الاسبوع الكل يطلع انا اروح بيت اهلي برضا وهو يطلع مايحاتيني واحسن عشان نشتاق لبعض..
و بيت اهلي قريب من شقتي وعندي خواتي نحب الطلعات ونحب السهر والجمعات

 

[Sweetq8]

هههه ياسلام شنو اذا نمنا عند أهلنا عادي الوحده تبي اتريح أعصابها تقعد مع اهلها تسهر مع خواتها أنا وحده لاااازم كل جمعه أنام عند أهلي فديتهم والله وزوجي تعود هو بعد يبي يسهر مع ربعه حرام طول الاسبوع من 11 هو بالبيت من حقه يغير جو واذا رجعت رجعت ريفريش ومشتاقتله ومشتاقلي شنو بجابله طوول الوقت نبي بريك ويسلمووو

 

[شامبو]

زوجي ما يخليني انام برا البيت

ما يعرف ينام بروحه

 

[أو عبوش]

بالنسبه لي حاليا اطلع من دوم اوصل البيت قريب الساعه 3 العصر على مايرتاح شويه ويقوم يالله بالكثير نقعد مع بعض مع عيالنا ونسولف ونلاعبهم كم ساعه بس هذا اذا مافي مشاغل......

فمن ناحيتي احس الويك اند نرتاح فيه ونشوف بعض.... وهم مايمنع ازور اهلي بيتهم قريب تقريبا كل يومين اتقهوى وارجع بيتي