تعالو قولولي...............زليش تنامون ببيوت اهاليكم؟

[سنيوره قمر]

والله صادقه خاصه
الي كل ويك اند تنام بيت اهلها

 

[شمس 20]

واذا نامت عادي شنو ماتنام عند اهلها تشوف امها خواتها خلاص شنو هالرجال اللي ينسيني اهلي عادي

تيتك ايزي

 

[..البندري..]

انا احب انام عند اهلي بس مو كل اسبوع فترات لاني والله اشتاق للقعدة مع امي الصبح
الله يخليها لي

 

[Sparkle]

http://www.q8yat.net/showthread.php?t=637813

 

[ام ريونتي]

انا اشوفها عادي بس اذا كل 3شهور مره اي انا اول ماتزوجت ريلي كان دوامه شفتات قبل يروح الدوام اخليه يقطني وثاني يوم واهوا راجع يمر ياخذني او انا اروح بروحي الحين لا صرت انام يمكن بالسنه حسنه بس مايصير الوحده كل ويك اند تروح تنام عند اهلها

 

[انوثة مراهقه]

لا انام عند اهلي ولا شي بوقت اللي يكون فيه مشغوول اروح بيت اهلي انما انام لا ... جذي انا بعوده على فراقي بالفراااش
وبعدين من طلع من داره قل مقداره هذا اللي اعرفه...

 

[" ميــــــنو "]

كلامج عدل ..


بس في اوقات الوحده تحتاج تنام ببيت اهلها يعني فترة نقاهه او عشان زوجها يشتاقلها ..

يعني مره بالشهر مو بالاسبوع مرتين او اكثر ترى حدهاا مصاااخه اذا تبين بيت اهلج ليش متزوجه ؟؟!!

 

[بحر الذكريات]

انا اول عرسي كنت كل اربعا وخميس انام عند اهلي

بس لام زوجي دايما يسافر وانام عند اهلي قمت كله انام بشقتي ولما حملت قعدت ببيت اهلي والحين رديت لزقت ابوجهه

والخميس هذا سهران عند ربعه ل5 الصبح وانا ببيت اهلي انطره يجيبني ولما جابني يتحلطم مالح خلق يقول ليش ماتنامين خميس وجمعه عند اهلج نفس حريم ربعي كاااااااااااك لاعت جبده مني قلت كيفي بنام ابشقتي

 

[بطة رشيقة]

ما انام عند اهلى الا اذا ريلى راح الدوام وهالشى يصير تقريبا بالاسبوع مره ما احب اقعد بروحى واروح اونس امى لان قاعده بروحى واذا اهو هنى لالا مستحيل اروح صح ما احب صج ساعات اتعب وانام قبله بس اسمى موجوده بالبيت واذا يا احس فيه واقوم اشوووفه اذا يبى شى .. واكيد الوحده لازم ما تخلى ريلها بروووحه يوم كامل علبووو كسر روتين فى وقت ثانى نكسر الروتين فيه ...

 

[جميله وجذابه]

انا ما اخلي ريلي بروحه وحتى لو بنام بيت اهلي يقعد معاي :** ويروح ينام على طول شفيها يعني ؟؟؟ وافرقت على ليله وحده كل شهر ولا بالشهرين ولا بالثلاث !!

تغير الجو مع الاهل غير والسهر معاهم غير بعد واذا انتي مو حيل مع اهلج هذا شي ثاني لان انا حيل معاهم :tek:

اشهالكلام اختي ليش تفسرين الامور على كيفج ( ان بعض الظن اثم ):0bee2e8d89:

يعني علشان انا ما انام عند اهلي صرت مو حيل معاهم ( استغفر الله العظيم )

روحي الله يرضى عليج و يهديج و روحي اقري ردودي اذا انتي تنامين عند اهلج بس بالويك اند انا يوميا ازورهم و يوميا اطلع او اسهر معاهم

و بسئلج يعني الحين البنات الي ما ينامون عند اهلهم كلهم مو زينين معاهم؟

 

[عشق موالي]

مانام في بيت اهلي لو حتى كان زوجي مسافر بس مره نمت لليله

واحس انه حلو الوحده اتنام في بيت اهلها مره كل شهرين اوثلاثه بس انا ماتعودت اخلي زوجي

واشوف اخت زوجي كل اسبوع اتنام عند اهلها لان زوجها شغله شفتات ووقت مايرجع ينام هي تجي بيت اهلها

والمشكله انه تعود على الهدوا وهو من النوع الي يحب النوم فما يعرف ينام وزوجته وبناته موجودين عنده وصار اتكالي كل شي يقول ليها خلي اخوانج

يعني مرات استغرب يكون موجود معاها في البيت وخوانها هم الي يودون ويجيبون

 

[جميله وجذابه]

رفع

 

[آلزينْ مُلكيْ]

جميييله انا نفسج لوول

مآ آعرف آنآم الا يم ريلي
ومن تززوجت نمت يمكن 2 لـ ظروووف (شغل او لما اكون مريضه)
وآهلي عالطوول ارووحلهم وساعات كل يوم
شقتي قريبه منهم ..،
لما تعودت على شقتي وقمت اقعد فيييها
وريلي يستاانس لما يرد ويشوفني موجوده ..،

 

[SaD FaCe]

انا ما قلت مو زينين قلت مو حيل معاهم في فرق!
وانا وريلي 24 ساعه مجابلين اهلي الله يخليهم لنا

 

[مـيـراس]

صاجه

 

[..البندري..]

سبحان الله قبل استغرب من اختي تقول انامااحب انام الا بيتي اقول هذه مو صاحية

اللحين صرت نفسها اذا احلفت علي اختي اللي اصغر مني انام عند اهلي تلقيني سهرانه طول الليل والصبح اطق الباب على زوجي يفتح الباب وهو مخترع يقول فيكم شي ماالومه راده البيت الصبح

اللحين تعود اذا نمت عند اهلي يشيل المفتاح من الباب علشان اقدر افتحه

 

[مفتاح التجوري]

اختي رفيجتي كانت من ليلة الثلاثاء عند اهلها
و ترد السبت بليل
كانت مشاكل مع اهل زوجها بس لما صارت بروحها
صارت اربعا خميس و جمعه بليل اترد
و حمدالله ترى مهما يكون انحن حق بيت اهلنا
البيت الي ربانا و لفانا

 

[ريري1]

يا جماعة خفوا عن رياجيلكم بسكم لزقه روحوا تنفهوا شوي
يعني خايفين عليهم من الخيانة هم يقدرون يخونون وأنتوا في البيت
انا عن نفسي مااصدق أروح وأنام أصلن احلى حزه باليل مع الخوات حليب شاي وسوالف للفجر.
يعني عشت عمري كله عند أهلي وتعودت عليهم
أتزوج بعد ماأنام أحس كني مثل الهنديه لتزوجت اللي نشوفهم بالأفلام.

 

[سمبتيكا ~]

ليش اشفيها عادي ؟!
من عرفنا الدنيا واحنا كل خميس وجمعه ننام مع امهاتنا في بيوت جداتنا
وكبرنا وتطبعنا من آطباع آهلنا ..
مدري الموضوع غريب شوي شنو فيها إذا نمنا في بيت اهلنا
يعني ولامره فكرت آسأل نفسي هالسؤال ؟!
آنا ماشوف آنه ممكن يكون آكثر من ( عـادات وتقالـيد )
وعساها ماتنقطع إن شاءالله ، آللهممممممم آمييييييين ~

اللي لازقين بريياليهم 24 ساعه فجوا شوووي :d
​

 

[nezgha.85]

والله انا من رايي عادي الوحده تنام ابيت اهلها مو شرط كل اسبوع بس بين فتره وفتره تنام عندهم تريح وانا عن تجربه لي رديت يوله علي ويشتاق لي والريال اللي بخربط ما يرده إذا كانت مرته عنده ولا مو عنده واللي ما يخاف ربه والله مو مرته يمه يقدر يسوي اللي يبيه ..